Fréttablaðið - 23.03.2010, Blaðsíða 28
23. MARS 2010 ÞRIÐJUDAGUR8 ● farsímar
Á fyrstu árum GSM-símanna voru
þeir gjarnan tengdir við „önnum
kafna viðskiptamógúla“ og tók það
marga smástund að venjast því að
sjá fólk tala í GSM-síma úti á götu
eða í biðröðum.
Þannig bárust fólki oft skemmti-
legar og spaugilegar sögur til
eyrna og Víkverji hafði tvær
þeirra eftir í pistli árið 1995 þar
sem hann segir frá manni sem stóð
í biðröð í banka og átti athygli allra
þeirra sem einnig biðu því hann
gaf skipanir um viðskipti og millj-
ónakaup hægri vinstri í símann á
meðan allir biðu. Flestir hrukku
því í kút, og ekki síst hann sjálfur,
þegar síminn hans fór skyndilega
að hringja í miðju „samtali“. - jma
Símamont í
bankabiðröð
Margir vændu GSM-símnotendur um
sýndarmennsku á fyrstu árum símanna.
● LEIÐBEININGAR
Fyrst þú heyrnartólið tekur
og berð það upp að eyra …
ef að enginn heyrist sónn
bilaður er telefónn
Styður síðan fingr‘á skífu
og stafinn fyrsta velur,
síðan snöggt til hægri snú
og hana nú.
Svona ortu og sungu þeir Halli
og Laddi upp úr notkunar-
leiðbeiningum sem árum saman
voru prentaðar fremst í síma-
skránni. Með skífusímunum kom
nefnilega sú nýjung að taka tólið
fyrst af og hringja svo. Á fyrstu
símunum hékk heyrnartólið á
krók eða lá á kló meðan hringt
var. Síðan var það tekið af, hallóað
og kallað nafn hússins eða bæj-
arins sem hringt
var í.
● MARGT GERT FYRIR GEMSANN Mörgum er enn í
fersku minni þegar Verslun Antons Skúlasonar í Austurveri auglýsti
frían GSM-síma fyrir þá sem mættu allsberir í búðina árið 1995.
Um tuttugu karlmenn mættu á Adamsklæðunum og fengu
tíu þeirra gefins síma eins og lofað hafði verið. Hinir þurftu hins
vegar sárir á braut að hverfa og bárust Neytendastofu kvartanir
frá nokkrum þeirra sem vildu að auglýsandinn stæði við orð sín. Í
kjölfarið komst Samkeppnisráð að þeirri niðurstöðu að auglýsingin
hefði verið villandi og brotið í bága við 21. grein samkeppnislega,
en þar kemur fram að óheimilt sé að veita rangar, ófullnægjandi
eða villandi upplýsingar í auglýsingum. Fengu þannig hinir
óheppnu og allsberu ofurhugar uppreist æru að vissu leyti að
lokum, en engan fengu þeir þó frían símann svo vitað sé.
Apótekið þitt
í gamla Héðinshúsinu við Sel javeg 2.
Frí heimsendingarþjónusta til eldri borgara og öryrkja.
Reykjavíkur Apótek býður
NOW vítamín og bætiefni með
20% afslætti út september.
Reykjavíkur Apótek er
sjálfstætt starfandi apótek sem
leggur áherslu á persónulega
þjónustu og hagstætt
verð. Apótekið er í gamla
Héðinshúsinu við Seljaveg 2.
Sel javegur 2 | S ími : 511-3340 | Fax: 511-3341 | www.reyap. is | reyap@reyap. is