Fréttablaðið - 23.03.2010, Blaðsíða 42
26 23. mars 2010 ÞRIÐJUDAGUR
sport@frettabladid.is
Handknattleiksmaðurinn Kári Kristján Kristjánsson mun að
öllum líkindum yfirgefa herbúðir svissneska félagsins Amicitia
Zürich í sumar en hann gekk í raðir félagsins fyrir aðeins ári.
Dvölin hefur valdið Kára miklum vonbrigðum.
„Það er ekkert hérna eins og maður bjóst við. Við búum í
fínni borg í góðri íbúð en allt í kringum handboltann
hefur valdið vonbrigðum. Ef ég á að segja eins og
er þá hefur þetta bara verið hundleiðinlegt,“ segir
Kári Kristján hreinskilinn sem fyrr.
Hann fór fullur vonar út enda Amicitia eitt
besta lið Sviss, meistarar síðustu tveggja ára og í
Meistaradeildinni. Allt leit því vel út á pappírnum.
„Þessi Meistaradeild fór fyrir ofan garð og
neðan. Manni leið varla eins og maður væri að
spila í Meistaradeildinni fyrir framan 30-70 manns.
Ég er ekkert að grínast að það mæta ekki fleiri á
heimaleiki hjá okkur. Þetta er bara eins og í sjötta flokki. Það er
nákvæmlega enginn áhugi fyrir handbolta hérna,“ segir Kári sem
er þar af leiðandi laus við æsta aðdáendur úti á götum Zürich og
hann segist aldrei hafa verið stöðvaður til þess að gefa eiginhand-
aráritun. „Ég er heldur ekki að sjá það fara að gerast.“
Félag hans er í miklum fjárhagsörðugleikum þó svo það hafi
staðið við allar launagreiðslur hingað til. Það sameinast öðru
félagi næsta sumar og í kjölfarið þarf væntanlega að
semja upp á nýtt við leikmenn. Þeim er líka frjálst að
fara annað.
„Ég geri ráð fyrir að nýta mér það. Ég þarf líklega
sálfræðing með mér í fullu starfi ef ég á að lifa af annan
vetur hérna. Maður reimar bara á sig skóna og veit það
er eitthvað leiðinlegt fram undan,“ segir Kári Kristján en
hann stefnir á að spila áfram erlendis og er meðal annars
í viðræðum við þýskt úrvalsdeildarfélag.
KÁRI KRISTJÁN KRISTJÁNSSON: SPILAR HEIMALEIKI FYRIR FRAMAN 30-70 MANNS
Þetta er bara búið að vera hundleiðinlegt
N1-deild karla:
Valur-HK 25-25 (12-12)
Mörk Vals (Skot): Arnór Þór Gunnarsson 8 (16),
Fannar Þór Friðgeirsson 6 (15), Elvar Friðriksson
5/1(11/1), Jón Björgvin Pétursson 2 (2), Baldvin
Þorsteinsson 2 (4), Ingvar Árnason 1 (3), Sigurð-
ur Eggertsson 1 (4).
Varin skot: Hlynur Morthens 21/2 ( 46/6) 46%
Hraðaupphlaupsmörk: 8 (Elvar 2, Arnór Þór
2, Baldvin 2, Jón, Ingvar)
Fiskuð víti: 1 (Elvar)
Mörk HK (Skot): Valdimar Fannar Þórsson
9/3(15/4), Atli Ævar Ingólfsson 6 (7), Sverrir
Hermannsson 3 (11), Ragnar Hjaltested 3/1
(4/2), Ólafur Víðir Ólafsson 2 (8), Bjarki Már
Gunnarsson 1(1), Bjarki Már Elísson 1 (2).
Varin skot: Sveinbjörn Pétursson 20 (45/1) 44%
Hraðaupphlaupsmörk: 5 (Sverrir 2, Bjarki Már,
Ragnar, Valdimar)
Fiskuð víti: 6 (Atli 3, Bjarki Már, Ragnar 1,
Ólafur).
Fram-Haukar 32-33 (18-18)
Mörk Fram: Andri Berg Haraldsson 8, Haraldur
Þorvarðarson 5, Einar Rafn Eiðsson 5, Magnús
Stefánsson 4, Daníel Berg Grétarsson 3, Guðjón
Finnur Drengsson 3, Stefán Baldvin Stefánsson 2,
Hákon Stefánsson 2.
Mörk Hauka: Sigurbergur Sveinsson 9, Freyr
Brynjarsson 6, Einar Örn Jónsson 4, Guðmundur
Árni Ólafsson 4, Elías Már Halldórsson 3, Björgvin
Hólmgeirsson 3, Jónatan Ingi Jónsson 2, Pétur
Pálsson 2.
FH-Stjarnan 27-28 (11-15)
Mörk FH: Ólafur Gústafsson 8, Bjarni Fritzson 7,
Ólafur Guðmundsson 4, Örn Ingi Bjarkason 3,
Jón Heiðar Gunnarsson 2, Benedikt Reynir Krist-
insson 1, Ásbjörn Friðriksson 1, Hermann Ragnar
Björnsson 1.
Mörk Stjörnunnar: Þórólfur Nielsen 7,
Vilhjálmur Halldórsson 6, Tandri Konráðsson 3,
Kristján Svan Kristjánsson 3, Sverrir Eyjólfsson
3, Daníel Örn Einarsson 3, Guðmundur Guð-
mundsson 3.
STAÐAN:
Haukar 17 13 2 2 441-409 28
Akureyri 17 10 2 5 463-430 22
HK 17 9 2 6 459-436 20
FH 17 9 1 7 480-454 19
----------------------------------------------------
Valur 17 8 3 6 420-402 19
Grótta 17 5 0 12 424-458 10
----------------------------------------------------
Stjarnan 17 4 1 12 393-455 9
Fram 17 4 1 12 444-480 9
ÚRSLIT
FÓTBOLTI Eiður Smári Guðjohn-
sen minnti hressilega á sig á fót-
boltavellinum um helgina í leik
Tottenham og Stoke City. Eiður
kom af bekknum í leiknum og
breytti gangi leiksins. Hann skor-
aði glæsilegt mark og átti þátt í
síðara marki Spurs sem reyndist
vera sigurmark leiksins.
Harry Redknapp, stjóri Spurs,
var að vonum í skýjunum með
frammistöðu Eiðs Smára og
hann hefur lýst yfir áhuga á að
halda Eiði áfram hjá félaginu en
hann er þar í láni frá Monaco út
leiktíðina.
„Ég vil hafa hann hér áfram á
næsta ári. Hann er frábær leik-
maður með mikla hæfileika. Þar
sem Jermain Defoe er meidd-
ur bíður hans stórt hlutverk með
okkur,“ sagði Redknapp og bætti
við:
„Stjórnarformaðurinn gerði
samninginn við hann og ég veit
ekki öll smáatriðin í honum en við
höfum svo sannarlega áhuga á að
halda honum. Strákunum í liðinu
líkar vel við hann og finnst gaman
að spila með honum.“
Eiður sjálfur var augljóslega
ánægður eftir leikinn. „Fótbolti
snýst um að líða vel og mér finnst
ég hafa lifnað við eftir að ég kom
aftur til Englands,“ sagði Eiður.
„Ég var ekki að njóta fótboltans
í Frakklandi. Þegar manni líður
ekki vel í vinnunni er erfitt að ná
sínu besta fram. Þess vegna ákvað
ég að fara aftur til Englands. Ég
hef þurft að vera þolinmóður en
það var afar ánægjulegt að fara
aftur út á völlinn.“ - hbg
Góð frammistaða Eiðs Smára gegn Stoke gæti breytt miklu fyrir framtíð hans:
Redknapp vill halda Eiði hjá Spurs
KOMINN AF BEKKNUM Eiður fær væntan-
lega fleiri tækifæri eftir frammistöðuna
um helgina. NORDIC PHOTOS/GETTY IMAGES
> Sjötti oddaleikur Sigrúnar á fjórum árum
Hamarskonan Sigrún Ámundadóttir verður í baráttunni
í kvöld ásamt félögum sínum þegar Hamar og Keflavík
mætast í oddaleik um sæti í lokaúrslitum Iceland
Express-deildar kvenna í körfubolta en leikurinn fer fram
í Hveragerði klukkan 19.15. Sigrún er eini leikmaðurinn
sem hefur spilað alla fimm oddaleiki í
úrslitakeppni kvenna frá og með árinu
2006. Sigrún jafnar met KR-ingsins Hildar
Sigurðardóttur í kvöld með því að leika
sinn sjötta oddaleik á ferlinum en það
gerir einnig Keflvíkingurinn Birna
Valgarðsdóttir.
SUND Jakob Jóhann Sveinsson,
bringusundsmaður úr Ægi, fékk
þrjá af fjórum verðlaunabikurum
á lokahófi Íslandsmeistaramóts-
ins í 50 metra laug um helgina.
Þetta er annað árið í röð sem
Jakob Jóhann fær alla þessa þrjá
bikara: Ásgeirsbikarinn, Péturs-
bikarinn (Guðmundarbikarinn)
og Sigurðarbikarinn.
Jakob Jóhann hlaut Péturs-
bikarinn (besta afrek karla
á árinu) fyrir 200 m bringu-
sund er hann synti á 2:12.39 á
HM í Róm og hann hlaut síðan
bæði Sigurðarbikarinn (besta
bringusundsafrekið) og Ásgeirs-
bikarinn (besta afrek Meistara-
móts Íslands í sundi) fyrir 100
m bringusund sem hann synti á
1:01.84 á mótinu um helgina.
Ragnheiður Ragnarsdóttir, KR,
hlaut Kolbrúnarbikarinn (besta
afrek kvenna á árinu) fyrir 100 m
skriðsund er hún synti á 0:55.66
á Bikar 2009. Bryndís Rún Hans-
en, 17 ára sundkona úr Óðni, setti
eina Íslandsmet mótsins í 50 m
flugsundi. - óój
Meistaramót Íslands í sundi:
Jakob Jóhann
fékk þrjá bikara
ÖFLUGUR Jakob Jóhann Sveinsson úr
Ægi. FRÉTTABLAÐIÐ/VILHELM
FÓTBOLTI Kóreumaðurinn Ji-sung
Park hefur spilað frábærlega með
Manchester United síðustu vikur
og hann skoraði sigurmarkið á
móti Liverpool um helgina. Þegar
Park var fenginn til félagsins
fyrir um fimm árum síðan héldu
margir að það hefði eingöngu
verið gert til þess að selja fleiri
treyjur í Asíu. „Ég vissi að hann
myndi gera meira en að selja
treyjur. Þegar ég sá hann í Meist-
aradeildinni með PSV árið 2005
þá hugsaði ég að þarna væri leik-
maður sem skildi fótbolta. Hann
er greindur knattspyrnumaður og
agaður,“ sagði Sir Alex Ferguson,
stjóri Man. Utd. - hbg
Sir Alex Ferguson, stjóri Man. Utd, um Kóreumanninn Ji-sung Park:
Keypti hann ekki til að selja fleiri treyjur
Hádegisfundur ÍSÍ
Föstudagur 26. mars. kl. 12.00-13.00 í E-sal Íþr.-
miðstöðvarinnar í Laugardal. Skúli Skúlason form. Lyfja-
ráðs fjallar um kramkv. lyfjaeftirlits, ný lög um lyfjamál o.fl.
Aðgangur ókeypis og öllum heimill. Uppl. í 514-4000 og á
vidar@isi.is
Sjá nánar á www.isi.is
Sunnlendingar
Styðjum Hamars-stelpurnar
í oddaleik á móti Keflavík í
Apabúrinu í Hveragerði í kvöld
kl. 19:15
HANDBOLTI Lið Vals og HK fóru
miskát af velli eftir 25-25 jafntefli
í Vodafone-höllinni í gær, Valsmenn
fóru illa að ráði sínu í lokin og gráta
tapað stig en gestirnir úr HK brotn-
uðu ekki við mikið mótlæti heldur
komu til baka og tryggðu sér dýr-
mætt stig i baráttunni um sæti í
úrslitakeppninni
„Þetta leit ekki vel út, þegar við
vorum tveimur færri og fjórar mín-
útur eftir af leiknum. Við spiluðum
þann kafla frábærlega og er ég því
ánægður með karakterinn í liðinu
og að við skyldum ekki brotna við
mótlætið. Það hefðu margir brotnað
við þetta mótlæti en við héldum út.
Ég er því ánægður með liðsheild-
ina í dag,“ sagði Gunnar Magnús-
son, þjálfari HK, eftir leikinn.
HK-maðurinn Bjarki Már Gunn-
arsson var rekinn út af í stöðunni
24-23 fyrir Val en Atli Ævar Ing-
ólfsson virtist ekki átta sig á því
og hljóp inn á völlinn og voru því
áfram sex útileikmenn HK inni á
vellinum. Þetta þýddi að Atli fékk
brottrekstur og HK missti bolt-
ann. Valsmenn komust síðan í 25-23
þegar þeir voru tveimur mönnum
fleiri.
Gunnar Magnússon vildi þó
ekki kenna Atla um það sem gerð-
ist. „Atli gerði mistökin en auðvit-
að átti ég að stoppa hann. Ég ber
ábyrgðina á bekknum og ég tek
mistökin á mig en set þau ekki á
hann. Hann tók þetta eitthvað á
sig og kom sterkur inn á í lokin og
svaraði fyrir sig,“ sagði Gunnar
en Atli átti tvö síðustu mörk leiks-
ins, skoraði það fyrra af línunni og
minnkaði muninn í 25-24 og fiskaði
síðan vítið sem Valdimar Fannar
Þórsson skoraði úr og tryggði HK
jafnteflið.
„Mér fannst við bara tapa stigi
hérna,“ sagði Óskar Bjarni Óskars-
son, þjálfari Vals og hann var ekki
sáttur með ákvarðanir dómarapars-
ins undir lok leiksins. „Dómararnir
voru að gera of dýr mistök á síðustu
tíu mínútunum, þetta var ekkert vilj-
andi hjá þeim en það kostaði okkur
stigið í dag,“ sagði Óskar Bjarni.
Valsmenn hafa ekki fengið mörg
stig í hús að undanförnu og hafa
dottið niður töfluna en Óskar er
bjartsýnn á framhaldið.
„Mér sýnist vera að fá alla inn á
réttum tíma en í fyrra misstum við
alla í lokin. Ég vona að þetta snúist
við. Það var erfiður kafli en honum
er vonandi lokið. Ég er bjartsýnn á
þetta en það verður mjög erfitt að
komast í úrslitakeppnina. Þetta er
ennþá í okkar höndum því við eigum
innbyrðisleiki eftir,“ sagði Óskar
Bjarni.
Gunnar er líka spenntur fyrir
lokasprettinum hjá HK. „Þetta er
gríðarlega mikilvægt stig og núna
eigum við fjóra úrslitaleiki eftir.
Svona verður þetta út tímabilið og
við viljum hafa þetta svona. Við
erum í þessu til þess að spila þessa
mikilvægu leiki,“ sagði Gunnar.
Markverðirnir, Hlynur Morthens
hjá Val og Sveinbjörn Pétursson hjá
HK voru bestu menn liðanna í gær
og vörðu báðir 21 skot.
ooj@frettabladid.is
HK-menn björguðu stigi
HK og Valur gerðu 25-25 jafntefli í mikilvægum leik í baráttunni um sæti í úr-
slitakeppni N1 deildar karla í handbolta. HK skoraði tvö síðustu mörk leiksins.
ERFIÐUR HK-ingurinn Atli Ævar Ingólfsson lét Valsmennina Ingvar Árnason og Sigfús
Sigurðsson hafa í nógu að snúast í gær. FRÉTTABLAÐIÐ/STEFÁN