Fréttablaðið - 24.03.2010, Blaðsíða 2
2 24. mars 2010 MIÐVIKUDAGUR
LÖGGÆSLA Formaður Lögreglu-
félags Reykjavíkur, Arinbjörn
Snorrason, hefur lýst því yfir
að hann muni ekki sitja fleiri
fundi með yfirstjórn lögreglunn-
ar á höfuðborgarsvæðinu eins og
hún er skipuð í dag. Þetta kom
fram á fjölmennum félagsfundi
LR í fyrradag. „Það er alvarleg-
ur trúnaðarbrestur milli yfir-
stjórnarinnar og lögreglumanna,“
segir Arinbjörn. „Hún nýtur ekki
trausts þeirra, þar sem hún hefur
ekki staðið við orð sín gagnvart
þeim. Stjórn LR hefur ítrekað
fengið ábendingar frá félags-
mönnum um að draga sig út úr
öllum samskiptum við yfirstjórn-
ina.
Svo er þessi agi í stjórnun, sem
mönnum ekki hugnast. Þeim er
haldið á tánum og gefið í skyn að
standi þeir sig ekki verði þeim
skipt út fyrir aðra. Við erum allt
of fá, með allt of mörg verkefni
og verðum samt að klára þau.
Þetta snýst um að embættið líti
vel út út á við,“ segir hann og
bætir við að stjórnunarhættir
yfirstjórnarinnar hafi byggt upp
spennu sem komi fram í auknum
veikindum.
Arinbjörn gagnrýnir nýtt
vaktafyrirkomulag lögreglu-
manna á höfuðborgarsvæðinu
sem hann segir lögreglumenn
mjög óánægða með. Eftir að það
var tekið upp hafi ítrekað komið
fyrir að brotið hafi verið sam-
komulag lögregluembættisins
við lögreglufélagið um lágmarks-
mönnun á vakt. Félagið ætli að
leita til lögfræðinga vegna þess
brots.
Spurður um í hverju yfirstjórn-
in hafi ekki staðið við orð sín
Bjóðum heildarlausnir þegar endurnýja á góleppi
í stigagöngum í ölbýlis- og sambýlishúsum.
Taktu upp símann eða sendu okkur línu og við
göngum í málið.
Ármú la 32 · 108 Reyk j a v í k · S ím i 533 5060 · Fax 533 5061 · t epp i@stepp · www. s t epp . i s
Ó
!
·
1
3
1
3
6
teppi@stepp.is
Vilhjálmur, gáfu stjórnvöld
ykkur skötuselbita?
„Ég veit ekki hvað það var, en það
var allavega vont.“
Samtök atvinnulífsins hafa brugðist
ókvæða við nýjum lögum ríkisstjórn-
arinnar um aukinn skötuselskvóta.
Vilhjálmur Egilsson er framkvæmdastjóri
Samtaka atvinnulífsins.
Lýsa vantrausti á yfir-
stjórn lögreglunnar
Alvarlegur trúnaðarbrestur er milli yfirstjórnar lögreglunnar á höfuðborgar-
svæðinu og lögreglumanna, að sögn formanns Lögreglufélags Reykjavíkur.
Hann segir íþyngjandi stjórnunarhætti leiða til spennu og síðan veikinda.
LÖGREGLAN Valfrjáls vinnutími, sem tekinn var upp hjá LRH í sumar með öðrum
skipulagsbreytingum, hefur valdið mikilli óánægju meðal lögreglumanna.
FRÉTTABLAÐIÐ/ANTON
„Það er mikill misskilningur að gefin
hafi verið út loforð um að einhverj-
ir tilteknir lögreglumenn myndu
halda störfum sínum,“ segir Stefán
Eiríksson, lögreglustjóri höfuðborg-
arsvæðisins, um ummæli formanns
Lögreglufélags Reykjavíkur þess efnis
að yfirstjórn lögreglunnar hafi ekki
staðið við orð sín hvað þetta atriði
varðar.
„Ef stöður eru auglýstar lausar eru
hæfustu umsækjendur hverju sinni
valdir. Það væri óheimilt að gefa
einhverjum forgang, sem sitja tíma-
bundið í umræddum stöðum.“
Lögreglustjóri kveðst ekki kannast
við agastjórnun þá sem formaður LR
nefnir, hvorki á lögreglustöðvunum
né annars staðar.
„Í aðalatriðum er þetta samhentur
og góður hópur á öllum póstum hjá
okkur,“ segir Stefán. „Við reynum
hvað við getum að reka embættið
vel, bæði faglega og fjárhagslega,
innan þess ramma sem okkur er
skammtaður. Við reynum hvað við
getum að ná því saman því niður-
skurður felur í sér lækkun launakostn-
aðar og fækkun starfsmanna og það
er auðvitað ekki til vinsælda fallið.“
Niðurskurður ekki vinsæll
nefnir Arinbjörn nýlegar ráðn-
ingar lögreglumanna. Hann segir
lögreglustjóra hafa lýst því yfir
að lausráðnir starfsmenn gengju
fyrir. Reyndin hefði orðið sú að
fjórir lausráðnir lögreglumenn
hefðu ekki fengið ráðningu.
jss@frettabladid.is
FÓLK Eigandi styrju, sem fannst
spriklandi í móa við Stekkjar-
hvamm í Hafnarfirði á dögunum og
Fréttablaðið sagði frá, hefur gefið
sig fram.
Fiskurinn kom úr tjörn við hús í
Háahvammi, sem á lóð út að móan-
um þar sem Eva Dögg Steinars-
dóttir Röver, 10 ára, var að leik og
fann fiskinn. Hún telur að fugl hafi
misst fiskinn úr goggi sínum ofan
í móann.
„Ég er með stóra tjörn í garðin-
um og el þar fiska, gullfiska, koja
og styrjur,“ segir Birgir Bjarnason,
húseigandi við Háahvamm 3. Hann
tók ekki strax eftir því að fiskur-
inn var horfinn og fréttirnar um
fund Evu Daggar fóru fram hjá
honum. „Ég tók eftir því einn dag-
inn að tvær styrjur voru horfnar og
fann ég aðra þeirra, hvíta styrju,
og var hún þá dauð en hina fann ég
ekki, þá svörtu, sem er trúlega sú
á myndinni.“
Birgir segir að sér sé hulin ráð-
gáta hvernig styrjurnar komust
úr tjörninni, sem er tæpur metri á
dýpt. „Þar að auki er strengt girni
fyrir tjörnina til að varna því að
fuglar, það er mávur, fari í tjörn-
ina,“ segir Birgir. „Ég hef litla trú á
því að köttur hafi veitt hana upp úr
tjörninni án þess að éta hana nema
þá mjög matvandur köttur.“ - pg
Eigandi hafnfirsku styrjunnar kominn í leitirnar:
Styrjan úr tjörn við nálægt hús
GÁTAN LEYST Styrjan, sem Eva Dögg fann
í móanum við heimili sitt, kom úr tjörn
við hús í grenndinni. FRÉTTABLAÐIÐ/VALLI
SAMFÉLAGSMÁL Allt stefnir í
að áfangaheimilinu EKRON í
Reykjavík verði lokað um næstu
mánaðamót, að sögn Hjalta
Kjartanssonar
framkvæmda-
stjóra. Hvorki
hafa náðst
samningar við
ríki né sveit-
arfélög um
áframhaldandi
rekstur.
EKRON er
endurhæfing og
starfsþjálfun
fyrir fólk sem
er að koma úr áfengis- eða fíkni-
efnameðferð. Nú eru 75 manns í
EKRON en um áramót hófu rúm-
lega tuttugu manns þaðan vinnu
eða nám. Flest þeirra höfðu farið
oft í meðferð áður en komist á
réttan kjöl hjá EKRON. „Við
erum byrjuð að undirbúa fólk
undir að þessu verði lokað,“ segir
Hjalti. „Það tekur því sannast
sagna mjög illa.“ - jss
EKRON lokað:
Íbúar taka lok-
un mjög illa
STJÓRNMÁL Breski Verkamanna-
flokkurinn rak í gær þrjá þing-
menn úr þingflokki sínum sem
allir eru fyrrverandi ráðherr-
ar. Þeir gætu átt yfir höfði sér
að verða reknir úr Verkamanna-
flokknum.
Þingmönnunum er gefið að
sök að hafa þegið fé gegn því að
greiða fyrir málum innan veggja
þingsins.
Sjónvarpsmenn frá Channel 4
í Bretlandi tóku myndir af þing-
mönnunum með falinni myndavél
þar sem fé var borið á þá gegn
því að greiða götu ímyndaðra fyr-
irtækja. Þeir tóku allir við fénu,
sem nam allt að fimm þúsund
pundum, jafnvirði tæpri einni
milljón króna. - jab
Breskir þingmenn í vanda:
Tóku við mútu-
fé gegn greiða
NEKTARDANS Bannað verður með
lögum að bjóða upp á nektarsýning-
ar eða gera út á nekt starfsmanna á
skemmtistöðum eftir 1. júlí.
Siv Friðleifsdóttir, þingmaður
Framsóknar, var fyrsti flutnings-
maður frumvarpsins. Hún segir
mikla samstöðu á Alþingi um málið
sem var samþykkt með 31 atkvæði
en tveir þingmenn Sjálfstæðisflokks-
ins sátu hjá. Enginn greiddi atkvæði
gegn frumvarpinu.
„Það er gleðilegt hve ferskur and-
blær er á Alþingi gagnvart jafnrétt-
ismálum þessa dagana,“ segir hún.
Einnig sé skref stigið í átt til lýðræð-
is að þetta frumvarp stjórnarand-
stæðings hafi verið samþykkt.
Ásgeir Davíðsson rekur nektar-
dansstaðinn Goldfinger. Hann seg-
ist skoða hvort grundvöllur sé fyrir
skaðabótamáli gegn ríkinu.
„Ég er nú kominn á þann aldur að
ég veit ekki hvort ég nenni að vera í
þessu brölti lengur,“ segir hann. „Ég
yrði fegnastur því ef þeir borguðu
mér bara skaðabætur og ég myndi
hætta þessu,“ segir hann.
Ásgeir telur lögin minna á reglur
í ríkjum þar sem helst ekkert megi
sjást í kvenfólk.
Siv segist ekki vita hvort rétt sé að
Ísland sé fyrsta landið í Evrópu sem
bannar strípidans.
„En það var sýnd nærgætni við
lagasetninguna með því að stöðun-
um er veittur drjúgur tími til að laga
sig að lögunum,“ segir hún. Allsherj-
arnefnd þingins telji ekki að lögin
bjóði upp á skaðabótaskyldu. - kóþ
Geiri á Goldfinger vill fá skaðabætur og draga sig svo í hlé:
Bannað að strippa á Íslandi
SÆL Á SÚLUNNI? Frá og með 1. júlí verð-
ur bannað að bjóða upp á nektarsýning-
ar og gera út á nekt fólks með öðrum
hætti á Íslandi.
FRÉTTABLAÐIÐ/STEFÁN
KATAR, AP Tillaga um alþjóðlegt
bann við verslun með ísbjarnar-
feld, tennur og klær var felld á
ráðstefnu Sameinuðu þjóðanna um
villt dýralíf.
Fulltrúar 175 ríkja mættu á ráð-
stefnuna. Bandaríkin voru í hópi
þeirra sem lögðu tillöguna fram en
meðal andstæðinga þess voru Kan-
ada, Noregur og Grænland. Til-
lagan var felld með vísun í að slíkt
bann myndi ganga nærri frum-
byggjum, ástand ísbjarnarstofns-
ins væri ágætt og veiðarnar væru
víðast hvar sjálfbærar. - bs
Tillaga um bann felld:
Má versla með
ísbjarnaafurðir
HJALTI
KJARTANSSON
BRESKA ÞINGHÚSIÐ Mútumál skekur
breskan þingheim nú um stundir.
Slökkviliðið á höfuðborgarsvæðinu
var kallað að Esjurótum um klukkan
hálftíu í gærkvöldi en kveikt hafði
verið í útikömrum sem þar eru. Kamr-
arnir voru brunnir til ösku þegar bíll
slökkviliðsins kom á vettvang og var
slökkt í þeim glæðum sem enn lifðu.
Ekki er vitað hverjir voru að verki.
KAMRAR BRUNNU
IÐNAÐUR Könnun sem Fréttablað-
ið birti í gær gefur til kynna að
58 prósent aðspurðra séu andsnú-
in tilslökun á umhverfiskröfum
til að greiða fyrir stóriðjufram-
kvæmdum. Bjarni Már Gylfason,
hagfræðingur Samtaka iðnaðar-
ins, segir það undarlegt og gefa
til kynna að stóriðjufyrirtækin
séu að sækjast eftir slíku.
„Það er alrangt að stóriðju-
fyrirtækin séu að sækjast eftir
tilslökunum á umhverfiskröf-
um. Þvert á móti hafa fyrirtæk-
in á Íslandi lagt áherslu á að
vera í fremstu röð í heiminum í
umhverfismálum og að standast
ítarlegar umhverfiskröfur,“ segir
hann. - jab
Stóriðjan vill ekki tilslökun:
Slá ekki af um-
hverfiskröfum
SPURNING DAGSINS