Fréttablaðið - 24.03.2010, Blaðsíða 23

MIÐVIKUDAGUR 24. mars 2010 3
HVAÐ ER Í MATINN?
Á
kynnir skemmtilegan sérvef um
matargerð og hagkvæm matarinnkaup.
Með því að nota einfalt og skemmtilegt
kerfi útbúum við handa þér matseðil eftir
þínu höfði.
Kynntu þér ótrúlegan fjölda gómsætra
uppskrifta á Hvað er í matinn? á
...ég sá það á visir.is
„Ég byrjaði að elta mömmu til
Grænlands þegar ég var bara smá-
polli,“ segir Árni, sem er nýlagð-
ur af stað í mánaðarferð til norð-
austur-strandar Grænlands með
hóp ferðamanna. „Umhverfið og
menningin varð strax að ástríðu
hjá mér.“
Helena Dejak, eigandi Nonna
Travel og móðir Árna, byrjaði að
ferðast til Grænlands um miðj-
an tíunda áratuginn, þegar fólk
var almennt ekki farið að venja
komur sínar þangað. Hún féll
strax fyrir landinu og stofnaði
dótturfyrirtækið Nonni Travel
Greenland. Draumur Helenu var
að sjá heimamenn geta aflað sér
peninga með ferðamannaþjónustu
og gaf hún því reksturinn til íbúa
þorpsins Ittoqqortoormiit. Hefur
hann verið í höndum þeirra síðan
og séð fjölda fólks fyrir atvinnu.
„Það er synd að sjá veiðimenn-
inguna hverfa smám saman,“
segir Árni. „Fólk gerir sér
almennt ekki grein fyrir því hvað
þetta land hefur upp á að bjóða.“
Nonni Travel sér um hundasleða-
ferðir, skíða- og snjóbrettaferðir,
göngu- og bátsferðir og í raun allt
sem landið hefur upp á að bjóða.
Vorin eru vinsælasti ferðamanna-
tíminn, þegar sólin er hátt á lofti
og bjart nær allan sólarhringinn.
Árni vinnur sem leiðsögumað-
ur með hópunum, en segir þó að
nauðsynlegt sé að hafa innfædda
veiðimenn með í för. „Ferðamenn
vilja komast í snertingu við þessa
fornu menningu sem einkenn-
ir Grænland, en innfæddir eru
í raun líka þeir einu sem sem
þekkja landið eins og nauðsyn-
legt er.“
Meginferðasvæði Nonna Trav el
er við stærsta fjörð í heimi, Scor-
esby Sund á NA-Grænlandi. „Þetta
er einn ósnortnasti partur Græn-
lands,“ segir Árni. „Sú tilfinning
að velta fyrir sér hvort maður sé
fyrsti maðurinn til að koma á eitt-
hvert svæði í heiminum – að eng-
inn hafi stigið þar fæti fyrr – er
alveg ótrúleg upplifun.“
Nánari upplýsingar er að finna
á heimasíðu Nonna Travel, www.
nonnitravel.is - sv
Allt annar heimur,
rétt handan við hornið
Grænland er ein af best földu náttúruperlum heims að mati Árna Vals Vilhjálmssonar sem unnið hefur hjá
hinu rótgróna Nonna Travel í átta ár. Þó er landið í aðeins eins og hálfs klukkutíma fjarlægð frá Íslandi.
Ævintýralegur blær eru yfir þessu húsi á Cap Tobin. MYNDIR/NONNI TRAVEL
Árni Valur með einum vina sinna í Grænlandi.
Hundasleðaferðir eru skemmtileg upplifun.
Á Grænlandi má gera sér margt til
dundurs.
Island ProTravel sem selur ferðir til Íslands hlaut
annað sæti Golden Palm-verðlaunanna fyrir sjó-
stangveiðiferðir.
Golden Palm-verðlaunin voru veitt á alþjóðlegu
ferðakaupstefnunni ITB í Berlín nýlega en Island
ProTravel hlaut annað sætið fyrir sjóstangveiðiferðir
til Íslands. Frá þessu er greint á vef Ferðamálastofu.
Það er þýska ferðatímaritið GEO SAISON sem
veitir verðlaunin en tímaritið er vel þekkt og kemur
út í 137 þúsund eintökum. Eru verðlaunin veitt fyrir
bestu einstöku pakkaferð sem skipulögð er af ferða-
þjónustuaðila og er tekið tillit til nýsköpunar og
frumleika, sem og góðs skipulags.
Pakkaferðin sem Island ProTravel hlaut annað
sætið fyrir er ferð sem fyrirtækið hefur boðið upp
á síðan árið 2006 og er samstarf Island ProTravel í
Þýskalandi, Island ProTravel á Íslandi, ferðaskrif-
stofunnar Vögler‘s Angelreisen í Þýskalandi og fyrir-
tækisins Hvíldarkletts á Vestfjörðum. Ferðirnar eru
pakkaferðir fyrir sjóstangveiðimenn en þeir koma
hingað til lands og dvelja í viku á Suðureyri eða Flat-
eyri á Vestfjörðum við veiðar.
Island ProTravel er ferðaþjónustufyrirtæki í eigu
Guðmundar Kjartanssonar og Ann-Cathrin Bröck-
er. Þau hafa aðsetur og stýra skrifstofu fyrirtækis-
ins í Hamborg og hafa um 20 ára reynslu í að bjóða
erlendum ferðamönnum ferðir til Íslands. Auk skrif-
stofunnar í Hamborg er Island ProTravel með sölu-
skrifstofur í eigin nafni í Sviss, Bretlandi, Svíþjóð og
á Íslandi. Fyrirtækið sérhæfir sig í Íslandsferðum og
býður upp á margs konar ferðir til landsins.
Island ProTravel verðlaunað
Island ProTravel hlaut verðlaunin fyrir sjóstangveiðiferðir til
Íslands.