Fréttablaðið - 24.03.2010, Síða 29

fermingargjafi r ● fréttablaðið ●MIÐVIKUDAGUR 24. MARS 2010 5
Efst á óskalista flestra ferm-
ingarbarna eru peningagjafir,
enda í fyrsta sinn á ævinni sem
efnahagur þeirra getur óvænt
vænkast til muna í tilefni
dagsins.
„Fermingarpeningar eru ekki heil-
agt fé, heldur fjármunir sem ferm-
ingarbarnið ætti að fá að ráðstafa
að vild,“ segir séra Guðmundur
Karl Ágústsson, sóknarprestur í
Hólabrekkuprestakalli við Fella-
og Hólakirkju, þar sem 45 börn
munu fermast í ár. Hann segir til-
hlökkun búa í brjóstum fermingar-
barnanna sem sótt hafa fermingar-
undirbúning hjá presti sínum síðan
á haustdögum.
„Mér þykir líklegt að búið sé
að ákveða með löngum fyrirvara
í hvað fermingarpeningarnir eiga
að fara. Hins vegar ber að minna
á að táningar verða ekki fjárráða
fyrr en átján ára og því þurfa þeir
að ráðstafa fénu í samvinnu við
foreldra sína og vitaskuld ótækt að
þeim sé eytt í tóma vitleysu og dag-
lega afþreyingu sem ekkert skilur
eftir sig til langs tíma litið. Því er
skynsamlegt að peningarnir fari í
kaup á ákveðnum hlut sem ferm-
ingarbarnið hefur lengi þráð að
eignast en ekki haft ráð á, eins og
hest, tölvu eða annað, eða þá leggja
peningana til hliðar svo nýta megi
þá upp í bílakaup eða annað seinna
meir,“ segir séra Guðmundur Karl
sem hefur þá tilfinningu að pen-
ingagjafir hafi lækkað eftir að
kreppa skall á íslensku þjóðina,
enda hafi þær verið komnar út í
öfgar.
„Þegar góðærið stóð sem hæst
söfnuðust bankarnir utan um
fermingarbörnin með sérstaka
ráðgjafa svo ráðstafa mætti pen-
ingunum sem best, en svo fór
sem fór. Því væri forvitnilegt að
vita hversu mörg fermingarbörn
misstu fermingarpeningana sína í
bankahruninu, þar sem þau höfðu
verið hvött til að láta þá í sjóði sem
áttu að bólgna mjög hratt út.“
Að sögn séra Guðmundar Karls
gera fermingarbörnin sér grein
fyrir erfiðari efnahag fjölskyldna
í landinu. „Börn skilja afskaplega
vel ef þarf að spara og miklu betur
en við gerum okkur grein fyrir.
Þau tala um það sín á milli að eiga
von á minna fé í fermingarfræðsl-
unni og virðast sátt við það. Ég læt
þau gangast undir próf þar sem ég
spyr meðal annars hvers vegna
þau láta ferma sig og ekki stend-
ur á svarinu: Til að staðfesta skírn
mína og trúna á Jesú Krist, en svo
er ekki verra að fá peninga líka.
Peningar virðast því vera drauma-
gjöfin og vitaskuld alfarið þeirra
hvernig henni verður varið sem
best.“ - þlg
Ekki heilagt fé á
fermingardegi
Séra Guðmundur Karl Ágústsson í Fella- og Hólakirkju segir fermingarbörn nú með-
vituð um kreppu í buddum gesta sinna á fermingardaginn. FRÉTTABLAÐIÐ/GVA
● EINN MJÚKUR Handklæði, annaðhvort stök eða í setti, henta vel
til fermingargjafa hvort sem er til stúlkna eða drengja. Þau koma pott-
þétt í góðar þarfir. Fáir nota sturtuna á heimilinu jafn mikið
og unglingarnir og flestir þeirra eru auk þess í alls kyns
íþróttaiðkun og leikfimitímum þannig að handklæð-
in þeirra eru í stöðugri notkun. Ekki spillir ef handklæðið
er merkt með upphafsstöfum eigandans á smekklegan
hátt. Slíkt er hægt að láta gera hjá sérstökum merking-
arfyrirtækjum sem sauma stafina í á stuttum tíma.
● ÚTILEGUDÓT VINSÆLT Svefnpokar eru vinsæl fermingargjöf
og hafa verið það í marga áratugi. Tjöld má einnig stundum finna í pökk-
unum en voru þó vinsælli áður, sérstaklega þegar Íslendingar fóru ekki
svo gjarnan til útlanda. Árið 1979 birtist í Vísi viðtal við starfsmann sport-
vöruverslunar sem sagði það vera orðið að hefð að
gefa svefnpoka og tjöld í fermingargjafir. Tjöldin
séu þá létt göngutjöld sem vegi ekki meira en
þrjú til fjögur kíló. Svo gæti vel farið, miðað
við þróun ferðavenja Íslendinga undan-
farið, að tjöldin eigi endurkomu. Á sama
tíma urðu bakpokar líka vinsælir til ferm-
ingargjafa og hafa verið óslitið síðan.