Fréttablaðið - 25.03.2010, Qupperneq 35

FIMMTUDAGUR 25. MARS 2010
Strigaskó gat á áratugum áður
vantað í verslanir hér í bæ og
þegar sendingar komu í skóbúðir
varð oft handagangur í öskjunni
þegar fólk reyndi að tryggja sér
eitt par.
Í Alþýðublaðinu frá 22. júlí 1949
má lesa grein þar sem sagt er frá
löngum biðröðum sem mynduðust
í Bankastræti daginn áður fyrir
utan Skóverslun Lárusar G. Lúð-
víkssonar, en strigaskór höfðu
komið í verslunina þann sama dag.
„Ösin varð svo mikil, að raðirnar
náðu alla leið niður undir Lækjar-
torg og upp að Ingólfsstræti,“ segir
í blaðinu og jafnframt er þess getið
að tveir lögregluþjónar hafi hald-
ið sig í grennd við dyrnar og gætt
þess að ásókn fólksins að dyrunum
yrði ekki óhæfileg mikil. - jma
Langar vaktaðar biðraðir
Skóverslun Lárusar G. Lúðvíkssonar var í marga áratugi stærsta skóbúð Íslendinga
en hún var í Bankastræti 5.
Nike Sportswear kallast tísku-
vörur Nike þar sem uppistaða
línunnar er klassískar íþrótta-
vörur sem þróast hafa út í
að verða flottar og vinsælar
tískuvörur.
Anna Margrét Gunnarsdóttir ber
ábyrgð á Sportswear-línunni hér á
landi og segir Nike Dunk-skóna sem
tilheyra henni hafa náð miklum vin-
sældum. „Nike notar sér þá tækni
sem er til staðar í íþróttafötum og
-skóm og nýtir einnig í tískuvör-
ur sínar. Þannig eru efnin léttari,
anda vel og slíkt þannig að fötin eru
ekki síður þægileg en að vera há-
tískuvara,“ segir Anna Margrét og
segir sögu Nike Dunk-skónna vera
forvitnilega.
„Þessir skór voru upphaflega
hannaðir til að vera körfuboltaskór
og komu á markað sem slíkir árið
1985. Michael Jordan byrjaði að
nota þá og úr því varð sérlína, Jor-
dan I, hjá Nike. Nike Dunk-skórn-
ir ollu byltingu innan háskólakörfu-
boltans í Bandaríkjunum því þeir
voru þeir fyrstu sem hægt var að fá
í öðrum litum en þeim hefðbundnu,
svörtum og hvítum og skórnir komu
út í litum háskólaliðanna sjálfra,
bláum, appelsínugulum og grænum
sem gerði þá strax afar vinsæla.“
Eftir langt tímabil vinsælda
fóru Dunk-skórnir að fara á útsölu-
markaði og urðu um tíma ódýr-
ir en Nike hætti að framleiða þá í
bili í kringum 1990. „Hjólabretta-
iðkendur gerðu þá skóna að sínum
eftirlætisskóm og fyrir tilstilli
hjólabrettahópanna urðu þeir aftur
vinsælir en skórnir þóttu henta
afar vel þar sem þeir voru sterk-
ir og á góðu verði. Árið 1998 var
eftirspurnin orðin svo mikil að
Nike byrjaði að framleiða þá aftur
og þá bæði klassísku útgáfuna en
einnig nýjar útgáfur svo sem sér-
staka hjólabrettatýpu og kven-
lega útgáfu,“ segir Anna Margrét
og bætir við að kvenskórnir séu
fíngerðari, þynnri og með fleiri
smáatriðum.
„Skórnir fást í dag í öllum regn-
bogans litum og eru mjög léttir og
þægilegir. Allir ættu að geta fund-
ið sér skó, bæði þeir sem vilja gróf-
kenndari skó og svo þeir sem vilja
tískuskó til daglegra nota. Vin-
sældir skónna aukast bara með
árunum.“
Alls kyns gerðir og litir
Starfsmenn Nike-umboðsins á Íslandi, Anna Margrét Gunnarsdóttir og Þórunn Ingjaldsdóttir, með úrval af Nike Dunk skóm.
FRÉTTABLAÐIÐ/GVA
● TIL SKRAUTS Vor er í lofti og þeir sem vilja vera sportlegir í klæða-
burði verða að eiga strigaskó til að bregða sér í. Þeir sem vilja vera
enn skrautlegri en aðrir í sínum strigaskóm lita þá gyllta
og líma á þá pallíettur.
Svo má líka smeygja punti upp á reimarnar eins
og perlum, pallíettum eða skrautsteinum. Þeir allra
frumlegustu hekla pínulitlar dúllur og enn aðrir finna
sér eitthvað í skúffunum, til dæmis parta úr eyrnalokkum.
Wmns Nike Dunk High
Verð 19.990 kr.
Fást í skór.is
Wmns Nike Dunk Hi Premium
Verð 24.990 kr.
Fást í Skór.is
Nike Dunk High
Verð 19.990 kr.
Fást í skór.is
Nike Dunk High
Verð 19.990 kr.
Fást í skór.is