Fréttablaðið - 26.03.2010, Blaðsíða 2

2 26. mars 2010 FÖSTUDAGUR
SUÐURNES Ef pólitísk ákvörðun verður tekin um að
setja upp regluverk til að skrá orrustuþotur E.C.A.
Program í íslenska flugflotann þyrfti Flugmálastjórn,
samkvæmt heimildum Fréttablaðsins, að koma upp
deild með sérfræðingum til að líta eftir starfseminni.
Þeir þyrftu fyrst að gangast undir eins árs þjálfun
erlendis, í ríki þar sem herþotur eru starfræktar.
Flugmálastjórn vinnur enn að skoðun á málum
E.C.A. Program fyrir samgönguráðherra. Fyrir ligg-
ur að skráning orrustuþotna í íslenska flugflotann
myndi ekki samræmast evrópskum flugreglum. Engin
fordæmi eru erlendis um skráningu orrustuþotna í
borgaralega flugflota, jafnvel þótt þær séu ekki búnar
vopnum.
„Það vantar regluverk fyrir slíka skráningu,“
sagði Valdís Ásta Valdimarsdóttir, upplýsingafulltrúi
Flugmálastjórnar, við Fréttablaðið. „Það er pólitísk
ákvörðun að setja slíkt regluverk.“
Ekki er þó talið útilokað að skrá vélarnar borgara-
lega ef pólitísk ákvörðun um það liggur fyrir.
Valdís sagði að ef af yrði fengju vélarnar sérstakt
lofthæfnivottorð hér á landi. Það þýðir að E.C.A.
þyrfti að afla sérstaks leyfis fyrir hverri flugferð þar
sem flogið væri um lofthelgi erlends ríkis og gæti
aðeins flogið um íslenska lofthelgi án sérstaks leyfis
hverju sinni. - pg
Þotur E.C.A. Program þyrftu samþykki fyrir hverri einustu flugferð frá Íslandi:
Flugmálastjórn þyrfti að sér-
staka deild fyrir E.C.A
E.C.A. Á heimasíðu fyrirtækisins eru birtar myndir frá Keflavík-
urflugvelli þar sem það hefur áhuga á að setja upp viðhalds-
og þjónustustöð.
Gunnar, hefur þingið margar
skuggahliðar?
„Skuggarnir leynast víða en við vilj-
um fá þjóðina til að kveikja ljósið.“
Gunnar Grímsson heldur úti vefnum
skuggathing.is, þar sem meðal annars má
gefa ræðum þingmanna einkunnir.
UMHVERFISMÁL Brunarústir við
Klapparstíg 17 hafa staðið óhreyfð-
ar og óvarðar í rúmlega ár. Íbúar í
nálægu húsi nota ónýtan húsgrunn-
inn sem sorphaug og börn leika sér á
svæðinu. Íbúar hafa ítrekað kvartað
til borgaryfirvalda vegna málsins.
Húsið á lóðinni, timburhús á
steyptum kjallara, stórskemmdist í
bruna 16. janúar í fyrra. Strax í kjöl-
farið var timburvirkið rifið vegna
almannahættu, en kjallarinn stend-
ur enn, ríflega ári síðar. Hann blasir
við úr öllum áttum og börn hafa að
honum greitt aðgengi. Leikvöllur er
nokkra metra frá lóðinni.
„Mér finnst ekki hægt að bjóða
fólki upp á þennan subbuskap,“
segir Jóna Jónsdóttir, sem býr gegnt
brunareitnum. Hún hefur kvartað
margoft yfir umgengninni og furðar
sig á því að kjallarinn standi enn
óhreyfður, rúmu ári eftir brunann.
„Kvartanir íbúanna eru réttmæt-
ar,“ segir Magnús Sædal, bygging-
arfulltrúi Reykjavíkur. „Þetta er
óþolandi ástand. Það leggur af þessu
ólykt og þarna er sóðaskapur.“
Embætti byggingarfulltrúa lagði
til í byrjun febrúar að beitt yrði dag-
sektum til að knýja á um að kjallar-
inn yrði fjarlægður, lóðin jöfnuð og
tyrfð og girt af.
Í ljós kom að eigendur lóðarinn-
ar höfðu þá sótt um byggingarleyfi
á reitnum til skipulagsyfirvalda.
Magnús segir að búið sé að gera
athugasemdir við fyrirliggjandi
teikningar. Hann búist við að málið
sé nú að leysast og að kjallarinn
hverfi á brott á næstu vikum. „Og
því verður fylgt eftir að rústirnar
fari þó svo að ekki verði af byggingu
strax,“ segir Magnús.
Í andmælum til byggingarfulltrúa
gagnrýna lóðareigendur hversu illa
hefur gengið að afla svara hjá borg-
inni um framkvæmdareglur og taf-
irnar sem það hefur valdið þeim.
Þá benda þeir á að brunarústirn-
ar séu sönnunargögn í dómsmáli
sem þeir standa í gegn trygginga-
félögum, sem halda því fram að í
grunni hússins felist verðmæti. Þar
til niður staða fæst í málið geti þeir
ekki fjarlægt það sem enn stendur
eftir af húsinu. stigur@frettabladid.is
Ólykt og slysagildrur
í ársgömlum rústum
Óþef leggur frá sorphaugi í ársgömlum brunarústum við Klapparstíg. Íbúar
hafa ítrekað kvartað og telja rústirnar slysagildru fyrir börn. „Óþolandi ástand,“
segir byggingarfulltrúi, sem hefur hótað dagsektum. Beðið eftir byggingarleyfi.
SÓÐALEGT Brunarústirnar hafa staðið óhaggaðar í rúmt ár. Íbúar í næsta húsi losa sig gjarnan við sorp í húsgrunninn og af því
leggur ólykt. Þá telja íbúar í nágrenninu að rústirnar skapi slysahættu fyrir börn sem þar leika sér. FRÉTTABLAÐIÐ / STEFÁN
ELDGOS Mikill áhugi er á gosinu á Fimmvörðu-
hálsi og þeir sem hafa yfir loftförum að ráða
leggja leið sína að gosinu. Stundum hefur
mikið kraðak myndast í loftinu þegar tugir
véla og þyrlna sveima kringum gíginn og einn
flugmaður líkti því við villta vestrið. Engin
stjórn er á flugleiðum einstakra flugvéla.
Hörður Vignir Arilíusson, varðstjóri í
flugstjórn, sagði í samtali við Fréttablað-
ið að engin stjórn væri á flugi einstakra véla
undir ákveðinni hæð. Reglurnar eru þannig
að þegar sjónflug er flogið tilkynna flugmenn
sig þegar þeir fara í loftið og hvenær þeir
áætla að lenda. Fylgst er með því hvort sú
áætlun stenst, en að öðru leyti ráða flugmenn
sjálfir leið sinni. Þetta á ekki við um alla flug-
velli, sumir eru utan stjórnar, til dæmis flug-
völlurinn í Þórsmörk.
Hörður segir að mikil umferð sé fyrir aust-
an, allt að tuttugu vélar séu stundum í loftinu
í einu. Fjölmargir hafi nýtt sér góða veðrið
í gær til að skoða eldgosið. Verði gott veður
um helgina, eins og búast má við, megi reikna
með mikilli umferð.
Hörður segir enga árekstra hafa orðið; flug-
menn séu upp til hópa skynsamir menn og
fari varlega. - kóp
Mikil flugumferð er við gosið á Fimmvörðuhálsi og flugmenn vara við árekstri:
Engin stjórn á flugumferð yfir gosinu
MIKIÐ SJÓNARSPIL Mikill áhugi er á jarðeld-
unum á Fimmvörðuhálsi og fjöldi flugvéla og
þyrlna hefur verið í loftinu við gíginn í einu.
FRÉTTABLAÐIÐ/ANTON
DÓMSMÁL Íslenska ríkið var í
gær sýknað af kröfu Friðriks
Más Jónssonar um bætur vegna
heilsutjóns sem hann varð fyrir
þegar hann var við friðar gæslu-
störf í Afganistan. Friðrik hefur
verið óvinnufær síðan hann varð
fyrir árásinni.
Hæstiréttur telur óumdeilt að
heilsutjón Friðriks megi rekja til
árásarinnar. Því var hins vegar
hafnað að vanmat á aðstæðum og
ófullnægjandi vernd væri um að
kenna. Friðrik var staddur, ásamt
fleiri friðargæsluliðum, í teppa-
verslun í Kabúl þegar varpað var
handsprengjum að þeim. Hæsti-
réttur telur ekkert benda til ann-
ars en að sprengjuárásin hafi
verið ófyrirséð og hending ráðið
því að íslensku friðargæslulið-
arnir urðu fyrir henni. - kóp
Sjálfsmorðsárás í Afganistan:
Fær ekki bætur
ÞÝSKALAND Allir flokkar á þýska
þjóðþinginu hafa lýst yfir ein-
dregnum stuðningi við að Evr-
ópusambandið hefji aðildarvið-
ræður við Ísland sem allra fyrst.
Báðir þingflokkar þýsku
hægristjórnarinnar hafa lagt
fram á þýska þinginu tillögu að
þingsályktun um málið og þing-
flokkar stjórnarandstöðunnar
hafa einnig lýst yfir stuðningi
sínum.
Meðal annars hafði Vinstri-
flokkurinn hvatt til þess að málið
yrði afgreitt strax á leiðtogafundi
Evrópusambandsins, sem hófst í
Brussel í gær og lýkur í dag.
Fjallað var um málið á fundi
Evrópunefndar þýska þingsins á
miðvikudag. - gb
ESB-aðild Íslands:
Þýska þingið
vill viðræður
ÍSLENSKA LIÐIÐ Friðrik varð fyrir
sprengjuárás þegar hann var staddur í
verslun með nokkrum félögum sínum í
friðargæslunni. MYND/VÍKURFRÉTTIR
Litla hafmeyjan til Kína
Styttan af Litlu hafmeyjunni í
Kaupmannahöfn var í gær tekin upp
ásamt steininum sem hún situr á og
verður send af stað til Kína. þar sem
hún verður hluti af framlagi Dana á
Heimssýningunni, sem hefst þar í
byrjun maí.
DANMÖRK
STJÓRNMÁL Meirihlutinn í Ölfusi
er fallinn og nýr tekinn við. Tveir
bæjarfulltrúar Sjálfstæðisflokks-
ins, sem var við völd, gengu í
gær til liðs við
minnihlutann
og mynduðu
nýjan meiri-
hluta. Ólafi Áka
Ragnarssyni
bæjarstjóra var
sagt upp störf-
um.
Bæjarfull-
trúarnir eru
Birna Borg Sig-
urgeirsdóttir og Stefán Jónsson.
Ólafur Áki, sagði í samtali við
Vísi, að þetta hefði verið að gerj-
ast fyrir jól. Hann bar fyrrver-
andi félögum sínum illa söguna
og sagði þá fasta í framsóknar-
hjólförum. Hann boðar nýtt fram-
boð. „Þetta verður óháður listi og
það eru allir velkomnir.“ - kóp
Bæjarstjórinn farinn frá:
Meirihlutinn
sprakk í Ölfusi
ÓLAFUR ÁKI
RAGNARSSON
SPURNING DAGSINS