Fréttablaðið - 26.03.2010, Blaðsíða 8
8 26. mars 2010 FÖSTUDAGUR
VEISTU SVARIÐ?
Farðu á Nanny McPhee með N1
Með Viðskiptakorti færðu miðann á 600 krónur á N1 Hringbraut og Ártúnshöfða
eða greiðir hann einfaldlega með punktum af Safnkortinu.
WWW.N1.IS
Sími 440 1000 Meira fjör í leiðinni
PARÍS, AP Franskar vændiskonur
mótmæltu á miðvikudag frum-
varpi um lögleiðingu vændishúsa
í Frakklandi.
Konurnar segja að með þeim
rökum séu þær sviptar frelsi
sínu til að starfa sjálfstætt.
Í frumvarpinu er lagt til að
vændishús verði opnuð að nýju,
meira en sex áratugum eftir að
þau voru bönnuð. Tilgangur lag-
anna er sá að færa vændiskonur
af götunum.
Vændiskonur eiga samkvæmt
frumvarpinu að njóta verndar á
sviði heilbrigðis og fjárhags.
Mótmælendur segja frumvarp-
ið takmarka möguleika þeirra til
að taka eigin ákvarðanir.
Mótmælendurnir krefjast þess
einnig að lög sem banna sölu
vændis, sem sett voru árið 2003,
verði felld úr gildi. - gág
Frakkar vilja breyta löggjöf:
Vændiskonur í
mótmælagöngu
VIÐSKIPTI Móðurfélag Símans,
Skipti, tapaði 10,2 milljörðum
króna í fyrra. Þetta er um 3,8
milljörðum krónum meira tap
en árið 2008.
Mestu munar um afskrift á við-
skiptavild upp á rúma 7,2 millj-
arða króna og hækkun erlendra
skulda af völdum falli krónunn-
ar.
Tekjur Skipta voru sambæri-
legar á milli ára, eða 40,3 millj-
arðar króna. Sömu sögu var að
segja af gjöldum.
Skipti áttu yfir tuttugu millj-
arða króna af handbæru fé um
áramót og var eiginfjárhlutfallið
21,1 prósent um áramót saman-
borið við 28,4 prósent ári fyrr.
- jab
Skipti töpuðu tíu milljörðum:
Afskrifuðu sjö millj-
arða viðskiptavild
FORSTJÓRI SÍMANS Skipti, sem Brynjólf-
ur Bjarnason stýrir, töpuðu 10,2 milljörð-
um króna í fyrra. FRÉTTABLAÐIÐ/RÓBERT
ORKUMÁL Hjörleifur B. Kvaran, for-
stjóri Orkuveitu Reykjavíkur segir
fjármálafyrirtæki tilbúin að koma
að fjármögnun Hverahlíðarvirkj-
unar með svokallaðri verkefna-
fjármögnun.
Í svari til borgaryfirvalda um
stöðu framkvæmda Orkuveitunn-
ar og fjármögnun þeirra auk stöðu
orkusölusamninga segir Hjörleifur
að Evrópski fjárfestingarbankinn
fjármagni helming Hverahlíðar-
virkjunar. Óvissa sé um hinn helm-
inginn. Vantar því um 15 milljarða.
Hjörleifur segir að verði virkjunin
ekki fjármögnuð með hefðbundn-
um hætti megi benda á að fjár-
málafyrirtæki hafi sýnt áhuga
á að koma að fjármögnuninni í
gegnum svokallaða verkefna-
fjármögnun.
„Ein leið slíkra fjármögn-
unar er lánataka með veði í
tekjustraumi og/eða eignum
verkefnisins. Til þess
að þessi leið sé fær
yrði að stofna sér-
stakt hlutafélag
um virkjunina,
þar sem Orku-
veitunni er ekki
heimilt að veita
einum lántaka meiri rétt en
öðrum,“ segir í skýringum
forstjórans. Hann bendir
jafnframt á að með þess-
ari aðferð sé ekki þörf á
sérstakri ábyrgð eigenda
Orkuveitunnar á lánum
vegna Hverahlíðarvirkjun-
ar. - gar
Enn vantar 15 milljarða í Hverahlíðarvirkjun og OR íhugar verkefnafjármögnun:
Félag stofnað um Hverahlíðavirkjun
HJÖRLEIFUR B.
KVARAN
DÓMSMÁL Rúmlega tvítugur karl-
maður hefur verið dæmdur í Hér-
aðsdómi Reykjavíkur í átta mán-
aða fangelsi fyrir líkamsárás. Þar
af eru fimm mánuðir skilorðs-
bundnir. Þá var maðurinn dæmdur
til að greiða fórnarlambinu rúma
milljón króna í skaðabætur.
Maðurinn réðst á karlmann og
sparkaði ítrekað í höfuð hans þar
sem hann lá fyrir utan skemmti-
staðinn Apótekið. Fórnarlambið
nefbrotnaði og brotnaði einnig á
fleiri stöðum í andlitinu, auk þess
sem tennur brotnuðu. - jss
Fangelsi og skaðabætur:
Sparkaði í höf-
uð fórnarlambs
1 Hvað heitir formaður Fjöl-
skylduhjálpar Íslands?
2 Hver tekur lagið með Ólöfu
Arnalds á nýrri plötu hennar?
3 Hvað heitir kvikmyndahátíð-
in sem haldin verður á Patreks-
firði í fjórða sinn í vor?
SVÖRIN ERU Á SÍÐU 34
NÁTTÚRA Sigmundur Einarsson jarð-
fræðingur gerir alvarlegar athuga-
semdir við rammaáætlun um nýt-
ingu vatnsafls og jarðvarma, en
niðurstöður annars áfanga voru
kynntar á dögunum. Þar eru mögu-
legir virkjunarstaðir metnir og
þeim gefin ein-
kunn, meðal ann-
ars eftir náttúru-
fari.
Sigmundur
segir, í grein
á Eyjunni, að
ranglega hafi
verið staðið að
vinnunni. Aug-
ljósir gal lar
hafi verið á mati
náttúruverðmæta. Flest möguleg
náttúru- og menningarverðmæti
séu dregin saman í einn heildar-
lista og hverjum einstökum þætti
síðan gefið tiltekið vægi. Jarð-
myndanir og vatnafar séu metin á
25 prósent, lífverur 20 prósent og
menningarminjar 10 prósent, svo
eitthvað sé nefnt.
„Síðan eru allir mögulegir þætt-
ir metnir fyrir hvert svæði, allt lagt
saman og út fæst einkunn. Þessi ein-
kunn verður há þegar margir þættir
fá háa einkunn. Svæði getur á sama
hátt fengið lága einkunn ef suma
þætti listans vantar alveg, jafnvel
þótt þeir þættir sem eru til staðar
fái hæstu mögulegu einkunn.“
Við þessa aðferð, segir Sigmund-
ur, fá svæði þar sem landnám er
skammt á veg komið sjálfkrafa lága
einkunn. Surtsey fengi að líkindum
falleinkunn og Geysissvæðið einnig,
þar sem þar er fátt annað markvert
en hverir.
Sigmundur gerir einnig athuga-
semdir við að allir nefndarmenn
hafi greitt leynilega atkvæði um
verðmæti náttúrufyrirbæra, jafn-
vel þótt þau lægju utan sérsviðs
þeirra. Þetta sé vafasamt og hæpið
að standist „almennar siðareglur í
vísindum“. Þá sé svæðum á köflum
skipt upp á óeðlilegan máta; Torfa-
jökulssvæðið sé metið sem ein heild,
en Krýsuvíkursvæði í fjórum mis-
stórum svæðum.
„Þetta lítur nánast út eins og
úrvinnslan hafi verið sveigð að fyr-
irfram ákveðinni niðurstöðu til að
slá skjaldborg um svæðin á hálend-
inu og fórna svæðum á borð við
Reykjanesskaga og Hengli á móti.“
Katrín Júlíusdóttir iðnaðarráð-
herra segir bagalegt ef aðferðafræð-
in er gagnrýnd. Hún bendir þó á að
áfanginn sé í umsagnarferli og allir
geti gert athugasemdir við vinnuna
til 19. apríl. „Sigmundur hlýtur að
gera athugasemdir og þær verða
síðan skoðaðar eins og aðrar.“
Svandís Svavarsdóttir umhverf-
isráðherra segir sjónarmið Sig-
mundar áhugaverð. Hún segir mjög
mikilvægt að sátt náist um ramma-
áætlunina. „Rammaáætlun hefur
verið markmið náttúruverndar sinna
um mjög langt skeið. Það væri mik-
ilvægt fyrir íslenska náttúru að ná
sátt um hana.“
kolbeinn@frettabladid.is
Gagnrýnir
rammaáætlun
Jarðfræðingur segir rammaáætlun unna út frá
röngum forsendum. Áhugaverð sjónarmið, segir
umhverfisráðherra. Bagalegt að aðferðafræðin sé
gagnrýnd, segir iðnaðarráðherra.
TRÖLLADYNGJA Mat á virkjun jarðvarma við Trölladyngju er að finna í öðrum áfanga
rammaáætlunar um nýtingu vatnsafls og jarðvarma. Sigmundur Einarsson jarðfræð-
ingur gagnrýnir mjög vinnuna.
SIGMUNDUR
EINARSSON
KATRÍN
JÚLÍUSDÓTTIR
SVANDÍS
SVAVARSDÓTTIR