Fréttablaðið - 26.03.2010, Blaðsíða 10

10 26. mars 2010 FÖSTUDAGUR
Fiskikóngurinn • Sogavegi 3 • sími 587 7755
Fiskikóngurinn • Sogavegi 3 • sími 587 7755
KAUPTHING FUND
Société d’Investissement à Capital Variable
14, boulevard Royal – L-2449 LUXEMBOURG
R.C.S. Luxembourg B 96.002
ANNUAL GENERAL MEETING OF SHAREHOLDERS
The Board of Directors convenes the Shareholders of KAUPTHING FUND, Sicav to attend the Annual General
Meeting to be held at the registered office of the company on 15 April 2010 at 10.00 a.m. with the following
agenda:
1. Report of the Board of Directors and of the Authorized Auditor
2. Approval of the financial statements as at 31 December 2009
3. Allocation of results
4. Discharge to the Directors
5. Renewal of the mandate of the Authorized Auditor
6. Statutory elections.
The Shareholders are advised that no quorum for the statutory general meeting is required and that decisions
will be taken by a simple majority of the votes cast. Proxies are available at the registered office of the Sicav.
The Shareholders who wish to attend the Meeting must inform the Board of Directors (Fax nr: +352 49 924 2501)
at least five calendar days before the Meeting.
sumarferdir.is
Vatnagarðadagar
Síðasti dagurinn í dag!
bókaðu núna og fáðu frítt
fyrir þig og þína í glæsilegan
vatnsrennibrautagarð á
Tenerife eða Portúgal!
Nánar á sumarferdir.is
...eru betri en aðrar
Skíðabox
Stilling hf. · Sími 520 8000
www.stilling.is · stilling@stilling.is
A
u
g
lý
si
n
g
a
sí
m
i
Allt sem þú þarft…
FRÉTTASKÝRING
Hvað kom fram í
Seðlabankanum í gær?
Endurskoða þarf lög um Seðlabank-
ann í tengslum við endurskoðun á
peningastefnunni, að mati Más Guð-
mundssonar seðlabankastjóra. „En
að mínu viti þarf að skoða ýmislegt
í þeim lögum hvort sem er,“ sagði
hann á ársfundi Seðlabankans sem
haldinn var í gær. „Ég tel mjög
brýnt að reynt verði að stuðla að
eins mikilli þverpólitískri sátt um
þá endurskoðun og kostur er.“
Seðlabankastjóri sagði helstu
ástæðu endurskoðunar peninga-
stefnunnar að móta þyrfti þá
stefnu sem tæki við af efnahags-
áætluninni með Alþjóðagjaldeyr-
issjóðnum. „Því að hún hentar ekki
þegar gjaldeyrishöftum hefur
verið aflétt og Ísland er aftur orðið
í fullum fjármálalegum tengslum
við umheiminn.“ Um leið sagði
Már að draga þyrfti lærdóm af
framkvæmd peningastefnunnar á
ofþenslutímanum og í aðdraganda
fjármálakreppunnar. „Verðbólgu-
markmið og flotgengi ollu ekki
bankahruninu enda væru þá mun
fleiri bankakerfi hrunin um allan
heim en raunin varð. En peninga-
stefnan var hluti af þeirri atburða-
rás sem hér varð og margvíslegir
erfiðleikar komu fram við fram-
kvæmd hennar í þeim aðstæðum
sem hún bjó við.“
Hér segir hann vandann helst
hafa falist í að samspil mismunandi
hluta efnahagsstefnunnar hafi ekki
verið sem skyldi. „Auk þess sem
ljósara hefur orðið að framkvæmd
frjáls flotgengis er flókin og erfið
í mjög litlum opnum hagkerfum
sem eru tengd umheiminum sterk-
um fjármálalegum böndum.“ Már
sagði að endurmeta þyrfti hug-
myndir sem byggðust á skörpum
skilum á milli peningastefnu og
fjármálastöðugleikastefnu. „Og
taka verður meira mið af þeirri
sérstöku áhættu sem fylgir litlum
og óstöðugum gjaldmiðli.“
Í endurskoðun bankans verða
krufðir til mergjar tveir möguleik-
ar. Annars vegar þátttaka í Mynt-
bandalagi Evrópu og hins vegar sú
peningastefna sem kæmi til greina
ef Ísland stendur utan Evrópusam-
bandsins og Myntbandalagsins. „Sú
stefna gæti líka nýst í aðdraganda
aðildar ef af verður. Stefnt er að
áfangaskýrslu snemma sumars og
ítarlegri skýrslu snemma árs 2011,“
sagði Már.
Seðlabankastjóri áréttaði skoðun
sína um að gefist til þess tækifæri
ætti sem fyrst að aflétta hér gjald-
eyrishöftum. „Þau hafa gegnt mikil-
vægu hlutverki í þeim árangri sem
hefur náðst. Kostnaðurinn af þeim
hefur hingað til líklega verið minni
en ella sakir þess að aðrir þættir
hömluðu viðskiptum og erlendu
samstarfi. En eftir því sem á líður
mun kostnaðurinn við margs konar
óhagræði og glötuð viðskiptatæki-
færi færast í vöxt.“
Verði niðurstaðan sú að haldið
verði í höftin mun lengur en áður
hefur verið áformað og ekki frekari
aðgangur að erlendu lánsfé í bráð,
nema á afarkjörum, sagði Már að
móta þyrfti nýja efnahagsáætlun
sem tæki mið af þeirri stöðu. „Þá
yrði allt kapp lagt á að koma í veg
fyrir að gjaldeyrisforði landsins
yrði hættulega lítill í framhaldi af
afborgunum lána ríkissjóðs vetur-
inn 2011 og 2012. Stefnan í ríkisfjár-
málum þyrfti að vera aðhaldssamari
en nú er áformað. Að því er peninga-
stefnuna varðar myndi togast á að
þjóðarbúskapurinn yrði veikari en
gengi krónunnar lægra.“
Már sagði að gjaldeyrisforði
Seðlabankans hefði í árslok numið
rétt rúmlega 480 milljörðum króna
eða 2,7 milljörðum evra og hefði
lítið breyst síðan. „Skilanefndir
föllnu bankanna eiga innstæður
í Seðlabankanum fyrir nær einn
milljarð evra. Þær munu greiðast
út á næstu misserum og árum. Ef
þessar innstæður eru dregnar frá
forðanum ásamt öðru því sem ætla
má að fari úr honum á næstu tólf
mánuðum, standa eftir 1,4 millj-
arðar evra. Það rétt hrekkur fyrir
afborgunum af erlendum lánum
ríkissjóðs veturinn 2011 og 2012
sem nema samtals 1,4 milljörðum,“
sagði Már. olikr@frettabladid.is
Flókið og erfitt að
láta krónuna fljóta
Snemmsumars verður til áfangaskýrsla Seðlabankans um endurskoðun peninga-
stefnunnar. Líklega þarf að breyta lögum um bankann, segir seðlabankastjóri.
Leysist ekki Icesave ílengjast höft, krónan verður veikari og þrengingar meiri.
„Fjármálafyrirtæki verða ekki hvít-
þvegin þótt skipt sé um stjórnend-
ur, eigendur, nafn og kennitölu
og ógreiddir reikningar eftirlátnir
þrotabúum,“ segir Gylfi Magnússon,
efnahags- og viðskiptaráðherra.
Hann hélt ræðu á ársfundi Seðla-
bankans í gær. Sama segir hann
gilda um Seðlabankann, ekki nægði
að endurreisa hann og skipa nýja
stjórnendur og fjármagna að nýju.
„Gera þarf skýr skil milli fortíðar og
framtíðar.”
Gylfi áréttaði í ræðu sinni að
bankinn kæmi til með að gegna
lykilhlutverki við að reisa nýtt
fjármálakerfi. „Þegar liggur fyrir að
það mun búa við mun meira aðhald
af hálfu opinberra eftirlitsaðila en
áður og mun stífari, skýrari og betri
lagaramma en áður. Það verður
jafnframt miklu minna og einfaldara
en fjármálakerfið sem hrundi.“ Um
leið segir hann ýmsum spurningum
ósvarað enn.
„Sú stærsta er hvaða mynt það
mun nota. Óhjákvæmilegt er að
fyrstu árin verður grunnur þess
íslenska krónan, með öllum sínum
kostum og göllum. Fljótlega munum
við Íslendingar hins vegar þurfa að
gera upp hug okkar um það hvort
svo skuli vera til frambúðar eða
hvort evran á að leysa íslensku
krónuna af hólmi.“ Ráðherrann
segist þó ekki í nokkrum vafa um
að mjög erfitt verði að byggja hér
upp skilvirkt fjármálakerfi án þess að
það fái traustari grunn en íslensku
krónuna.
„Reynum við það þá munu
Íslendingar fyrirsjáanlega búa
áfram við óstöðugra verðlag, meiri
gengissveiflur og hærri vexti, bæði
raunvexti og nafnvexti, en viðskipta-
lönd okkar. Þá munum við jafnframt
áfram ein landa í okkar heimshluta
búa við tvískiptan gjaldmiðil, verð-
tryggðar og óverðtryggðar krónur.
Kostir sveigjanleikans sem sjálfstæð
mynt gefur vega ekki þungt á móti
þessu,“ segir Gylfi og bætir við að
jafnvel þótt við sættum okkur við
lítið bankakerfi og að verulegu
leyti einangrað frá bankakerfum
nágrannalandanna, þá fylgdu því
miklir ókostir að byggja það á
óstöðugri mynt. - óká
GYLFI MAGNÚSSON Viðskiptaráðherra
sagði á ársfundi Seðlabankans í gær
að tryggja þyrfti, nú þegar hyllti undir
hálfrar aldar afmæli bankans, að næstu
50 ár verði öðruvísi en hin fyrri.
FRÉTTABLAÐIÐ/STEFÁN
Ráðherra segir ókosti fylgja því að byggja fjármálakerfi á óstöðugri mynt:
Gera þarf upp á milli krónu og evru
„Í desember síðastliðnum gaf bank-
inn álit sem fól í sér að undirliggj-
andi hrein erlend staða gæti verið
í kringum 90 prósent af landsfram-
leiðslu. Nýjustu athuganir benda til
þess að um 80 prósent gætu verið
nær lagi að meðtöldum nýjustu
áætlun um hreina skuldbindingu
ríkissjóðs vegna lágmarkstryggingar
innlána netútibús Landsbankans í
Bretlandi og Hollandi,“ sagði Már
Guðmundsson seðlabankastjóri í
ræðu sinni í gær. „Þetta er lægri
nettóskuld en Ísland hefur búið við
síðan á seinni hluta árs 2005 og
auðvitað viðráðanleg.“
Seðlabankastjóri upplýsti jafn-
framt að á undanförnum mánuðum
hefði Seðlabankinn í fyrsta skipti
keypt á eftirmarkaði skuldabréf
úr þeim flokkum sem koma til
gjalddaga veturinn 2011 og 2012.
„Nema þessi kaup að nafnvirði 116
milljónum evra og hafa verið gerð á
mjög góðum kjörum. Þessi aðgerð
gerir það meðal annars að verkum
að forðinn nú hrekkur fyrir þessum
afborgunum.“ - óká
Endurskoðun sýnir minni skuldir
SEÐLABANKASTJÓRI Í RÆÐUSTÓL „Sagan kennir okkur að bjartsýnin er mest rétt
fyrir kollsteypurnar og svartsýnin mest rétt áður en landið lyftist. Höfum það
hugfast þegar við göngum nú mót vorinu,“ voru lokaorð Más Guðmundssonar
seðlabankastjóra á ársfundi Seðlabankans í gær. FRÉTTABLAÐIÐ/STEFÁN