Fréttablaðið - 26.03.2010, Blaðsíða 32

6 •
Tónastöðin er með meiriháttar úrval
magnara í öllum stærðum og gerðum
frá heimsþekktum framleiðendum!
Hjá okkur færðu faglega þjónustu,
byggða á þekkingu og áratuga reynslu.
gerðu tónlist á makkann þinn
Í fremstu röð í framleiðslu á hljóðversbúnaði.
nýtt í Tónastö
ðinni
POPPGÚRÚ: HLJÓÐFÆRASAFNARINN VALTÝR BJÖRN THORS
Valtýr Björn Thors er
tækja- og hljóðfæra-
safnari í Reykjavík. Hann
hefur verið í ýmsum
hljómsveitum, lengst
í hljómsveitinni Funk
Harmony Park.
„Þetta er klárlega fíkn,“ segir hann
um áhugamálið. „Maður veit að
þegar maður kaupir rafmagnsgítar
og þremur dögum síðar er maður
orðinn friðlaus því mann langar í
annan, þá er eitthvað ekki alveg
í lagi.“
Eins og með kerlingar
Valtýr segir að fíknin hafi ágerst
síðustu sex árin eða svo. „Það hafa
alltaf verið hljóðfæri í kringum mig,
en svona síðustu sex árin hef ég
verið hvað verst haldinn. Í rauninni
er þetta þannig að maður vill eign-
ast hlutinn. Þegar maður á hann er
markmiðinu náð. Ég veit ekki hvað
skal segja. Þetta er eiginlega eins
og með kerlingarnar. Maður vill sofa
hjá þeim, en ekki nauðsynlega búa
með þeim eða giftast þeim. Þetta
er þannig. Þessi hljóðfæri koma og
fara. Ég hef oft verið búinn að selja
gítara áður en ég hef náð að skipta
um strengi í þeim.“
En væri þá ekki nóg að fara í
hljóðfærabúðir og prófa?
„Nei, það væri nú heldur slappt!“
segir Valtýr og hlær. „Það væri eins
og að fara á bílasölur og sparka
í dekkin. Það er ekki að gera sig.
Stundum nægir mér að vera kominn
með hlutinn í hendurnar, eiga hann
og taka mynd af sér með hann í
höndunum. Það er eitthvað afbrigði-
legt við þetta, ég veit það.“
Gangandi orðabók
Valtýr segir að fæst hljóðfærin stoppi
lengi við hjá sér. Og hann eyðir
engum himinháum upphæðum í
fíknina.
„Það er undantekning að ég kaupi
eitthvað nýtt. Það er eiginlega úti-
lokað enda hafa ný hljóðfæri hækkað
um sirka 80 prósent síðan gengið
fór í fokk. Ég kaupi því aðallega
notað dót. Ég er mikið inni á Huga.
is, Barnalandi og hvað þetta drasl
allt saman heitir. Ég stofnaði meira
að segja eina svona síðu sjálfur til að
ginna inn eitthvað fólk. Það er síðan
„Hljóðfæradrasl óskast/til sölu“ á
Facebook. Þar eru komnir um 3.000
manns – glæný skotmörk. Það er
fullt af gaurum á mínum aldri sem
eiga alls konar drasl í geymslunum
hjá sér. Endrum og sinnum vantar
þessa gaura pening og ef maður er
heppinn og á pening þá er maður í
góðum málum.“
Valtýr viðurkennir að þrátt fyrir
mikla söfnunaráráttu sé hann enginn
virtúós á hljóðfæri.
„Ég veit miklu meira um hljóðfæri
en það að ég kunni á þau,“ segir hann
afsakandi. „Ég er gangandi orðabók
með gjörsamlega gagnlausum upp-
lýsingum um hljóðfæri. Draumurinn
er að eignast 200 fermetra húsnæði
undir dótið. Það þrengir mjög að
þessu hérna í kompunni. Þetta dót
tekur pláss.“ drgunni@frettabladid.is
HALDINN AFBRIGÐILEGRI
HLJÓÐFÆRAFÍKN
VALTÝR BJÖRN THORS Hefur oft verið búinn að selja gítarana áður en hann skiptir um strengi í þeim. FRÉTTABLAÐIÐ/ANTON
DÓTAKASSINN:
Úff, þú ert að grínast … Þrír bassar, þrír rafmagnsgítarar,
stálstrengjakassagítar, nælonstrengjagítar, dobro með stál-
búk, mandólín, ukelele, kúbanskur tres, bólivískt charango,
tyrkneskur saz, víetnamskt rafmagns dan bau (rafmagnsgítar
með einum streng), indverskar tablatrommur, slatti af alls
konar slagverksdóti (hristur, kúabjalla, tambúrín o.s.frv.),
tveir synthesizerar, melódikka, hrúga af munnhörpum og ég
er örugglega að gleyma einhverju.
FRAM UNDAN:
Fram undan í tækjakaupum er rafmagnspíanó (Fender Rhod-
es eða sambærilegt), annar rafmagnsgítar (hugsanlega Fend-
er Jazzmaster), altsaxofónn eða klarinett og bassamagnari.
Ég er ekki að hljómsveitast neitt í augnablikinu og á síður
von á að gera slíkt á næstunni. Ég er með lítið hljóðupptöku-
ver þar sem ég dunda mér við að semja og taka upp lög og
meiningin er að fara eitthvað út í það að endurhljóðblanda
lög fyrir aðra en það er samt eitthvað sem myndi bara mæta
afgangi hjá mér. Ég hef ekki það mikinn frítíma að ég nenni
að nota hann í að föndra í tónlist annarra nema að mér finnist
sú tónlist vera alveg frábær.
FERILLINN:
Nokkrar misvondar bílskúrshljómsveitir (til dæmis Graup-
an og Bíllinn 1989 til 1992) og þátttaka í hinum og þessum
músíktengdu viðburðum. Til dæmis Fylgjan 1993, gestaspilari
með Vindva Mei og Helvítis gítarsinfóníunni og fleira. Meðlim-
ur í og gaf út einhvern slatta af danstónlist og
endurhljóðblöndunum með Funk Harmony Park frá sirka
2000 til 2007.