Fréttablaðið - 27.03.2010, Blaðsíða 2

2 27. mars 2010 LAUGARDAGUR
LÖGREGLUMÁL Ásakanir forsvars-
manna vefsíðunnar Wikileaks
þess efnis að íslensk lögregla hafi
handtekið starfsmann vefsíðunn-
ar og yfirheyrt í 21 klukkustund
má rekja til þess þegar piltur á
sautjánda ári var gripinn við inn-
brot í fyrirtækið Málningu í Kópa-
vogi á mánudagskvöld. Samkvæmt
heimildum Fréttablaðsins var þar
á ferð sami piltur og stal gögnum
frá Milestone í desember og bauð
fjölmiðlum til kaups.
Ríkisútvarpið hafði eftir Juli-
an Assange, forsvarsmanni Wiki-
leaks, á fimmtudag að aðstandend-
ur vefjarins hefðu þurft að sæta
njósnum og ofsóknum af hálfu
bandarískra yfirvalda eftir að þeir
komust yfir myndband sem á að
sýna árás bandarískrar herþotu á
óbreytta borgara. Unnið hafi verið
að tæknilegri vinnslu myndbands-
ins hér á landi og þá hafi ýmislegt
undarlegt farið að gerast.
Assange fullyrðir að bandarísk-
ir leyniþjónustumenn hafi fylgt
honum í flugvél frá Íslandi til Nor-
egs og að á mánudag hafi íslensk-
ur starfsmaður vefsíðunnar verið
handtekinn og yfirheyrður í 21
klukkustund og meðal annars
sýndar myndir af Assange, tekn-
ar á laun.
Friðrik Smári Björgvinsson,
yfirmaður rannsóknardeildar
höfuðborgarlögreglunnar, stað-
festir við Fréttablaðið að ungur
maður hafi verið handtekinn á
mánudagskvöld við innbrot, og að
það sé eina málið sem hugsanlega
kunni að tengjast ásökunum Wik-
ileaks-manna. Hann vill ekki tjá
sig frekar um málið, en fullyrðir
að handtakan hafi ekkert með Wik-
ileaks að gera og að engin rann-
sókn standi yfir á vefsíðunni eða
forsvarsmönnum hennar.
Samkvæmt heimildum Frétta-
blaðsins var pilturinn hand-
tekinn við innbrot í Máln-
ingu í Kópavogi. Pilturinn
var sá sami og stal trúnað-
argögnum úr tölvu lögfræð-
ings Milestone fyrir jól og
bauð fjölmiðlum þau síðan
til kaups.
Þegar pilturinn var
handtekinn á mánudag
var hann með fartölvu í
fórum sínum. Við yfir-
heyrslur sagði hann að
fartölvan væri eign
Wikileaks. Ekki ligg-
ur fyrir hvort pilt-
urinn starfar í raun
fyrir Wikileaks. Hann
hefur átt við nokkra
erfiðleika að stríða og
hefur frá því að hann
var handtekinn vegna stuldarins
frá Milestone dvalið um hríð á með-
ferðarstofnun fyrir ungmenni.
Ragna Árnadóttir dómsmála-
ráðherra segir að um leið og
fréttist af málinu hafi það
verið kannað í ráðuneytinu og
óskað eftir upplýsingum frá
lögreglu. Skýr svör hafi feng-
ist um að engin rann-
sókn stæði yfir. Ragna
segir enn fremur úti-
lokað að bandarískir
leyniþjónustumenn
með lögregluvald
hafi verið hér við
störf. Til þess
hefði þurft að
koma til réttar-
beiðni að utan. Svo
hefði ekki verið.
stigur@frettabladid.is
Milestone-piltur sakar
lögregluna um njósnir
Íslenskur heimildarmaður hafði samband við Wikileaks og sagði lögreglu hafa
yfirheyrt sig tímunum saman um vefsíðuna. Sami piltur og stal gögnum frá
Milestone og falbauð fjölmiðlum. Var handtekinn við innbrot í Málningu hf.
WIKILEAKS Pilturinn var með fartölvu í fórum sínum sem hann sagði eign Wikileaks.
Hann hefur átt við erfiðleika að stríða og dvalið á meðferðarstofnun.
JULIAN ASSANGE
Elías, er komið að svardögum?
„Þú verður að spyrja einhvern
annan að því.“
Elías Karl Guðmundsson náði alla leið
í úrslit spurningakeppnanna Útsvars og
Gettu betur, með liðum Garðabæjar og
Menntaskólans við Reykjavík.
EFNAHAGSMÁL Íslenskir ráðherrar
sem funduðu með forsvarsmönnum
Alþjóðagjaldeyrissjóðsins (AGS)
lögðu mikla áherslu á að endur-
skoðun á efnahagsáætlun íslenskra
stjórnvalda og sjóðsins tefðist ekki
vegna Icesave-málsins.
„Það kom skýrt fram að menn hér
líta svo á að endurreisnin íslenska
hafi gengið ágætlega og við séum að
standa fullkomlega við okkar hluta
af áætluninni,“ segir Gylfi Magn-
ússon efnahags- og viðskiptaráð-
herra. Gylfi átti, ásamt Steingrími
J. Sigfússyni fjármálaráðherra, fund
með Dominique Strauss-Kahn, fram-
kvæmdastjóra AGS, auk annarra
yfirmanna hjá sjóðinum. Þrátt fyrir
það komst ekki á hreint hvenær áætl-
unin verður tekin á dagskrá.
Eftir fundahöld gærdagsins bind-
ur Gylfi vonir við að áætluninni
verði þokað áfram. „Það var ríkur
skilningur á því að það væri óvið-
unandi að áætlunin myndi tefjast,“
segir hann.
Hann segir íslensku ráðherrana
ekki hafa verið beitta þrýstingi um
að komast að niðurstöðu í deilunni
við Breta og Hollendinga vegna
Icesave, þó vissulega hafi öllum
verið ljóst að ljúka þurfi því máli.
Staðan í því máli sé þó sú að allir
aðilar þurfi að vera tilbúnir til að
koma að málinu til að hægt verði að
ljúka því. - bj
Fundur íslenskra ráðherra með framkvæmdastjóra AGS í Washington í gær:
Endurreisnin hér gengið vel
DOMINIQUE
STRAUSS-KAHN
GYLFI MAGNÚSSON
MENNTAMÁL Nýr skóli, Krikaskóli, var tekinn í notk-
un í Mosfellsbæ í gær. Skólinn er fyrir börn á aldr-
inum eins til níu ára.
Í tilkynningu frá Mosfellsbæ kemur fram að
skólinn sé „sniðinn að þörfum nútímafjölskyldna“;
skólinn starfar frá klukkan 8 til 17 alla virka daga,
allt árið um kring. Börnin fá ekki hefðbundin frí
um jól, páska og sumar, eins og tíðkast í grunnskól-
um heldur taka börnin fjögurra til sex vikna sum-
arfrí.
Í tilkynningunni segir enn fremur að skólinn
miði við skólaár leikskólans, sem fylgi nútímalegu
heimilis- og atvinnulífi meðan grunnskólinn „virð-
ist stundum miða við annað samfélag þar sem börn
fóru til sveita og voru vinnuafl á sumrin“. Tíminn
sem foreldrar, skólinn eða sveitarfélagið þurfa að
brúa geti verið ómarkviss.
Haldin var samkeppni um þróun skólastefnu
Krikaskóla fyrr á árinu og var vinningstillagan
unnin af hópi sem kallar sig Bræðing. Í honum eru
meðal annarra Andri Snær Magnason rithöfundur,
Helgi Grímsson skólastjóri, auk arkitekta, verk-
fræðinga, landslagsarkitekts og fleiri. - bs
Börn í nýjum skóla í Mosfellsbæ fá fjögurra til sex vikna sumarfrí:
Skólastarf allt árið um kring
BRÆÐINGUR Í MOSFELLSBÆ Nemendur og kennarar í Krika-
skóla gerðu listaverk í anda skólastefnu skólans sem unnin
var af hópi sem kallar sig Bræðing.
SAMGÖNGUR Eftirlitsmenn Vega-
gerðarinnar stöðvuðu alls 6.332
ökutæki á árunum 2006 til 2009
til að kanna hvort ökumenn hefðu
dælt litaðri vinnuvélaolíu á tank-
ana. Af þeim fjölda reyndust 312
brotlegir, samkvæmt upplýsingum
frá Vegagerðinni.
Sektarupphæðin fyrir að nota
litaða olíu á venjuleg farartæki fer
stighækkandi eftir þyngd ökutæk-
isins. Að lágmarki nemur sektin
200 þúsund krónum og allt upp í
1.250 þúsund krónum fyrir farar-
tæki yfir 20 tonnum. - bj
Eftirlit með litaðri dísilolíu:
Um 300 sektir
á fjórum árum
TÆPLEGA 5% BROTLEG
Ár Stöðvaðir Brotlegir Prósent
2006 1.141 77 6,7%
2007 1.446 83 5,7%
2008 1.481 75 5,1%
2009 2.264 77 3,4%
Samtals 6.332 312 4,9%
ÍRAK, AP Flokkabandalag Ayads
Allawi, fyrrverandi forsætisráð-
herra Íraks,
fékk 91 þing-
sæti í kosn-
ingunum sem
haldnar voru 7.
mars.
Flokkabanda-
lag Nouris
al-Maliki,
núverandi for-
sætisráðherra,
fékk 89 þingsæti, tveimur minna
en Allawi.
Úrslitin voru loks kunngerð í
gær, tæpum þremur vikum eftir
kosningarnar.
Sameinuðu þjóðirnar segja
framkvæmd kosninganna ekki
gefa tilefni til að tortryggja úrslit-
in. Al-Maliki sagðist hins vegar í
gær ekki ætla að fallast á þau. - gb
Kosningaúrslit birt í Írak:
Allawi fékk
flest þingsætin
AYAD ALLAWI
VIÐSKIPTI Samþykkt var á hlut-
hafafundi Bakkavarar í gær að
óska eftir afskráningu félagsins.
Að því loknu verður Bakkavör
breytt í einkahlutafélag.
Til stóð að breyta Bakkavör
í einkahlutafélag í gær en bæði
Kauphöllin og Fjármálaeftirlitið
gerðu athugasemdir við það.
Einkahlutafélögum er bannað að
vera skráð á markað og hefði það
verið brot á Kauphallarreglum að
breyta félagaformi Bakkavarar
fyrir afskráningu.
Kauphöllin getur beitt félög sem
brjóta reglur févíti, allt að tíföldu
árgjaldi auk 0,002 prósenta af
markaðsvirði félagsins. Árgjaldið
er 825 þúsund krónur. - jab
Bakkavör vill úr Kauphöll:
Fer eftir reglum
markaðarins
FRÁ HLUTHAFAFUNDINUM Bakkavarar-
bræður missa eignarhlut sinn í félaginu
eftir að því verður breytt í einkahlutafé-
lag. FRÉTTABLAÐIÐ/VALLI
Íslensk kona ákærð í Perú
Ríkissaksóknari Perú hefur ákært
íslenska konu sem tekin var með tvö
kíló af kókaíni á flugvelli í Perú fyrir
hálfum mánuði að því er fram kom í
kvöldfréttum RÚV. Hún er ákærð fyrir
að fjármagna kaupin og vörslu fíkni-
efna sem hún er grunuð um að hafa
ætlað að selja á alþjóðlegum markaði.
DÓMSMÁL
MENNTAMÁL Ekkert fjármagn er
til að stofna framhaldsdeild á
Hvammstanga frá Fjölbrautaskóla
Norðurlands vestra. Þetta kemur
fram í svari mennta- og menning-
armálaráðuneytisins við umleitan
sveitarstjórnar Húnaþings vestra
og Húnahornið greinir frá.
Sveitarstjórnin óskaði eftir því í
nóvember að ráðuneytið heimilaði
stofnun framhaldsdeildarinnar og
veitti því verkefni fjárhagslegan
stuðning. Í bréfi ráðuneytisins er
tilkynnt að ekki sé til fjármagn á
árinu 2010 til verkefnisins. - shá
Hvammstangi fær ekki skóla:
Framhaldsdeild
ekki möguleg
Sinubruni við Korpúlfsstaði
Slökkvilið barðist í gærkvöldi við
stóran sinubruna við veginn að
Korpúlfsstöðum. Talið var að eldurinn
væri á allt að 3.000 fermetra svæði, en
hvorki hús né trjágróður var í hættu.
Ekki var búið að slökkva eldinn þegar
Fréttablaðið fór í prentun.
LÖGREGLUMÁL
SPURNING DAGSINS
Smáratorgi 1, Kópavogi + Sími: 580-0000 + sala@a4.is + www.a4.is
Gleráreyrum 2, Akureyri + Sími: 580-0060 + akureyri@a4.is + www.a4.is
Fram að páskum stendur A4 fyrir
páskaföndurkeppni.
Þátttakendur föndra fallegt páskaföndur
sem þeir skila í verslun A4 á Smártorgi
eða Akureyri.
Vegleg verðlaun eru í boði auk þess sem
þáttakendur fá páskaegg númer 3 frá
Nóa Síríus fyrir að taka þátt.
Skila þarf föndrinu inn fyrir 26. mars nk.
Sjá nánar á www.a4.is
Hjá A4 er hægt að KEPPA í páskaföndri