Fréttablaðið - 27.03.2010, Blaðsíða 10

10 27. mars 2010 LAUGARDAGUR
FRÉTTASKÝRING
Hvað má lesa um þankagang kjós-
enda úr niðurstöðum skoðanakönn-
unar á fylgi flokkanna fyrir borgar-
stjórnarkosningarnar í Reykjavík í vor?
Það kemur ef til vill ekki sérstak-
lega á óvart að Besti flokkurinn,
grínframboð Jóns Gnarr, njóti
nokkurs stuðnings eftir það sem
á undan hefur gengið í íslenskum
stjórnmálum.
Fáir reiknuðu þó líklega með að
flokkurinn mældist með stuðning
tæplega þrettán prósenta kjósenda,
eins og niðurstöður skoðanakönn-
unar Fréttablaðsins og Stöðvar 2
sem gerð var á fimmtudagskvöld
leiddu í ljós. Fengi flokkurinn þann
stuðning í kosningunum næði hann
tveimur mönnum í borgarstjórn.
„Mitt mat er að kjósendur séu að
senda stjórnmálamönnum ljótan
fingur,“ segir Grétar Þór Eyþórs-
son, prófessor í stjórnmálafræði
við Háskólann á Akureyri.
Hann segir kjósendur senda
stjórnmálamönnum almennt þessi
skilaboð, ekki borgarfulltrúunum
sérstaklega. Skilaboðin séu send
með því annars vegar að neita
að lýsa stuðningi við einhvern af
flokkunum, og hins vegar með því
að styðja yfirlýst grínframboð.
Frambjóðendur Besta flokks-
ins hafa þegar gefið út nokkurn
fjölda kosningaloforða á borð við
að fá íkorna í Hljómskálagarðinn,
en hafa einnig lýst því yfir að þeir
hyggist svíkja öll kosningaloforð.
Þá er yfirlýst markmið framboðs-
ins að koma Jóni Gnarr, skemmti-
krafti og oddvita listans, í þægi-
lega og vel launaða vinnu.
Það síðastnefnda virðist í það
minnsta ætla að ganga eftir. Breyt-
ist ekkert er spurningin frekar
hversu marga hann tekur með sér
í borgarstjórnina.
Grétar Þór segir augljóst að
borgarpólitíkin komist ekki að hjá
borgarbúum, hún sé einfaldlega
ekki í umræðunni. Almenningur
virðist í það minnsta eiga nóg með
að velta fyrir sér Icesave, væntan-
legri rannsóknarskýrslu, atvinnu-
ástandinu og hruninu almennt.
Skýrsla rannsóknarnefndar
Alþingis, sem væntanleg er 12.
apríl, mun að mati Grétars gera
það að verkum að kosningabaráttan
fyrir sveitarstjórnarkosningarnar
29. maí verður stutt og snörp. Hann
segir ólíklegt að sveitarstjórnar-
málin komist að í umræðunni fyrr
en í maí.
Enn eru rúmir tveir mánuðir til
kosninga, kosningabaráttan er eftir
og því getur margt breyst. Verði
niðurstaða kosninga í takt við nið-
urstöður könnunar Fréttablaðsins
og Stöðvar 2 er ljóst að erfitt gæti
orðið að mynda starfhæfan meiri-
hluta í borginni.
Líklega veldur niðurstaðan fram-
bjóðendum Vinstri grænna vissum
áhyggjum, enda fylgi flokksins í
borginni langt undir fylgi flokks-
ins á landsvísu. Fylgið er reyndar
svipað og kjörfylgi flokksins fyrir
fjórum árum, en það getur varla
verið ásættanlegt eftir þær breyt-
ingar sem orðið hafa á fylgi flokks-
ins á landsvísu frá síðustu sveita-
stjórnarkosningum.
Í raun má segja að ómögulegt
væri að mynda meirihluta án
aðkomu Sjálfstæðisflokksins, nema
með því að bjóða Besta flokknum
upp í dans. Besti flokkurinn mun
líklega seint teljast álitlegur kost-
ur til samstarfs fyrir Samfylking-
una og Vinstri græna, en öðrum er
ekki til að skipta.
Ekki munar þó miklu að Fram-
sóknarflokkurinn nái manni inn í
borgarstjórn. Þá hefur nýtt fram-
boð Ólafs F. Magnússonar borg-
arfulltrúa ekki byrjað að kynna
sig og sínar áherslur, og óvíst er
hvort Frjálslyndi flokkurinn verð-
ur í framboði. Það getur því mikið
breyst fyrir kosningarnar 29. maí.
brjann@frettabladid.is
Kjósendurnir sýna
óánægjuna í verki
Stjórnmálamenn fá gula spjaldið frá kjósendum í nýrri könnun Fréttablaðsins
og Stöðvar 2, segir stjórnmálafræðingur. Skýrsla rannsóknarnefndarinnar setur
strik í reikinginn fyrir kosningarnar í vor. Sveitarstjórnarmálin komast ekki að.
Hanna Birna Kristjánsdóttir virðist sitja á friðarstóli sem borgarstjóri Reykja-
víkur, og nýtur þess að friður hefur verið um borgarmálin frá því að hún tók
við embætti, segir Grétar Þór Eyþórsson, prófessor í stjórnmálafræði við
Háskólann á Akureyri.
Af þeim sem afstöðu tóku sögðust 48,2 prósent þeirra sem tóku þátt í
skoðanakönnun Fréttablaðsins og Stöðvar 2 vilja sjá Hönnu Birnu halda
áfram sem borgarstjóra eftir sveitarstjórnarkosningar. Þetta er talsvert yfir
fylgi Sjálfstæðisflokksins, sem nýtur stuðnings 39,4 prósenta í könnuninni.
Talsvert fleiri konur en karlar vildu Hönnu Birnu sem borgarstjóra. Yfir helm-
ingur kvenna, 51,4 prósent, styður Hönnu Birnu en 45,7 prósent karla.
Nær allir sem ætla að kjósa Sjálfstæðisflokkinn vilja Hönnu Birnu áfram
sem borgarstjóra. Það vildu líka um 42 prósent stuðningsmanna Framsókn-
arflokksins, tæp 12 prósent kjósenda Vinstri grænna og um 8,8 prósent
stuðningsmanna Samfylkingarinnar.
Næstmestan stuðning í embætti borgarstjóra fékk Dagur B. Eggertsson,
oddviti Samfylkingarinnar. Alls sögðust 25,8 prósent styðja Dag. Nær allir
stuðningsmenn Samfylkingarinnar vilja hann sem borgarstjóra, tæplega 27
prósent Vinstri grænna, tæplega 11 prósent stuðningsmanna Framsóknar-
flokksins en svo gott sem engir stuðningsmanna Sjálfstæðisflokksins.
Jón Gnarr skýtur öðrum en Hönnu Birnu og Degi ref fyrir rass og mælist
með þriðja mesta fylgið í sæti borgarstjóra. Alls sögðust 17,5 prósent vilja
þennan vinsæla skemmtikraft og oddvita grínframboðs sem næsta borg-
arstjóra, 18,9 prósent karla og 15,9 prósent kvenna. Stuðningsmenn Besta
flokksins vildu nær allir að Jón yrði næsti borgarstjóri, en stuðningur við það
er fremur lítill meðal stuðningsmanna annarra flokka.
Mestur stuðningur við Hönnu Birnu
Einar Skúlason
Hanna Birna Kristjánsdóttir
Dagur B. Eggertsson
Sóley Tómasdóttir
Jón Gnarr
0 10 20 30 40 50
Fylgi fl okks
26,3
26,4
26,1
S
25,8%
26,8%
24,5%
5,6
5,9
5,3
B 2,9%3,8%
1,8%
39,4
40,6
38,1
D
48,2%
51,4%
45,7%
12,7
13,4
11,9
Æ 18,9%
17,5%
15,9%
14,2
11,4
17,3
V
4,9%
3,8%
6,4%
%
Samkvæmt könnun Fréttablaðsins 25. mars
Stuðningur í stól borgarstjóra
10 ára!
10 stk. 995kr.
Páskatúlípanar

„When in Rome“ fylgir fyrstu
200 tulipanavöndunum
2 fyrir 1 á
Allir
Karlar
Konur