Fréttablaðið - 27.03.2010, Blaðsíða 45

LAUGARDAGUR 27. mars 2010 3
Ævi og störf Snorra Sturlusonar
settu meira mark á sögu og menn-
ingu þjóðarinnar en flestir aðrir
Íslendingar. Aðalbústaður hans
um ævina, Reykholt í Borgarfirði,
trekkir því ferðamenn, erlenda sem
innlenda, að og ekki að búast við að
áhugi Íslendinga minnki eftir að
hafa kynnst ævi Snorra nánar um
jólin í bók Óskars. Enda upplifunin
sérstök að geta skoðað meira en 750
ára gömul mannvirki sem Snorri lét
reisa í sinni tíð, Snorralaug, göng
og heitavatns- og gufustrokka.
Ferðamóttaka Snorrastofu og
Þjóðminjasafnið sjá um að kynna
menjar frá tíma Snorra fyrir ferða-
mönnum og þeir sem vilja taka upp-
lifunina alla leið geta til að mynda
pantað gistingu á hótelinu á staðn-
um eða gistihúsi og varið nokkrum
dögum í sama umhverfi og Snorri
lifði og hrærðist í megnið af ævi
sinni. Þess má geta að á Fosshóteli
er sérstakt heilsusetur sem bygg-
ist á því að gestir njóti slökunar og
endurnæri líkama og sál.
Það er einstök tilfinning að geta
barið svo gamlar minjar augum á
Íslandi en sem dæmi má nefna að
Snorralaug hefur varðveist það vel
að hún er í dag enn nothæf. Snorri
lá langdvölum í lauginni en hann
þjáðist líklega af gigt og stundaði
því heit böð til að lina verki. Laug-
in var ein af fyrstu friðlýstu forn-
minjunum á Íslandi. Frá setlaug-
inni liggja jarðgöng til bæjar og
hefur hluti þeirra verið grafinn
upp. Snorri lét einnig reisa þau,
en jarðgöng sem þessi voru þekkt
annars staðar í höfðingjasetrum
Evrópu á tímum Snorra. Að laug-
inni liggja svo tveir fornir vatns-
veitustokkar.
Menningar- og miðaldasetri,
Snorrastofu, var komið á fót til
minningar um Snorra í lok 20. aldar
og hefur stofnunin haldið námskeið
og sett upp sýningar. Snorrastofa er
við hlið kirkjunnar í Reykholti og
er þar til að mynda gott bókasafn.
Umhverfi Reykholts fékk verðlaun
fyrir tveimur árum fyrir gott við-
hald, stígagerð og fallegt umhverfi.
Bæði er því hægt að ganga um
umhverfið og ekki síður hjóla, en
Fosshótel leigja út fjallahjól fyrir
gesti hótelsins.
juliam@frettabladid.is
Ferðast á slóðir Snorra
Ein af metsölubókum síðustu jóla var ævisaga Snorra Sturlusonar eftir Óskar Guðmundsson. Fyrir þá
sem lásu bókina um jólin væri ekki úr vegi að skella sér í framhaldinu á slóðir hins fræga Íslendings.
Stytta af Snorra Sturlusyni er framan við gamla
Héraðsskólann í Reykholti. Norðmenn færðu
Íslendingum styttuna að gjöf árið 1947.
Snorri lá langdvölum í lauginni sem
hann lét reisa en sökum gigtar var hann
hrifinn af því að nýta jarðhitann.
Kynning
Gönguleiðin yfir Fimmvörðuháls er önnur vinsælasta gönguleið landsins
á eftir Laugaveginum. Á milli sex til átta þúsund manns ganga leiðina á
hverju sumri. Hraun úr gosstöðvunum á Fimmvörðuhálsi hefur nú runnið
yfir gönguleiðina og hafa fjölmargir leitað bæði til Ferðafélags Íslands og
Útivistar og spurt hvað verði með gönguleiðina í sumar. Ef gosið hættir
nú á næstu vikum eru allar líkur á því að í sumar verði hægt að ganga yfir
hraunið sem runnið hefur yfir gönguleiðina. Ef gosið heldur áfram næstu
mánuði og fram á sumar verður unnið að því að finna trygga og örygga leið
fram hjá gosstöðvum en líkur eru þó á því að leiðin sem heildarstígur úr
Þórsmörk í Skóga verði lokuð. Þá verður gengið frá Skógum upp á Fimm-
vörðuháls og til baka, eða úr Goðalandi, upp á Morinsheiði og til baka.
Bæði Ferðafélag Íslands og Útivist munu bjóða upp á ferðir að gosstöðvum
með fararstjórum. Áhugasamur ferðamaður sendi inn þessar myndir með
örnefnum á Fimmvörðuhálsi.
Örnefni á Fimmvörðuhálsi
Ferðafélag Íslands auglýsir eftir sjálfboða-
liðum til skálavarðastarfa í skála félagsins í
Hvítárnesi, elsta fjallaskála félagsins. Hægt
er að sækja um skálavörslu í viku til tíu daga
í senn í þessum einstaka skála. Eingöngu
félagsmenn koma til greina í starfið. Áhuga-
samir sendi inn umsókn á fi hjá fi.is.
Sjálfboðaliðar óskast til
skálavörslu í Hvítárnesi
Ferðafélag Íslands
FJÖLBREYTT STARFSEMI Í YFIR 80 ÁR
Líf og fjör í starfseminni
Ferðafélag Íslands er áhugamannafélag sem hefur það markmið
að hvetja landsmenn til að ferðast og fræðast um landið. Áhugi á
gönguferðum, fjallgöngum og útiveru hefur aldrei verið meiri og er
mikið líf og fjör í starfseminni.
Allir finna eitthvað við sitt hæfi
Ferðafélagið leggur sig fram við að mæta þörfum breiðs hóps
með miklu úrvali ferða. Í ferðaflóru félagsins er að finna allt frá
söguferðum um grösugar sveitir til erfiðra jöklaferða. Í ferða áætlun
félagsins geta flestir fundið eitt hvað við sitt hæfi. Á 82 árum hefur
Ferðafélagið efnt til meira en 8.500 ferða með yfir 200.000 þátt-
takendum.
Öflug útgáfustarfsemi
Það eru allir velkomnir í Ferðafélagið og njóta félagsmenn sér-
kjara, bæði í ferðum, skálum og í fjölda verslana. Auk þess fá allir
félagsmenn árbókina senda heim á hverju ári og er það hluti af
árgjaldinu. Árbókin er einstæður bókaflokkur um land og náttúru.
Auk árbókanna hefur Ferðafélag Íslands staðið að útgáfu hand-
hægra fræðslu- og upplýsingarita um ferðamál, þjóðfræði og sögu
landshluta.
Sjálfboðastarf í góðum félagsskap
Félagsstarfið hefur í gegnum tíðina einkennst af miklu sjálfboða-
starfi. Félagar hafa unnið að byggingaframkvæmdum, farið vinnu-
ferðir í skála eða í frágangsferðir, stikað og unnið að uppbyggingu
göngu leiða, unnið við brúargerð og margt fleira. Í staðinn hafa þeir
fengið fríar ferðir, fæði og félagsskap.
Samgöngubætur og uppbygging svæða
Félagið hefur unnið markvisst að samgöngubótum, lagt akvegi og
brúað ár. Það hefur haft samstarf við sveitarfélög um landgræðslu,
náttúru vernd og uppbyggingu svæða eins og t.d. í Landmanna-
laugum, á Þórsmörk og Emstrum.
Sæluhúsin standa öllum opin
Sæluhús Ferðafélags Íslands og deilda félagsins úti um land eru
þægilegir áningarstaðir á ferðalagi um óbyggðir Íslands. Þau eru á
37 stöðum víðs vegar um landið og getur allur almenningur nýtt þau
óháð aðild að félaginu.
www.fi.is
FERÐAFÉLAG ÍSLANDS | Mörkinni 6 | 108 Reykjavík | Sími: 568 2533 | Fax: 568 2535 | Netfang: fi@fi.is | Veffang: www.fi.is