Fréttablaðið - 30.03.2010, Side 30
6 ● fréttablaðið ● páskar
Bjóðið upp á ...
ristaða humarhala
humarfyllta nautalund eða humar-tagliatelle
Fjórir gæðaflokkar eru í boði:
Sannkallaður sælkeramatur fyrir alla!
Ljúffengur
og litríkur
B r a g ð m i k i ð s j á v a r f a n g
Margir hugsa sér til hreyfings
um páskana. Útivistarfólk
gengur á fjöll og Fimmvörðu-
háls hefur eflaust vinninginn í
vinsældum ef veður leyfir. Aðr-
ir láta sér nægja að skreppa í
smábíltúr.
Ferðafélagið Útivist efnir til ferða
á „heitasta“ svæði landsins, Fimm-
vörðuháls, enda býr það svo vel
að eiga þar skála fyrir 20 manns
með góðu útsýni yfir gosstöðvarn-
ar. Þrjár ferðir eru fyrirhugaðar
þangað með gistingu eina nótt, að
sögn Bjargeyjar Sigurjónsdótt-
ur hjá Útivist. Básar í Þórsmörk
liggja líka vel við þegar göngur að
gosstöðvunum eru annars vegar.
Óleyfilegt er hins vegar að fara í
Bása eins og er en um leið og því
banni verður aflétt er Útivistar-
fólk tilbúið með allt sem þarf til
að taka á móti fólki og bjóða upp á
leiðsögn þaðan.
Skíðagöngur og brun eru alltaf
vinsælar um páskana. Skíðavikan
á Ísafirði hefst á skírdag og stend-
ur til 5. apríl með öllu tilheyrandi.
Á Ísafirði verður líka leiklist í há-
vegum höfð og rokkhátíð alþýð-
unnar, Aldrei fór ég suður, á þar
sinn fasta sess.
Í Eyjafirði eru fjöll þakin snjó
og ugglaust verða þeir margir sem
bregða sér á skíði í Hlíðarfjalli
ofan Akureyrar. Snjótroðari flyt-
ur líka fólk í yfir ellefu hundruð
metra hæð upp í Kaldbak þar sem
lengsta skíðabrekka landsins er.
Reykjanesið er hins vegar snjó-
laust og þar er kjörlendi fyrir þá
sem kjósa að njóta útivistar á lág-
lendinu. Þrjár mismunandi göng-
ur með leiðsögn hafa verið skipu-
lagðar í nágrenni Grindavíkur
yfir helgina. Sú fyrsta er á skír-
dag er genginn verður Prestastíg-
ur, gamla þjóðleiðin milli Grinda-
víkur og Hafna, um 16 kílómetra
leið. Skipsstígur verður genginn á
laugardaginn. Það er gamla þjóð-
leiðin milli Grindavíkur og Njarð-
víkur, einnig um 16 kílómetrar.
Rúta flytur fólkið aftur á upphafs-
stað í báðum þessum göngum.
Bláalónshringur verður svo geng-
inn á annan í páskum. Hann tekur
tvær til þrjár klukkustundir og er
tilvalin útivist fyrir fjölskylduna,
enda enginn þátttökukostnaður.
Píslarganga umhverfis Mývatn
er orðinn fastur liður á föstudag-
inn langa. Hún hefst með morgun-
tíðum í Reykjahlíðarkirkju. Hægt
er að koma við í Skútustaðakirkju,
hvíla sig aðeins og hlýða á upplest-
ur á nokkrum passíusálmum. Tón-
listarviðburðir verða líka í Mý-
vatnssveitinni. Tangósveit leikur
í Skjólbrekku á skírdagskvöld og
Ljótu hálfvitarnir verða með tón-
leika þar að kvöldi föstudags.
Eldmessu- og söguganga til-
heyra páskadagskránni Sigur lífs-
ins á Kirkjubæjarklaustri sem
sameinar útivist, fræðslu og helgi-
hald. Sem dæmi um dagskráratriði
eru erindi Helga Björnssonar jarð-
fræðings, Framtíðarhorfur Vatna-
jökuls, og Ævars Kjartanssonar,
guðfræðings og útvarpsmanns,
Hverju reiddust goðin? - gun
Ekið, gengið og skíðað
Fimmvörðuháls verður heitasta svæðið um helgina. FRÉTTABLAÐIÐ/ANTON
Reykjanesið er ákjósanlegt til gönguferða á láglendi, til dæmis um gamlar þjóðleiðir.
MYND/NORDICFOTOS/GETTYIMAGES
Kaldbakur býður upp á lengstu skíða-
brekku landsins.
Upplestur á passíusálmum Hall-
gríms Péturssonar fer fram í Hall-
grímskirkju á föstudaginn langa. Í
ár munu 25 ungmenni flytja sálm-
ana en þau eiga það sameiginlegt
að hafa unnið til verðlauna í upp-
lestrarkeppni grunnskólanna. Einn
upplesara er Bjarni Benediktsson,
nemandi á þriðja ári í Verzlunar-
skóla Íslands.
„Ég vann upplestrarkeppni
þegar ég var í sjöunda bekk í
Holtaskóla í Reykjanesbæ svo það
eru orðin nokkur ár síðan,“ segir
Bjarni en hann mun lesa sálma
númer 46 og 49 og er á leið á upp-
lestraræfingu þegar blaðamaður
hittir á hann.
„Fyrri sálmurinn heitir: Um
teiknin sem urðu við Kristí dauða.
Þá er verið að tala um hvernig
bergin klofnuðu og jörðin skalf
og dauðir risu upp þegar Krist-
ur var krossfestur. Ég er búinn að
æfa mig talsvert, lesa textann yfir
og reyna að skilja hann svo ég nái
réttri túlkun á sálminum,“ segir
Bjarni og segist ekki finna fyrir
sviðsskrekk, enda vanur að koma
fram.
„Ég hef spilað á saxófón í mörg
ár og hef verið í ýmsum hljóm-
sveitum. Ég hef gaman af því að
túlka hluti og fyrir mér er þetta
svipað og í tónlistinni. Ég fæ eitt-
hvað í hendurnar og þarf að skila
minni túlkun á því og það er allt-
af skemmtilegt. Það verður líka
gaman og hátíðlegt að fá að lesa
upp í Hallgrímskirkju.“
Aðspurður segir Bjarni engar
sérstakar hefðir fylgja fjölskyldu
hans á páskum. Venjulega sé farið
í bústað og dagarnir teknir rólega.
Eins viðurkennir hann að vera lítið
kirkjurækinn.
„Ég er að fara í miðpróf í sax -
ófónleik svo páskarnir fara í æf-
ingar hjá mér. Hefðin er sú að við
förum í kirkju á jóladagsmorgun
en fjölskyldan ætlar nú að koma í
Hallgrímskirkju og hlusta á mig
lesa. Það verður kannski til þess
að hefð skapist upp úr því.“ - rat
Lesturinn gæti
skapað góða hefð
Bjarni Benediktsson hlakkar til að lesa passíusálma Hallgríms Péturssonar í Hall-
grímskirkju á föstudaginn langa. FRÉTTABLAÐIÐ/STEFÁN