Fréttablaðið - 30.03.2010, Blaðsíða 33

ÞRIÐJUDAGUR 30. mars 2010 5
„Við erum í raun bara fjórir
sem ég veit um hérna á landinu
sem stundum þetta af einhverri
alvöru,“ segir Gísli. „Þeir virð-
ast ekki vera margir sem átta sig
á því hvers konar fjársjóð sjórinn
við Ísland hefur að geyma.“
Gísli hefur stundað köfun frá
árinu 1997, en einungis tekið
myndir neðansjávar í tvö ár. Hann
segir Eyjafjörðinn vera ótrúlega
magnaðan, en þar eru svokallaðar
neðansjávarstrýt-
ur sem eru þær
einu í heimin-
um sem kafarar
hafa færi á að
komast að. Sú
hæsta er í Eyja-
firðinum, um 50
metra há. „Þetta
er mjög sérstakt
svæði og magn-
að að sjá þetta,“
segir Gísli. „Það safnast mikið líf
í kringum þær sem er gaman að
mynda.“
Gísli hefur einnig myndað mikið
við Hjalteyri og Hauganes. Þó
segir hann að skemmtilegast sé
að skella sér bara einhvers stað-
ar út í og leyfa neðansjávarlands-
laginu að koma í ljós. „Þetta er
áhugamál sem heltekur mann. Það
er frábært þegar maður býst ekki
við neinu og er að skoða nánast
ókönnuð svæði. Þá getur maður
dottið inn í algjöra paradís – nán-
ast eins og íslenskt hálendi neðan-
sjávar. Þetta hvetur mann áfram í
að finna fleiri og fleiri staði.“
Skjálfandaflói verður annað
heimili Gísla í sumar þar sem
hann mun vinna við hvalaskoðun.
Hann telur það svæði vera eitt það
fallegasta á landinu og eina af best
geymdu perlum Íslands hvað varð-
ar köfun. Þótt hann hafi farið víða
við strendur Íslands segist hann
eiga margt eftir og ætlar meðal
annars að skoða flakið af El Grillo
í Seyðisfirði. „Það hefur alltaf
verið draumur hjá mér, sem ég
ætla mér að láta rætast í sumar.
Hver veit nema maður setji upp
eina ljósmyndasýningu eða svo,
þegar því er lokið.“
Heimasíða Gísla er www.flickr.
com/photos/gassa/.
- sv
Best geymdu leyndarmálin neðansjávar
Gísli Arnar Guðmundsson, kafari og áhugaljósmyndari, er búsettur á Akureyri og stundar neðansjávarljósmyndun af ástríðu. Segir Gísli þetta áhugamál vera ótrúlega sjaldgæft
hér á landi, enda tímafrekt og kostnaðarsamt, en engu að síður ótrúlega gefandi.
Steinbítur gægist undan rifi við Arnarnesstrýtu. MYND/GÍSLI A. GUÐMUNDSSON Litirnir eru ótrúlega skýrir þrátt fyrir mikið dýpi.
Gísli Arnar Guð-
mundsson kafari.
Nesgjáin í Kelduhverfi.
Páskaævintýri stendur yfir frá 26.
mars til 5. apríl á Akureyri. Mikið
framboð er á afþreyingu fyrir þá sem
skella sér norður um páskana.
Hægt er að skella sér í Sundlaug
Akureyrar, Glerárlaug eða Sundlaug-
ina í Hrísey. Hlíðarfjall verður opið
skíðamönnum alla páskana frá 9 til
16. Þá er hægt að fara í keilu, Skauta-
höllina eða fara á leiksýningu hjá
Leikfélagi Akureyrar.
Naturalis mountain guide býður
upp á fjallgöngur með leiðsögn,
sjá naturalis.is. Ferðafélag Akureyr-
ar býður upp á fjölbreyttar göngu-
og skíðaferðir, sjá ffa.is. Siglingar og
skoðunarferðir með bátnum Húna II
eru í boði fyrir hópa, sjá huni.muna.
is og þá er hægt að skella sér í sjó-
stangveiði með bátnum Haf fara, sjá
haffari.is.
Extreme Icelandic Adventures
býður upp á fjölbreyttar ferðir fyrir
hópa og rekur einn stærsta fjallatrukk
landsins.
Hestaleigan Pólarhestar býður upp
á eins til þriggja klukkustunda ferðir,
sjá polarhestar.is.
Kaldbaksferðir flytja skíðafólk og
annað útivistarfólk á snjótroðara upp
lengstu skíðabrekku landsins, sjá
kaldbaksferdir.is.
Fyrirtækið 24x24 býður upp á fjall-
göngu með leiðsögn allt árið, sjá
24x24.is.
Þetta er aðeins brot af því sem er í
boði en nánari upplýsingar má finna
á visitakureyri.is.
Mikið líf og fjör á
páskaævintýri
MARGT ER Í BOÐI FYRIR ÞÁ SEM SKELLA
SÉR NORÐUR UM PÁSKANA.
Hlíðarfjall dregur að marga ferðamenn
um páskana.