Fréttablaðið - 31.03.2010, Blaðsíða 18

18 31. mars 2010 MIÐVIKUDAGUR
Eldgosið á Fimmvörðuhálsi
M ý r d a l s -
j ö k u l l
E y j a f j a l l a j ö k u l l
Skógar
Seljalandsfoss
Stóramörk
M A R K
A R F L J
Ó T
Þ Ó R S M Ö R K
M ý r d a l s -
j ö k u l l
E
yj
a
fj
a
ll
a
jö
k
u
ll
Fyrir hverja: Vant göngufólk eða fólk vant að ferðast yfir
jökla.
Hvernig kemst ég þangað akandi: Hægt að aka yfir
Mýrdalsjökul frá Sólheimajökli, á mikið breyttum jeppa eða
vélsleða, ekki er mælt með því að aka yfir jökulinn á fjórhjóli.
Ekki er mælt með því að aka yfir jökulinn nema fólk sé vant
að ferðast á jökli og sé mjög vel útbúið, hafi GPS-tæki með í
bílnum, kunni að nota það og fylgi öruggri leið, sem sjá má
á vef Landsbjargar. Fólki er ráðið frá að vera eitt á ferð eða
einbíla. Einnig er mikilvægt að fólk kynni sér veðurspá.
Útbúnaður: Hlýr fatnaður og nesti til dagsferðar er mikil-
vægt þótt ferðast sé í bíl.
Tími: Í góðu færi tekur einn til tvo klukkutíma að aka frá
Sólheimajökli að Fimmvörðuhálsi.
Hvernig kemst ég þangað gangandi:
Gönguleiðin upp á Fimmvörðuháls hefst á Skógum. Upp
á hálsinn er um fimm til sex tíma gangur, ef fólk stoppar
klukkustund við gosið má gera ráð fyrir 12 tímum í ferðina.
Hækkun er um 1.200 metrar. Leiðin er þannig ekki á færi
nema göngufólks í þjálfun. Boðið er upp á skipulagðar ferðir
á hálsinn, til dæmis eru Íslenskir fjallaleiðsögumenn með
daglegar ferðir kl. 7 á morgnana, Útivist býður upp á ferðir
með gistingu í skála félagsins. Lagt er af stað í þær klukkan
13 frá Skógum skírdag og föstudaginn langa og hugsanlega
einnig á laugardag.
Útbúnaður: Gönguskór, lagskiptur hlýr fatnaður, orkuríkt
nesti, göngustafur, GPS-tæki.
Tími: 12 til 15 klukkustundir í göngu upp og niður.
Fyrir hverja: Jeppaeigendur og göngufólk
Hvernig kemst ég þangað: Vegurinn inn í
Þórsmörk er fær jeppum. Ekki er mælt með
að fólk sé eitt á ferð nema það þekki leiðina
inn í Þórsmörk.
Hvenær er best að fara: Skynsamlegt er
að aka að deginum til. Kynnisferðir bjóða upp
á rútuferðir frá BSÍ kl. 9 um páskana og inn í
Húsadal, þaðan er tæplega klukkutíma gang-
ur inn í Langadal og þaðan um klukkutími yfir
í Bása. Ferðafélagið býður upp á dagsferðir
um páskana frá Mörkinni 6 inn í Langadal og
gönguferðir þangað á útsýnisstaði.
Gisting: Þegar inn í Þórsmörk er komið er
hægt að gista á þremur stöðum, í Húsadal,
Langadal eða Básum á Goðalandi. Mælt er
með að fólk panti gistingu áður en lagt er í
hann ætli fólk að gista.
Hvað sést: Frá Morinsheiði er mjög gott
útsýni yfir eldstöðvarnar. Þangað er um
þriggja tíma ganga frá Básum. Gangan felur
í sér 800 metra hækkun og það er bratt á
köflum. Útivist býður upp á skipulagðar göng-
ur þangað frá Básum, en skálaverðir munu
einnig vera til leiðsagnar fólki á eigin vegum.
Frá Valahnúk er klukkustundar þægilegur
gangur frá Langadal eða Húsadal, þaðan
er ágætis útsýni þótt það jafnist ekki á við
útsýnið frá Morinsheiði.
Útbúnaður: Hlýr og lagskiptur göngufatnað-
ur, gönguskór og göngustafir eru nauðsynlegir
vegna harðfennis á Morinsheiði. Ef ekki er
gengið með leiðsögumanni þá er nauðsyn-
legt að hafa göngukort með og GPS-tæki.
Tími: Rúma klukkustund tekur að aka Þórs-
merkurveg frá Merkurbæjum. Gönguferð frá
Básum upp á Morinsheiði og til baka tekur
um sex til sjö tíma með stoppi.
Þeir sem leggja land undir fót til að skoða eld-
gosið á Fimmvörðuhálsi ættu að skoða vel veð-
urspá og fylgjast með fréttum af gangi gossins.
Mikilvægt er að vera vel útbúinn, þeir sem ætla
að ganga upp á Morinsheiði eða Fimmvörðuháls
þurfa að vera vel klæddir og nestaðir.
Mælt er með að fólk skoði eftirfarandi vefsíður
áður en lagt er í hann:
www.vedur.is Veðurspá og sérsíða um gosið á
Fimmvörðuhálsi.
www.landsbjorg.is þar er að finna hnit fyrir
ökuleið yfir Mýrdalsjökul.
www.almannavarnir.is helstu fréttir af
gosstöðvum.
Undirbúningur mikilvægur
F L J Ó T S H L I Ð Þórólfsfell
Fyrir hverja: Alla sem eiga fólksbíl eða jeppa.
Hvernig kemst ég þangað: Ekið er sem leið liggur inn
Fljótshlíðina og áfram undir Þórólfsfell. Mælt er með göngu
upp á fjallið, sem er þægilegt og viðráðanlegt fyrir alla. Þeir
sem eru á jeppum geta ekið áfram, til dæmis að Einhyrningi.
Hvenær er best að fara: Best er að skoða gosið í ljósaskipt-
um og eftir að myrkur er skollið á, í dagsbirtu sést ekki mikið
úr þessari fjarlægð.
Útbúnaður: Þó að ferðast sé í bíl er mælt með því að allir
séu vel klæddir og með nesti. Mikil umferð hefur verið á
þessum slóðum á kvöldin og gera má ráð fyrir að umferðin
gangi hægt.
Tími: Frá Hvolsvelli er um það bil 40 mínútna akstur að
Þórólfsfelli. Um klukkutíma tekur að ganga á fjallið.
Fljótshlíðin - Þórólfsfell
Sólheimajökull Gönguleið á Fimmvörðuháls
Þ Ó R S M Ö R K
Fi
m
m
vö
rð
uh
ál
s
Hrunagil
Morinsheiði
Hraunstraumurinn eins
og hann var í gær
Fimm-
vörðu-
skáli
Fi
m
m
vö
rð
uh
ál
s
Básar
Básar
Leiðir til að skoða eldgosið á
Fimmvörðuhálsi um páskana
Eldgosið á Fimmvörðuhálsi hefur kveikt löngun í mörgum til að fara og sjá það með eigin augum. Fólk er hvatt til að skoða veður-
spá áður en lagt er upp og fylgjast með fréttum af gangi gossins. Hægt er að nálgast gosið eftir nokkrum miskrefjandi leiðum.
HEIMILDIR: FERÐAFÉLAGIÐ ÚTIVIST, FERÐAFÉLAG ÍSLANDS OG ALMANNAVARNIR ÍSLANDS
Hluthafafundur Exista hf.
9. apríl 2010
EXISTA hf. ı Ármúla 3 ı 108 Reykjavík ı Sími 550 8600
Hluthafafundur Exista hf. verður haldinn föstudaginn 9. apríl 2010 í höfuð-
stöðvum félagsins að Ármúla 3, 5. hæð, Reykjavík, og hefst fundurinn kl. 10:00.
Dagskrá:
1. Tillögur til breytinga á samþykktum Exista hf.:
Breyting á 1. mgr. 15. gr. um að að stjórn félagsins skuli skipuð allt að
fimm mönnum. Skulu þeir kosnir árlega á aðalfundi, til eins árs í senn.
2. Kosning stjórnar.
3. Önnur mál.
Sérstaklega er bent á að þeir sem hyggjast gefa kost á sér til setu í stjórn
félagsins skulu tilkynna það skriflega til stjórnar félagsins að minnsta kosti
fimm dögum fyrir upphaf hluthafafundar. Þeir einir eru kjörgengir sem þannig
hafa gefið kost á sér. Í tilkynningu um framboð til stjórnar skal gefa, auk
nafns frambjóðanda, kennitölu og heimilisfangs, upplýsingar um aðalstarf,
önnur stjórnarstörf, menntun, reynslu og hlutafjáreign í félaginu. Þá skal
einnig upplýsa um hagsmunatengsl við helstu viðskiptaaðila, samkeppnisaðila
félagsins, sem og hluthafa sem eiga meira en 10% hlut í félaginu. Stjórn
félagsins skal yfirfara tilkynningar þeirra sem kost á sér gefa til stjórnar og
gefa viðeigandi aðilum tækifæri, á sannanlegan hátt, til þess að leiðrétta
ágalla á tilkynningu innan ákveðins tíma, sem skal ekki vera lengri en 24
klukkustundir. Ef ekki er bætt úr ágöllum á tilkynningu innan tilsetts
tímamarks, mun stjórn félagsins ákveða um gildi framboðsins. Mögulegt er
að bera ákvörðun stjórnar félagsins upp á hluthafafundi sem hefur úrslitavald
um gildi framboðs til stjórnar félagsins.
Tillögur frá hluthöfum sem bera á upp á hluthafafundi skulu vera komnar í
hendur stjórnarinnar eigi síðar en sjö dögum fyrir hluthafafund.
Fundargögn verða afhent á fundardegi frá kl. 09:30 á fundarstað.
Reykjavík, 31. mars 2010
Stjórn Exista hf.
HRAUNFOSS Náttúruöflin eiga það til að láta mennina virka smáa og var mannfólkið sem gekk um
Fimmvörðuháls í gær agnarsmátt hjá þessum mikilfenglega hraunfossi. Samkvæmt upplýsingum frá Veð-
urstofu Íslands urðu litlar breytingar á gosinu í gær. Ágætt veður ætti að verða til að skoða gosið í dag. Í
byggð nærri gosinu er spáð hita frá núll gráðum að mínus sjö, heiðskíru og allt að tíu metrum á sekúndu.
Fimmvörðuháls
Þórsmörk - Morinsheiði
FR
ÉTTA
B
LA
Ð
IÐ
/G
VA