Fréttablaðið - 31.03.2010, Qupperneq 64

48 31. mars 2010 MIÐVIKUDAGUR
sport@frettabladid.is
HANDBOLTI Það er mikil spenna
á lokaspretti N1-deildar karla í
handbolta og það er ekki síst vegna
góðrar frammistöðu liðanna í neðri
hlutanum.
Það er athyglisvert að skoða
stigasöfnun liðanna átta í síð-
ustu þremur umferðum því það
má segja að taflan hafi hreinlega
snúist við frá því hún var eftir
15. umferð. Valsmenn hafa besta
árangurinn en í næstu þrem-
ur sætum koma Grótta, Fram og
Stjarnan sem skipa þrjú neðstu
sætin í deildinni en hafa strítt
hverju toppliðinu á fætur öðru í
síðustu leikjum.
Valsmenn hafa komið í sér í hóp
fjögurra efstu liðanna á ný með
því að krækja í fimm stig af síð-
ustu sex mögulegum. Valsmenn
geta tekið annað sætið af Akur-
eyri í kvöld þegar þeir fá norðan-
mennina í heimsókn í Vodafone-
höllina.
Grótta og Stjarnan hafa bæði
unnið tvo síðustu leiki sína en liðin
mætast í sannkölluðum fjögurra
stiga leik á Seltjarnarnesi í kvöld.
Grótta hefur eins stigs forskot á
Stjörnuna og Fram en Stjarnan er
ofar en Safamýrarpiltar með betri
árangri í innbyrðisleikjum.
Framarar hafa verið á miklu
flugi að undanförnu með 4 sigra
í síðustu 5 leikjum en þeir fá FH
í heimsókn í kvöld. FH-liðið hefur
tapað þremur leikjum í röð síðan
það vann langþráðan sigur á
nágrönnum sínum í Haukum og er
fyrir vikið ekki lengur meðal fjög-
urra efstu liðanna.
Lokaleikur kvöldsins er síðan
milli HK og Hauka í Digranesi en
HK vann sannfærandi sjö marka
sigur á Haukum á sama stað fyrr
í vetur en Haukar þurfa stig til að
tryggja sér deildarmeistaratitilinn.
- óój
Hart barist á toppi og botni í heilli umferð í N1-deild karla í handbolta í kvöld:
Taflan á hvolf í síðustu umferðum
TVEIR SIGRAR Í RÖÐ Grótta hefur byrjað
vel undir stjórn Geirs Sveinssonar.
FRÉTTABLAÐIÐ/PJETUR
Íslenska kvennalandsliðið í handbolta er úti í London þar sem liðið
mætir Bretum í undankeppni Evrópumótsins í kvöld. Liðið spilar
síðan við Breta í Laugardalshöllinni á laugardaginn en þetta
landsliðsverkefni kemur inn á milli deildar- og úrslita-
keppninnar hjá stelpunum og því hefur verið lítill tími fyrir
undirbúning hjá landsliðsþjálfaranum Júlíusi Jónassyni.
„Þær spiluðu á laugardaginn og svo tók ég við þeim á
mánudagsmorgni úti í Keflavík. Þetta er undirbúningurinn
og svo fara þær í félagsverkefnið strax eftir helgi. Þær ná að
einbeita sér að þessu og gleyma félagsliðinu í bili,“ segir
Júlíus Jónasson, landsliðsþjálfari.
Bretar hafa ekki verið þekktir fyrir handbolta
í gegnum tíðina en Júlíus segir að þeir hafi
safnað að sér leikmönnum frá Norðurlöndun-
um og Frakklandi sem hafa tengsl við Bretland.
„Ólympíuleikarnir eru í London 2010, þeir eru að
leita eftir Bretum hvar sem þeir eru í heiminum og hafa verið að búa
til lið,“ segir Júlíus. Bretar hafa tapað fyrstu tveimur leikjunum með
samtals 36 mörkum.
„Það hefur sýnt sig að þær eru með slakasta liðið í riðlinum miðað
við úrslitin. Það er ekki stóra málið að vinna þennan leik mjög
stórt. Við þurfum að klára þessa leiki áður en við förum í seinni
hlutann á móti Frakklandi og Austurríki. Við getum auðveldlega
eyðilagt allt fyrir okkur með einhverjum skítaleik á morgun. Það er
markmið dagsins að halda öllum á tánum,“ segir Júlíus.
Íslenska liðið hefur náð tveimur stigum út úr tveimur fyrstu
leikjum sínum og er sem er í 3. sæti riðilsins á eftir Frökkum
og Austurríkismönnum. „Það eru gífurlega góðir möguleikar
hjá okkur en við megum ekki henda þeim frá okkur. Við
höfum sagt að þetta sé dauða-dauðafæri og við
höfum oft séð menn klikka á dauðafærum en
við ætlum ekki að láta það gerast,“ segir Júlíus.
JÚLÍUS JÓNASSON: STÝRIR KVENNALANDSLIÐINU Á MÓTI BRETUM Í LONDON Í KVÖLD
Við getum auðveldlega eyðilagt allt fyrir okkur
> Arnar á leið til Grikklands
Gríska félagið AEK Aþena tilkynnti í gær að það hefði
ráðið Arnar Grétarsson sem tæknilegan ráðgjafa félags-
ins. Þetta þýðir að Blikar hafa misst sinn
reyndasta leikmann og Arnar hefur
einnig spilað sinn síðasta leik á ferlinum.
Missir Blika er mikill enda var Arnar
frábær í liði félagsins síðasta sumar
er það vann bikarinn í fyrsta skipti.
Arnar lék með AEK á sínum tíma
og koma þessi tíðindi ekki mikið á
óvart enda hefur það verið lengi í
umræðunni að Arnar væri á leið
til Grikklands. Nú er það loks
staðfest.
Meistaradeild Evrópu:
FC Bayern-Man. Utd 2-1
0-1 Wayne Rooney (2.), 1-1 Franck Ribery (76.),
2-1 Ivica Olic (90.+2).
Lyon-Bordeaux 3-1
1-0 Lisandro Lopez (10.), 1-1 Marouane Cham-
akh (14.), 2-1 Michel Bastos (32.), 3-1 Lisandro
Lopez, víti (77.).
ÚRSLIT
1. deild karla í körfu:
Valur-Haukar 73-82
Valur: Hörður Helgi Hreiðarsson 21/11 fráköst/4
varin skot, Guðmundur Kristjánsson 13, Byron
Davis 12/5 fráköst, Sigurður Friðrik Gunnarsson
9/6 fráköst, Snorri Páll Sigurðsson 8/6 fráköst/9
stoðsendingar, Pétur Þór Jakobsson 5, Þorgrímur
Guðni Björnsson 3/5 fráköst, Benedikt Palsson 2.
Haukar: Semaj Inge 27/11 fráköst/6 stoðsend-
ingar, Davíð Páll Hermannsson 16/4 fráköst,
Sævar Ingi Haraldsson 14/5 fráköst, Helgi Björn
Einarsson 13/5 fráköst, Óskar Ingi Magnússon
7/7 fráköst, Örn Sigurðarson 2, Lúðvík Bjarnason
2, Emil Barja 1.
N1 Deildin
KARLAR
Miðvikudagur
Vodafone höll
Seltjarnarnes
Framhús
Digranes
Valur - Akureyri
Grótta - Stjarnan
Fram - FH
HK - Haukar
18:30
19:30
19:30
19:30
2009 - 2010
FÓTBOLTI Lyon er í afar sterkri
stöðu gegn Bordeaux eftir 3-1
sigur á löndum sínum í átta liða
úrslitum Meistaradeildarinnar í
gær.
Lisandro Lopez var hetja Lyon í
leiknum en hann skoraði tvívegis.
Hann skoraði fyrsta markið á
10. mínútu eftir að varnarmenn
Bordeaux höfðu nánast gefið
frá sér boltann. Stutt sending á
Lopez sem skoraði auðveldlega.
Hinn magnaði framherji Bor-
deaux, Marouane Chamakh, jafn-
aði leikinn aðeins fjórum mínút-
um síðar. Hann fékk þá laglega
sendingu í teiginn frá Gourcuff
sem hann skallaði af afli í netið.
Vörn Bordeaux gerði sig aftur
seka um slæm mistök á 32. mín-
útu er það náði ekki hreinsa fyr-
irgjöf burt. Boltinn fór á Michel
Bastos sem lagði boltann smekk-
lega í fjærhornið.
Það var síðan Lopez sem
kláraði leikinn fyrir Lyon með
marki úr vítaspyrnu á 77. mínútu
- hbg
Meistaradeild Evrópu:
Lyon skellti
Bordeaux
SVEKKTUR Marouane Chamakh, leik-
maður Bordeaux, var ekki kátur í gær.
NORDIC PHOTOS/GETTY IMAGES
KÖRFUBOLTI Haukar tryggðu sér í
gærkvöld sæti í Iceland Express-
deild karla að ári með sigri á Val,
73-82.
Haukar unnu þar með einvígi
liðanna 2-0 og fara upp um deild
ásamt KFÍ.
Haukar byrjuðu leikinn betur
í gær og leiddu með þrem stigum
eftir fyrsta leikhluta. Valsmenn
komu til baka og voru einu stigi
yfir í leikhléi.
Haukarnir tóku aftur á móti
völdin á nýjan leik í síðari hálf-
leik, voru sterkari í báðum leik-
hlutum og tryggðu sér verðskuld-
aðan sigur.
Semaj Inge átti stórleik í liði
Hauka en hann hefur reynst
Haukum drjúgur frá því hann
gekk í raðir félagsins frá KR sem
gat ekki notað hann lengur. - hbg
Umspil 1. deildar karla:
Haukar í
úrvalsdeild
STERKUR Semaj Inge var magnaður í liði
Hauka í gær. FRÉTTABLAÐIÐ/VALLI
FÓTBOLTI Man. Utd á verðugt verk-
efni fyrir höndum í síðari leiknum
gegn FC Bayern í átta liða úrslit-
um Meistaradeildarinnar eftir 2-1
tap í Þýskalandi í gær.
United byrjaði leikinn með ótrú-
legum látum. Tók miðju, sendi upp
í hornið á Nani þar sem var brotið
á honum við hornfánann. Nani tók
spyrnuna sjálfur, sendi í teiginn
þar sem Wayne Rooney var einn
og óvaldaður. Hann þakkaði fyrir
það með því að skora auðveldlega
af stuttu færi.
Gary Neville braut af sér rétt
utan teigs þegar um stundarfjórð-
ungur var eftir af leiknum. Franck
Ribery tók aukaspyrnuna sem
var frekar slök. Spyrnan fór þó í
Wayne Rooney og breytti þar með
um stefnu og í netið fór boltinn.
Leikur United skánaði mikið
eftir markið og liðið fór að sækja
á ný. Nemanja Vidic komst ansi
nærri því að skora sjö mínútum
fyrir leikslok er hann skallaði
hornspyrnu Ryan Giggs í slána.
Mario Gomez fékk dauðafæri í
uppbótartíma en Van der Sar varði
glæsilega í horn.
Þegar uppbótartíminn var nán-
ast búinn gerði Patrice Evra sig
sekan um slæm mistök. Hann
var að dóla með boltann í teign-
um. Ivica Olic hrifsaði af honum
knöttinn og skoraði auðveldlega.
Ótrúlega klaufalegt. Leikurinn var
flautaður af skömmu síðar og það
var ekki upplífgandi fyrir stuðn-
ingsmenn United að sjá Wayne
Rooney haltra síðan af velli en
hann sneri sig í uppbótartíma.
„Við spiluðum ekki vel ef ég á að
segja eins og er. Við vorum alltaf
að gefa frá okkur boltann og það
er okkur að kenna að leikurinn
tapaðist,“ sagði Sir Alex Fergu-
son, stjóri Man. Utd, eftir leik-
inn. „Bayern var betra liðið en við
eigum að vera betri í að halda bolt-
anum en við sýndum í kvöld. Fyrra
markið þeirra var heppni og það
var síðan skelfilegt að gefa þeim
síðara markið.“
Síðari leikurinn fer fram á Old
Trafford eftir viku. „Það verð-
ur allt annar leikur. Við verðum
miklu betri, ég efast ekkert um
það og vonandi réttum við úr kútn-
um. Við höfum útivallarmarkið og
munum reyna að vinna síðari leik-
inn,“ sagði Ferguson.
henry@frettabladid.is
Nú fékk United á baukinn
Ellefu árum eftir að United tryggði sér sigur í Meistaradeildinni með tveimur
mörkum gegn FC Bayern í uppbótartíma snerist dæmið við. Ivica Olic skoraði
sigurmark Bayern á ögurstundu. Wayne Rooney haltraði af velli í leikslok.
MEIDDUR Wayne Rooney meiddist
nokkrum sekúndum áður en Bayern
skoraði sigurmarkið. NORDIC PHOTOS/AFP
HETJAN Ivica Olic fagnar hér sigurmarki sínu í gær. Skot hans var síðasta spyrna
leiksins. NORDIC PHOTOS/AFP
Stig og markatala í síðustu 3 umferðum:
1. Valur 5 (+7), 2. Grótta 4 (+9), 3. Fram 4
(+5), 4. Stjarnan 4 (+3), 5. Haukar 4 (-2), 6.
Akureyri 2 (-5), 7. HK 1 (-6), 8. FH 0 (-11).
Leikir kvöldsins: Klukkan18.30: Valur-Akur
eyri. Klukkan 19.30: Fram-FH, HK-Haukar,
Grótta-Stjarnan, HK-Haukar