Fréttablaðið - 31.03.2010, Blaðsíða 66

50 31. mars 2010 MIÐVIKUDAGUR
FÓTBOLTI Það verður án vafa skrít-
in tilfinning fyrir Thierry Henry
að labba inn á Emirates-völlinn í
kvöld þar sem hann mætir sínu
gamla félagi, Arsenal. Henry við-
urkenndi að vera þegar orðinn
mjög tilfinninganæmur er hann
steig upp í flugvélina til London.
„Þetta verður afar furðulegur
leikur fyrir mig. Ég sagði fyrir
dráttinn að ég vildi alls ekki mæta
Arsenal, af hverju vita allir. Svona
er þetta samt og maður verður að
standa sig í þessum aðstæðum,“
sagði Henry sem verður líklega
í byrjunarliði Barcelona í kvöld.
Þetta verður hans fyrsti leikur á
Emirates í þrjú ár.
Henry skoraði 226 mörk fyrir
Arsenal á átta tímabilum og var á
dögunum kosinn besti leikmaður
félagsins frá upphafi í kosningu á
heimasíðu félagsins.
„Síðan ég fór til Barcelona hef
ég aðeins komið einu sinni á Emir-
ates. Það var þegar liðið mætti
Blackburn fyrir þremur eða fjór-
um mánuðum. Ég veit ekki hvernig
fólk mun taka á móti mér. Samband
mitt við stuðningsmenn félagsins
er mjög sérstakt. Þeir eru frábær-
ir og styðja sitt lið sama á hverju
gengur. Ég er stuðningsmaður Ars-
enal og verð alltaf stuðningsmaður
félagsins. Ég horfi á alla leiki liðs-
ins sem ég get,“ sagði Frakkinn.
Arsenal þarf á góðum úrslitum
að halda á heimavelli í kvöld enda
er þetta aðeins fyrri leikurinn og
síðari leikurinn á Camp Nou verð-
ur án efa mjög erfiður.
Það hjálpar ekki Lundúnaliðinu
að þeirra besti maður, Cesc Fabre-
gas, er meiddur og svo gæti farið
að hann verði ekki einu sinni á
bekknum í kvöld.
„Hann er ekki að æfa og er ekki
leikhæfur,“ sagði Arsene Weng-
er, stjóri Arsenal. „Við munum
að sjálfsögðu bíða fram á síðustu
stundu en ég veit hreinlega ekki
hvort hann nær leiknum. Ef hann
er ekki nógu góður til að spila er
afar ólíklegt að ég taki einhverja
áhættu með því að hafa hann á
bekknum.“
Drengir José Mourinho í Inter
leika einnig í kvöld en þeir taka
á móti rússneska liðinu CSKA
Moskva á San Siro. Mourinho býst
við erfiðum leik.
„Það er alltaf erfitt að spila gegn
svona liði. Þeir hlupu mikið gegn
Man. Utd og líkamlegt atgervi
liðsins heillaði mig. Þetta er þétt
lið með góða vörn og sterka sókn-
armenn eins og Krasic sem skor-
ar nánast í hverjum leik,“ sagði
Mourinho. henry@frettabladid.is
Henry verður í sviðsljósinu í kvöld
Tveir leikir fara fram í átta liða úrslitum Meistaradeildar Evrópu í kvöld. Inter tekur á móti CSKA Moskva
og svo mætir Barcelona á Emirates. Thierry Henry verður líklega í liði Barcelona í kvöld en hann gerir ráð
fyrir tilfinningaríku og erfiðu kvöldi. Cesc Fabregas er meiddur og mun líklega ekki spila með Arsenal.
Á HEIMAVELLI Í KVÖLD Thierry Henry mætir sínu gamla félagi í kvöld. Hann er hér á ferðinni með Arsenal gegn Barcelona í úrslit-
um Meistaradeildarinnar árið 2006. Barcelona vann þann leik, 2-1. NORDIC PHOTOS/GETTY IMAGES
FÓTBOLTI Landsliðsmaðurinn Stef-
án Gíslason er á leið til norska
félagsins Viking frá danska lið-
inu Bröndby. Hann er lánaður til
norska liðsins.
Egil Östenstad, yfirmaður
íþróttamála hjá Viking, staðfesti
í gær að samkomulag hefði náðst
við Bröndby og Stefán. Aðeins
ætti eftir að ganga frá pappírs-
vinnunni.
„Ég reikna með að þetta gangi
upp og er góð lausn fyrir mig og
Viking. Þarna fæ ég möguleika á
að spila fótbolta,“ sagði Stefán við
Aftenbladet en hann hefur ekkert
fengið að spila með Bröndby síð-
ustu misserin.
Stefán er ekki ókunnugur
norska boltanum þar sem hann
lék með Lyn og Stömsgodset á
sínum tíma. - hbg
Breytingar hjá Stefáni:
Á leið til Viking
STEFÁN GÍSLASON Fær loksins að spila
fótbolta aftur. FRÉTTABLAÐIÐ/AFP
FÓTBOLTI Íslenska kvennalandsliðið mætir því króat-
íska ytra í dag en leikurinn er liður í undankeppni
HM. Ísland má alls ekki misstíga sig í leiknum
í dag ef það ætlar að eiga möguleika á að kom-
ast áfram.
Króatía er á pappírnum talsvert lakara lið
en Ísland og það tapaði mjög óvænt á heima-
velli fyrir Eistum, 0-3. Sigurður Ragn-
ar Eyjólfsson landsliðsþjálfari segir
að það fari ágætlega um liðið sem sé
á fínu hóteli. Hann kann samt ekki
við þann leik sem Króatar eru að
spila til þess að koma liðinu hans
úr jafnvægi.
„Þegar við vorum búin að æfa í
tíu mínútur á mánudag þá kom ein-
hver og sagði að við mættum ekki
æfa þar. Við urðum því að dröslast
upp í rútu og fara á annan völl í
fimm mínútna fjarlægð. Ég er nú
öllu vanur en verð samt að viður-
kenna að ég varð virkilega reiður,
sérstaklega þar sem við vorum byrj-
uð að æfa,“ segir Sigurður Ragnar og
bætti við. „Svona myndi aldrei gerast í
karlaboltanum.“ Á æfingunni í gær á vellinum
sem leikurinn fer fram var önnur uppákoma.
„Völlurinn var mjög loðinn og við vildum láta slá
hann. Eftirlitsmaður UEFA blandaði sér í málið
og skipaði vallarstjóranum að slá völlinn en hann
neitaði. Hann gaf sig þó á endanum og var að slá
meðan við æfðum. Það er allt reynt en við látum
þetta ekki koma okkur úr jafnvægi,“ segir
Sigurður.
Hann segir leikmenn liðsins vera í góðu
ástandi og engin meiðslavandræði séu.
„Það er óvenju lítið að gera hjá sjúkra-
þjálfaranum sem þarf ekki að teipa einn
ökkla. Margrét Lára var í smá vandræð-
um í síðasta leik en segist vera í lagi
núna,“ segir Sigurður. Hann segir leik-
inn á morgun vera þolinmæðisverk.
„Þetta lið vill halda boltanum en
stelpurnar láta sig detta mikið og
liggja þá lengi. Þær gera mikið úr
öllu og reyna að tefja eins og hægt
er. Við þurfum því að passa okkur á
að halda haus þó svo það gangi illa að
skora fyrsta markið sem mun skipta
öllu.“ - hbg
Króatar gera allt til þess að koma íslenska landsliðinu úr jafnvægi:
Vallarstjórinn neitaði að slá völlinn
Viðarhöfða 6 - Reykjavík / Bæjarhrauni 12 - Hafnarfirði
www.sindri.is / sími 575 0000
Verslanir
PI
PA
R\
TB
W
A
•
SÍ
A
•
10
07
89
Allt veltur
á söginni!
D27107
Áreiðanleg veltisög
frá DeWalt
Afl: 2000 W
Blaðstærð: 305 mm
154.900 kr. (með VSK)
Er byggt á Leppin Smart Energy
Inniheldur flókin kolvetni
Ekkert koffín, taurín eða
önnur örvandi efni
Náttúruleg litarefni
Án Aspartam
KLÁRAÐU
LEIKINN
–með nýju og endurbættu Soccerade