Fréttablaðið - 01.04.2010, Page 8

8 1. apríl 2010 FIMMTUDAGUR
1. Hver hlaut Bókmenntaverð-
laun Norðurlandaráðs?
2. Fyrir hvað er Billy Branch
þekktastur?
3. Hvað hefur tónlistarhátíðin
Músík í Mývatnssveit verið
haldin oft?
SVÖRIN ERU Á SÍÐU 50
DÓMSMÁL Fjórir
karlmenn hafa verið
dæmdir í fangelsi
fyrir kannabisrækt-
un og undirbúning
vatnsræktunar sem
gæti numið allt að
600 kannabisplönt-
um á bænum Karls-
stöðum í Djúpavogs-
hreppi. Þar fundust
sextán plöntur.
Sá fjórmenninganna sem tók
jörðina á leigu og hafði forgöngu
um og fjármagnaði umfangsmikl-
ar framkvæmdir við hina stóru
kannabisverksmiðju var dæmdur
í sex mánaða fangelsi. Einn hinna
þriggja, sem sáu meðal annars
um smíðar og fleiri framkvæmd-
ir, var dæmdur í fimm mánaða
fangelsi en hinir tveir í fjögurra
mánaða fangelsi. Allir
dómarnir voru óskil-
orðsbundnir. Mennirnir
gáfu mismunandi skýr-
ingar á athöfnum sínum
á Karlsstöðum. Höfuð-
paurinn kvaðst í fyrstu
hafa ætlað að rækta
tómata, en breytti því
síðan í kannabisplöntur.
Síðar kvaðst hann hafa
verið hættur við kanna-
bisræktunina vegna samvisku-
bits. Loks sagðist hann fyrir dómi
hafa ætlað að fara í ferðaþjónustu
á jörðinni.
Dómurinn áleit það sannað, ekki
síst þar sem settar höfðu verið
upp tvær öflugar dísilrafstöðvar
á bænum til að leyna mikilli orku-
notkun, að mennirnir hefðu ætlað
út í stórfellda ræktun. - jss
KANNABISRÆKTUN Sett
hafði verið upp svokölluð
vatnsræktun á bænum.
Fjórir dæmdir í kannabismáli í Djúpavogshreppi:
Tómatar urðu kannabis
KÓPAVOGUR Gunnar Birgisson,
fyrrverandi bæjarstjóri í Kópa-
vogi, tekur þriðja sæti á lista
Sjálfstæðisflokksins fyrir kom-
andi sveitarstjórnarkosningar.
Tuttugu og tveggja manna
framboðslisti Sjálfstæðisflokks-
ins í Kópavogi var samþykktur á
fulltrúafundi flokksins í fyrra-
dag.
Listi sjálfstæðismanna klár:
Gunnar tekur
þriðja sætið
GUNNAR BIRGISSON Listi sjálfstæðis-
manna í Kópavogi er klár.
FRÉTTABLAÐIÐ/VILHELM
RÚSSLAND, AP Tsjetsjenskir íslam-
istar segjast bera ábyrgð á tveimur
sprengjuárásum í Moskvu á mánu-
dag. Rússnesk stjórnvöld höfðu þá
grunaða frá byrjun.
Í gær voru gerðar tvær árásir í
viðbót, að þessu sinni í suðurhluta
Rússlands. Eins og á mánudaginn
voru þar konur að verki, ekkjur
manna sem höfðu fallið fyrir hendi
rússneskra hermanna í Tsjetsjen-
íu í norðanverðum Kákasushéruð-
unum.
Doku Umarov, leiðtogi herskárra
múslima í Tsjetsjeníu og nærliggj-
andi héruðum Rússlands, sendi frá
sér myndband í gær þar sem hann
sagði sprengjuárásirnar í Moskvu
vera hefndaraðgerð fyrir dráp
rússneskra hermanna á óbreytt-
um borgurum í Tsjetsjeníu.
Hann hótaði frekari sprengju-
árásum í Rússlandi á næstunni.
Árásirnar í gær, sem urðu í
Dagestanhéraði, kostuðu tólf
manns lífið, en níu þeirra voru
lögreglumenn. Meira en tuttugu
manns að auki voru særðir.
Árásirnar á tveimur neðanjarð-
arlestarstöðvum í Moskvu á mánu-
dag höfðu kostað nærri fjörutíu
manns lífið.
Þetta voru fyrstu hryðjuverk-
in í Moskvu í sex ár og vöktu ugg
í brjósti Rússa, sem höfðu átt því
að venjast að árásir af þessu tagi
væru einkum í suðurhluta lands-
ins.
Lögreglan í Moskvu hefur haft
mikinn viðbúnað síðan á mánudag.
Settir hafa verið upp vegatálmar á
þjóðvegum til borgarinnar og þús-
undir lögreglumanna hafa verið á
vakt á neðanjarðarlestarstöðum
borgarinnar.
Meira en níu hundruð manns lét-
ust í átökum í norðanverðum Kák-
asushéruðum á síðasta ári. Dauðs-
föllum hefur fjölgað, því árið 2008
kostuðu átökin tæplega 600 manns
lífið.
Dmitrí Medvedev Rússlands-
forseti segir að hryðjuverkamenn
hafi breiðst út um rússnesku Kák-
asushéruðin eins og krabbamein.
Bæði hann og Vladimír Pútín for-
sætisráðherra hafa heitið því að
berjast gegn hryðjuverkamönn-
um af alefli.
gudsteinn@frettabladid.is
Fleiri spreng-
ingum hótað
Tsjetsjenskir hryðjuverkamenn segjast bera ábyrgð
á árásunum á lestarstöðvar í Moskvu á mánudag.
Tvær árásir í viðbót kostuðu tólf manns lífið í gær.
DMITRÍ MEDVEDEV Forseti Rússlands
segir að hryðjuverkamenn fái ekki að
komast upp með að breiða út ótta og
skelfingu í Rússlandi. NORDICPHOTOS/AFP
BLÓMAHAF Í LESTARGÖNGUM Fjölmargir Rússar hafa minnst hinna látnu með því að
leggja blóm á staðina þar sem árásirnar voru framdar. NORDICPHOTOS/AFP
KÍNA, AP Yfirmenn Wangjialing-kolanám-
unnar í Shanxi-héraði í Kína flýttu sér
um of þegar starfsemi hófst í námunni og
sinntu ekki öryggismálum nægilega vel.
Því fór sem fór að vatn flæddi niður í
námuna um síðustu helgi með þeim afleið-
ingum að 153 námuverkamenn eru enn
innikróaðir og ef til vill ekki á lífi lengur.
Ekkert hefur heyrst frá mönnunum, en
um þúsund björgunarmenn vinna á vökt-
um við að ná nægilega miklu vatni úr nám-
unni til þess að hægt verði að komast að
þeim.
Ættingjar og ástvinir mannanna hafa
streymt að víðs vegar frá Kína og krefj-
ast þess að björgunaraðgerðum verði hrað-
að.
Flóðið varð þegar námumenn rufu
leið inn í gömul námugöng sem voru full
af vatni, að því er fram kemur á vefsíðu
vinnueftirlitsins í Kína.
„Vatnsleka hafði oft orðið vart í neðan-
jarðargöngunum,“ segir í tilkynningu á
vefsíðunni, „en framkvæmdastjórar nám-
unnar fylgdu ekki öryggisleiðbeiningum
þegar tilkynnt var um leka.“
Námuslysið gæti reynst það mannskæð-
asta í Kína síðan 2007 þegar 174 námu-
verkamenn létu lífið þegar vatn flæddi
inn í kolanámu í Shandong-héraði. - gb
Námaverkamenn lokuðust inni vegna þess að öryggiskröfum var ekki sinnt:
Ekki vitað um afdrif 153 námaverkamanna
NÁMUVERKAMENN Á leið frá námunni í Shanxi-héraði þar sem
björgunarfólk reynir að komast að innikróuðum félögum þeirra.
NORDICPHOTOS/AFP
VEISTU SVARIÐ?