Fréttablaðið - 01.04.2010, Page 16

16 1. apríl 2010 FIMMTUDAGUR
FRÉTTAVIÐTAL: Ástandið á Haítí
BRJÁNN JÓNASSON
brjann@frettabladid.is
„Það var átakanleg sjón að sjá
börnin, og auðvitað fær maður
hnút í magann við að hugsa til
baka,“ segir Björgvin Barðdal,
framkvæmdastjóri Seglagerðar-
innar Ægis.
Björgvin kom heim í vikunni
eftir vikuferð til Haítí, þar sem
hann setti upp fimm tjöld sem
hönnuð voru í Seglagerðinni.
Tjöldin munu hýsa 50 börn sem
ýmist eru munaðarlaus eða hafa
ekki fundið fjölskyldur sínar í kjöl-
far jarðskjálftans sem reið yfir 12.
janúar síðastliðinn. Börnin búa í
búðum á vegum húmanista.
„Ég er harður á því að það þarf
fleiri tjöld á Haítí,“ segir Björg-
vin. Hann segir að hreinsunarstarf
virðist víða varla hafið. Hann hafi
til dæmis séð rústir barnaskóla þar
sem vitað sé að um 250 börn liggi
grafin og ekki sé byrjað að hreyfa
við. Þau hús sem enn standi verði
seint talin örugg, og því sé heppi-
legast, á meðan þetta skelfingar-
ástand varir, að búa í tjöldum.
Björgvin segir að þrátt fyrir
hörmungarnar hafi fólkið sem
hann hafi hitt verið glaðlegt, hreint
og snyrtilegt. Neyðin er þó mikil
í þessu fátæka landi, enda mikill
hluti húsa óíbúðarhæfur, og stutt
í fellibyljatímabilið.
Tjöldin frá Seglagerðinni Ægi
eru hönnuð sérstaklega fyrir erf-
iðar aðstæður og eiga að geta
staðist hvers konar óveður, segir
Björgvin. Fimm tjöld hrökkva þó
skammt, því þúsundir tjalda þyrfti
til að koma öllum íbúum sem misst
hafa heimili sín í skjól.
Tjöldin voru hönnuð og saumuð í
Seglagerðinni Ægi að beiðni Félags
húmanista, og greiddi Velferðar-
sjóður barna kostnaðinn. Rétt þótti
Munaðarlaus börn á
Haítí fengu ný tjöld
Fimmtíu munaðarlaus börn á Haítí hafa fengið skjól í íslenskum tjöldum. Ör-
uggara en að búa í hálfhrundu húsi, segir framkvæmdastjóri Seglagerðarinnar
Ægis. Hann segist hafa fengið hnút í magann við að sjá munaðarlausu börnin.
■ Jarðskjálfti upp á 7,0 á Richter skók Haítí 12. janúar 2010.
■ Upptök skjálftans voru skammt frá höfuðborginni Port-au-Prince.
■ Tölur um mannfall eru á reiki, en yfir 230 þúsund eru sögð hafa týnt lífinu
í skjálftanum.
■ Byggingar í höfuðborginni og nágrenni eru flestar illa farnar eða hrundu
til grunna í skjálftanum.
Jarðskjálftinn
SKJÓL Tjöldin fimm sem sett voru upp á Haítí munu hýsa fimmtíu munaðarlaus börn. Talið er öruggara að hafast við í tjöldum í ljósi þess hversu illa hús á svæðinu fóru í jarðskjálftanum. MYND/BJÖRGVIN BARÐDAL
Í RÚST Flest hús í höfuðborg Haítí og nágrenni eru illa farin eða hrunin til grunna
eftir jarðskjálftann. Víða hefur lítið verið gert til að hreinsa til. Þau hús sem enn
standa uppi eru fæst talin örugg.
að fá fagmann til að setja upp tjöld-
in, og ákvað Björgvin að slá til og
fór við annan mann í sérstaka upp-
setningarferð.
Til að koma tjöldunum fimm til
Haítí þurfti fyrst að senda þau til
Dóminíska lýðveldisins, nágranna-
ríkis Haítí. Þangað flugu svo
Íslendingarnir tveir og sóttu tjöld-
in. Til að forðast hnökra við toll-
afgreiðslu fengu þeir tollvörð frá
Dóminíska lýðveldinu til að fara
með sér yfir landamærin.
„Þegar við fórum í gegnum höf-
uðborgina voru 70 til 80 prósent af
húsunum hrunin,“ segir Björgvin.
„Hreinsunarstarf gengur hægt, og
maður fyllist vonleysi við að sjá
hvernig ástandið er.“Miðasala
í Hallgrímskirkju
og á midi.is
kirkjulistahatid.is
Skírdagur 1. apríl

Listasmiðja barna í samvinnu við Mynd lista skólann
í Reykjavík. Uppselt.
Hljóðfæraleikarar: Kjartan Valdemars son, Haukur
Gröndal, Gunnar Hrafns son, Erik Qvic og Pétur
Val garð Péturs son. Stjórnandi: Tómas Guðni
Eggerts son. Kynnir: Biskup Íslands, herra Karl
Sigurbjörnsson. Aðgangur ókeypis, allir velkomnir.
Schola cantorum. Stjórnandi: Hörður Áskelsson.
Prestur: Sr. Jón Dalbú Hróbjartsson.
Föstudagurinn langi 2. apríl
Flytjendur eru nem endur af höfuð borgar svæðinu,
sem hafa unnið til verð launa í Stóru upp lestrar-
keppninni í 7. bekk undan farin fjögur ár. Umsjón:
Baldur Sigurðs son, Svanhildur Óskarsdóttir,
Ingibjörg Einarsdóttir, Þorleifur Hauksson
og Þórður Helgason. Aðgangur ókeypis, allir
velkomnir.
Schola cantorum og Caput hópurinn.
Stjórnandi Hörður Áskelsson.
Jóhann Smári Sævarsson, Benedikt Ingólfsson,
Hafsteinn Þórólfsson, Guðrún Edda Gunnarsdóttir,
Guðmundur Vignir Karlsson og Örn Arnarson.
Aðgangseyrir 3.500 / 2.500
7. bekkjarnemendur af höfuðborgarsvæðinu.
kl. 13.30
Hallgrímskirkja
kirkjan, turninn
og kennileitið
kl. 17.00
Söngvahátíð barna
Kórtónleikar 100 barna
ásamt hljóðfæraleikurum
kl. 20.00
Getsemanestund
afskrýðing altaris við
tónlist Gesualdo
kl.13.00-15.30
Passíusálmar
Hallgríms Péturssonar
heildarflutningur
fyrri hluti
kl. 17.00
Hallgrímspassía
eftir Sigurð Sævarsson
kl.19.00-21.30
Passíusálmar
heildarflutningur
síðari hluti
Kirkjulistahátíð
í algleymingi