Fréttablaðið - 01.04.2010, Blaðsíða 44
32 1. apríl 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Nýjasta plata Benna Hemm Hemm
heitir Retaliate, er fimm laga og
er að koma út. Benni hefur verið
að spila á Bretlandseyjum, en er
nú á Íslandi. Spilar í kvöld í Ket-
ilhúsinu á Akureyri og verður
svo með tónleika í Norræna hús-
inu á laugardaginn. Mjög mis-
munandi er hverjir spila með
Benna á tónleikum. „Ég var með
tvo Skota með mér sem spiluðu á
lúðra, en hérna á Íslandi spila ég
með Róberti Reynissyni á Akur-
eyri og hljómsveit Hjörleifs Jóns-
sonar hitar upp. Í Reykjavík spila
Róbert og Óli Björn með mér og
Óli Björn hitar upp með sitt stöff
sem er mjög magnað,“ segir Benni.
„Eftir Íslandsdvölina fer ég á Evr-
óputúr og þá er enn annað lið að
spila mér, blásararnir Ingi Garð-
ar og Eiríkur sem hafa spilað með
mér heillengi.“
Retaliate þýðir réttlát hefnd og
þetta er fyrsta platan sem Benni
syngur alla á ensku. Hann hefur
búið í Skotlandi í 18 mánuði en
býst við að flytja til Íslands áður
en sonur hans byrjar í grunnskóla.
Hinn 3. júní verður Benni gestur
Listahátíðar í Reykjavík og kemur
fram með skoska þjóðlagasöngv-
aranum Alasdair Roberts og 25
manna blásturssveit í Óperunni.
„Alasdair gefur út hjá Drag City
og hefur spilað með Will Old-
ham og fullt af liði. Hann ætlar
að syngja með mér í þessu pró-
grammi sem ég er búinn að gera
fyrir Listahátíð. Ég sá hann á tón-
leikum og höfum verið að hittast
og spila saman. Það er mikið stuð.“
- drg
Heimildarmyndin Sagan af Anvil var frumsýnd á síðasta ári og það
spurðist fljótt út að hún væri frábær. Hér á Íslandi var myndin sýnd á
vegum Græna ljóssins í desember og kom svo á DVD fyrir nokkrum
vikum. Myndin segir frá kanadískri metalsveit, Anvil, sem náði nokkr-
um vinsældum á níunda áratugnum og fór meðal annars á tóneikaferð
um Japan með Whitesnake, Scorpions og Bon Jovi, en hvarf svo úr sviðs-
ljósinu. Myndin byrjar á svipmyndum frá gömlu góðu dögunum, en svo
er klippt inn í nútímann og hljómsveitarmeðlimir sóttir heim í Toronto.
Söngvaranum og gítarleikaranum Steve „Lips“ Kudlow er til dæmis fylgt
í vinnuna, en hann vaknar eldsnemma til að keyra út skólamáltíðir fyrir
Choice Childrens Catering. Í myndinni er svo fylgst með tilraunum sveit-
arinnar til að slá í gegn á nýjan leik, en hún fer meðal annars á tónleika-
ferð um Evrópu sem austur-evrópskur aðdáandi skipuleggur, meira af
áhuga en getu.
Saga Anvil er fyrst og fremst saga æskuvinanna Lips og Robb Rein-
er trommuleikara, en þeir byrjuðu að spila saman á unglingsárunum og
hétu því að starfa saman um ókomna tíð. Inn í þessa hrífandi vináttu-
sögu er fléttað viðtölum við eiginkonur og fjölskyldumeðlimi, en þrátt
fyrir mikinn mótbyr neita þeir félagar alveg að gefa rokkdrauminn upp á
bátinn. Myndin er í anda heimildarmynda eins og The King of Kong eða
hinnar íslensku Varði fer á vertíð og er hreint út sagt yndisleg.
Eftirminnilegt er þegar yfir sig æstur og hamingju-
samur Japani mætir á tónleika í Svíþjóð til að hlusta á
„kanadísku metal-hálfguðina“ eins og hann kallar
þá. Annað stórkostlegt atriði er þegar Lips segir
frá því hvernig sögutími um Spænska rannsókn-
arréttinn varð honum innblástur að laginu „Thumb
Hang“.
Myndin minnir oft á Spinal Tap, nema hér eru
hljómsveitarmeðlimirnir til í alvörunni. Það er á
hreinu að svona metal-gaurar eru einhver besti efni-
viður sem hægt er að ímynda sér fyrir tónlistar-
Af kanadískum hálfguðum
ROBB OG LIPS Menn hika ekki við að kalla Story of Anvil
„bestu rokkmynd sögunnar“.
> Plata vikunnar
Seabear - We Built a Fire
★★★★
„Eðalsveitin Seabear klikkar
ekki. We Built A Fire er enn þá
betri en síðasta plata.“ TJ
> Í SPILARANUM
Beach House - Teen Dream
Plants and Animals - La La Land
Spoon - Transference
Dr. Dog - Shame, Shame
Shearwater - The Golden Archipelago
BEACH HOUSE SHEARWATER
Benni í heimsókn á Íslandi
BENNI HEMM HEMM Spilar á Akureyri í
kvöld, í Reykjavík á laugardaginn.
Ellie Goulding er eitt heit-
asta nafnið í poppinu um
þessar mundir. Dr. Gunni
hlustaði á plötuna sem
minnir á Emilíönu Torrini á
köflum.
Söngkonan og lagahöfundurinn
Ellie Goulding er rísandi nafn í
enska poppheiminum. Uppgang-
inn má skrifa á að hún var í efsta
sæti á árlegum lista sem heitir
BBC Sound of 2010. Gagnrýnend-
ur og fólk í poppbransanum velur
á þennan lista það tónlistarfólk
sem þeir telja að muni slá í gegn
á nýbyrjuðu ári. Það hefur verið
mark takandi á þessum lista síð-
ustu árin. Byrjað var að birta
hann árið 2003 og þá var 50 Cent
efstur á honum. Síðan tók við fólk
eins og Mika og Little Boots og
hljómsveitin Keane. Ellie vann
einnig „Critics choice“-verðlaun-
in á síðustu Brit-hátíð.
Hætti í skóla fyrir poppið
Ellie er fædd í Hereford á Eng-
landi 30. desember 1986 og er
því 23 ára. Hún lærði á gítar sem
unglingur og var farin að semja
þjóðlagaskotna tónlist fimmtán
ára gömul. Hún fór í framhalds-
skóla í Kent og kynntist Finlay
Dow-Smith, sem kallar sig Stars-
mith, og hóf að vinna í tónlist með
honum. Hann kynnti hana fyrir
rafknúnu poppi og þau Ellie tóku
til við að sameina þjóðlagatón-
listina og rafknúið hljóðgervla-
spilað vinsældapopp. Ellie hætti í
skóla til að einbeita sér að poppinu
þegar samningar náðust við Poly-
dor-útgáfuna. Skömmu síðar fór
maskínan í gang.
Miklar væntingar
Fyrsta platan heitir Lights og kom
út í byrjun árs. Við fyrstu hlustun
virðist sem fólkið með puttann á
púlsinum hafi eitthvað hlaupið á
sig í ár því um ósköp hefðbundið
popp er að ræða. Nokkur ágæt lög
er að finna á plötunni en eins og
margir gagnrýnendur hafa rétti-
lega bent á er lítið byltingakennt
og stórfenglegt við þessa frum-
raun. Einn gagnrýnandinn sagði
að Lady Gaga hefði fleiri ferskar
og athyglisverðar hugmyndir í
vinstra brjóstinu en Ellie á allri
plötunni. Hún er ágæt söngkona,
minnir á Emilíönu Torrini á köfl-
um, og er ágætur textahöfundur.
Eðlilega eru gerðar miklar vænt-
ingar til söngkonunnar og hún
fær því kannski harðari dóma en
ella.
Sjálf segist Ellie hafa hlustað á
Spice Girls sem barn en það hafi
ekki verið fyrr en hún heyrði í
Björk að hún vissi hvað hana lang-
aði að gera þegar hún yrði stór.
Með þessa vitneskju lýkst upp
fyrir manni hljóðheimur tónlist-
arkonunnar, því það má segja án
mikilli ýkja að Ellie hljómi á plöt-
unni eins og hún sé stödd einhvers
staðar mitt á milli Spice Girls og
Bjarkar.
Blanda af Björk og Spice Girls
ELLIE GOULDING Rísandi númer í poppinu.
„Við spilum nú minna af blús en nafnið á
hljómsveitinni gefur í skyn,“ segir Helgi
Stefánsson, gítar- og banjóleikari í hljóm-
sveitinni Blues Willis. „Tónlistin okkar er
kántrískotin og fer um víðan völl, alveg frá
örugustu ballöðum í brjálað hillbillístuð.“
Blues Willis er sex manna hafnfirsk
hljómsveit. „Fjórir af okkur voru í hljóm-
sveitinni Hooker Swing ef það segir ein-
hverjum eitthvað,“ segir Helgi. „Við gerð-
um nú ekki mikið en vorum spilaðir smá á
X-inu.“
Blues Willis hefur gefið út fjögurra laga
stuttskífu, sem verður kynnt á tónleikum á
Næsta bar í Ingólfsstræti í kvöld. Tónleikar
hefjast stundvíslega klukkan 21 og trúba-
dúrinn einstaki, Insol frá Kópavogi, ætlar
að bræða eyru og hjörtu áheyrenda með
upphitun sinni. - drg
Blues Willis spilar
BLUES WILLIS Kántrískotnir.
Stangarhylur 7, Reykjavík
Skeiðarás 3, Garðabær
Lager eða verkstæðishúsnæði ,
504 fm sem hentar vel fyrir ýms-
an iðnað eða verkstæði. Mjög
gott útisvæði er við húsið.
Bæjarlind 14-16, Kópavogi
Skrifstofuhúsnæði á 3ju hæð
(efstu). Húsnæðið er með glugga
á 4 vegu, glæsilegt útsýni. Í sama
húsnæði á annarri hæð eru til leigu
ca 10 fm og ca 50 fm skrifstofuher-
bergi. Sameiginleg kaffiaðstaða og
snyrting.
Mjög gott 396 fm verslunar /
skrifstofuhúsnæði á jarðhæð (áður
endurhæfingarstöðin Styrkur).
Húsnæðið skiptist í móttöku, skrif-
stofur, sal og fl. Á gólfum er perket
og dúkur.
Í kjallara eru 265 fm með
innkeyrsludyrum, Góð lofthæð
(ca: 3,70). Gott aðgengi.
TIL LE
IGU
TIL LE
IGU
TIL LE
IGU
Leifur Aðalsteinsson lögg. fasteignasali