Fréttablaðið - 06.04.2010, Blaðsíða 17
FASTEIGNIR.IS
6. APRÍL 201014. TBL.
Eignamiðlun og Fasteignamiðstöðin eru með
reitinn á horni Lækjargötu og Austurstrætis
til sölu en þar stendur Reykjavíkurborg fyrir
enduruppbyggingu húsa sem skemmdust í
eldsvoða 2007.
V erið er að endurbyggja húsin í anda upprunalegs útlits. Uppbyggingin gengur vel og í samræmi við áætlanir verða eignirnar boðnar til sölu eða
leigu. Hægt verður að afhenda húsin nýjum rekstrar-
aðilum seint í haust.
Saga og fortíð bygginga á reitnum á að skila sér, en
þó þannig að húsin hafi fullt notagildi nútíma. Þetta er
grunnurinn í verðlaunatillögunni um uppbyggingu og
alls fyrirkomulags á reitnum sem atkitektastofurnar
Gullinsnið, Studio Granda og Argos unnu.
Byggingarnar sem um ræðir eru að Austurstræti 22
og Lækjargötu 2 og 2a. Austurstræti 22 var reist árið
1801 og var lengi meðal merkustu húsa bæjarins. Það
var byggt sem stokkahús og kom tilsniðið til landsins.
Í því var íbúð stiftamtmanns, aðsetur landsyfirréttar,
prestaskóli, verslunarhús og veitingahús. Húsið var
friðað samkvæmt þjóðminjalögum. Landsyfirréttarhús-
ið að Austurstræti 22 sem byggt var af Ísleifi Einars-
syni 1801-2, verður endurgert sem stokkahús og mun
hafa allt yfirbragð frá blómaskeiði sínu eftir að Trampe
greifi hafði endurbætt það verulega um 1807.
Húsið við Lækjargötu 2 var byggt árið 1852 og er
fyrsta sérhannaða hornhúsið í Reykjavík. Sigfús Ey-
mundsson ljósmyndari, bóksali og athafnamaður bjó í
húsinu og rak þar ljósmyndastofu um árabil. Þar hafa
verið ýmsar verslanir, myndlistargallerí og veitinga-
hús til húsa hin síðari ár.
Húsið að Lækjargötu 2, sem byggt hefur verið í
mörgum áföngum frá 1852 til 1980, verður hækkað um
eina hæð, þ.e. byggð ný fyrsta hæð og eldri hlutar end-
urgerðir ofan á hana.
Lækjargata 2a, Nýja bíó, stóð á baklóðinni og var
byggt sem bíóhús árið 1920. Það var þá stærsta sam-
komuhús landsins með sæti fyrir 500 manns. Það brann
árið 1998. Húsið var byggt í anda svokallaðs Jugend-
stíls. Reist verður nýtt hús á bakhluta lóðar Austur-
strætis 22 sem mun taka form sitt og yfirbragð að veru-
legum hluta af Nýja bíói.
Gert er ráð fyrir að nýir notendur og framtíðareig-
endur innrétti húsin miðað við sínar þarfir. Öll húsin
verða fullfrágengin að utan, en óinnréttuð að innan.
Byggingar sem nú rísa á horni Lækjargötu og Aust-
urstrætis eru alls tæplega 2.500 m² að flatarmáli og
rúmlega 9.000 m³ eða um tvisvar sinnum stærri en þær
byggingar sem þarna stóðu fyrir brunann. Þar af er
kjallari um 800 m², Lækjargata 2 ofan kjallara um 756
m², bakhús (Lækjargata 2b, Nýja bíó) ofan kjallara og
með aðalstigakjarna um 724 m² og loks er húsið Austur-
stræti 22 ofan kjallara með útbyggingu um 220 m².
Metnaðarfull endurbygg-
ing í takt við söguna
Húsin á reitnum verða endurbyggð í anda upprunalegs útlits.
Vel skipulagt 70,2 m2, 3ja herbergja raðhús á einni hæð með góðum garði við Grundar-
tanga í Mosfellsbæ. Íbúðin skiptist í forstofu, tvö svefnherbergi, þvottahús/geymslu,
baðherbergi, stofu og eldhús. Timburverönd og sérgarður í vestur. V. 19,9 m. 4861
Grundartangi 54 - 270 Mosfellsbæ
Opið hús í dag þriðjudag frá kl. 17:30 til 18:00
KJARNA - ÞVERHOLTI 2 • 270 MOSFELLSBÆ • SÍMI: 586 8080 • FAX: 586 8081
WWW.FASTMOS.IS
Einar Páll Kjærnested
lögg. fasteignasali.
einar@fastmos.is
Opið
hús