Fréttablaðið - 08.04.2010, Blaðsíða 8
8 8. apríl 2010 FIMMTUDAGUR
Laugavegi 172-174 · 590 5000 · hekla.is · hekla@hekla.isÞjónustuver og þjónustumóttökur: Opið frá 8-17 alla virka daga · Pantanasími 590 5030 · thjonusta@hekla.is. Netspjall á www.hekla.is.
Þú getur treyst því að við gerum betur við MitsubishiSverrir er sérfræðingur í bílum
sem bila eiginlega aldrei
Mitsubishi eigendur njóta góðs af áratugareynslu Sverris og félaga á Mitsubishi
þjónustuverkstæðinu. Þar sinna þeir þjónustu, viðgerðum og fyrirbyggjandi
eftirliti, bæði fyrir jeppa og fólksbíla. Láttu okkur gera betur við bílinn þinn.
100% þjónustulán án vaxta Val um upprunalega eða ódýrari varahluti Sérstök hraðþjónusta í boði Ókeypis forgreining
1. Hvenær ganga Bretar að
kjörborðinu?
2. Hvað leggur Reykjavíkurborg
Golfklúbbi Reykjavíkur til háa
fjárhæð vegna stækkunar golf-
vallarins á Korpúlfsstöðum?
3. Hvað skoraði Messi, leik-
maður Barcelona, mörg mörk
í leik liðsins gegn Arsenal á
þriðjudag?
SJÁ SVÖR Á SÍÐU 46
STJÓRNSÝSLA Sveinn Arason ríkis-
endurskoðandi hefur sent forseta
Alþingis harðort bréf vegna þess að
Álfheiður Ingadóttir heilbrigðisráð-
herra hyggst áminna Steingrím Ara
Arason, forstjóra Sjúkratrygginga
Íslands (SÍ), fyrir að leita til emb-
ættis síns. Sveinn lýsir þar furðu á
málsmeðferð heilbrigðisráðherra.
Álfheiður segir Svein misskilja
málið.
Heilbrigðisráðherra tilkynnti
Steingrími Ara í liðinni viku að hún
hygðist áminna hann fyrir meint
brot á almennum starfsskyldum
ríkisstarfsmanna, en Steingrímur
hafði ráðfært sig við Ríkisendur-
skoðun vegna framkvæmdar reglu-
gerðar um sjúkratryggingar.
Í bréfi Sveins segir að það sé ólíð-
andi að stjórnendur ríkisstofnana
geti átt það á hættu „að vera sak-
aðir um að hafa brotið gegn góðum
starfsháttum og hollustu- og trún-
aðarskyldum sínum með því einu að
leita ráða hjá Ríkisendurskoðun um
fjárreiðutengd málefni“.
Álfheiður segir að forstjóri SÍ
hefði átt að leita til ráðuneytisins
áður en ráðgjafar var leitað hjá
Ríkisendurskoðun. Deilan snýst því
um samskipti innan stjórnsýslunn-
ar. Í bréfi ríkisendurskoðanda segir
hins vegar að hann telji að ekkert sé
óeðlilegt við það að stjórnendur rík-
isstofnana leiti ráða og upplýsinga
hjá Ríkisendurskoðun um málefni
sem fjalla um meðferð og ráðstöfun
á ríkisfé. Slíkt sé reyndar alvana-
legt og ekkert nýtt.
Álfheiður svaraði ríkisendur-
skoðanda bréflega í gær og segir
hann misskilja málið. „Það er lang-
ur vegur frá að heilbrigðisráðu-
neyti eða undirritaður ráðherra hafi
nokkuð við það að athuga að stofnan-
ir ráðuneytisins leiti eftir ráðgjöf frá
Ríkisendurskoðun,“ segir Álfheiður
og vísar til upphaflegra samskipta
við forstjóra SÍ og ítrekar að honum
hafi borið að leita fyrst til ráðuneyt-
isins eða ráðherra ef hann hefði eitt-
hvað út á reglugerðina að setja.
Sveinn vísar því alfarið á bug að
athugasemd hans sé byggð á mis-
skilningi. „Við misskiljum ekkert.
Það segir í hennar bréfi að viðkom-
andi eigi að leita fyrst til ráðuneyt-
isins og tala svo við okkur. Við lítum
svo á að forstöðumönnum sé í sjálfs-
vald sett hvaða röð þeir hafa á þessu
og þurfi alls ekki að fá einhverja
heimild til þess frá ráðuneytinu.“
svavar@frettabladid.is
Ráðherra í orðaskaki
við embættismenn
Fyrirætlanir heilbrigðisráðherra um að áminna forstjóra Sjúkratrygginga
eru harðlega gagnrýndar af ríkisendurskoðanda. Ráðherra segir gagnrýnina
byggða á misskilningi. „Við misskiljum ekkert,“ segir ríkisendurskoðandi.
SVEINN ARASON
FÓLK Söfnun hefur verið hrundið
af stað fyrir Júlíus Má Baldurs-
son landnámshænsnabónda.
Útihús Júlíusar á Tjörn í Vatns-
nesi brunnu í eldsvoða í lok síð-
asta mánaðar. Hann missti um
250 landnámshænur, fjóra heim-
ilisketti og um þúsund egg. Að
auki brann tækjabúnaður fyrir
milljónir króna.
Með söfnuninni er vonast til
þess að gera Júlíusi kleift að end-
urreisa hænsnastofninn. Þeir
sem vilja leggja sitt af mörkum
til söfnunarinnar geta gert það á
reikning 1105-15-200235, kenni-
tala er 011260-2259. - þeb
Söfnun fyrir hænsnabú:
Vilja endurreisa
landnámsstofn
TJÖRN Í VATNSNESI Júlíus ásamt land-
námshænsnum. Hann missti um 250
slík í eldsvoða í síðasta mánuði.
MYND/ÚR EINKASAFNI
Fimm nefndir verði tvær
Félags- og tryggingamálaráðherra
hefur lagt fram frumvarp um sam-
einingu nokkurra úrskurðarnefnda er
heyra undir ráðuneytið. Annars vegar
á að sameina kærunefnd fjöleignar-
húsamála, kærunefnd húsaleigumála
og úrskurðarnefnd frístundahúsamála
í kærunefnd húsamála og hins vegar
á að sameina kærunefnd húsnæðis-
mála og úrskurðarnefnd félagsþjón-
ustu sveitarfélaga í úrskurðarnefnd
félagsþjónustu og húsnæðismála.
ALÞINGI
VÍSINDI Rúmlega átján milljónum
króna hefur verið úthlutað til
fornleifarannsókna úr fornleifa-
sjóði. Fjárveiting til sjóðsins
var rúmar nítján milljónir.
Alls var ákveðið að styrkja
þrettán aðila til rannsókna.
Hæsta styrkinn fékk fornleifa-
rannsókn á Skriðuklaustri, eða
þrjár og hálfa milljón króna.
Þrjú verkefni fengu styrk
upp á tvær og hálfa milljón. Það
voru rannsóknir á Vatnsfirði
við Ísafjarðardjúp, rannsókn
á Kolkuóshöfn í Skagafirði, og
rannsókn á hvalveiðum útlend-
inga við Ísland. Aðrir fengu
lægri styrki.
Fornleifasjóði bárust 49
umsóknir um verkefni að upp-
hæð tæplega 90 milljónir króna.
- þeb
Átján milljónir veittar:
Þrettán styrkir
úr fornleifasjóði
ÁLFHEIÐUR
INGADÓTTIR
Í STÓLNUM Málið snýst um reglugerð um þátttöku sjúkratrygginga í nauðsynlegum
tannlækninga- og tannréttingakostnaði vegna afleiðinga meðfæddra galla, sjúkdóma
og slysa. FRÉTTABLAÐIÐ/VILHELM
VEISTU SVARIÐ?