Fréttablaðið - 08.04.2010, Blaðsíða 16

16 8. apríl 2010 FIMMTUDAGUR
nær og fjær
„ORÐRÉTT“
Smáratorgi 1, Kópavogi + Sími: 580-0000 + sala@a4.is + www.a4.is
Gleráreyrum 2, Akureyri + Sími: 580-0060 + akureyri@a4.is + www.a4.is
Eigum mikið úrval af tungumálaforritum frá EuroTalk.
Forritin eru afar hvetjandi sem henta breiðum aldurshópi.
Verð f
rá
4.995
kr.
Lærðu nýtt tungumál heima í stofu!
„Lesturinn leggst vel í mig, þetta er mikilvægt efni.
Ég vona bara að tölurnar verði skrifaðar með bók-
stöfum, ég er ekki vanur því að þurfa að lesa háar
tölur reiprennandi svona án undirbúnings,“ segir
Bergur Þór Ingólfsson leikari sem mun hefja lestur
skýrslu rannsóknarnefndar Alþingis um leið og hún
berst í Borgarleikhúsið næstkomandi mánudags-
morgun.
45 leikarar leikhússins munu lesa skýrsluna og er
flutningstími áætlaður þrír til fimm sólarhringar
en lesið verður allan sólarhringinn og geta áhuga-
samir rekið inn nefið hvenær sem er og hlustað á
lesturinn og „hugleitt efnið, innihaldið og orsakirn-
ar,“ eins og segir í fréttatilkynningu.
„Þetta er eins konar þjónusta okkar við samfélag-
ið. Við ætlum bara að byrja á blaðsíðu eitt og halda
svo áfram þar til yfir lýkur,“ segir Bergur. Tveir til
þrír leikarar skipta með sér tveggja tíma vöktum
og hver les í um korter í senn. „Þetta er heilmikið
skipulag,“ segir Lára Aðalsteinsdóttir, markaðs-
stjóri Borgarleikhússins, sem sat við excel-skjal í
gær ásamt yfirstjórn leikhússins og raðaði leikurum
niður á lesturinn svo hann rækist ekki á æfingar og
önnur verkefni.
Hugmyndin að lestrinum er komin frá Jóni Páli
Eyjólfssyni leikstjóra og segir Lára hana hafa hitt í
mark hjá leikurum og öðru starfsfólki. „Fyrir utan
leikara munu ríflega fjörutíu aðrir starfsmenn vera
á vaktinnni. Það þarf að hella upp á kaffi og taka á
móti gestum.“ Lára segir umgjörðina um lesturinn
þó verða afar einfalda. „Þetta verður eitt ljós, eitt
púlt og einn lesari við það, sem sagt mjög hrátt.“
Lestrinum verður varpað beint á heimasíðu
leikhússins, borgarleikhus.is.
Lesa skýrslu rannsóknarnefndar
„Ég er alveg á kafi í að undirbúa afmælisdagskrá til
heiðurs Vigdísi Finnbogadóttur sem á stórafmæli í
næstu viku,“ segir Svanhvít Aðalsteinsdóttir verkefna-
stjóri stofnunar Vigdísar Finnbogadóttur. Vigdís verður
tvítug í fjórða sinn eins og hún grínast oft með á
fimmtudag eftir viku og verður hátíðardagskrá henni til
heiðurs í Háskólabíói af því tilefni en Háskóli Islands,
ríkið og Reykjvíkurborg efna til afmælisins.
„Vigdís hefur unnið með svo mörgu fólku, svo mörg-
um samtökum og hefur lagt svo mörgum lið í gegnum
tíðinaog við buðum öllum að taka þátt með okkur
og alls eru 28 félög að leggja okkur lið með einum
eða öðrum hætti. Dagskráin hefst klukkan hálffimm á
fimmtudag og er ókeypis aðgangur. Henni verður einnig
útvarpað og sjónvarpað beint. Okkur fannst mikilvægt
að vinir og stuðningsmenn um land allt fengju að njóta
hátíðarhaldanna.“
Svanhvít segir að afmælisdagskráin
verði mjög fjölbreytt. „Hún verður létt og
skemmtileg og fjölmargir listamenn munu
taka þátt í henni,“ segir Svanhvít sem vill þó
ekki upplýsa nánar um dagskrána í bili enda
á hún að koma afmælisbarninu og gestum á
óvart. „Húsið opnar klukkustund fyrr og það
verður boðið upp á afmæliskaffi.“
Í tilefni afmælis Vigdísar verður einn-
ig efnt til alþjóðlegrar vísindaráð-
stefnu á vegum stofnunar Vigdís-
ar Finnbogadóttur dagana 15.
til 17. apríl. Nánar má fræðast
um dagskrá afmælisins á
síðunni.
HVAÐ ER AÐ FRÉTTA? SVANHVÍT AÐALSTEINSDÓTTIR
Undirbýr afmæli Vigdísar Finnbogadóttur Eingyðjutrú?
„Á okkar tímum birtast
gæslumenn rétthugsunar
og „góðrar háttsemi“ helst
í gervi hvatvísra femínista,
sem telja sig hafa ráð og
rænu til að leiðbeina samtíð
sinni á svipaðan máta og
íhlutunarsöm trúaryfirvöld
gerðu fyrr á öldum.“
BRYNJAR NÍELSSON HÆSTARÉTTAR-
LÖGMAÐUR
Pressan.is 6. apríl.
Ekki velkjast í vafa
„Hinar róttæku breytingar um
skötusel og strandveiðar eru
óræk sönnun þess að ég mun
beita mér fyrir breytingum
á fiskveiðistjórnunarkerfinu
í samræmi við stefnu ríkis-
stjórnarinnar og míns flokks.“
JÓN BJARNASON, SJÁVARÚTVEGS-
OG LANDBÚNAÐARRÁÐHERRA.
bb.is 7. apríl.
LEIKARARNIR Elma Lísa, Halldór Gylfason, Unnur Ösp Stefáns-
dóttir, Jörundur Ragnarsson og Nína Dögg Filuppusdóttir eru
meðal þeirra sem lesa upp skýrsluna. FRÉTTABLAÐIÐ/STEFÁN