Fréttablaðið - 08.04.2010, Blaðsíða 32
8. APRÍL 2010 FIMMTUDAGUR4 ● fréttablaðið ● heilsa
Menn tengja brimbrettaiðkun
kannski ekki í fljótu bragði
við Ísland. Þeim fer hins vegar
fjölgandi sem stunda þessa
íþrótt hérlendis.
„Upphaflega var þetta tilraunaverk-
efni til að kanna viðtökurnar og
þegar þær fóru svo fram úr öllum
væntingum ákváðum við að fara
út í þetta af fullum krafti,“ segir
Leifur Dan Leifsson, eigandi fyrir-
tækisins Surf.is sem stendur fyrir
brimbrettakennslu á Íslandi.
Fyrirtækið var stofnað fyrir ári
og er það fyrsta sem bauð upp
á þessa þjónustu hérlendis.
Leifur segist enda skilja
það þar sem brimbretta-
iðkun sé sjálfsagt ekki
það fyrsta sem menn
tengi við ískaldan sjóinn
í kringum strendur Ís-
lands. Staðreyndin sé hins
vegar sú að íþróttin hafi verið
stunduð á landinu um árabil,
meðal annars af erlendum
ferðalöngum sem heim-
sæki landið gagngert í
þeim tilgangi að svala
þessari þörf.
„Útlendingar
hafa vanið komur sínar hingað í 20
ár þótt þeir séu ekki margir. Fólki
finnst magnað að geta iðkað þessa
íþrótt svona norðarlega umkringt
fjölbreyttu dýralífi og fallegri nátt-
úru, svörtum fjörum og tignarleg-
um jöklum sem eiga sér kannski
hvergi annars staðar hliðstæðu
í heiminum,“ segir Leifur
og bætir við að auk þess
séu á Íslandi kjöraðstæður til brim-
brettaiðkunar, þar á meðal í Þor-
lákshöfn og við Sandvík þar sem
Surf.is hefur haldið brimbretta-
námskeið.
„Öldurnar eru eins
og þær gerast best-
ar, að minnsta
kosti við viss skil-
yrði. Þótt sjórinn
sé kaldur kemur
það ekki að sök sé
hlýr fatnaður hafður
við hönd og hægt að
stunda sportið allt árið
um kring.“
Leifur segir Íslendinga
hafa á heildina litið verið
nokkuð seina að átta sig á
þessum gersemum. Svo virðist
þó sem vakning sé nú að verða
meðal landsmanna. „Við merkjum
það af aukinni ásókn í námskeiðin
hjá okkur sem farið var að halda
fyrir ári en þar er þátttakendum
kennd undirstöðuatriðin í brim-
brettaiðkun, svo menn séu færir
í flestan sjó.“ Hann bætir við að
fyrirtækinu berist í auknum mæli
fyrirspurnir frá erlendum brim-
brettaiðkendum síðan það mark-
aðssetti sig ytra og á því von á að
þeim fjölgi hér á næstunni. - rve
Paradís brimbrettakappa
Leifur segir að Íslandi séu kjöraðstæður til brimbrettaiðkunar, sem erlendir ferðamenn hafi nýtt sér um árabil. MYND/SURF.IS
Leifur
hjá Surf.is
stendur fyrir
brimbretta-
námskeiðum.
FRÉTTABLAÐÐ/GVA
„Ég held að það sé starfandi útibú frá FC Tinnu á
Bahamaeyjum, en að öðru leyti veit ég ekki til þess
að margar stelpur hittist og leiki knattspyrnu sér
til ánægju og yndisauka. Margar þeirra virðast
halda að stelpur geti ekki spilað fótbolta, en það
er alrangt,“ segir Hafdís Eyjólfsdóttir, meðlimur í
knattspyrnufélaginu FC Tinnu. Liðið samanstendur
af yfir fimmtíu konum sem hittast vikulega á spark-
vellinum við Austurbæjarskóla og iðka íþróttina
fallegu.
Fyrstu meðlimir félagsins, sem stofnað var í
ágúst á síðasta ári, voru stofnandinn Tinna Ásgeirs-
dóttir, vinkonur hennar og gamlar bekkjarsystur.
Ört hefur þó fjölgað í hópnum og hann orðið bland-
aðri, að sögn Hafdísar. „Allar stelpur eru hjartan-
lega velkomnar og hæfni er ekki skilyrði. Best er
að slá okkur upp á Facebook og skrá sig þar til að fá
boð um æfingar, tímasetningar og slíkt. Upphaflega
ætluðum við að keppa í utandeildinni í sumar, en ég
sé ekki hvers vegna takmarkið ætti ekki að vera enn
hærra, til dæmis Úrvalsdeildin,“ segir hún og hlær.
Meiðsli ýmiss konar eru óhjákvæmilegur hluti
knattspyrnuheimsins og hefur Hafdís ekki farið
varhluta af því. „Ég steig vitlaust í löppina og átti
við erfið lærmeiðsli að stríða í nokkra mánuði.
Verra var að atvikið átti sér stað á leiðinni frá bíla-
stæðinu að vellinum,“ segir Hafdís og skellir upp úr.
- kg
Allar stelpur velkomnar
Hafdís segir hæfni ekki skilyrði í FC Tinnu. FRÉTTABLAÐIÐ/VALLI
„Réttar aðstæður eru mikilvægari en nokkur fræðsla,“ segir Sveinbjörn um heilsuefl-
ingu í skóla. FRÉTTABLAÐIÐ/GVA
„Ef nemendum líður vel, and-
lega og líkamlega, þá leiðir það
til betri námsárangurs,“ fullyrð-
ir Sveinbjörn Kristjánsson, verk-
efnisstjóri fræðslumála hjá Lýð-
heilsustöð. Tilefni ummælanna er
þing um heilsueflandi skóla sem
Lýðheilsustöð heldur á morgun
í Borgartúni 6, í samvinnu við
menntamálaráðuneytið.
Sveinbjörn segir skólasam-
félagið allt þurfa að vera með
heilsugleraugun uppi, kennara,
nemendur, foreldra og jafnvel
allt nærsamfélagið. „Umhverf-
ið hefur svo mikið að segja því
réttar aðstæður eru mikilvægari
en nokkur fræðsla,“ segir hann.
„Til dæmis er mikilvægt að fólki
sé gert auðvelt að hreyfa sig og
innbyrða holla fæðu.“
Hugmyndafræðin bak við
heilsueflandi skóla er byggð á
nokkrum lykilþáttum. Þeirra á
meðal er samheldni og lýðræði. Á
þinginu á morgun mun Sveinbjörn
lýsa þeim nánar og líka samstarfi
Lýðheilsustöðvar við grunnskól-
ann á Egilsstöðum sem hefur
verið tilraunaskóli í heilsueflingu
í tvö ár. „Þetta er langhlaup því
við erum í raun að breyta skóla-
bragnum,“ segir hann og mælir
með því að hafa nemendur með í
ráðum við að móta stefnuna. „Á
Egilsstöðum eru nemendur með
í að fara yfir matseðlana,“ tekur
hann sem dæmi.
Þegar heilsuefling hefst í skóla
er byrjað á að meta ástandið þar
eins og það er, að sögn Svein-
björns. Hvernig er hvatt til hreyf-
ingar, hvað er gert í næringarmál-
um, eineltismálum og geðrækt.
Allt skal skrá og síðan finna leiðir
til úrbóta ef þörf er. Þar er nem-
endalýðræði og samstarf sem
er nauðsynlegt til að árangri sé
náð.
Mörg áhugaverð erindi eru á
þinginu á morgun. Eitt þeirra
flytur Svandís Ingimundardóttir,
skólamálafulltrúi Sambands ís-
lenskra sveitarfélaga, sem fer yfir
áherslur á heilsueflingu í sameig-
inlegri framtíðarsýn fyrir grunn-
skólastarf til 2020. Þingið er þátt-
takendum að kostnaðarlausu og
boðið er upp á léttar veitingar í
kaffi- og hádegishléum. - gun
Breyta skólabragnum
Lifandi – Nærandi – Gefandi
Fimmtudaginn 15. apríl
kl. 20.00–22.00 hjá
Maður lifandi Borgartúni 24.
Síðasta skiptið fyrir sumarið
Námskeið um hvernig á að útbúa
einfaldan en næringarríkan
mat fyrir börn frá 6 mánaða
aldri. Farið verður yfir hvaða
fæðutegundum er gott að byrja
á og hvenær.
Leiðbeinandi:
Ebba Guðný Guðmundsdóttir
Verð: 3.500 kr.
Upplýsingar og skráning
í síma 694-6386 og á netfanginu
ebbagudny@internet.is
•
•
•
Hvað á ég að gefa
barninu mínu
að borða?
Borgartún 24 – Hæðarsmára 6 – Hafnarborg s. 58 58 700 www.madurlifandi.is