Fréttablaðið - 08.04.2010, Blaðsíða 50

34 8. apríl 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Borgin Austin í Texas er ein af rokkborgum heims. Þar fer hin sívax-
andi tónlistarhátíð South by Southwest fram árlega og tónleikahald er
sérstaklega blómlegt. Þar hafa líka komið fram flottar hljómsveitir,
hvort sem við tölum um sýruhippasveitina 13th Floor Elevators, sýru-
pönkbandið Butthole Surfers (sem var reyndar stofnað í nágranna-
borginni San Antonio) eða nýrri nöfn eins og … And You Will Know Us
By The Trail Of Dead, Spoon og Okkervil River.
Þar starfar líka rokktríóið Harlem sem var að senda frá sér plötuna
Hippies. Það kann að vekja furðu að Texas-sveit kalli sig Harlem, en
samt ekki. St Etienne er jú ekki frönsk og ekki er FM Belfast norður-
írsk. Harlem var stofnuð í Tucson af þeim Michael Coomers og Curt-
is O‘Mara sem báðir syngja og skiptast á að spila á trommur og gítar.
Þeir fluttu sig fljótlega til Austin og sendu frá sér sína fyrstu plötu,
Free Drugs, árið 2008. Hún vakti nokkra athygli hjá miðlum eins og
Pitchforkmedia og Gorilla Vs. Bear og frammistaða þeirra félaga á
tónleikum þótti frábær. Árið 2009 bættist bassaleikarinn Jose Boyer
í hópinn, sveitin gerði samning við Matador-útgáfuna og hóf síðasta
sumar upptökur á nýju plötunni.
Harlem spilar mjög einfalt og grípandi rokk með „syngja-með“ við-
lögum og skemmtilega þunnum hljómi sem er í andstöðu við allar
þessar háværu og ómstríðu gítarsveitir sem eru út um allt. Það er eitt-
hvað sem minnir á Moldy Peaches eða jafnvel Jonathan Richman hjá
sveitinni, en samkvæmt Myspace-síðunni þeirra er Nirvana samt eina
hljómsveitin sem eitthvað er varið í. Hippies er skemmtileg plata þó að
hún breyti kannski ekki lífi þínu …
Annars hefur Matador greinilega ákveðið að tappa inn á rokk-
gróskuna í Austin því í febrúar sendi útgáfan frá sér safnplötuna
Casual Victim Pile sem hefur að geyma nítján lög með jafn mörgum
flytjendum frá Austin og nágrenni. Margt gott þar.
Einfalt er gott
HARLEM Tríó frá Texas.
> Plata vikunnar
Jónsi - Go
★★★★★
„Jónsi í Sigur Rós er mættur
með sína fyrstu sólóplötu
og fyrsta meistaraverk árs-
ins. Tignar legt popp, bæði
framsækið og grípandi.“ -TJ
> Í SPILARANUM
Diddi Fel – Hesthúsið
Deftones – Diamond Eyes
MGMT – Congratulations
Dr. Dog – Shame, Shame
Amadou & Mariam – Welcome To Mali
DIDDI FEL DEFTONES
Slash, fyrrum gítarleikari Guns N´Roses,
segir að félagi sinn fyrrverandi, Axl Rose,
sé magnaður tónlistarmaður.
Rose söng sig inn í hjörtu heimsbyggðar-
innar með lögum á borð við Sweet Child
O´Mine og Welcome To The Jungle og
Slash kryddaði útkomuna með tignarleg-
um gítarleik. Slash hætti í sveitinni 1996
eftir útgáfu plötunnar The Spaghetti Inc-
ident og allar götur síðan hefur andað
köldu á milli hans og Rose.
Guns N´Roses sneri loks aftur á
sjónarsviðið árið 2008 með plöt-
unni Chinese Democracy, sem
fékk misjafnar viðtökur. Slash
er einn þeirra sem hrifust mjög
af henni. „Þetta var fullkomin
Axl-plata,“ sagði hann í viðtali við New York
Post. „Hún var nákvæmlega það sem
hefði mátt búast við miðað við síð-
ustu árin sem við unnum saman
og í hvaða átt hann stefndi. Platan
er mjög þung, eiginlega myrk og
þunglyndisleg. Hann er algjörlega
magnaður.“
Slash efast um að hann eigi eftir
að vinna aftur með Axl Rose.
„Ég veit hversu mikið hann
hatar mig. Þess vegna efast
ég um það.“
Axl Rose er magnaður
SLASH Hrifinn af síðustu plötu
Axl Rose.
Enska trióið Doves gaf á
mánudaginn út safnplöt-
una The Places Between:
The Best of Doves. Tíu ár
eru liðin síðan fyrsta plata
sveitarinnar kom út.
Hljómsveitin Doves frá Manchest-
er er ein af þeim sem eru mjög vin-
sælar í heimalandi sínu en hafa átt
erfiðara með að slá í gegn annars
staðar.
Sveitin er skipuð tvíburabræðr-
unum Jez og Andy Williams og
Jimi Goodwin. Upphaf Doves má
rekja aftur til ársins 1985 þegar
bræðurnir hittu Jimi í mennta-
skóla, fimmtán ára að aldri. Jimi
spilaði þá með hljómsveitinni The
Risk en bræðurnir voru í öðrum
hljómsveitum. Fjórum árum síðar
stofnuðu þeir saman sveitina Sub
Sub og gáfu út sitt fyrsta smáskífu-
lag. Árið 1993 gáfu þeir út lagið
Ain´t No Love (Ain´t No Use) sem
náði þriðja sæti á breska smáskíf-
ulistanum. Erfiðari tímar fylgdu í
kjölfarið og árið 1996 varð sveitin
fyrir áfalli þegar hljóðver hennar
brann. Í framhaldinu var ákveðið
að stofna nýja hljómsveit, Doves,
og breyta algjörlega um hljóm.
Dansáhrifin viku fyrir popp-rokki
og um leið vonuðust þeir félagar
eftir auknum vinsældum.
Sú varð raunin því fyrsta plata
Doves, Lost Souls, kom út árið
2000 og var tilnefnd til hinna virtu
Mercury-verðlauna. Næsta plata
The Last Broadcast komst í efsta
sæti breska breiðskífulistans og
var einnig tilnefnd til Mercury-
verðlaunanna. Fyrsta smáskífulag
hennar, hið grípandi There Goes
The Fear, sló í gegn og náði þriðja
sæti smáskífulistans í Bretlandi,
sem er besti árangur Doves til
þessa. Þriðja platan, Some Cities,
fékk mjög góða dóma og komst
hún einnig í efsta sæti breiðskífu-
listans árið 2005. Í kjölfarið hitaði
sveitin upp bæði fyrir U2, Oasis og
Coldplay og greinilegt að hún var
farin að njóta mikillar virðingar í
tónlistarbransanum.
Á síðasta ári kom síðan út fjórða
hljóðversplatan, Kingdom of Rust,
og hljómaði öflugt titillagið eft-
irminnilega í hasarmyndinni
Zombieland. Platan náði öðru sæti
breska breiðskífulistans og festi
sveitina enn frekar í sessi sem eina
þá bestu í Bretlandi.
Virðulegir miðaldra menn
DOVES Hljómsveitin Doves gaf á mánudaginn út safnplötu með öllum sínum bestu lögum.
Hljóðsversplötur Doves
Kingdom of Rust (2009)
Some Cities (2005)
The Last Broadcast (2002)
Lost Souls (2000)
SNERTISKJÁR · MYNDAVÉL
MP3 SPILARI · INTERNETIÐ · VIDEÓ SPILARI
...OG SVO MARGT FLEIRA
SÁ EINI SEM ÞÚ ÞARFT
Sölustaðir LG Viewty