Fréttablaðið - 08.04.2010, Blaðsíða 58

42 8. apríl 2010 FIMMTUDAGUR
sport@frettabladid.is
> Keflavík unnið Njarðvík sex sinnum í röð
Keflvíkingar geta komist í 2-0 og unnið sinn sjöunda
leik í röð í úrslitakeppni á móti nágrönnum sínum úr
Njarðvík þegar annar leikur liðanna í undanúrslitum
fer fram í Njarðvík í kvöld. Keflavík vann fyrsta
leikinn 89-78 á heimavelli sínum en
hafði áður slegið Njarðvík 2-0 út úr
átta liða úrslitunum í fyrra og Njarðvík
3-0 út úr undanúrslitunum 2003.
Síðasti sigur Njarðvíkur á Keflavík í
úrslitakeppni var í Keflavík fyrir tæpum
átta árum. Njarðvík tryggði sér þá
Íslandsmeistaratitilinn annað árið í röð
með því að sópa nágrönnum sínum
út úr lokaúrslitunum.
IE-DEILD KARLA
Undanúrslit - 2. leikur
Snæfell - KR 88-107 (34-52)
Snæfell: Hlynur Bæringsson 22 (13 fráköst),
Sigurður Á. Þorvaldsson 17, Jón Ólafur Jónsson
14, Sean Burton 13 (9 stoðsendingar), Martins
Berkis 9, Emil Þór Jóhannsson 6, Pálmi Freyr
Sigurgeirsson 3, Páll Fannar Helgason 2, Sveinn
Arnar Davíðsson 1, Kristján Andrésson 1,
KR: Morgan Lewis 24 (6 fráköst, 5
stoðsendingar), Tommy Johnson 18, Pavel
Ermolinskij 18 (15 fráköst, 10 stoðsendingar, 4
varin skot) Brynjar Þór Björnsson 9, Finnur
Atli Magnússon 8, Jón Orri Kristjánsson 7,
Skarphéðinn Freyr Ingason 7 (4 fráköst), Fannar
Ólafsson 7 (4 fráköst), Steinar Kaldal 6, Ólafur
Már Ægisson 3.
Liðin mætast þriðja sinni á laugardag á
heimavelli KR. Fjórða viðureignin verður svo í
Stykkishólmi næsta mánudag.
FÓTBOLTI Manchester United vann
FC Bayern 3-2 í Meistaradeildinni
í gær. Það dugði þó Englandsmeist-
urunum ekki til að komast í undan-
úrslitin því samanlögð úrslit voru
4-4 og þýska liðið komst áfram á
fleiri útivallarmörkum,
Arjen Robben reyndist hetja
Bæjara sem voru einum manni
fleiri nær allan seinni hálfleik-
inn. Hann skoraði markið sem réði
úrslitum með glæsilegu viðstöðu-
lausu skoti á 74. mínútu.
Þetta hefur verið martraðavika
fyrir Manchester United, tapaði
fyrir Chelsea í toppslag ensku
deildarinnar um síðustu helgi og
er nú úr leik í Meistaradeildinni.
Bati Wayne Rooney hefur verið
undrahraður og var hann óvænt
mættur í byrjunarlið United í
gær en Dimitar Berbatov sest-
ur á bekkinn. Annað sem vakti
athygli í uppstillingu United var
að Darron Gibson byrjaði og
hann braut ísinn í leiknum strax
á þriðju mínútu með sínu fyrsta
Meistaradeildarmarki.
Heimamenn byrjuðu leikinn af
mögnuðum krafti og portúgalski
vængmaðurinn Nani skoraði tvö
glæsileg mörk eftir stoðsending-
ar Antonio Valencia. Staðan orðin
3-0 en fyrir hálfleik minnkaði
Ivica Olic muninn eftir að Michael
Carrick hafði hrasað í teignum.
Vendipunktur leiksins kom á 50.
mínútu þegar Rafael fékk réttilega
sitt annað gula spjald. Rafael hafði
verið frábær í leiknum en United
þurfti að leika einum færri það
sem eftir var leiksins. Það nýttu
gestirnir sér og komust áfram.
Úrslitin eru mikið áfall fyrir
Manchester United sem hefur
verið í úrslitum keppninnar síð-
ustu tvö ár. Englendingar eiga
ekkert lið í undanúrslitum þar
sem Barcelona sló Arsenal út á
þriðjudag. - egm
Arjen Robben skaut FC Bayern áfram í undanúrslit Meistaradeildarinnar:
Martraðavika í Manchester
SENDUR Í BAÐ Bakvörðurinn Rafael hjá United fékk rauða spjaldið snemma í seinni
hálfleik og var það vendipunktur leiksins. NORDICPHOTOS/GETTY
FÓTBOLTI Mótherji FC Bayern í
undanúrslitum Meistaradeildar-
innar verður Lyon en liðið vann
Frakklands-rimmuna gegn Bor-
deaux samanlagt 3-2.
Lyon vann heimaleikinn í síð-
ustu viku 3-1 en það var mikil
spenna á heimavelli Bordeaux í
seinni viðureign liðanna í gær.
Heimamenn skoruðu undir blá-
lok fyrri hálfleiks en þar var að
verki hinn eftirsótti Marouane
Chamakh.
Bordeaux misnotaði nokkur
dauðafæri til að bæta við marki
í lokin en það hefði fleytt þeim
áfram. Þá gerði liðið tilkall til
vítaspyrnu en hún fékkst ekki.
Liðið er því úr leik þrátt fyrir 1-0
sigur í gær. - egm
Bordeaux naumlega úr leik:
Lyon tapaði en
fer samt áfram
FÓTBOLTI Sir Alex Ferguson segir
brottvísun Rafaels hafa breytt
leiknum gegn FC Bayern.
„Það er enginn vafi. Þeir hefðu
aldrei komist áfram úr þessu ein-
vígi hefðum við haft ellefu menn
allan leikinn. Við áttum ekki í
neinum vandræðum þegar jafnt
var í liðum,“ sagði Ferguson eftir
leik.
„Þeir veiddu Rafael af velli.
Hann sýndi reynsluleysi en allir
hlupu að dómaranum og heimt-
uðu að hann fengi annað gult
spjald, týpískir Þjóðverjar.“
Ferguson telur United hafa
verið betra liðið í einvíginu. „Við
spiluðum betur í þessum leik en
þeir gerðu á sínum heimavelli.
Við lékum vel, frammistaðan var
góð en við vorum óheppnir,“ sagði
Ferguson.
Rooney gekk ekki heill til skóg-
ar og fór af velli snemma í seinni
hálfleik en Ferguson hefur engar
áhyggjur. „Ég held að þetta sé
ekkert alvarlegt. Ég er viss um að
hann verði tilbúinn strax í næsta
leik.“ - egm
Sir Alex Ferguson:
Vorum betri
en óheppnir
GLEÐI Leikmenn FC Bayern gátu leyft
sér að fagna eftir leik. NORDICPHOTOS/GETTY
KÖRFUBOLTI KR-ingar jöfnuðu und-
anúrslitaeinvígið á móti Snæfelli
með sannfærandi 19 stiga sigri á
Snæfelli í Stykkishólmi í gær. KR-
liðið sýndi nú sitt rétta andlit eftir
afleitan fyrsta leik en heimamenn
hittu ekki aðeins illa heldur létu
mala sig í fráköstunum.
Það var allt annað KR-lið sem
mætti til leiks í Hólminn í gær
eftir vandræðalegt tap á heima-
velli í fyrsta leiknum á móti Snæ-
felli í undanúrslitum Iceland
Express-deildar karla. KR-ingar
höfð yfirburði stærstan hluta
leiksins og unnu á endanum flott-
an 107-88 sigur.
„Andleysið í síðasta leik var
fyrir neðan allar hellur. Það hefur
varla sést annað eins í KR-heim-
ilinu í langan tíma. Menn voru
ákveðnir, vildu koma til baka og
sýna hvað í þeim býr. Við höfum
fengið alls konar gagnrýni síð-
ustu daga, bæði frá okkar fólki
og öðrum. Við erum að svara því
með þessum sigri,“ sagði Páll Kol-
beinsson, þjálfari KR, eftir leik-
inn.
Það var ljóst frá byrjun að KR-
ingar voru í allt öðrum gír í fyrsta
leiknum og í fyrsta leikhlutanum
skipti það ekki máli hver skaut
á körfuna, það fór hreinlega allt
ofan í. KR var 30-20 yfir eftir
fyrsta leikhlutann þar sem liðið
hitti úr 13 af 18 skotum sínum eða
72 prósent.KR-ingar héldu upp-
teknum hætti í öðrum leikhlutan-
um og KR var síðan með 18 stiga
forskot í hálfleiknum, 52-34, eftir
að liðið skoraði 7 síðustu stig hálf-
leiksins.
Snæfellingar mættu eins og
nýtt lið inn í seinni hálfleikinn.
Munurinn var kominn niður í
níu stig þegar mögnuð þriggja
stiga karfa Pavels Ermolinskij,
þegar skotklukkan var að renna
út, kveikti í KR-liðinu á ný. Liðið
skoraði í kjölfarið tvær troðslur
úr hraðaupphlaupi auk annarrar
þriggja stiga körfu frá Pavel og á
einni mínútu rauk munurinn upp
í 19 stig og eftir það var sigurinn
í öruggum höndum KR-inga.
Pavel Ermonlinskij átti flottan
dag í gær og nú voru bæði Morgan
Lewis og Tommy Johnson í rétta
gírnum með honum. Þeir voru
saman með 60 stig og 17 stoðsend-
ingar.
„Pavel átti frábæran leik eftir
að hafa náð sér almennilega á
strik í fyrsta leiknum eins og
flestir aðrir í liðinu. Það var mjög
ánægjulegt. Hann setti niður mik-
ilvæga þrista þegar þeir voru að
komast inn í leikinn útaf klaufa-
skap hjá okkur,“ sagði Páll sem
var líka mjög ánægður með
Tommy Johnson sem skoraði 18
stig og 4 þrista í gær.
„Við áttum gott samtal í gær,
ég og Tommy, og hann fékk að
ráða því hvort hann kæmi með
í Hólminn eða ekki. Hann vildi
koma með og sýna hvað í honum
býr. Hann gerði það í kvöld,“ sagði
Páll.
Næsti leikur fer fram í DHL-
höllinni á laugardaginn og eftir
tvo sannfærandi útisigra má segja
að serían byrji þar upp á nýtt og
því verður allt undir hjá liðunum
í þeim leik. ooj@frettabladid.is
KR-ingar svöruðu fyrir sig
KR-ingar jöfnuðu undanúrslitaeinvígið á móti Snæfelli með sannfærandi 19
stiga sigri á Snæfelli í Stykkishólmi í gær. KR sýndi sitt rétta andlit eftir afleitan
fyrsta leik en heimamenn hittu illa og létu mala sig í fráköstunum.
TOMMY JOHNSON Var loksins í rétta gírnum í gær. FRÉTTABLAÐIÐ/DANÍEL
Pavel Ermolinskij átti flottan leik í Hólminum í gær þegar KR
jafnaði einvígið á móti Snæfelli. Pavel var með 18 stig, 15
fráköst, 10 stoðsendingar og 4 varin skot auk þess að
hitta úr 6 af 9 skotum sínum í leiknum.
„Ég var hundlélegur í síðasta leik þar sem þeir spil-
uðu mjög fasta og góða vörn á mig. Ég átti bara slæm-
an dag þá og það getur komið fyrir bestu menn. Núna
átti ég átti síðan bara ágætis dag og það þýðir ekki að
þeir hafi spilað einhverja lélega vörn á mig,” segir Pavel
og bætir við: „Það er engin taktísk rimma á milli þeirra og
mín. Þeir unnu í fyrsta leik og ég vann í kvöld.”
„Við litum svolítið út eins og þeir í fyrsta leiknum. Það
vitist allt vera að fara ofan í hjá okkur og við vorum að
spila fína vörn þangað til í lokin. Það voru líka allir að
skila sínu hjá okkur, í bæði vörn og sókn. Við lokuðum
vel á þá, þetta var flottur leikur og það er ekki hægt að
kvarta yfir neinu,” segir Pavel en næsti leikur er á heimavelli KR.
„Nú er bara 1-1 og við erum aftur komnir með heimavallarréttinn. Við
höfum oft verið að spila betur á útivöllum en á heimavelli. Það er
eitthvað sem við þurfum að laga því við þurfum að mæta alveg eins
stemmdir í næsta leik,” segir Pavel að lokum.
„Við spiluðum illa og þeir spiluðu rosalega vel. Þeir spiluðu bara
frábærlega og fengu líka framlag frá þeirra slökustu mönnum
sem skora vanalega ekki neitt. Þegar þessir menn sem koma inn
af bekknum hjá þeim eru farnir að skora og Pavel er með þrjá
þrista þá eru þeir mjög erfiðir,” segir Hlynur Bæringsson, fyrirliði
Snæfells.
„Við náðum að spila betri vörn í seinni hálfleik en náðum ekki að
laga það sem fór með okkur í þessum leik. Við verðum bara
að herða okkur í fráköstunum. Við eigum að vinna öll lið í
frákastabaráttunni en við skíttöpuðum henni hér í kvöld,”
segir Hlynur að lokum.
PAVEL ERMOLINSKIJ: SÝNDI STYRK SINN MEÐ ÞREFALDRI TVENNU Í HÓLMINUM Í GÆR
Við litum svolítið út eins og þeir í fyrsta leiknum