Fréttablaðið - 09.04.2010, Blaðsíða 4

4 9. apríl 2010 FÖSTUDAGUR
STJÓRNSÝSLA Félagsmálaráðu-
neytið ræðir enn við fyrirtæki
sem veittu bílalán í erlendri
mynt um að þau flytji lánin yfir
í verðtryggð lán í íslenskum
krónum, með 15 prósent álagi.
Þetta mundi hafa í för með
sér um það bil þriðjungs nið-
ur færslu á eftirstöðvum lána
sem tekin voru í erlendri mynt
á árunum 2006 og 2007.
Ingvi Örn Kristinsson, ráð-
gjafi félagsmálaráðherra,
sagði Fréttablaðinu að hann
vonaðist til að hægt yrði að
ljúka samningum við einhver
fyrirtækjanna næstu daga.
- pg
Færa bílalán yfir í krónur:
Vonast eftir
samningum
næstu daga
FJÁRMÁL „Ég ætla ekki að svara
þessu á þessu stigi vegna þess að
ég var beðinn um skýringar sem ég
er að útbúa,“ segir Garðar Eyland,
framkvæmdastjóri Golfklúbbs
Reykjavíkur, um afdrif stórs hluta
af 210 milljónum króna sem félagið
fékk í styrk frá Reykjavíkurborg.
Í ársreikningi GR fyrir tímabil-
ið 1. nóvember 2088 til 31. október
2009 er greint frá því að Reykjavík-
urborg hafi á árinu 2006 gert samn-
ing við GR um 210 milljóna króna
framkvæmdastyrk sem síðan hafi
verið greiddur út á árunum 2007,
2008 og 2009. Fram kemur að
styrkurinn hafi átt að renna upp í
framkvæmdir fyrir 267 milljónir
króna.
„Klúbburinn hefur ekki fram-
kvæmt í samræmi við ákvæði
samningsins á árunum 2008 og 2009
en fengið greitt samkvæmt honum,“
segir í skýrslu stjórnar í ársreikn-
ingnum. „Af þessum framkvæmda-
kostnaði hefur þegar verið ráðist í
verkefni sem samsvarar 51 pró-
senti af áætluðum fjárfestingum.
Klúbburinn hefur hins vegar feng-
ið greitt allt framlagið,“ er ítrekað
í ársreikningnum.
Sérstaka athygli vekur að þrátt
fyrir að hafa ekki nýtt nema hluta
af 210 milljóna króna styrk frá
borginni í tilætlaðar framkvæmd-
ir var peningaleg staða GR við lok
áðurnefnds tímabils neikvæð um
61 milljón króna. Fénu virðist ein-
faldlega hafa verið varið í annað,
til dæmis í að laga skuldastöðu
félagsins. Eins og fyrr segir svarar
framkvæmdastjóri félagsins ekki
spurningum um þetta atriði að svo
stöddu. Hann þvertekur þó fyrir að
féð hafi runnið til rekstrar eða ann-
ars slíks hjá GR. Peningarnir séu
hjá félaginu. „Við erum með þá í
okkar vörslu, þessa peninga,“ segir
Garðar Eyland.
Borgarstjórn samþykkti á þriðju-
dag að styrkja GR um 230 milljónir
til viðbótar til að stækka völl félags-
ins á Korpúlfsstöðum. Vegna upp-
lýsinganna úr ársskýrslu GR var
hins vegar ákveðið í borgarráði í
gær að innri endurskoðun borgar-
innar og Íþrótta- og tómstundaráð
færu ofan í saumana á málinu. Mun
áðurnefnd greinargerð GR vera við-
brögð við þeirri kröfu.
Óskar Bergsson, formaður
borgar ráðs, segir borgaryfirvöld
fyrst hafa heyrt í gærmorgun að
það kynni að vera að GR hafi ekki
varið styrknum til þeirra verkefna
sem til var ætlast. Nú sé verið að
kanna það. „Ef Golfklúbbur Reykja-
víkur hefur ekki staðið við sinn
hluta af þeim samningum sem áður
hafa verið gerðir milli borgarinnar
og klúbbsins þá kallar það á endur-
skoðun þessa samnings sem núna er
nýlega endurgerður,“ segir Óskar.
„Ef þetta reynist rétt, eins og
framkomin gögn benda til, þá hlýt-
ur borgarstjóri að verða að svara
því hvernig það megi vera að það
sé ekki gengið úr skugga um að þær
framkvæmdir sem fyrri samningar
voru um hefðu raunverulega farið
fram áður en reiddar eru fram 230
milljónir í næsta vers,“ segir Dagur
B. Eggertsson, oddviti Samfylking-
ar í borgarstjórn.
gar@frettabladid.is
Óvissa um golfstyrk
vegna vanefnda GR
Þó að Golfklúbbur Reykjavíkur hafi aðeins framkvæmt fyrir hluta af 210 millj-
óna króna styrk frá borginni er peningaleg staða GR neikvæð. Formaður borg-
arráðs segir nýjan samning verða endurskoðaðan hafi GR brotið fyrri samning.
ATHAFNASVÆÐI GOLFKLÚBBS REYKJAVÍKUR Vélageymsla sem byggja átti í fyrra er
enn óbyggð en hefjast á handa á þessu ári, að sögn framkvæmdastjóra GR.
FRÉTTABLAÐIÐ/VILHELM
DANMÖRK Pia Kjærsgaard, leið-
togi Danska þjóðarflokksins,
hótar nú að svipta hægristjórn
Íhaldsmanna og Venstre stuðn-
ingi sínum taki hún ekki að vinna
af heilindum að þeim málum sem
fyrir liggja.
„Það er kominn tími til að
ríkis stjórnin vakni,“ segir hún
og krefst þess að Lars Løkke
Rasmus sen forsætisráðherra og
meðráðherrar hans sýni starfi
sínu auðmýkt og fari að taka til
hendinni. Óánægja hafi verið
kraumandi lengi innan Danska
þjóðarflokksins.
„Ef þau átta sig ekki nú á því
að þetta er alvara, gera þau
það aldrei,“ er haft eftir henni í
dönskum fjölmiðlum. - gb
Pia Kjærsgaard óánægð:
Vill að ríkis-
stjórnin vakni
PIA KJÆRSGAARD Hótar að svipta
dönsku stjórnina stuðningi.
NORDICPHOTOS/AFP
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
17°
21°
13°
11°
15°
14°
10°
10°
20°
17°
18°
17°
25°
10°
16°
18°
7°Á MORGUN
8-15 m/s,
hægast NA-til.
SUNNUDAGUR
5-8 m/s
víða um land.
8
6
5
5
4
5
6
8
9
3
4
9
9
6
4
4
5
15
9
5
8
9
9
7
8
10
9 8
5
8
9
7
VOR Í LOFTI?
Margir gleðjast
yfi r hlýnandi veðri
þesssa dagana.
Fram undan eru
mildir dagar með
suðlægum áttum.
Í dag má búast við
rigningu S- og V-
lands og síðdegis
eða í kvöld fer að
rigna lítillega í öðr-
um landshlutum.
Hiti verður ofan
frostmarks í byggð.
Soffía
Sveinsdóttir
veður-
fréttamaður
Þurftu að gista í Norrænu
Fjórtán farþegar sem komu til Seyðis-
fjarðar með Norrænu á þriðjudag
urðu að gista í ferjunni vegna veðurs.
Stórhríð var á Fjarðarheiði og ófært
frá Seyðisfirði.
AUSTURLAND
LÖGREGLUMÁL Maður sem braust
inn í fjölbýlishús eldri borgara
við Gullsmára í Kópavogi aðfara-
nótt miðvikudags vopnaður hnífi
og leitaði þar að lyfjum var lát-
inn laus í gær eftir yfirheyrslu.
Að sögn lögreglu í Kópavogi
er málið rannsakað sem innbrot.
Maðurinn var ekki talinn hættu-
legur, hann hafi sleppt hnífnum
og sagst ekki vilja meiða neinn.
Ekki var talin forsenda til
að óska eftir gæsluvarðhaldi
eftir að hann játaði brot sitt
greiðlega. - pg
Braust inn í leit að lyfjum:
Ræningi játaði
og var sleppt
Bráðabirgðastjórn tekur við:
Bakijev segist
enn vera forseti
KIRGISISTAN, AP Kurmanbek Bak-
ijev neitar að viðurkenna bráða-
birgðastjórn
stjórnarand-
stöðunnar í
Kirgisistan og
segist enn vera
forseti lands-
ins, þótt hann
viðurkenni
valdaleysi sitt.
Bakiyev var
hrakinn frá
völdum í bylt-
ingu á miðvikudag og segist vera
í felum í suðurhluta landsins.
Rosa Otunbajeva. fyrrver-
andi utanríkisráðherra og leið-
togi stjórnarandstöðunnar, segir
að þingið hafi verið leyst upp
og hún ætli að mynda bráða-
birgðaríkisstjórn sem muni
starfa í hálft ár. Þá verði haldnar
kosningar. - gb
ROSA OTUNBAJEVA
FERÐAÞJÓNUSTA Samtök ferðaþjón-
ustunnar (SAF) telja að flugfélög-
in þurfi að bera 400 milljóna króna
kostnaðarhækkanir vegna nýlegra
gjaldskrárbreytinga frá hendi sam-
gönguráðherra. SAF gagnrýnir
ekki síst að hækkanirnar taka gildi
með svo stuttum fyrirvara að allur
kostnaðurinn fellur á fyrirtækin og
ekki er hægt að velta kostnaðinum
á farþega.
Með nefndum gjaldskrárbreyting-
um hækkar flugverndargjald um 53
prósent. Nýtt farþegagjald nemur
150 krónum á hvern farþega og nýtt
leiðarflugsgjald verður jafnframt
lagt á en það reiknast eftir þyngd
loftfars og lengd flugs. Lendingar-
gjöld í innanlandsflugi hækka jafn-
framt um 25 prósent.
Milljónirnar 400 ganga annars
vegar til Keflavíkurflugvallar og
hins vegar til Flugstoða.
Gjaldskrárbreytingin tekur gildi
eftir tvo mánuði. Langt er liðið á
aðalsölutímabil sumarsins og SAF
gagnrýnir að ekki sé tekið tillit til
ábendinga um að gjalda- og skatta-
umhverfi greinarinnar verði að
koma með góðum fyrirvara. Það séu
mikil vonbrigði að samgönguráð-
herra hafi samþykkt þessa breyt-
ingu með svo stuttum fyrirvara,
eins og segir í tilkynningu. - shá
Ferðaþjónustan segir gjaldskrárbreytingar taktlausar og illa tímasettar:
Fyrirtækin bera allan kostnað
FRÁ LEIFSSTÖÐ Gagnrýni ferðaþjónust-
unnar snýr ekki síst að því hversu stutt-
an fyrirvara fyrirtækin fá til að bregðast
við hækkunum. FRÉTTABLAÐIÐ/ANTON
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is
GENGIÐ 08.04.2010
GJALDMIÐLAR KAUP SALA
HEIMILD: Seðlabanki Íslands
227,7405
GENGISVÍSITALA KRÓNUNNAR
128,35 128,97
195,30 196,24
170,85 171,81
22,948 23,082
21,437 21,563
17,616 17,720
1,3812 1,3892
194,14 195,30
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
N1 Deildin
KONUR
Föstudagur
Vodafone höll
Framhús
Valur - Haukar
Fram - Stjarnan
19:30
19:30
2009 - 2010
ÚRSLITAKEPPNIN HEFST