Fréttablaðið - 15.04.2010, Blaðsíða 16
16 15. apríl 2010 FIMMTUDAGUR
GOS Í EYJAFJALLAJÖKLI
Útlit er fyrir að vinna við Land-
eyjahöfn muni tefjast nokkuð
vegna hlaupsins úr Eyjafjalla-
jökli. Ekki urðu skemmdir á hafn-
armannvirkinu sjálfu en flóðið
náði allt upp að varnargarðinum.
Þar voru geymdir um 50 þúsund
rúmmetrar af efni, sem talið er
að hafi rýrnað.
Í tilkynningu frá Siglinga-
stofnun segir að náttúruham-
farir á borð við Skeiðarár-
hlaup þyrfti til þess að teljandi
skemmdir yrðu á hafnarmann-
virkinu.
Vinnu við höfnina var hætt
tímabundið vegna flóðsins og
starfsmenn fluttir af svæðinu í
öryggisskyni.
Áætluð verklok við Landeyja-
höfn voru í júlí í ár, en líklegt er
að þau tefjist.
- sh
Flóðið seinkar samgöngum:
Landeyjahöfn
tefst vegna goss
Fólk gerði í gamni sínu í hjálpar-
miðstöðinni í grunnskóla Hvols-
vallar og lét það ekki raska ró sinni
að vera dregið úr rúminu vegna
yfirvofandi goss í Eyjafjallajökli
aðfaranótt miðvikudags.
Framan af morgni var ekki
ljóst hvort gos væri í raun hafið
eða hvort aðeins væri um að ræða
skjálftahrinu.
Þó mátti heyra lítinn dreng,
kannski á fimmta ári, lýsa því skor-
inort yfir við föður sinn, sem bar
hann á handleggnum, að það væri
„pirrandi að láta vekja sig svona, út
af gosi“. Systir hans heldur yngri
leiddi móður þeirra þar sem þau
komu út úr skólanum á leið til ætt-
ingja. Foreldrarnir, sem og aðrir
tilheyrendur, brostu yfir því hvað
strákurinn var mannalegur.
Þegar líða tók á morguninn lifn-
aði yfir börnum sem komið höfðu
um nóttina og mörg tóku til við að
leika sér í leiktækjum skólans og
önnur úti við.
Sigurður Magnússon, húsvörð-
ur í Hvolsskóla, segir ekki hægt
að merkja mikinn mun á andrúms-
loftinu í skólanum við rýminguna
nú og þegar rýmt var vegna goss-
ins á Fimmvörðuhálsi. „Nema þá
kannski helst að þetta er heldur
rólegra núna,“ sagði hann kím-
inn. „Þá var rýmt á laugardags-
kvöldi og því eitthvað um ölvun.
Samt gekk nú allt vel þá og engin
ólæti.“
- óká
Stemningin öðruvísi síðast þegar rýmt var á laugardegi:
Létt yfir gestum í hjálparmiðstöð
SYBBIN EN NOKKUÐ BRÖTT Krakkar sem komu í hjálparmiðstöðina í Hvolsskóla í fyrrinótt vegna gossins í Eyjafjallajökli kipptu sér ekki
mikið upp við atganginn, mögulega reynslunni ríkari frá því að rýma þurfti í mars vegna gossins á Fimmvörðuhálsi. FRÉTTABLAÐIÐ/VILHELM
„Ég veit ekki hvernig ég kemst til
baka og hef raunar engar áhyggjur
af því. Ég er aðstoðarmaður núna og
ber vatnsbrúsa fyrir jarðfræðinga,“
segir Steingrímur J. Sigfússon fjár-
málaráðherra. Hann dreif sig aust-
ur undir Eyjafjöll í gær og var aust-
an Markarfljóts þegar vegurinn var
rofinn vegna hlaupsins.
Steingrímur segir það alltaf stór-
viðburði þegar gýs undir jökli og því
fylgi hlaup. Því hafi hann ákveðið að
skella sér austur til að verða vitni að
hamförunum. Hann segir þetta hafi
verið mikið sjónarspil. Lítið hafi
verið í ánni þegar hlaupið kom og
áhrifin hafi verið mikil. Mikilvæg-
ast sé að ekki hafi orðið tjón á mönn-
um. „Það hjálpaði mikið til að búið
var að rjúfa veginn. Gröfumaðurinn
hefur sannarlega unnið fyrir kaup-
inu sínu,“ segir Steingrímur.
Steingrímur fékk far vestur yfir
fljótið með þyrlu sem Fréttablað-
ið og fréttastofa Stöðvar 2 höfðu á
leigu. - kóp
Fjármálaráðherra festist austan við Markarfljót:
Bar brúsa jarðfræðinga
Á VESTURLEIÐ Steingímur fékk far með þyrlu sem Fréttablaðið og Fréttastofa Stöðvar
2 tóku á leigu í gær. FRÉTTABLAÐIÐ/VILHELM
Parketlakk
Ný vara á
góðu verði
Skútuvogi 6 - Sími 568 6755
www.sff.is
-tryggjum öryggi í viðskiptum
Ert þú örugglega þú?
Til að auka öryggi í viðskiptum þurfa allir viðskiptavinir
banka, sparisjóða og eignarleigufyrirtækja að sanna á
sér deili með því að framvísa gildu skilríki. Gild skilríki
eru vegabréf, ökuskírteini og nafnskírteini.
Samkvæmt lögum um peningaþvætti er skylt
að framvísa gildum persónuskilríkjum
Hafi r þú ekki sannað á þér deili er mikilvægt að þú gerir það.
Vegurinn austan við brúna yfir
Markarfljót var rofinn á fjórum
stöðum í gær, til að hlífa brúnni
yfir Markarfljót. Að sögn Guð-
jóns Sveinssonar gröfumanns var
fyrst ákveðið að rjúfa veginn rétt
austan við brúna. „Helgi Benóný
Gunnarsson verkstjóri stóð á
veginum og fylgdist með flóðinu
í kíki til að meta hvað við hefð-
um langan tíma. Við byrjuðum að
taka veginn í sundur á einum stað
en svo var ákveðið stig af stigi að
rjúfa veginn á fleiri stöðum.“
Guðjón og félagar hans fluttu
jarðveginn í burtu á vörubíl og
voru að alveg þar til flóðið náði
hámarki. Guðjón þótti hafa stað-
ið sig afbragðsvel í gær en hann
gerði lítið úr afrekunum. „Þetta
var alls ekki tæpt,“ segir Guð-
jón spurður hvort þeir hafi verið
í einhverri hættu. „Við höfðum
sirka þann tíma sem við þurft-
um.“
Jarðvegurinn var settur í elsta
varnargarðinn á þessum slóð-
um, sem liggur neðan við þjóð-
veg eitt, neðan við vegamótin að
Seljalandsfossi.
„Við bættum í hann og höfum
verið að styrkja hann og laga
núna,“ sagði Guðjón þegar rætt
var við hann síðdegis í gær. Ekki
flæddi yfir þann varnargarð sem
á aldarafmæli í ár. - sbt
Fylgdust með flóðinu meðan vegurinn var rofinn:
Gróf þar til flóðið
hafði náð hámarki
VEGURINN Í SUNDUR Rjúfa þurfti veginn
yfir Markarfljót í sundur til að hlífa
brúnni við Markarfljót. FRÉTTABLAÐIÐ/VILHELM