Fréttablaðið - 15.04.2010, Blaðsíða 64
48 15. apríl 2010 FIMMTUDAGUR
sport@frettabladid.is
„Ég var ekkert á leiðinni að byrja aftur og þurfti aðeins að hugsa
um þetta. Við áttum gott tímabil í fyrra og það hefði verið
góður punktur að enda á því. En þar sem Fylkir er mitt félag
og bað mig um hjálp þá var þetta kannski ekki mjög erfið
ákvörðun,“ segir Ólafur Stígsson sem er hættur við að hætta
og ætlar að spila með Fylki á komandi tímabili.
Ólafur lék virkilega vel síðasta sumar en þessi 35 ára
leikmaður var valinn leikmaður tímabilsins í Árbænum.
Hann segist hafa kíkt á nokkrar æfingar með liðinu í
vetur og fengið að vera með í smá fótbolta. Annars
hefur hann lítið æft.
„Ég hef ekki verið í neinu boot-camp en skokkað
eitthvað. Það er stutt mót svo maður verður að
koma sér í stand ef maður á að hjálpa liðinu eitt-
hvað,“ segir Ólafur en nú er aðeins tæpur mánuður í
fyrsta leik Fylkis á Íslandsmótinu.
Fylki hefur gengið illa að styrkja lið sitt í vetur og var því leitað til
Ólafs og hann beðinn um að taka skóna fram að nýju. Hann varð við
þeirri ósk. Liðinu hefur ekki gengið mjög vel í Lengjubikarnum og í
fjórum leikjum gegn liðum úr 1. deild aðeins náð einum sigri.
„Það hefur ekki gengið eins vel í vetur og það gerði í fyrra. Ég hef
samt ekkert miklar áhyggjur af því. Þetta er svipaður hópur en
einhver meiðsli verið í gangi. Það hafa verið vandræði með
miðjuna en það reddast alveg, held ég. Þetta verður gott
tímabil enda erum við að fara að taka þátt í Evrópukeppni,“
segir Ólafur.
Í byrjun ársins tilkynntu Fylkismenn að Ólafur Stígsson
hefði verið ráðinn aðstoðarþjálfari nafna síns Þórðarson-
ar. „Það var bara tímabundin lausn, ég var fenginn til að
aðstoða um tíma. Það fer aðeins meiri tími í það starf en
að vera leikmaður,“ segir Ólafur en Kristinn Guðbrands-
son er nú tekinn við sem aðstoðarþjálfari Fylkis.
ÓLAFUR STÍGSSON: SVARAÐI KALLINU FRÁ FYLKI OG HEFUR TEKIÐ SKÓNA FRAM Á NÝJAN LEIK
Hef ekki verið í boot-camp en eitthvað skokkað
> Guðmundur hafnaði Grindavík
Guðmundur Bragason, fyrrverandi leikmaður Grindavíkur,
var efstur á óskalista körfuknattleiksdeildar félagsins sem
næsti þjálfari karlaliðsins. Guðmundi var boðið
starfið en hann hafnaði því vegna anna í
vinnu. Grindvíkingar eru því aftur komnir
á byrjunarreit. „Við erum að kasta nöfn-
um á milli okkar þessa dagana og erum
opnir fyrir öllu. Útlendingur gæti jafnvel
komið til greina,“ segir Magnús Andri
Hjaltason, formaður deildarinnar. „Við
viljum fá hæfan þjálfara. Höfum verið
með góða þjálfara hérna hjá okkur síðustu
ár og viljum ekki fara að breyta því núna.“
KÖRFUBOLTI Njarðvíkingar féllu
úr leik í undanúrslitum Iceland
Express-deildar karla á þriðjudags-
kvöldið. Þeir töpuðu fyrir Keflavík,
3-1, þar sem þeir áttu undir högg að
sækja alla rimmuna.
Árangur Njarðvíkinga veldur
vonbrigðum enda ætlaði liðið sér
lengra og sérfræðingar töldu það
hafa möguleika til þess að fara alla
leið eftir að Nick Bradford gekk í
raðir liðsins. Það útspil gekk aldrei
upp og Njarðvíkingar komust aldrei
almennilega í gírinn með Bradford
innan borðs.
„Auðvitað höfðum við væntingar
um að komast lengra og það verð-
ur að viðurkennast að tilkoma Brad-
fords skilaði ekki því sem við von-
uðumst eftir. Það var ekki fyrr en
undir það síðasta að hann og liðið
fóru að ganga í takt,“ segir Jón Guð-
laugsson, formaður körfuknattleiks-
deildar Njarðvíkur.
Jón segir það vera ljóst að Sig-
urður Ingimundarson þjálfi liðið
áfram.
„Hann verður áfram og er með
samning við okkur. Það er ekki neitt
annað í myndinni. Siggi er frábær
einstaklingur og þjálfari sem fær nú
að undirbúa liðið á sinn hátt fyrir
mótið. Við erum með frábæran hóp
og mikið af efnilegum leikmönnum
að koma upp hjá okkur. Framtíðin
er björt hjá Njarðvík,“ segir Jón
en hann býst ekki við því að missa
neina lykilleikmenn frá liðinu.
Sigurður sjálfur var enn að
jafna sig á tapinu er Fréttablaðið
heyrði í honum í gær. „Ég reikna
með því að vera áfram. Annars
er ég ekkert að spá of mikið í því
núna, er aðallega að hugsa um
að ég hefði átt að vera að fara í
oddaleik með Njarðvík,“ segir
Sigurður.
- hbg
Njarðvíkingar ekki af baki dottnir þó svo liðið hafi ekki náð takmörkum sínum:
Sigurður verður áfram með Njarðvík
EKKI Á FÖRUM Sigurður Ingimundarson mun þjálfa Njarðvíkurljónin næsta vetur að
öllu óbreyttu. FRÉTTABLAÐIÐ/VILHELM
FÓTBOLTI Það eru gerðar sífellt
meiri kröfur til knattspyrnufé-
laga á landinu enda þurfa lið í
efstu deildum að uppfylla kröfur
leyfiskerfis KSÍ.
Leyfisráð KSÍ tekur fastar á
hverju ári á þeim félögum sem
sinna skyldum sínum illa og í ár
vísaði ráðið fjórum málum til
aga- og úrskurðarnefndar KSÍ.
Sú nefnd hefur nú úrskurðað í
þeim málum og sektað tvö félög.
Tvö félög, Fjölnir og Þróttur,
skiluðu fjárhagslegum gögnum
seint og voru því beitt sektum
ásamt því að fá viðvörun. Þróttur
fékk hámarkssekt, 30.000 krónur,
þar sem félagið skilaði þessum
gögnum 22 dögum of seint. Fjöln-
ir þurfti að reiða fram 16.500
krónur en dagsektin hljóðar upp
á 1.500 krónur.
Viðurlögin eru stighækkandi
þó svo upphæðirnar séu ekki
háar. Félög sem ítrekað brjóta af
sér á slíkan hátt eiga aftur á móti
á hættu að tapa stigum.
Haukar og Fylkir fengu síðan
viðvörun þar sem krafa um
menntun aðstoðarþjálfara félag-
anna var ekki uppfyllt.
- hbg
Leyfisráð KSÍ vísaði málum til aganefndar:
Fjölnir og Þróttur sektuð
1 Portsmouth – Aston Villa
2 Atalanta – Fiorentina
3 Bari – Napoli
4 Cagliari – Palermo
5 Catania – Siena
6 Lazio – Roma
7 Sampdoria – Milan
8 Halmstad – GAIS
9 Gefl e – Örebro
10 Häcken – Mjällby
11 Kalmar FF – AIK
12 Trelleborg – Brommapojkarna
13 Bor. Dortmund – Hoffenheim
EVRÓPUBOLTINN 18.–19. APRÍL 2010
15. LEIKVIKA
Vegna breytinga hjá Svenska spel er Sunnudagsseðillinn
annar en í prentaðri leikskrá. Réttur seðill er svona:
SÖLU LÝKUR 18. APRÍL KL. 12.00
1 X 2
MIKIÐ ÚRVAL
GOTT VERÐ
Gildir
til 31.
maí 2
010
Rauðhellu 11, Hfj.
( 568 2035
Hjallahrauni 4, Hfj.
( 565 2121
Dugguvogi 10
( 568 2020
GOTT VERÐ OG
FRÁBÆR
GREIÐSLUKJÖR
fyrir þá fjölmörgu sem þurfa
að kaupa ný dekk fyrir sumarið.
Dekk undir:
■ Fólksbíla
■ Jeppa
■ Mótorhjól
■ Sendibíla
■ Vörubíla
■ Rútur
■ Vinnuvélar
■ Traktora
■ Hjólhýsi
■ Kerrur
o.s.frv., o.s.frv.
www.pitstop.is
VAXT
ALAU
ST
VISA & MAS
TE
RC
A
R
DGildir til 3
1. m
aí 20
10
VA
X
TA
LA
US
T Í
ALL
T AÐ 6 MÁNUÐI
FÓTBOLTI Arsenal tókst ekki að kom-
ast upp fyrir Manchester United
og minnka forskot Chelsea á toppn-
um þegar liðið heimsótti nágranna
sína í Tottenham í gær. Tottenham
hafði ekki unnið Arsenal síðan
í nóvember 1999 eða í síðustu 20
leikjum en biðin fyrir stuðnings-
menn liðsins var loksins á enda í
gær. Tottenham er nú aðeins einu
stigi á eftir Manchester City í
baráttunni um fjórða sætið inn í
Meistaradeildina.
„Þetta eru frábær úrslit og sér-
staklega þar sem það voru mikil
vonbrigði fyrir okkur að tapa í
bikarnum um síðustu helgi. Þetta
var greinilega góður tími til að
mæta Arsenal,“ sagði Ledley King,
fyrir liði Tottenham, sem átti mjög
góðan leik.
„Þessi sigur skiptir gríðarlega
miklu máli fyrir okkur og það sést
best á stigatöflunni. Við urðum að
rífa okkur strax upp eftir tapið á
móti Portsmouth og það tókst. Það
var mjög mikilvægt að koma sterk-
ir til baka og nú líður mér eins og
við getum unnið öll lið á heima-
velli,“ sagði King.
Hinn 19 ára Danny Rose byrj-
aði frábærlega í sínum fyrsta leik
í byrjunarliði Tottenham þegar
hann skoraði fyrsta mark leiks-
ins á 10. mínútu. Manuel Almunia,
markvörður Arsenal, sló þá bolt-
ann út fyrir teiginn en þar beið
strákurinn og tók boltann viðstöðu-
laust á lofti og hann lá í netinu.
Tottenham fékk draumabyrjun
á seinni hálfleik líka þegar Gareth
Bale slapp í gegn eftir stungusend-
ingu frá Jermain Defoe og skoraði
eftir aðeins tveggja mínútna leik í
seinni hálfleiknum.
Eiður Smári Guðjohnsen kom
inn á sem varamaður fyrir Jerm-
ain Defoe á 68. mínútu eða á sama
tíma og Robin van Persie kom inn
á hjá Arsenal í sínum fyrsta leik
eftir meiðslin. Varamennirnir
Robin van Persie og Theo Walcott
komu með bitið í sóknarleik Arsen-
al en liðið hafði komist lítið áleið-
is framan af þrátt fyrir að vera
mikið með boltann. Heimamenn í
Tottenham geta þakkað markverði
sínum Heurelho Gomes að Arsenal
fékk ekkert út úr leiknum.
Arsenal pressaði mikið í lokin
en Gomes varði hvað eftir annað
á stórglæsilegan hátt eða allt þar
til að Dananum Nicklas Bendtner
tókst loksins að minnka muninn
á 85. mínútu. Nær komst Arsenal
ekki og Tottenham fagnaði sigri.
„Það verður mjög erfitt að vinna
titilinn úr þessu. Við höldum áfram
að berjast á meðan við eigum töl-
fræðilega möguleika því á meðan
það er möguleiki þá er möguleiki.
Það dugar okkur samt ekki leng-
ur að Chelsea tapi stigum í einum
leik,“ sagði Arsene Wenger, stjóri
Arsenal eftir leikinn.
ooj@frettabladid.is
Löng bið loksins á enda
Tottenham vann fyrsta sigurinn á nágrönnum sínum í Norður-London síðan
1999 og spillti fyrir meistaravonum Arsenal með 2-1 sigri á White Hart Lane.
ÞVÍLÍK BYRJUN Danny Rose skoraði stórglæsilegt mark í sínum fyrsta byrjunarliðsleik
fyrir Tottenham og fagnaði því líka vel. MYND/AFP
Tottenham-Arsenal 2-1
1-0 Danny Rose (10.), 2-0 Gareth Bale (47.), 2-1
Nicklas Bendtner (85.)
Aston Villa-Everton 2-2
0-1 Tim Cahill (23.), 1-1 Gabriel Agbonlahor
(72.), 1-2 Cahill (74.), 2-2 Sjálfsmark (90.+1)
Wigan-Portsmouth 0-0
STAÐA EFSTU LIÐA Í DEILDINNI
Chelsea 34 24 5 5 85-30 77
Man. United 34 23 4 7 77-27 73
Arsenal 34 22 5 7 76-36 71
Man. City 33 17 11 5 69-41 62
Tottenham 33 18 7 8 60-33 61
Liverpool 34 16 8 10 54-33 56
ENSKI Í GÆR