Fréttablaðið - 16.04.2010, Blaðsíða 2
2 16. apríl 2010 FÖSTUDAGUR
Björn, verður safnið í lagi?
„Það verður örugglega auðveldara
að flokka lagasafnið en laga flokka-
safnið.“
Dr. Björn Þór Jónsson, dósent við tölvun-
arfræðideild Háskólans í Reykjavík, gerði
nýverið samstarfssamning við netfyrir-
tækið D3 sem rekur vefinn tónlist.is um
rannóknir á flokkun laga eftir innihaldi.
EFNAHAGSMÁL Ekki kemur í ljós fyrr en að afloknum
fundi stjórnar Alþjóðagjaldeyrissjóðsins (AGS) í dag
hvort náðst hefur að tryggja fjármögnun á fram-
gangi efnahagsáætlunar Íslands og AGS.
Þetta kom fram á reglubundnum upplýsingafundi
sjóðsins í gær. Á fundinum sagði Caroline Atkinson,
framkvæmdastjóri samskiptasviðs AGS, hins vegar
að úr ákvörðun framkvæmdastjórnar og starfsliðs
AGS um að leggja málið fyrir stjórnina megi lesa trú
þeirra á að málið sé fundartækt og líklegt til fram-
göngu.
AGS lýsti því yfir fyrir helgi að í dag yrði tekin
fyrir á stjórnarfundi önnur endurskoðun efnahags-
áætlunarinnar. Upphafleg áætlun gerði ráð fyrir að
þessi endurskoðun ætti sér stað í maílok 2009, þannig
að nærri ársdráttur hefur orðið á áætluninni.
Töfin skýrist á því að á meðan deilu Íslendinga
við Breta og Hollendinga um lyktir Icesave-sam-
komulags er ólokið hefur ekki verið hægt að tryggja
fjármögnun áætlunarinnar. Heimildir Fréttablaðs-
ins herma að ákvörðun sjóðsins um að taka málið
fyrir ráðist af því að stjórnvöld hafi í viljayfirlýsingu
stefnt að því að ljúka samningum um Icesave sem
fyrst, að því gefnu að viðunandi niðurstaða fengist.
Verði endurskoðunin samþykkt verða afgreidd hing-
að lán í tengslum við efnahagsáætlunina frá AGS og
Póllandi. - óká
GAMLIR GRIKKIR Umfjöllun um aðstoð AGS við Grikki vegna
efnahagsþrenginga þar í landi var fyrirferðarmikil á kynningar-
fundi sjóðsins í gær. FRÉTTABLAÐIÐ/AP
Líkur á að stjórn AGS samþykki aðra endurskoðun efnahagsáætlunar Íslands:
Endurskoðun tekin fyrir ári of seint
Þorvaldur Garðar Kristjáns-
son, fyrrverandi alþingismaður,
lést á heimili sínu á miðvikudag,
níræður að
aldri.
Þorvaldur
Garðar fædd-
ist á Kirkjubóli
í Valþjófsdal í
Önundarfirði
10. okt óber
1919. Hann
varð stúdent
frá MA 1944
og lauk laganámi við HÍ 1948.
Þorvaldur var alþingismað-
ur Sjálfstæðisflokksins 1959,
1963-1967 og 1971-1991. Sam-
hliða þingmennsku var hann
framkvæmdastjóri Sjálfstæðis-
flokksins 1961-1972 og fram-
kæmdastjóri þingflokks hans
1972-1983.
Eftir að Þorvaldur hætti á
þingi öðlaðist hann hæstaréttar-
lögmannsréttindi, þá 72 ára.
Þorvaldur
Garðar Kristj-
ánsson látinn
Í dálkinum Frá degi til dags í gær
var farið rangt með skuldir Kristjáns
Arasonar og félags hans, 7 hægri.
Skuldir hans námu 1,8 milljörðum
króna. Kristján segir persónulegar
skuldir sínar hafa runnið inn í 7
hægri, sem nú sé farið í þrot. Hann sé
því skuldlaus.
LEIÐRÉTTING
FÓLK „Það var eins og hann rank-
aði við sér öðru hverju en um leið
og ég hætti þá datt hann út aftur
þannig að ég hélt bara áfram að
blása,“ segir Ester Kristinsdótt-
ir snyrtifræðingur, sem á þriðju-
dag bjargaði lífi manns sem fékk
hjartastopp þegar hann var í fót-
snyrtingu.
Maðurinn, sem er 74 ára gamall
Hafnfirðingur og bæði hjartveik-
ur og með sykursýki samkvæmt
upplýsingum Fréttablaðsins, er
fastur viðskiptavinur á Snyrti-
stofu Rósu í verslunarmiðstöð-
inni Firðinum.
„Hann sat bara hér í fótsnyrt-
ingu og í fullu fjöri þegar hann
virtist syfja. Sú sem var að sinna
honum ætlaði að halla honum
aftur en í þeirri andrá lognaðist
hann út af,“ lýsir Ester.
Að sögn Esterar þekkja snyrti-
fræðingarnir á Rósu vel til
mannsins. Hann sé hress og
mikill húmoristi en eigi við veik-
indi að stríða. Þær hafi því strax
áttað sig á að staðan væri alvar-
leg þegar hann hneig í ómegin.
„Hann var hættur að anda og
orðinn blár. Við hringdum strax
í 112 og það var hlaupið hér upp á
heilsugæslustöð á þriðju hæð og
náð í lækni og hjúkrunarfræð-
ing,“ segir Ester, sem ásamt
Helgu Sigurðardóttur, starfs-
systur sinni, barðist við að halda
lífi í manninum þar til önnur
hjálp bærist. Sjálf lærði Ester til
sjúkraliða á sínum tíma og starf-
aði lengi í Bláa lóninu þar sem
hún sótti skyndihjálparnám-
skeið.
„Það voru eiginlega ósjálfráð
viðbrögð að blása. Helga sem
var með mér byrjaði að hnoða
hann líka með leiðbeiningum frá
Neyðarlínunni. Svo kom hjúkrun-
arfræðingurinn og læknirinn og
slógu hann harkalega í hjartastað
eins og á að gera og komu honum
í gang,“ segir Ester.
Veikindi mannsins eru eins og
áður segir alvarleg. Hann fékk
aftur hjartastopp í gær þar sem
hann dvelur enn á spítala að jafna
sig. „Stundum er eins og æðri
máttarvöld grípi í taumana. Hann
vildi vera í tíma hjá okkur klukk-
an eitt en fékk tíma klukkan tvö.
Ef hann hefði fengið fyrri tímann
og verið farinn frá okkur þegar
þetta gerðist veit enginn hvern-
ig farið hefði,“ segir Kristín Sig-
urrós Jónasdóttir, eigandi snyrti-
stofunnar Rósu.
gar@frettabladid.is
SPURNING DAGSINS
Snyrtifræðingur hélt
lífinu í viðskiptavini
Ester Kristinsdóttir snyrtifræðingur blés lífi í aldraðan viðskiptavin sem virtist
í fullu fjöri en hneig út af þegar hann var í fótsnyrtingu. Maðurinn, sem orðinn
var blár áður en kann komst aftur til lífs, dvelur enn á sjúkrahúsi að jafna sig.
ESTER KRISTINSDÓTTIR Gafst ekki upp og bjargaði lífi viðskiptavinar sem fékk hjarta-
stopp síðastliðinn þriðjudag. FRÉTTABLAÐIÐ/PJETUR
Hann sat bara hér í
fótsnyrtingu og í fullu
fjöri þegar hann virtist syfja.
Sú sem var að sinna honum
ætlaði að halla honum aftur
en í þeirri andrá lognaðist
hann út af.
ESTER KRISTINSDÓTTIR
SNYRTIFRÆÐINGUR.
ALÞINGI Björgvin G. Sigurðs-
son, fyrrverandi viðskiptaráð-
herra, víkur tímabundið úr sæti
á Alþingi. Ástæðuna segir hann
vera að hann geti truflað vinnu
þingmannanefndar, sem tekur
afstöðu til þess hvort Björgvin
verður dreginn fyrir landsdóm,
ásamt Geir H. Haarde og Árna
M. Mathiesen.
Rannsóknarnefnd Alþingis
komst að því að þeir þrír hefðu
sýnt vanrækslu í starfi „með því
að láta hjá líða að bregðast á við-
eigandi hátt við hinni yfirvofandi
hættu fyrir íslenskt efnahags-
líf sem leiddi af versnandi stöðu
bankanna“.
Bréf Björgvins verður lesið
upp á þingfundi í dag og þá tekur
varamaður hans við. Björgvin
þiggur ekki laun á meðan hann
er frá, en getur hvenær sem er
komið inn aftur. Í raun er hann í
leyfi af persónulegum ástæðum.
Hann er enn þingmaður. - kóp
Sýndi vanrækslu í starfi:
Víkur tíma-
bundið úr sæti
BJÖRGVIN G. SIGURÐSSON Hann sagði
af sér sem þingflokksformaður Samfylk-
ingarinnar eftir að skýrslan var kynnt á
mánudag en víkur nú tímabundið úr
sæti sínu á þingi.
LÖGREGLUMÁL Hæstiréttur staðfesti
í gær gæsluvarðhaldsúrskurð Hér-
aðsdóms Reykjavíkur yfir manni
sem grunaður er um stórfelld fjár-
svik. Lögreglu grunar að maðurinn
hafi svikið um 300 milljónir króna
af að minnsta kosti 90 manns.
Verði maðurinn sakfelldur fyrir
fjársvik er hámarksrefsing sem
hans gæti beðið sex ára fangelsis-
vist. Þeir sem kært hafa manninn
segja hann hafa boðist til að ávaxta
fé fyrir það. Það hafi hann ætlað að
gera ýmist með gjaldeyrisviðskipt-
um eða með því að nota fé fólks til
að losa peninga sem hann sagðist
eiga á erlendum bankareikning-
um. Talið er að þúsundir færslna á
bankareikningum tengdum mann-
inum tengist meintum fjársvik-
um.
Talið er að maðurinn eigi sér
vitorðsmenn og hafi stundað fjár-
svikastarfsemi með þeirra aðstoð.
Í úrskurði héraðsdóms kemur
fram að við yfirheyrslur hafi mað-
urinn ekki vefengt að hann skuld-
aði fólki hundruð milljóna króna, og
að fjöldi þeirra sem hann skuldi sé
að minnsta kosti 90 manns. Hann
hafi ekki kannast við að hafa brot-
ið af sér, þótt hann hafi kannast við
tilvik þar sem hann hafi beitt fólk
blekkingum. - bj
Meintur fjársvikari talinn hafa stolið 300 milljónum af ríflega 90 manns:
Bauðst til að ávaxta fé fólks
DÓMSTÓLAR Hæstiréttur staðfesti
gæsluvarðhaldsúrskurð yfir meintum
fjársvikara til 10. maí í gær.
VIÐSKIPTI Björgólfur Thor Björg-
ólfsson segir Fréttablaðið fara
rangt með þegar greint var frá
lántökum hans, skömmu fyrir
hrun, sem enginn fótur er fyrir.
Annars vegar hafi verið um að
ræða keypta kröfu af Landsbank-
anum og í hinu hafi hann fengið
greidda kröfu og lagt það fé inn í
Straum. Þá muni lán hans, vegna
kaupa á Actavis, vera gerð upp að
fullu. Fréttablaðið áréttar að frétt-
in byggir á upplýsingum úr skýrslu
rannsóknarnefndarinnar. Yfirlýs-
ingu Björgólfs má lesa á Vísi. - kóp
Björgólfur Thor Björgólfsson:
Actavis-lán
verði gert upp
STJÓRNSÝSLA Álfheiður Ingadóttir
heilbrigðisráðherra mun ekki
áminna Steingrím Ara Arason,
forstjóra Sjúkratrygginga
Íslands, þrátt fyrir að hafa til-
kynnt honum bréfleiðis um fyrir-
hugaða áminningu.
Ráðherra upplýsti á þingi í gær
að tilefni til áminningar væri
ekki lengur til staðar. Reglugerð
um endurgreiðslu tannlækna-
kostnaðar vegna alvarlegra galla
í munnholi væri komin til fram-
kvæmda.
Tilefni fyrirhugaðrar áminn-
ingar var að Steingrímur Ari og
ríkisendurskoðandi ráðslöguðu
um þá reglugerð. - kóp
Álfheiður skiptir um skoðun:
Steingrímur
ekki áminntur
FR
ÉTTA
B
LA
Ð
IÐ
/G
VA