Fréttablaðið - 16.04.2010, Blaðsíða 44
24 16. apríl 2010 FÖSTUDAGUR
timamot@frettabladid.is
BJÖRGVIN HALLDÓRSSON
ER 59 ÁRA Í DAG.
„Ég er alveg óþolandi Hafn-
firðingur. Alltaf
talandi um hvað Hafnar-
fjörður sé æðislegur.“
Björgvin Halldórsson hefur
verið söngvari í hljómsveit-
um á borð við Flowers, Ævin-
týri, Hljóma, Brimkló og HLH-
flokkinn. Hann var valinn
poppstjarna ársins árið 1969.
MERKISATBURÐIR
1899 Franska spítalaskipið St.
Paul strandar við Meðal-
land.
1915 Gullfoss, fyrsta skip Eim-
skipafélags Íslands og
jafnframt fyrsta vélknúna
millilandaskipið sem
smíðað var fyrir Íslend-
inga, kemur til Reykja-
víkur.
1919 Mahatma (Mohandas)
Gandhi skipuleggur dag
föstu og bæna til að mót-
mæla fjöldamorðum
Breta á indverskum mót-
mælendum í Amritsar.
1954 AA-samtökin á Íslandi
eru stofnuð. Þau starfa í
deildum um allt land.
Um miðja síðustu öld vaknaði áhugi á því að
varðveita sögu elstu byggðar Reykjavíkur. Nýtt
húsnæði Þjóðminjasafns Íslands var tekið í notk-
un 1950 og í kjölfarið á því hafið átak til þess að
safna merkum forngripum. Fjórum árum síðar
var Skjala- og minjasafn Reykjavíkur stofnað til
þess að halda utan um þá muni sem söfnuðust.
Um þetta leyti var Árbæjarhverfi ekki byggt
heldur var þar gamalt bóndabýli sem komið var í
eyði. Þennan dag árið 1957 samþykktu bæjar-
yfirvöld að friða Árbæ og næsta nágrenni hans
og gera að almenningsgarði.
Árbæjarsafn er útisafn og auk Árbæjar eru þar
yfir 20 hús, sem mynda torg, þorp og sveit. Flest
húsin hafa verið flutt úr miðbæ Reykjavíkur. Í
Árbæjarsafni er leitast við að gefa hugmynd um
byggingarlist og lifnaðarhætti í Reykjavík og á
sumrin má þar sjá húsdýr og mannlíf fyrri tíma.
Fyrir utan fjölda sýninga og viðburða í safninu
er hægt að kaupa kaffiveitingar í Dillonshúsi,
minjagripi og póstkort í miðasölunni í húsinu
Laugavegi 62 og gamaldags slikkerí í kramhús-
um, bollapör og kandís í krambúðinni í húsinu
Lækjargötu 4.
ÞETTA GERÐIST: 16. APRÍL 1957
Árbæjarsafn verður að veruleika
Elskulegur faðir okkar,
Gunnar Magnús
Bjarnason
viðskiptafræðingur,
Eiðistorgi 1,
lést á heimili sínu mánudaginn 12. apríl. Útförin mun
fara fram í kyrrþey að ósk hins látna.
Arna Björk Gunnarsdóttir
Bjarni Magnús Gunnarsson.
Hugheilar þakkir sendum við þeim
sem sýndu okkur samúð og vinarhug
við fráfall og útför ástkærrar móður
okkar, tengdamóður, systur, ömmu og
langömmu,
Önnu Guðmundsdóttur
María Helgadóttir Friðrik G. Gunnarsson
Helgi Helgason
Inga Lára Helgadóttir Ólafur Haukur Jónsson
Björk Helgadóttir Sigurður Hauksson
Guðmundur Rúnar Helgason
Inga Á. Guðmundsdóttir
Þorsteinn Guðmundsson
ömmubörn og langömmubörn.
Frú Vigdís Finnbogadóttir, fyrrver-
andi forseti Íslands, varð áttræð í
gær. Þá var þess jafnframt minnst að
þrjátíu ár voru liðin frá því að Íslend-
ingar kusu sér kvenkyns forseta í lýð-
ræðislegum kosningum, fyrstir allra
þjóða. Eins og Fréttablaðið greindi
frá í gær lögðu margir hönd á plóg til
að gera afmælisdaginn sem glæsileg-
astan og steiktu ættingjar Vigdísar í
Gnúpverjahreppi meðal annars klein-
ur fyrir veislugesti.
Afmælisdagurinn var annasamur
hjá Vigdísi því fjölmargir vildu heiðra
hana á þessum merkisdegi. Hanna
Birna Kristjánsdóttir, borgarstjóri
Reykjavíkur, reið á vaðið í gærmorg-
un þegar borgarráð samþykkti tillögu
hennar um að gera Vigdísi að heiðurs-
borgara Reykjavíkur. Kór frá Sólheim-
um heimsótti síðan Vigdísi á heimili
hennar við Aragötu og söng fyrir hana
afmælissönginn en Vigdís kunni ákaf-
lega vel að meta sönginn og faðmaði
hvern og einn í þakklætisskyni.
Dagskráin hélt áfram þegar Vig-
dís var síðan sæmd heiðursnafnbót
við deild erlendra tungumála, bók-
mennta og málvísinda við hugvís-
indasvið Háskóla Íslands. Að þeirri
athöfn lokinni var haldið út í stóra sal
Háskólabíós þar sem sérstök hátíðar-
dagskrá hófst til heiðurs Vigdísi, en
henni var bæði sjónvarpað beint og
útvarpað. Meðal þeirra sem lofuðu
verk og störf Vigdísar voru Jóhanna
Sigurðardóttir forsætisráðherra og
Hanna Birna Kristjánsdóttir. Kristín
Ingólfsdóttir, rektor Háskóla Íslands,
setti dagskrána.
Þegar ávörpum var lokið hófst síðan
vegleg dagskrá í tali, tónum og mynd-
um undir listrænni stjórnun Kolbrún-
ar Halldórsdóttur. Fram kom að dag-
skráin væri afmælisgjöf til Vigdísar
frá þeim listamönnum og samtökum
sem Vigdís hafði unnið hvað mest
með. Vigdís sjálf ávarpaði síðan sam-
komuna að þeirri dagskrá lokinni.
Í kjölfarið var efnt til alþjóðlegrar
ráðstefnu undir yfirskriftinni Varð-
veisla framtíðar: Sjálfbærni tungu-
máls, menningar og náttúru. Meðal
ræðumanna á þeirri ráðstefnu voru
Marthi Ahtisaari, fyrrverandi for-
seti Finnlands og Irina Bokova, fram-
kvæmdastjóri UNESCO.
freyrgigja@frettabladid.is
VIGDÍS FINNBOGADÓTTIR: HEIÐURSBORGARI OG HEIÐURSDOKTOR
Annasamur afmælisdagur
Ágúst Örn Ingason stofnaði síðu á Facebook í október
á síðasta ári og hét því að ef 15.000 skráðu sig á hana
fyrir 21. mars myndi hann gefa ABC barnahjálp 50.000
krónur af fermingarpeningunum sínum. Áskorunin
fór eins og eldur í sinu um Facebook-heiminn og mikill
fjöldi manns lét velþóknun sína í ljós. Að lokum höfðu
alls 27.587 manns skráð sig.
Nýlega stóð Ágúst Örn við heit sitt og mætti á skrif-
stofu ABC barnahjálpar með 50.000 krónurna. Hann
ákvað að nota peninginn til að styrkja fimm ára gamlan
dreng frá Filippseyjum sem heitir Alene Antoni og býr
í borginni Bacolod á Filippseyjum þar sem ABC barna-
hjálp rekur skóla fyrir fátæk börn. Fjárhæðin dugar til
að kosta skólagöngu Alene í tæp tvö ár. - gun
Styrkir fátækan
fimm ára dreng
GEFUR ABC BARNAHJÁLPINNI Guðrún Margrét Pálsdóttir tekur við
fjárframlaginu úr hendi Ágústs Arnar.
STÓRAFMÆLI MERKRAR KONU Frú Vigdís Finnbogadóttir, fyrrverandi forseti Íslands, fagnaði 80 ára afmæli sínu í gær. Afmælisdagurinn var
annasamur því auk þess að taka á móti gestum í veislu var Vigdís útnefnd heiðursborgari Reykjavíkurborgar og heiðursdoktor við deild erlendra
tungumála, bókmennta og málvísinda við Hugvísindasvið HÍ. FRÉTTABLAÐIÐ/ARNÞÓR
TVEIR BRAUTRYÐJENDUR Jóhanna Sigurðardóttir forsætisráðherra heiðraði VIgdísi með nær-
veru sinni á afmælinu. Jóhanna er fyrsti kvenkyns forsætisráðherra landsins. Vigdís var sem
kunnugt er fyrsta konan í heiminum sem kjörin var lýðræðislega í embætti þjóðhöfðingja.