Fréttablaðið - 16.04.2010, Blaðsíða 50

30 16. apríl 2010 FÖSTUDAGUR
sport@frettabladid.is
> Fáum kannski fleiri leiki við Frakka
Það var létt yfir Guðmundi Guðmundssyni landsliðsþjálfara
á blaðamannafundinum í gær. Þjálfarinn benti góðlátlega
á að lokun flugvalla í heiminum þyrfti ekkert endilega að
vera svo slæm fyrir landsliðið. Það þýddi að Frakkar yrðu
hér lengur og því væri hægt að spila fleiri æfingaleiki við
þá. Einar Þorvarðarson, framkvæmdastjóri HSÍ, greindi
einnig frá því að þegar Ísland bauðst til þess að halda riðil
U-20 ára liðsins komu efasemdir frá
Evrópu vegna eldgossins á Fimm-
vörðuhálsi. Einar tjáði þeim að þetta
væri bara túristagos og því yrði allt
í lagi. Hann hafi verið minntur
hressilega á þau ummæli í gær.
HANDBOLTI Ísland og Frakkland
mætast í vináttulandsleik í
Laugardalshöll í kvöld. Leikur-
inn hefst klukkan 20.15. Þetta
er fyrri vináttuleikur þjóðanna
því þær mætast aftur á morgun
á sama stað klukkan 16.00.
Frakkar eru ríkjandi heims-,
Evrópu-, og ólympíumeistarar en
ekkert annað landslið hefur náð
slíkum árangri í sögunni.
„Ég er búinn að liggja yfir
þessu í fleiri vikur. Bæði að skoða
okkar leik á EM og svo auðvitað
leik franska liðsins. Við þurfum
að gera betur en við höfum gert
í síðustu stórleikjum. Við verð-
um að nálgast þá meira og mér
finnst við hafa tapað of stórt á
móti þeim og leikirnir hafa farið
frá okkur á mjög stuttum köflum.
Á EM töpum við leiknum á fyrstu
tíu mínútum síðari hálfleiks eftir
að allt var í járnum í fyrri hálf-
leik. Það er ég óhress með og við
þurfum að læra af,“ segir Guð-
mundur Guðmundsson landsliðs-
þjálfari en hvað þarf liðið helst
að bæta?
„Við megum ekki taka of mikla
óþarfa áhættu eins og vafasamar
línusendingar til að mynda. Þeir
hirða slíkt upp og það þýðir mark
í kjölfarið. Síðan þurfum við að
skila okkur hraðar til baka. Við
verðum að vera mjög vakandi
er við komum til baka að mæta
þeim,“ segir Guðmundur en hann
leggur einnig mikla áherslu á að
stöðva Nikola.
„Við þurfum að taka betur á
honum og stöðva hann. Hann fékk
að skora allt of auðveld mörk gegn
okkur síðast. Mér fannst við líka
gefa eftir of snemma í leiknum.
Við verðum að hafa meiri trú.“
Guðmundur mun einnig breyta
sóknarleiknum aðeins fyrir leikina
tvo og ætlar að prófa í það minnsta
þrjú ný leikkerfi gegn Frökkunum.
Guðmundur mun einnig spila 5/1
vörn með Ásgeir Örn fremstan
þar sem Guðjón Valur spilar ekki
vegna meiðsla.
„Við erum að nýta þessa leiki
til þess að læra á þá og einnig
að sjálfsögðu að þróa okkar leik
svo við séum með réttu svörin á
móti þeim. Það er líka mikilvægt
sálfræðilega að vinna þá svo við
sjáum að þeir séu ekki ósigrandi.“
Margir vilja meina að þetta
franska lið sem hingað er komið
sé besta handboltalandslið sög-
unnar.
„Þetta er eitt besta lið sögunnar
og engu öðru landsliði hefur tekist
að vinna alla stóru titlana í röð. Ég
myndi segja að þetta lið og lið Sov-
étmanna á sínum tíma séu þau tvö
landslið sem skara fram úr. Sovét-
menn voru frábærir, vel þjálfaðir
og með góðar leikaðferðir. Þetta
eru líklega álíka lið en franska
liðið hefur náð lengra.“ - hbg
Ísland og Frakkland mætast í fyrri vináttulandsleik sínum í Höllinni í kvöld:
Frakkar eru eitt besta lið sögunnar
HRESS Það var létt yfir Guðmundi lands-
liðsþjálfara í gær. FRÉTTABLAÐIÐ/VILHELM
HANDBOLTI Undankeppni EM hjá
U-20 ára landsliðum karla átti að
fara fram hér á landi um helgina
og hefjast í dag.
Vegna röskunar á flugsam-
göngum er ljóst að ekkert verður
spilað í dag enda eru erlendu liðin
föst í Kaupmannahöfn.
Það mun svo skýrast í hádeg-
inu í dag hvort af mótinu verð-
ur. Komist liðin til landsins í dag
þurfa þau að spila tvo leiki á laug-
ardegi og einn á sunnudegi.
Ef þau aftur á móti komast ekki
til landsins þarf að finna nýja
tímasetningu á riðilinn. - hbg
Undankeppni U-20 ára liða:
Frestað um
einn dag
FÁ LÍKLEGA FRÍ Einar Gunnarsson
landsliðsþjálfari og Ólafur Guðmunds-
son verða líklega ekki í eldlínunni um
helgina. FRÉTTABLAÐIÐ/VILHELM
Iceland Expresss karla
5. leikur í undanúrslitum
KR-Snæfell 83-93 (43-54)
Stig KR: Morgan Lewis 17, Brynjar Þór Björnsson
15, Skarphéðinn Freyr Ingason 15, Pavel Ermol
inskij 14 (13 fráköst, 7 stoðs.), Finnur Atli Magn
ússon 8, Tommy Johnson 5, Fannar Ólafsson 4,
Jón Orri Kristjánsson 3, Darri Hilmarsson 2.
Stig Snæfells: Sigurður Þorvaldsson 28 (9
frák.), Martins Berkis 16, Hlynur Bæringsson 15
(9 fráköst, 3 varin skot), Jón Ólafur Jónsson 12,
Pálmi Freyr Sigurgeirsson 9, Sean Burton 8 (8
stoðs.), Emil Þór Jóhannsson 5.
ÚRSLIT
„Þetta er það sem allir vilja. Fá besta liðið í heiminum hing-
að til að spila á móti,“ segir landsliðsmaðurinn Snorri Steinn
Guðjónsson. Ísland mætir Frakklandi í tveimur vináttulands-
leikjum í Laugardalshöll um helgina. Sá fyrri verður í kvöld en
hinn á morgun.
„Maður hefur heyrt að miðasala gangi vel og líklega
uppselt á báða leikina. Það er bara þannig sem maður vill
hafa það. Þetta eru kærkomnir leikir því þetta franska lið
hefur verið okkur til vandræða á síðustu stórmótum. Þetta
er eina liðið sem við höfum ekki náð að ryðja úr vegi. Ef
við ætlum okkur enn stærri hluti en hingað til verðum
við að finna lausnir til að hægt sé að vinna þá. Við
munum nota þessa leiki til að sjá hvað er hægt
að gera á móti þeim.“
Snorri segir að þótt íslenska liðið muni
fara af krafti í þessa leiki sé annað andrúms-
loft í æfingaleikjum. „Þetta er ekki sama tilfinning eins og að spila á
stórmóti. Við erum engu að síður að spila á Íslandi og það er eitt það
skemmtilegasta sem við gerum. Það gefur manni alltaf mikið að
spila fyrir framan troðfulla höll hér heima.“
Snorri segir ekki hægt að mótmæla því að Frakkland sé
besta liðið í heiminum í dag. „Frakkar eru handhafar allra
titlanna sem hægt er að hafa á sama tíma. Þetta er eina liðið
sem hefur náð því og það talar bara sínu máli. Þetta er verðugt
verkefni og rúmlega það.“
Fleiri æfingaleikir bíða síðan íslenska liðsins í sumar. Danir
koma þá í heimsókn og strákarnir ferðast til Brasilíu og
leika gegn heimamönnum. „Svona á þetta að vera hjá
landsliði. Við þurfum að spila leiki og halda áfram að
prófa okkar leik og bæta okkar leik. Síðustu ár hafa
verið góð hjá okkur en við finnum það að við viljum meira og getum
meira,“ segir Snorri Steinn.
SNORRI STEINN GUÐJÓNSSON: SEGIR ÍSLAND ÞURFA AÐ FINNA LAUSNIR GEGN FRÖKKUM TIL AÐ NÁ LENGRA
Þetta er verðugt verkefni og rúmlega það
1 Portsmouth – Aston Villa
2 Atalanta – Fiorentina
3 Bari – Napoli
4 Cagliari – Palermo
5 Catania – Siena
6 Lazio – Roma
7 Sampdoria – Milan
8 Halmstad – GAIS
9 Gefl e – Örebro
10 Häcken – Mjällby
11 Kalmar FF – AIK
12 Trelleborg – Brommapojkarna
13 Bor. Dortmund – Hoffenheim
EVRÓPUBOLTINN 18.–19. APRÍL 2010
15. LEIKVIKA
Vegna breytinga hjá Svenska spel er Sunnudagsseðillinn
annar en í prentaðri leikskrá. Réttur seðill er svona:
SÖLU LÝKUR 18. APRÍL KL. 12.00
1 X 2
KÖRFUBOLTI Um 2.000 áhorfendur
í DHL-höllinni í gær fengu held-
ur betur fyrir peninginn er Snæ-
fell afgreiddi Íslandsmeistara KR
í þriðja sinn í röð í DHL-höllinni.
Snæfell vann því einvígið, 3-2, og
sigrarnir þrír komu allir í KR-
heimilinu.
Gestirnir úr Stykkishólmi voru
miklu betra liðið í þrjá leikhluta
og hreinlega yfirspilaði KR sem
átti ekkert svar við frábærum
leik Hólmara. Snæfell leiddi með
20 stigum, 53-73, er einn leikhluti
var eftir og flestir héldu að dag-
skránni væri lokið. Þá risu meist-
ararnir úr öskustónni og stóðu
fyrir einhverri rosalegustu end-
urkomu sem undirritaður hefur
séð lengi.
KR hitti úr hverju einasta skoti
sínu, spilaði magnaða vörn og
gestirnir virtust algjörlega vera
að fara á taugum. Þegar heilar
þrjár mínútur voru eftir var mun-
urinn aðeins tvö stig, 80-82.
Þá slokknaði allt í einu á KR-
liðinu, það náði ekki að taka loka-
skrefið og komast yfir. Snæfell
sýndi síðan mikla yfirvegun á
lokamínútum, þrátt fyrir mótlæt-
ið, og Pálmi skoraði körfu sem létti
af þeim pressunni. 80-84 og Snæ-
fell kláraði svo leikinn á vítalín-
unni á meðan KR-ingar voru aftur
orðnir ískaldir.
Svakalega stoltur
„Ég get eiginlega ekki lýst því
hvernig mér líður. Mér líður alveg
æðislega og ég er svakalega stolt-
ur,“ sagði Ingi Þór Steinþórsson,
þjálfari Snæfells, löðursveittur og
eldrauður í framan eftir leikinn.
„Púlsinn fór aðeins upp, ég við-
urkenni það. Ég er líka sem betur
fer með önnur föt með mér. Það
veitir ekki af,“ sagði Ingi en það
vakti athygli margra að hann
skyldi ekki taka leikhlé þegar KR
var farið að anda ofan í hálsmálið
á hans liði.
„Ég tók Phil Jackson á þetta.
Treysti mínum leikmönnum. Ég
vissi að þeir myndu ekki hitta 20
skotum í röð og ég var með töffara
inn á vellinum. Ég róaðist þegar
Pálmi setti niður körfuna þegar
allt virtist vera frosið.“
Ingi Þór var aðstoðarþjálfari
KR í fyrra og hann var sagður
hafa áhuga á að taka við KR-lið-
inu af Benedikt Guðmundssyni. Sá
áhugi var að sögn ekki gagnkvæm-
ur og Ingi endaði því í Hólminum.
Það hlýtur því að hafa verið sætt
fyrir hann að vinna.
Fór ekki í neinum illindum
„Ég fór ekkert í neinum illindum
frá KR. Ég hef verið í KR allt mitt
líf og á félaginu allt að þakka. Ég
sé ekki eftir að hafa tekið þessu
starfi í Hólminum og fyrir mig
persónulega er þetta mjög stór
sigur. Það segir mér að ég gerði
rétt,“ sagði Ingi Þór stoltur.
Páll Kolbeinsson, þjálfari KR,
var að vonum hundsvekktur. „Við
gátum ekki neitt í þrjá leikhluta
og ég hef enga skýringu á því.
Ég vil meina að við höfum samt
mætt tilbúnir en það gekk ekkert
upp hjá okkur. Það er náttúrulega
síðan fyrir neðan allar hellur að
tapa öllum heimaleikjunum í þess-
ari rimmu,“ sagði Páll sem var að
stýra KR-liðinu í síðasta skipti.
Verður ekki þjálfari áfram
„Ég verð formaður meistara-
flokksráðs næsta ár en ekki þjálf-
ari. Það stóð aldrei til. Sigurður
Ingimundarson átti að taka við lið-
inu en fór til Svíþjóðar. Því steig
ég inn. Nú hefst bara leit okkar
KR-inga að nýjum þjálfara.“
henry@frettabladid.is
Snæfell sendi meistarana í frí
Snæfell er komið í lokaúrslit Iceland Express-deildar karla eftir sigur á Íslandsmeisturum KR, 83-93, í væg-
ast sagt skrautlegum leik. Snæfell mætir Keflavík í lokaúrslitunum sem hefjast á mánudaginn kemur.
ÁTTI STÓRLEIK Sigurður Þorvaldsson var frábær í liði Snæfells í DHL-höllinni í gær,
skoraði 28 stig og hitti úr 16 af 17 vítum sínum. FRÉTTABLAÐIÐ/ARNÞÓR