Fréttablaðið - 17.04.2010, Blaðsíða 74
38 17. apríl 2010 LAUGARDAGUR
timamot@frettabladid.is
GYLFI GRÖNDAL RITHÖFUND-
UR (1936-2006) VAR FÆDDUR
ÞENNAN DAG.
„Á endanum veit ég ekki
framar hvort ég lifi lífinu
eða lífið mér.“
Gylfi var blaðamaður fram-
an af og ritstjóri tíma-
rita. Hann var ljóðskáld og
skrifaði fjölmargar ævisög-
ur, meðal annars um Kristj-
án Eldjárn forseta.
MERKISATBURÐIR
1913 Járnbraut á milli Öskju-
hlíðar og Reykjavíkur-
hafnar er tekin í notkun til
grjótflutninga.
1961 „Kaninn“ í Keflavík fær
leyfi menntamálaráðherra
til að auka útsendingar-
styrk sjónvarpsútsendinga
stöðvarinnar.
1966 Júlíana Sveinsdóttir
myndlistarmaður andast í
Kaupmannahöfn, 76 ára.
1980 Ekið er yfir Borgarfjarðar-
brú í fyrsta skipti.
1994 Gerðarsafn, listasafn
Kópavogs, er opnað. Safn-
ið heitir eftir Gerði Helga-
dóttur myndhöggvara og
hýsir mörg verka hennar.
Þjóðstjórn tók við
völdum á Íslandi
þennan dag árið
1939 undir forsæti
Hermanns Jónas-
sonar. Þrír flokkar
áttu aðild að henni:
Alþýðuflokkur,
Framsóknarflokkur
og Sjálfstæðis-
flokkur. Auk þess
naut hún stuðnings
Bændaflokksins.
Aðalstefnumál stjórnarinnar var að efla fram-
leiðslustarfsemi í landinu svo þjóðin gæti lifað
sem mest af gæðum landsins, meðal annars ef
ófriður brytist út í Evrópu. Einnig að vernda og
efla lýðræðið í
landinu og vinna
að framtíðar-
lausn sjálfstæð-
ismálsins. Eitt
það fyrsta sem
hún gerði var
að fella gengið
um 18 prósent
til að styrkja
hag sjávarút-
vegsins. Einnig
var grunnkaup
launafólks lögfest og verð landbúnaðarafurða.
Stjórnin var skipuð þeim Hermanni Jónassyni,
Ólafi Thors, Jakobi Möller, Eysteini Jónssyni og
Stefáni Jóhanni Stefánssyni.
ÞETTA GERÐIST: 17. APRÍL 1939
Þjóðstjórn var mynduð á Íslandi
„Það hittist þannig á að dóttursonur
minn á að fermast á morgun svo ég
verð í fagnaði með fjölskyldunni. Ann-
ars hefði ég nú reynt að koma mér yfir
fjörðinn og í felur,“ segir Magnea glað-
lega þegar hún er innt eftir veisluhöld-
um í tilefni áttræðisafmælisins á morg-
un. Hún kveðst hafa misst af þremur
síðustu fermingarveislum barnabarn-
anna vegna veikinda og fundist það
alveg ómögulegt. Því ætlar hún sannar-
lega að njóta samvistanna við fólkið sitt
á morgun og klæðast upphlut í tilefni
dagsins. „Sonur minn kemur vonandi
frá Bandaríkjunum til að heimsækja
mömmu sína,“ segir hún með tilhlökk-
un í röddinni. Kveðst eiga fimm börn,
sextán barnabörn og átta langömmu-
börn og vera svo lánssöm að hafa flest
af þessu fólki í kringum sig fyrir norð-
an. „Ég þarf ekki að kvarta“ segir hún.
„Það er hugsað vel um mig.“
Magnea er hin hressasta þó hún sé
vakin af blaðamanni í þetta afmælis-
viðtal. „Ég var í augnaðgerð áðan. Það
var verið að taka ský af seinna aug-
anu,“ segir hún. „Nú sé ég bara eins og
fálki, get lesið og horft á sjónvarpið en
má bara ekki gera það í dag því ég á
að hvíla mig. Þess vegna fór ég upp í
rúm eftir aðgerðina enda vaknaði ég
snemma. Það er margt gott sem fylgir
ellinni, meðal annars að leggja sig upp
í rúm og hrjóta þegar manni sýnist. Það
er bara lúxus.“
Magnea er frá Kleifum í Kaldrana-
nes hreppi á Ströndum og kveðst
Strandamaður í húð og hár þó hún
hafi búið á Akureyri frá 1959. Hún
kveðst oft skreppa norður á Strand-
ir á sumrin með dóttur sinni ef heils-
an leyfi en stundum hafi sjúkrahúsvist
vegna óþolandi höfuðveiki hamlað för
hennar. „Þetta er svipaður sjúkdóm-
ur og mígreni nema köstin vara mörg-
um sinnum lengur. Ég ligg stundum í
morfínástandi margar vikur og er búin
að tapa átta árum úr lífi mínu, fyrir
utan tímabilin kringum köstin þegar
ég get ekkert gert,“ lýsir hún.
Magnea er samt afkastamanneskja.
Eftir hana liggja þrír flokkar barna-
bóka, bækurnar um Hönnu Maríu,
sögurnar um Tobías og Tinnu og
Sossubækurnar. Þær féllu í kramið
hjá íslenskum börnum og fyrir þær
hlaut hún ýmsar aðrar viðurkenning-
ar. Magnea segir síðustu bókina um
Hönnu Maríu væntanlega frá Vest-
firska forlaginu á árinu og hver veit
nema fleiri fylgi á eftir.
Fyrst skrifaði Magnea þó ástarsög-
ur sem birtust sem framhaldssögur í
Heima er best áður en þær voru gefn-
ar út á bókum. Karlsen stýrimaður er
mörgum minnisstæð persóna. „Mér
finnst hann fávitalegur núna og mundi
skrifa öðruvísi í dag,“ segir skáldkon-
an. „Ég las söguna upphátt fyrir nokkr-
ar konur nýlega og sneri baki í þær á
meðan,“ bætir hún við hlæjandi. Kveðst
oft hafa þurft að rumpa köflunum af
nóttina áður en hún átti að skila þeim,
enda útivinnandi og með stórt heimili
í þá daga. „Stundum þurfti ég að byrja
á að fara í prentsmiðjuna til að athuga
hvar ég endaði síðast. Svo settist ég
niður og skrifaði og leiðrétti aldrei staf.
Ritstjóranum þótti ég slök í ypsilonun-
um sem var alveg rétt hjá honum. Ég
sagðist bara muna að það væri ypsilon
í yfir og fyrir. Þá sagði hann stríðnis-
lega: „Hefurðu aldrei farið niður á
bryggju og kysst stýrimann?“ „Jú, jú,
en ég gerði það alltaf með einföldu!“
svaraði ég en lagði svo á mig að læra
ypsilonreglurnar.“ gun@frettabladid.is
MAGNEA MAGNÚSDÓTTIR FRÁ KLEIFUM: VERÐUR ÁTTRÆÐ Á MORGUN
Margt gott sem fylgir ellinni
SKÁLDKONAN Ætlar að fagna afmælinu á morgun með fjölskyldunni í fermingarveislu dóttur-
sonarins. MYND/HEIDA.IS
Elskulegur fósturfaðir, bróðir og fóstur-
bróðir,
Hreiðar Hálfdánarson
frá Svalvogum í Dýrafirði,
sem andaðist á hjúkrunarheimilinu Sundabúð
Vopnafirði miðvikudaginn 7. apríl, verður jarðsunginn
frá Laugarneskirkju þriðjudaginn 20. apríl kl. 13.00.
Mikael Hreiðarsson,
fóstursystkini, hálfsystkini og aðrir ættingjar.
Innilegar þakkir til allra þeirra sem
sýndu okkur samúð og hlýhug við
andlát og útför vinar okkar
Jóhanns Sigurðar
Hjartarsonar
Leirhöfn, síðast til heimilis á
dvalarheimilinu Hvammi, Húsavík.
Sérstakar þakkir til starfsfólks Hvamms fyrir góða
umönnun og hlýju.
Hildur Jóhannsdóttir, Jón Þór Guðmundsson
og aðrir aðstandendur.
Elskuleg eiginkona mín, móðir okkar,
tengdamóðir, amma og langamma,
Árdís Olga
Steingrímsdóttir
Árskógum 8,
lést á Landspítalanum í Fossvogi 15. apríl. Jarðarför
auglýst síðar.
Ragnar Elíasson
Helga Ragnarsdóttir Sigurður Guðmundsson
Elísa S. Ragnarsdóttir Friðrik Guðnason
barnabörn og barnabarnabörn.
Heimili og skóli, landssamtök foreldra, óska eftir til-
nefningum til Foreldraverðlauna 2010 frá einstakl-
ingum, félögum eða hópum sem vilja vekja athygli á
vel unnum verkefnum sem stuðla að eflingu skóla-
starfs og jákvæðu samstarfi heimila, skóla og sam-
félagsins.
Afhending verðlaunanna fer fram í fimmtánda
sinn þann 1. júní næstkomandi. Með þeim er vakin
athygli á því gróskumikla starfi sem fer fram innan
leik-, grunn- og framhaldsskóla og þeim mörgu verk-
efnum sem stuðla að öflugu og jákvæðu samstarfi
heimila, skóla og samfélagsins.
Tilnefningar sendist á rafrænan hátt með því að
fylla út eyðublað á heimasíðu Heimilis og skóla,
heimiliogskoli.is. Síðasti skiladagur tilnefninga er
mánudagurinn 10. maí. - kg
Óskað eftir
tilnefningum
SAMSTARF Heimili og skóli veita Foreldraverðlaun ár hvert fyrir
verkefni sem stuðla að öflugu samstarfi heimila, skóla og samfé-
lags. FRÉTTABLAÐIÐ/VALLI
Ástkær eiginkona, móðir, systir og
mágkona,
Borghildur Magnúsdóttir
Þingvallastræti 2, Akureyri,
verður jarðsungin frá Akureyrarkirkju mánudaginn
19. apríl kl. 13.30.
Gísli Gunnlaugsson
Jóhanna María Gísladóttir
Jakob Frímann Magnússon Birna Rún Gísladóttir