Fréttablaðið - 17.04.2010, Blaðsíða 84

48 17. apríl 2010 LAUGARDAGUR
folk@frettabladid.is
> ENGIN ÖFUNDSÝKI
Leikkonan Jennifer Lopez bannaði eig-
inmanni sínum, söngvaranum Marc
Anthony, að heimsækja sig á tökustað
við tökur á kvikmyndinni The Back
Up Plan því hún vildi ekki gera
hann öfundsjúkan. Lopez þurfti
að leika í nokkrum eldheitum
ástarsenum og bað eiginmann-
inn því vinsamlegast að halda
sig fjarri.
Benni B-Ruff og Gísli Gald-
ur standa fyrir Pabbahelg-
um á Kaffibarnum. Þeir
félagar segja föðurhlut-
verkið hafa opnað nýjar
víddir en vilja þó ekki alveg
gefa skemmtanalífið upp á
bátinn.
Plötusnúðarnir og feðurnir Bene-
dikt Freyr Jónsson, betur þekktur
sem Benni B-Ruff, og Gísli Gald-
ur Þorgeirsson standa fyrir Pabb-
ahelgum, nýjum tónlistarkvöldum
sem haldin verða mánaðarlega á
Kaffibarnum. Fyrsta Pabbahelgin
fer fram í kvöld og er miklu stuði
lofað.
Aðspurðir segja plötusnúðarn-
ir að hugmyndin að Pabbahelgun-
um hafi kviknað þegar unnustur
þeirra voru óléttar og þeir ákváðu
að þeyta skífum saman skyldi eitt-
hvað út af bera. „Við höfðum spil-
að saman sem tvíeyki af og til
um nokkurt skeið og ákváðum að
„bakka“ hvor annan upp á meðan
unnustur okkar voru óléttar þannig
að ef annar okkar þyrfti að hlaupa
frá þá gæti hinn klárað giggið. Við
ákváðum einnig að spila saman síð-
ustu giggin fyrir og eftir fæðingu
hjá hvor öðrum af sömu ástæð.
Stuttu síðar tókum við að okkur
að spila heila helgi og einn félagi
okkar skírði helgina pabbahelgi í
gríni og þannig varð nafnið eigin-
lega til,“ útskýrir Benedikt.
Strákarnir munu spila fjölbreytta
tónlist á umræddum kvöldum og
ætla ekki helga sig einni ákveð-
inni tónlistarstefnu. „Við ætlum að
brjóta þetta svolítið upp og spila
fjölbreytta tónlist þannig að fólk sé
ekki að dansa við sama taktinn allt
kvöldið,“ segir Gísli Galdur.
Spurðir út í föðurhlutverkið
segja þeir það yndislegt og að það
hafi opnað nýjar víddir að eignast
barn. Þeir segjast þó ekki ætla að
gefa spilamennskuna upp á bát-
inn strax þrátt fyrir að vera orðn-
ir feður. „Maður mun seint hætta
að spila og örugglega ekki fyrr en
dóttir mín fer að mæta á Kaffibar-
inn, þá segi ég þetta komið gott,“
segir Gísli Galdur og hlær.
Pabbahelgin hefst stundvíslega
klukkan 23.00 í kvöld.
sara@frettabladid.is
Hætta ekki að spila fyrr en
börnin mæta á Kaffibarinn
SPILAGLAÐIR FEÐUR Gísli Galdur og Benni ásamt frumburðum sínum, Hrafni Darra Benediktssyni og Bríeti Eyju Gísladóttur.
FRÉTTABLAÐIÐ/VILHELM
Vöruhönnuðurinn Ragnheiður
Margeirsdóttir og fatahönnuður-
inn Íris Sigurðardóttir standa á
bak við hönnunarteymið Varius
og hanna þær meðal annars fal-
lega púða, veggskraut, hálsmen
og skóskreytingar. Nafnið Varius
er fengið úr latneska heitinu yfir
þá tegund hrafna sem finnast hér
á landi.
Ragnheiður og Íris hafa hann-
að saman undir Varius-nafninu
frá því í lok nóvember og hefur
samvinnan að þeirra sögn geng-
ið vonum framar. „Við höfum
ekki þekkst lengi en erum báðar
útskrifaðar frá LHÍ og þegar við
hittumst þá small þetta bara ein-
hvern veginn saman. Þrátt fyrir að
ég sé vöruhönnuður að mennt og
Íris fatahönnuður þá vinnum við
allar vörurnar saman,“ útskýrir
Ragnheiður. Vörurnar hafa feng-
ið góðar viðtökur og segir hún að
Facebook hafi hjálpað þeim mikið
við að kynna Varius fyrir fólki.
Hönnun Varius, líkt og nafnið
sjálft, sækir innblástur til hrafns-
ins og segist Ragnheiður mjög
heilluð af fuglinum. „Við höfum
báðar mikið dálæti á hrafninum og
þegar maður fer að rannsaka hann
frekar, til dæmis hvernig hann
birtist manni í þjóðsögum og hjá-
trú, þá getur maður ekki annað en
heillast enn meira af honum.“
Ragnheiður og Íris hafa selt
hönnun sína á Pop Up mörkuðum
sem haldnir eru mánaðarlega og
bjóða upp á íslenska hönnun beint
frá framleiðanda, en slíkur mark-
aður fer fram á Kaffi Sólon í dag á
milli klukkan 12 og 18. - sm
Sækja innblástur til krumma
VARIUS Vöruhönnuðurinn Ragnheiður
Margeirsdóttir og fatahönnuðurinn
Íris Sigurðardóttir hanna saman undir
nafninu Varius. FRÉTTABLAÐIÐ/STEFÁN
„Verkefnið gengur mjög vel. Þetta er búin
að vera frábær upplifun. Allir hafa verið
vinalegir og opnir og til í verkefnið,“ segir
danski ljósmyndarinn Søren Rønholt.
Eins og Fréttablaðið greindi frá fyrir
viku þá vinnur Søren að bók um konur á
Norðurlöndunum. Hann kom til landsins
til að taka myndir af tíu íslenskum konum,
nöktum á heimilum sínum. Þegar Frétta-
blaðið náði í Søren var hann búinn að
mynda átta konur. Hann var mjög ánægð-
ur með hjálpina sem hann hefur fengið við
verkefnið hér á landi – en skyldu fyrirsæt-
urnar hafa verið feimnar?
„Allir eru feimnir, ég er feiminn og kon-
urnar eru feimnar,“ segir Søren. „Það þarf
alltaf brjóta niður múra í samskiptum og
öllum er búið að líða vel í tökunum.“ Søren
vill ólmur sýna afraksturinn í galleríi á
Íslandi, en þeir sem hafa áhuga geta sett
sig í samband við hann í gegnum heima-
síðuna roenholt.dk. Søren hyggst yfirgefa
landið á sunnudaginn, en óvíst er hvort
hann kemst vegna eldgossins í Eyjafjalla-
jökli. „Ég fer vonandi heim á sunnudag-
inn,“ segir hann og hlær. „Ég ferðaðist um
Suðurland í vikunni til að skoða jökla. Við
gistum eina nótt á bæ með nafni sem ég
kann ekki að bera fram. Svo um morgun-
inn sáum við í fréttunum að það væri eld-
gos í jöklinum og við urðum að aka hina
leiðina heim. Það var 12 tíma akstur.“
Søren grét ekki ferðalagið, enda mikill
náttúruunnandi. „Það var mjög fallegt,“
segir hann. „Veðrið var gott og ég sá
miklu meira af Íslandi en ég bjóst við. Ég
var heppinn að fjallið byrjaði að gjósa.“
- afb
Nektarmyndatökurnar heppnuðust vel
STRANDAGLÓPUR? Óvíst er hvort Søren kemst
heim á sunnudag eins og hann ætlaði sér.
FRÉTTABLAÐIÐ/STEFÁN
„Ég er að fara að sjá um mótorsport
í Ríkissjónvarpinu,“ segir Valgeir
Magnússon – oftast þekktur sem
Valli sport.
Valli snýr aftur á skjá lands-
manna um helgina og lýsir opnu
Evrópukeppninni í Formúlu 3.
Á meðal keppenda er ökuþórinn
Kristján Einar – ef eldgosið í Eyja-
fjallajökli leyfir liðinu hans að kom-
ast á áfangastað. Valli sást fyrst í
sjónvarpi í þættinum Með hausverk
um helgar sem hann stýrði ásamt
Sigga Hlö félaga sínum, en hann
segir að sá þáttur sé ekki væntan-
legur aftur.
„Ég kem til með að lýsa Formúlu
3 og vera með stuttan þátt á undan
þar sem fjallað verður almennt um
mótorsport; hvað er að gerast úti í
heimi og í íslensku mótorsporti,“
segir Valli. „Þættirnir verða alltaf
þegar það verður keppt í Formúlu
3 – sextán skipti í sumar og fram á
haust.“ Þættirnir verða 20 mínútna
langir og Valli fær til sín gesti úr
íslenska mótorsportheiminum. „Við
spjöllum um hvað er að gerast hér
heima og förum líka yfir hvað er að
gerast í öðrum kappakstri,“ segir
Valli. - afb
Valli mótorsport
MÆTTUR AFTUR Valli Sport stýrir þætti
um mótorsport í Ríkissjónvarpinu.
FRÉTTABLAÐIÐ/STEFÁN
Ný 4. vikna krakkajóganámskeið hefst 19. apríl hjá
Jóga Stúdíó Stórhöfða 17.
2–4 ára » mánudagar klukkan 16:30–17:00
5–7 ára » miðvikudagar klukkan 16:30–17:00
8-10 ára » föstudagar klukkan 16:30–17:00
Skráning í síma 772 1025 og 695 8464
Verð aðeins 5.000 kr.
Krakkajóga
Nánari upplýsingar á
jogastudio.org
Stórhöfði 17
(gengið inn um Veggsport)
Kynningarfundur um
umhverfismál

Umhverfisdagur iðnfyrirtækjanna Norðuráls Grundartanga ehf.
og Elkem Ísland ehf. verður haldinn þriðjudaginn 20. apríl
kl. 13:00 til 20:30 á Hótel Glymi, Hvalfjarðarströnd.
Fulltrúar fyrirtækjanna beggja greina frá starfseminni
og árangri í umhverfismálum. Auk þess kynnir Jóhanna
Weishappel, sérfræðingur í umhverfismálum, niðurstöður
umhverfisvöktunar sem verkfræðistofan Mannvit hefur
yfirumsjón með fyrir iðjuverin í Hvalfirði. Kynningin verður
kl. 13:30 en niðurstöðurnar eru einnig birtar á veggspjöldum
sem hanga uppi allan sýningartímann.
Áhugasamir eru hvattir til að koma á fundinn.