Fréttablaðið - 19.04.2010, Blaðsíða 23
Þú mátt ráða og raða!
Þú færð fullt af orðum úr lausavísum óþekktra höfunda
og raðar eins og þú vilt. Orðin eru ísskápsseglar og
ísskápar verða á staðnum!
Einu sinni var maður sem ól upp 250 æðarunga og
annar sem ól upp kóp!
Þetta og margt annað forvitnilegt um sambúð manns
og dýranna okkar, bæði villtra dýra og húsdýra, má
sjá í náttúrulífsmynd Páls Steingrímssonar; Þjóðin og
náttúran.
Finnst þér drekar spennandi?
Hefurðu heyrt söguna af því þegar Sigurður drap Fáfni?
Eða hefurðu frétt af því þegar Þór reri lengst út á haf til
að veiða Miðgarðsorm? Þú færð leiðsagnarhandrit um
sýninguna Handritin með þessum sögum úr Snorra Eddu.
Hvað dettur þér fyrst í hug þegar þú heyrir orðið
Íslendingar?
Segðu hvað þér finnst um Íslendinga á
ljósmyndasýningunni Íslendingar. Svörin sendist til
Þjóðfræðistofu sem er einmitt að rannsaka hvað okkur
finnst um þjóðina okkar. Svo getur líka verið gaman að
fara í spæjaraleik og leita að vísbendingum á myndunum.
Aðgangur ókeypis að öllum sýningum fyrir börn 16
ára og yngri, ókeypis fyrir alla á miðvikudeginum og á
sumardaginn fyrsta.
Þjóðmenningarhúsið, Hverfisgötu 15.
12:00–17:00
TILRAUNALANDIÐ – VÍSINDI LIFNA VIÐ Í
VATNSMÝRINNI
Gaseldur sem dansar við tónlist, vatnsorgel, hráefni
í mann, sápukúlusmiðja og margt, margt fleira. Í
Tilraunalandinu eru allir jafnvígir, það þarf ekki að
„kunna“ neitt sérstakt til að taka þátt en hinsvegar er
mikilvægt að hafa fróðleiksþorstann, hugrekkið og
ímyndunaraflið með í farteskinu. Tekið er við bókunum í
síma Norræna hússins 551 7030. Sýningin er bæði innan-
og utandyra.
Norræna húsið, Sturlugötu 5.
12:00–17:00
Í BARNASTÆRÐUM - ÍSLENSK OG ALÞJÓÐLEG
HÖNNUN FYRIR BÖRN
Hinn heillandi heimur hönnunar fyrir börn.
Sýningargestir á öllum aldri kynnast leikföngum og
húsgögnum sem sérstaklega eru hönnuð fyrir börn
og sækja innblástur í leiki þeirra og hugmyndaheim.
Bæði verður sýnd íslensk og alþjóðleg hönnun en eitt
af meginmarkmiðum sýningarinnar er að skoða verk
íslenskra hönnuða. (Opið til 21:00 á sumardaginn fyrsta
og lokað á þriðjudag).
Hafnarborg, Strandgötu 34, Hafnarfirði.
13:00, 15:00 og 17:00
ÞÝSK BARNA- OG FJÖLSKYLDUKVIKMYNDAHÁTÍÐ
Sýndar verða 14 myndir sem gefa innsýn í fjölbreytileika
þýskra barna- og fjölskyldumynda frá miðri síðustu öld
og fram til okkar daga. Kvikmyndahátíðin er í samvinnu
við Goethe Institut.
Borgarbókasafn – Aðalsafn, Tryggvagötu 15.
GLÖÐ JÖRÐ
Börn frá grænfána-leikskólanum Steinahlíð sýna
okkur hvað gerir jörðina glaða og hvað gerir hana
óhamingjusama. Þau koma fyrir gegnsæjum kassa
með mold og setja ofan í hann hluti sem jörðinni líkar
og mislíkar. Það verður forvitnilegt að fylgjast með því
hvernig moldin tekur við.
Hallargarðurinn, Fríkirkjuvegi 11.
TRÖNUTRÉÐ
Börnin á frístundaheimilum Breiðholts búa til origami-
fugla (Trönur) sem þau hengja á Trönutré í Miðbergi.
Gestir geta búið til sína eigin trönu og bætt á tréð alla
vikuna.
Miðberg, Gerðubergi 3–5.
FORVITNI VEGGURINN – FLÍSALISTAVERK
Látum hugann reika og skrifum niður spurningar sem
við erum forvitin um að fá svör við. Flísarnar verða síðan
settar upp á vegg í sundlauginni. Hægt verður að fylgjast
með sköpun forvitna flísaveggjarins.
Breiðholtslaug, Austurbergi 3.
MYNDLIST Í MJÓDDINNI
Leikskólar í Bakkahverfi halda sýningu á verkum sínum
í Mjóddinni. Waldorfskólinn Sólstafir tekur einnig þátt
með lífsins tré og geta sýnendur og gestir tekið þátt í að
laufga tréð. Sýningin stendur til 30. apríl.
Verslunarmiðstöðin Mjódd, Álfabakka 12–14.
KAFAÐ EFTIR LISTINNI
Leikskólinn Vesturborg heldur myndlistasýningu á botni
sundlaugar Vesturbæjar. Ef þú ætlar að skoða sýninguna
þarftu að vera með sundgleraugu og geta haldið niðri í
þér andanum.
Vesturbæjarlaug, Hofsvallagötu.
KÍKTU! Á GRUNNSKÓLA Í GRAFARVOGI – LIST Í
STRÆTÓ
Nemendur í grunnskólum Grafarvogs breyta öllum
strætóum sem aka um Grafarvog í sýningarsal. Það gerir
strætóferðina enn skemmtilegri.
Í strætó númer. 6, 24, 31, og 32.
19. apríl – Opnun
10:00
FORVITNIN ER GUL, RAUÐ, GRÆN OG BLÁ
– SETNINGARGANGA BARNAMENNINGARHÁTÍÐAR
Hátíðin er sett með stórri skrúðgöngu í miðborg
Reykjavíkur. Fjórðu bekkingar úr 31 skóla, eða 1.350
nemendur mætast við göngubrúna við Hringbraut
og ganga gegnum Hljómskálagarðinn. Hverjum skóla
hefur verið úthlutað ákveðnum lit sem þeir hafa útfært
á fjölbreyttan hátt með búningum, skemmtilegum
höfuðfötum, drekum eða á annan óvæntan hátt. Ýmsar
forvitnilegar og skemmtilegar uppákomur skemmta
börnunum og öðrum þátttakendum á leiðinni. Gangan
endar í Hljómskálagarðinum við Bjarkargötu þar sem
borgarstjórinn í Reykjavík Hanna Birna Kristjánsdóttir,
setur hátíðina ásamt menntamálaráðherra, Katrínu Jakobsdóttur.
Hljómskálagarðurinn.
19. apríl–25. apríl – Viðburðir
sem eru á dagskrá alla vikuna
10:00–18:00
ÆVINTÝRAHÖLLIN
Við Fríkirkjuveg 11 verður starfrækt barnamenningarhús
sem hlotið hefur nafnið Ævintýrahöllin. Þar verður
fjölbreytt dagskrá alla vikuna. Menningarstarf fyrir
börn, með börnum og skapað af börnum. Listsýningar,
tónleikar, dans- og leiksýningar og fjölbreyttar smiðjur
svo sem legosmiðja, Erró listsmiðja, sirkussmiðja,
brúðugerðarsmiðja o.fl. Allir eiga að geta fundið
eitthvað við sitt hæfi. (Opið til 17:00 25. apríl).
Fríkirkjuvegi 11.
10:00–17:00
FORVITNI - HVER ER ÉG?
Samvinnuverkefni Listasafns Reykjavíkur og átta
grunnskóla. Nemendur vinna klippimyndaverk í anda
Errós út frá þemanu FORVITNI – hver er ég? Verkin verða sett
saman í eina stóra veggmynd sem sýnd verður fyrir framan
F-sal í Hafnarhúsinu. (Opið til 22:00 á sumardaginn fyrsta).
Listasafn Reykjavíkur – Hafnarhús, Tryggvagötu 17.
10:00–17:00
SKÁKAKADEMÍAN
Skákakademían sýnir fjölbreytt verk sem leikskólabörn
borgarinnar hafa unnið út frá skákíþróttinni.
Ráðhús Reykjavíkur.
11:00–17:00
FORVITNILEG SJÓNARHORN Á ÖLLUM SÝNINGUM
ÞJÓÐMENNINGARHÚSSINS ALLA DAGA HÁTÍÐARINNAR
Viltu koma í barnabíó?
Barnakvikmyndir í fullri lengd í sérhönnuðu umhverfi á
kvikmyndasögusýningunni ÍSLAND :: KVIKMYNDIR. Í
samstarfi við Kvikmyndamiðstöð Íslands.
www.barnamenningarhatid.is