Fréttablaðið - 19.04.2010, Blaðsíða 24

KÍKTU! Á LEIKSKÓLA Í GRAFARVOGI – LIST Á
INNKAUPAKERRUM
Nemendur í leikskólum Grafarvogs sýna verk sín á
innkaupakerrum í matvöruverslununum Hagkaup,
Bónus og Nettó í Grafarvogi. Myndirnar verða í akkúrat
passlegri hæð fyrir börn sem fara með foreldrum sínum
í búðina.
BANGSAFJÖR
Nemendur Myndlistarskóla Grafarvogs sýna
skemmtilegar bangsamyndir í Ísbúðinni í Spönginni.
Saman efna þau til bangsateiknisamkeppni í samstarfi
við Ísbúðina og fá heppnir þátttakendur ísveislu fyrir
fjölskylduna í verðlaun. Öll börn sem koma í Ísbúðina
með bangsa geta tekið þátt og teiknað bangsann sinn.
Ísbúðin okkar, Spönginni 25.
UNDIR YFIRBORÐINU
Samsýning Húsaskóla og Engjaskóla í Sundlaug
Grafarvogs. Furðufiskar, sjávarlífsmyndir og
vatnslitamyndir af Gilitrutt.
Grafarvogslaug, Dalhúsum 2.
KÁTIR DAGAR Í LAUGARNESSKÓLA
Sex söng- og danssýningar í Laugarnesskóla dagana
19., 20., 21. og 23. apríl.
Eftir sýningu geta gestir fengið sér danssnúning í sal
skólans. Boðið verður upp á ýmsar veitingar.
Sjá nánar á www.barnamenningarhatid.is.
Laugarnesskóli, Kirkjuteigi 24.
19., 20. og 21. apríl
VEGUR FORVITNINNAR
Samstarfsverkefni Listaháskóla Íslands, skóla,
frístundaheimila, félagsmiðstöðva og leikskóla í
Seljahverfi. Þessar stofnanir breytast í listbúðir. Börnin
rekja sig eftir fjársjóðskorti um spennandi staði í hverfinu.
Seljahverfi, Breiðholti.
10:00–11:30 og 13:00–14:30
LJÓS OG SKUGGI – HEIMUR FORVITNINNAR
Samstarfsverkefni leikskólans Sæborgar,
Hagaskóla, frístundaheimilisins Frostheima og
félagsmiðstöðvarinnar Frostaskjóls. Unnið er með
fjölbreyttar ljós- og skuggasmiðjur þar sem forvitin
fígúra vaknar til lífsins og kannar nýjan og forvitnilegan
heim. Afrakstur verkefnisins verður sýndur í
Ævintýrahöllinni á Fríkirkjuvegi.
Á torgi leikskólans Sæborgar, Starhaga 11.
20.–25. apríl
11:00–17:00
DYNDILYNDI – VERÐI GJAFA OG GAGNSTREYMI
Í sextán daga verður Listasafn Íslands samkomustaður
ólíkra dýrategunda í eiginlegum og óeiginlegum skilningi:
Magga Stína, nemendur, gaupa, áhorfendur, ljósmæður,
rebbi, arkitektar, Hilmar Örn Hilmarsson, kólíbrífugl,
bakarar, Megas, hönnuðir, maðkría, danshöfundur,
fjallaselur, leikarar og svo mætti lengi telja.
Hádegisleikhús Dyndilyndis: DÝRlingasögur alla daga 18.
–29. apríl. Boðið er upp á listsmiðjur í anda verkefnisins
fyrir börn og fullorðna. Skráning í smiðjur er á
www.myndlistaskolinn.is og á vef Barnamenningarhátíðar.
Nánari upplýsingar um dagskrá eru á www.dyndilyndi.is.
Verkefnið er framlag Myndlistaskólans í Reykjavík.
Sýningin er öllum opin og stendur til 2. maí.
Listasafn Íslands, Fríkirkjuvegi 7.
11:00–17:00
RATLEIKUR OG HLJÓÐLEIÐSÖGN FYRIR BÖRN
Nýr ratleikur sem tengist börnum í gamla daga. Sérstök
hljóðleiðsögn fyrir börn verður tekin í notkun bæði á
íslensku og ensku.
Aðgangur ókeypis fyrir börn yngri en 18 ára og ókeypis
fyrir alla á miðvikudögum og á sumardaginn fyrsta.
Þjóðminjasafn Íslands, Suðurgötu 41.
13:00–17:00
SIPP OG HOJ Í SJÓMINJASAFNINU
Í Víkinni verður margt forvitnilegt að sjá og þar birtist
börnum heimur sem þau þekkja ekki nema kannski af
afspurn. Hafið lokkar og laðar og á Barnamenningarhátíð
verður lögð sérstök áhersla á upplifun barna af heimi
hafsins og sjómanna sem sótt hafa sjóinn.
Barnaból
Ný leikstofa fyrir börn verður opnuð í safninu.
Litskrúðugir bátar
Í Verbúð safnsins verður opnuð sýning á litskrúðugum
bátum sem 9 ára börn úr Langholtsskóla hafa smíðað í
vetur.
Sjóklæðnaður
Börn á aldrinum 7–12 ára fá að prófa að „galla sig upp“ að
hætti sjóara fyrri tíma.
Þjóðlegir réttir á Safnkaffinu.
Ókeypis fyrir leik-og grunnskólabörn.
Víkin - Sjóminjasafnið, Grandagarði 8.
20. apríl
8:10–16:00
ÁRBÆJARSKÓLI – OPIÐ HÚS
Öllum er velkomið að kíkja inn í kennslustundir sem
og kynnast öðrum þáttum skólastarfsins. Barnakórar
skólans verða í sviðsljósinu þennan dag auk þess sem
gestir geta átt von á óvæntum uppákomum. Þetta
er kjörið tækifæri til að koma og skoða vinnustað
barnanna.
Árbæjarskóli, Rofabæ 34.
8:30–15:00
FORVITNIR FUGLAR – OPIÐ HÚS Í INGUNNARSKÓLA
Myndlistasýningar nemenda. Ýmsar óvæntar
uppákomur verða á svæðum og í sal. Unglingadeildin
verður með veitingasölu allan daginn.
Ingunnarskóli, Maríubaugi 1.
10:30
FUGLARNIR Í „LJÓTA POLLI“
Rétt handan við leikskólalóð Geislabaugs er stórt
opið svæði sem þarfnast umbóta. Börnin setja upp
skemmtilega sýningu til að gefa þessu svæði líf og vekja
forvitni fólks.
Opið svæði við leikskólann Geislabaug, Kristnibraut 26.
10:00
TAKTU RITHÖFUND Í FÓSTUR
10–12 ára nemendur í 6 grunnskólum borgarinnar tóku
jafnmarga rithöfunda í fóstur. Krakkarnir hafa kynnst
starfi rithöfundanna og gerst rithöfundar sjálfir.
Afrakstur vinnunnar er fjölbreyttur. Sýning verður sett
upp með vinnu krakkanna og munu þau kynna verk sín
við opnun hennar.
Sýningin er opin daglega fram á föstudag.
Ráðhús Reykjavíkur.
15:00
LEIÐANGUR
Komdu með í leiðangur um Þjóðmenningarhúsið og allar
sýningarnar með leiðsögumanni. Það er ótrúlega margt
skemmtilegt og spennandi í þessu gamla og virðulega húsi.
Aðgangur ókeypis að öllum sýningum fyrir börn 16
ára og yngri, ókeypis fyrir alla á miðvikudeginum og á
sumardaginn fyrsta.
Þjóðmenningarhúsið, Hverfisgötu 15.
16:00–16:30
TÖFRALJÓMI DANSINS Í RÁÐHÚSI REYKJAVÍKUR
Nemendur Danslistarskóla JSB sýna dansatriði úr
nemendasýningu skólans. Dansandi vélmenni með
gervigreind, uppfinningarmenn geimsímans og
fornminjar Egyptalands munu lifna við.
Ráðhús Reykjavíkur.
18:00
TÓNLEIKAR Í LANGHOLTSKIRKJU
Skólahljómsveit Austurbæjar, Kór Vogaskóla, Kórskóli
Langholtskirkju og Graduale Futuri halda sameiginlega
tónleika í Langholtskirkju. Hópurinn telur um 130 börn
og á efnisskránni eru bæði Eurovision lög og ýmis þekkt
dægurlög. Stjórnendur kóranna eru Ágústa Jónsdóttir,
Rósa Jóhannsdóttir og Þóra Björnsdóttir. Stjórnandi
Skólahljómsveitarinnar er Vilborg Jónsdóttir.
Langholtskirkja, Sólheimum 13.
21. apríl
9:30
SKÓGARKARNIVAL Í BJÖRNSLUNDI
Norðlingar bjóða borgarbúa velkomna í skógarkarnival
í Björnslundi. Gengið verður undir lúðraþyt frá
Norðlingaskóla að Björnslundi. Fjölbreytt skemmtiatriði
og fjöldi listasmiðja þar sem menn fá svalað forvitninni
og sköpunarþránni; bátasmiðja, álfasmiðja, ofið í
draumahúsi, tálgað í tré, farið á hestbak, spáð í vísindin,
máluð risamynd o.fl.
Sjá nánar www. nordlingaskoli.is.
Norðlingaskóli og Björnslundur í Norðlingaholti.
10:00–16:00
SKÖPUN, GLEÐI OG ÚTIVERA – LISTSÝNING Í
LEYNIGARÐINUM
Leynigarðurinn er almenningsgarður í Vesturbænum
sem er algjört leyndarmál. Börnin á leikskólanum
Drafnarborg bjóða upp á listsýningu í garðinum.
Leynigarðurinn, leyniinngangur frá Brekkustíg.
10:30–13:00
FLUGDREKAR OG FUGLAHÚS
Hvern langar ekki til að geta flogið? Ekki væri verra að
geta spúið eldi.
Sýning á vegum Ingunnarskóla í Leirdal.
11:00 og 13:00
JÖRÐIN OKKAR – FRUMSAMIN ÓPERA NEMENDA Á
YNGSTA STIGI HÁTEIGSSKÓLA
Jörðin okkar er óður til mannfólksins um að hugsa sinn
gang og snúa við ferli græðgi og vaxandi mengunar í
heiminum. Ríflega 130 börn taka þátt og að sjálfsögðu
er mikil tónlist í verkinu og endar sýningin á laginu um
Jörðina okkar sem sótt er í smiðju Michael Jackson.
Gospelkór Háskólans í Reykjavík aðstoðar við flutninginn.
Hallgrímskirkja, Hallgrímstorgi 1.
13:00–16:00
TRÖLLKONAN TREFLUM KLÆDD
Nemendur úr Laugarnesskóla munu klæða höggmynd
Ásmundar Sveinssonar Tröllkona í garði Ásmundarsafns
í trefla. Tröllkonur geta líka fengið kvef.
Listasafn Reykjavíkur – Ásmundarsafn, v/Sigtún.
14:30
BABBIDIBÚ – GALDRAKERLING FER Á FLUG
Þjóðkór 300 leikskólabarna flytur ásamt hljómsveit lög
Olgu Guðrúnar Árnadóttur í Háskólabíói. Börnin syngja
sögur um lasna skrímslið, um sólina og tunglið sem
skiptast á að vaka yfir börnum, um fallegan heim fyrir öll
börn og um fljúgandi galdrakerlingu sem breytir fínni frú
í sællega kú. Allir Reykvíkingar eru hjartanlega velkomnir
á meðan húsrúm leyfir. Þátttakendur eru: Tónskóli
Sigursveins D. Kristinssonar, 17 leikskólar í Reykjavík og
Listdansskóli Íslands.
Háskólabíó, Hagatorgi.
15:00
LEIÐANGUR
Komdu með í leiðangur um Þjóðmenningarhúsið
og allar sýningarnar með leiðsögumanni. Það er
helmingi skemmtilegra að skoða húsið þegar það er
leiðsögumaður með.
Aðgangur ókeypis að öllum sýningum fyrir börn 16 ára
og yngri, ókeypis fyrir alla á miðvikudeginum og á
sumardaginn fyrsta. Þjóðmenningarhúsið, Hverfisgötu 15.
16:00–18:00
HIMNESKIR FORVITNILEGIR FUGLAR
Börn á frístundaheimilinu Stjörnulandi opna sýninguna
Himneskir forvitnir fuglar í Guðríðarkirkju. Eftir
opnunina verður opið hús í Stjörnulandi þar sem börnin
bjóða upp á maul.
Guðríðarkirkja, Kirkjustétt 8.
17:00
LISTASMIÐJAN LITRÓF – TÓNLEIKAR
Listasmiðjan Litróf er hluti af innflytjendastarfi
kirkjunnar. Litróf heldur tónleika í Fella og Hólakirkju.
Fella og Hólakirkja, Hólabergi 88.