Fréttablaðið - 20.04.2010, Blaðsíða 23

ÞRIÐJUDAGUR 20. APRÍL 2010
Lesið í náttúruna
UMHVERFISDEILD – Þrjár brautir: Náttúru- og umhverfi sfræði,
skógfræði/landgræðsla og umhverfi sskipulag (BS).
Brautir umhverfi sdeildar bjóða fjölbreytt nám á sviði náttúru – og
umhverfi svísinda, umhverfi sskipulags, skógfræði og endurheimt
landgæða. Innan umhverfi sdeildar er mikil þekking á sviði náttúru- og
umhverfi svísinda, skipulags- og landslagsarkitektúrs.
LbhÍ hefur sérstöðu á mörgum sviðum rannsókna í umhverfi s- og
skipulagsmálum, m.a. er tengist náttúrunýtingu og náttúruvernd,
vistkerfum Íslands, gróðurhúsalofttegundum, jarðvegi, skógfræði
og landgræðslu og sjálfbærri nýtingu landkosta.
Kynntu þér námið heimasíðu skólans: www.lbhi.is
Ávextir
íslenskra auðlinda
AUÐLINDADEILD – Tvær brautir: Búvísindi og hestafræði (BS).
Auðlindadeild hefur að meginmarkmiði að viðhalda og þróa
íslenskar erfðaauðlindir í búfé og nytjajurtum og byggja upp sjálfbær
framleiðslukerfi sem tryggja gæði og rekjanleika afurðanna frá
framleiðanda til neytanda.
Kennslu- og rannsóknarviðfangsefni eru meðferð, ræktun og nýting
gróðurs og lands, búfjár og ferskvatnsdýra til framleiðslu matvæla og
annarrar atvinnu- og verðmætasköpunar.
Kynntu þér námið heimasíðu skólans: www.lbhi.is
Guðmundur Freyr Kristbergs-
son hóf nám við Landbúnað-
arháskóla Íslands síðastliðið
haust og unir hag sínum vel.
„Ég skoðaði námsframboð við
Landbúnaðarháskóla Íslands eftir
að kennari við MS benti bekkn-
um mínum á hann sem raunhæfan
möguleika. Ég var fljótur að kom-
ast að því að nám í umhverfisskipu-
lagi væri eitthvað sem höfðaði til
mín,“ segir Guðmundur Freyr
Kristbergsson, sem hóf nám við
Landbúnaðarháskólann síðastliðið
haust. Guðmundur lauk stúdents-
prófi frá Menntaskólanum við Sund
vorið 2008 með áherslu á umhverf-
isfræði. „Í framtíðinni langar mig
að mennta mig enn frekar í skipu-
lagsfræðum en hvað verður fyrir
valinu er óráðið. Sem betur fer er
námið mjög fjölbreytt og margar
greinar sem snerta þetta fag. Ef
maður veit ekki alveg hvert á að
stefna er það mikill kostur.“
Hvernig er fyrir þéttbýlisbúa
eins og þig að koma að Hvanneyri
og búa hér?
Guðmundur brosir breitt og
segist kunna vel við sig í strjál-
býlinu. „Hér er ekkert stress og
maður röltir bara á milli húsa og
hittir vini og kunningja. Félagslíf
er líka ágætt – bæði innan skólafé-
lagsins og utan þess. Það er ekki
langt að fara til Reykjavíkur ef svo
ber undir.“
Guðmundur leigir herbergi hjá
Nemendagörðum á Hvanneyri. „Ég
bý í húsi sem heitir Árgarður og
þar leigjum við fjögur saman íbúð.
Við deilum saman eldhúsi og stofu,“
segir Guðmundur og bætir því við
að þau eldi saman mat einu sinni í
viku. Þá fá tvö það hlutverk að búa
til matinn en hinir slappa af. „Við
náum alveg ótrúlega vel saman. Ég
var mjög heppinn með sambýlinga
og maður lærir mikið í mannlegum
samskiptum við þessar aðstæður.“
Guðmundur játar strax að hann
hafi ekki haft mikla reynslu af mat-
argerð. „Þetta tekst nú alltaf. Stelp-
urnar hjálpa mér að búa til sós-
una með kjötinu. Ég get alveg sett
saman matseðil eftir reynsluna í
vetur. Fram til þessa hefur móðir
mín búið til matinn en það að sjá
um sig sjálfur er ákveðið skref. Þó
skal tekið fram að ég hef verið í
sveit á sumrin í Reykhólasveit og
þar þurfti ég að hjálpa til í öllum
verkum.“
Aðspurður segir Guðmundur að
það sé betra að búa á Hvanneyri
en til dæmis í Reykjavík og aka
á milli. „Skólagögnin sem fylgja
þessu námi eru svo umfangsmikil
að því fylgir bara vesen að keyra
alltaf á milli. Ég nýti mér líka að-
stöðuna hérna í skólanum frekar en
að læra heima.“
Guðmundur er mikill áhugamað-
ur um hesta og þegar hann upp-
götvaði að þarna er hægt að leigja
ódýrt pláss fyrir hesta ákvað hann
að koma með hestinn með sér. „Það
er ekki eins bindandi og hefði mátt
ætla að taka hestinn með sér. Hér
eru allir reiðubúnir til að hjálpa ef
maður þarf að skreppa frá. Það er
hægt að leigja pláss fyrir hesta á
tveimur stöðum en ég valdi gamla
fjárhúsið, en þar hitti ég líka margt
fólk sem býr hér allt árið. Mér sýn-
ist að hesturinn kunni bara álíka
vel við sig þarna og ég í mínu
námi!“
Gott að búa í strjábýlinu
● LANDBÚNAÐARHÁSKÓLI ÍSLANDS Aðsetur háskólanáms-
ins er á Hvanneyri í Borgarfirði þar sem á undanförnum árum hefur risið
myndarlegt háskólaþorp. Á Hvanneyri eru nemendagarðar með ein-
staklingsherbergjum og fjölskylduíbúðum. Íbúðir og herbergi eru tengd
tölvuneti skólans. Leikskóli og grunnskóli eru á staðnum. Borgarnes er í
14 km fjarlægð og frá Hvanneyri til Reykjavíkur eru um 80 km. Við skól-
ann eru sérhæfð bókasöfn, rannsóknastofur og tilraunabú.
Í starfsmenntanámi Landbúnaðarháskólans eru fimm leiðir í boði.
Kennsla í búfræði fer fram á Hvanneyri en fjórar garðyrkjugreinar eru
kenndar á Reykjum í Ölfusi.
Landbúnaðarháskóli Íslands hefur mikla sérstöðu meðal háskóla
hérlendis. Þessi sérstaða felst fyrst og síðast í viðfangsefni skólans sem er
náttúra Íslands – nýting, viðhald og verndun. Á meðfylgjandi mynd má
sjá nemendagarða Landbúnaðarháskólans á Hvanneyri.
Guðrún Óskarsdóttir útskrifaðist frá
Menntaskólanum í Kópavogi í árslok
2008. „Ég er hér í skógfræði og land-
græðslu, enda hef ég alltaf haft mikinn
áhuga á íslenskum umhverfismálum.
Þarna sá ég tækifæri til að læra um þau
og það réð vali á háskóla. Ég er afar
sátt með að hafa komið í LbhÍ og ég
stefni á frekara nám landgræðslu,“ segir
Guðrún.
„Félagslíf er líka ágætt – bæði innan skólafélagsins og utan þess. Það er ekki langt að fara til Reykjavíkur ef svo ber undir,“ segir
Guðmundur. MYND/LBHÍ