Fréttablaðið - 20.04.2010, Blaðsíða 25

ÞRIÐJUDAGUR 20. APRÍL 2010
UMSÓKNARFRESTUR ER TIL 1. JÚNÍ
SKAPAÐU ÞÍNA
EIGIN FRAMTÍÐ
NÁMSBRAUTIR SEM HEFJAST Í HAUST:
TAKTU SKREFIÐ
Námsráðgjöf og upplýsingar:
sími 525 4444 endurmenntun.is
LEIÐSÖGUNÁM Á HÁSKÓLASTIGI
GÆÐASTJÓRNUN
MATSFRÆÐI
PEDAGOGISTA
VERKEFNASTJÓRNUN – LEIÐTOGAÞJÁLFUN

Við hvetjum þig til að
kynna þér námsbrautirnar

Einnig í
fjarnámi
Ragna Ólafsdóttir, fyrrverandi
skólastjóri, sá umfjöllun um leið-
sögunám í Fréttablaðinu á vordög-
um í fyrra þegar hún var að leita
sér að námi sem væri fræðandi
og uppbyggjandi í senn, hugsan-
lega með skemmtilegt starf fyrir
augum.
„Mér leist strax vel á námið og
ákvað að skella mér eftir frekari
eftirgrennslan og sé ekki eftir
því. Bæði var þetta gríðarlega
skemmtilegt og gott nám sem var
vel uppbyggt og svo voru mjög
góðir kennarar almennt. Hópur-
inn var líka afskaplega skemmti-
legur sem var extra bónus,“ segir
Ragna en námið er tvær annir að
lengd. Námið veitir einingar og
er því hægt að nýta með öðru há-
skólanámi.
„Maður fékk víðtæka og góða
þekkingu á landi og þjóð, bæði
hvað viðkom þjóðinni sjálfri, líf-
inu í því og náttúrunni. Ég hélt
til dæmis að umfjöllunin um nátt-
úruna og jarðfræði myndi síður
höfða til mín sem var svo þver-
öfugt, þannig að ég uppgötvaði líka
nýjar hliðar á sjálfri mér.“
Ragna segir að hún hafi verið
spurð að því hvort hún hefði efni á
því að borga námið hafi hún svar-
að því til að hún myndi bara sleppa
því að sigla á Karíbahafinu í stað-
inn. „Þetta var mín Karíbasigling.
Námið er gott og gefandi og þrátt
fyrir að það sé akademískt og geri
þar af leiðandi kröfur til okkar, er
það við hæfi fullorðins fólks, með
meira af verkefnaskilum og rit-
gerðum en minna af skriflegum
prófum.“
Nám í stað Karíbahafsins
Ragna Ólafsdóttir segir leiðsögunámið hafa verið á við siglingu í Karíbahafinu, fræð-
andi og gefandi í senn. FRÉTTABLAÐIÐ/STEFÁN
Margt spennandi verður í
boði hjá Endurmenntun Há-
skóla Íslands næsta haust en
farið verður af stað með fimm
námsbrautir. Kynningarfundur
um námsbrautirnar verður
haldinn 18. maí næstkomandi
en umsóknarfrestur rennur út
1. júní.
„Brautirnar sem verða í boði
fyrir nýnema eru Leiðsögunám
á háskólastigi, Verkefnastjórnun
– Leiðtogaþjálfun, Gæðastjórn-
un, Pedagogista og Matsfræði,“
segir Kristín Jónsdóttir, end-
urmenntunarstjóri Háskóla Ís-
lands. „Allar námsbrautirnar eru
til eins árs en einingafjöldi er þó
misjafn. Nýja námsbrautin okkar,
Pedagogistanámið, er fyrir kenn-
ara í leikskólum og grunnskólum,
en það er í samstarfi við Reggio
Emilia Institutet í Stokkhólmi og
SARE og er nú í fyrsta sinn boðið
á Íslandi.“
Leiðsögunám hófst hjá Endur-
menntun haustið 2008 og hefur
fengið mjög góðar viðtökur að
sögn Kristínar. Námið er svar
við þeirri stefnu ferðaþjónust-
unnar að auka menntun í faginu
en hingað til hefur námið ekki
verið í boði á háskólastigi. Námið
er einnig í boði í fjarnámi og
hafa því fjölmargir einstakling-
ar á landsbyggðinni og erlendis
sótt námið.
„Hópurinn sem stendur að baki
náminu er sterkur sem er nám-
inu mikils virði. Í fagráði náms-
ins sitja ferðamálastjóri, fulltrúi
Samtaka ferðaþjónustunnar, full-
trúi frá Félagi leiðsögumanna og
samstarfsdeildum innan Háskóla
Íslands. Okkur þótti tilvalið að
nýta stærð og breidd háskólans
þannig að við erum með eftir-
sótta kennara úr jarðfræði, líf-
fræði, ferðamálafræði, tungu-
málum, félagsvísindum og menn-
ingu.“
Kristín segir leiðsögunámið
vera metið inn í deildir háskól-
ans, bæði ferðamálafræðin sjálf
og til að mynda nám í hugvísinda-
deildum. „Þetta ársnám getur því
komið til styttingar á öðru námi
innan háskólans. Margir sjá kost-
inn við það að bæta náminu við
tungumál og bókmenntir þar sem
námið felur líka í sér starfsrétt-
indi leiðsögumanns.“
Kristín segir gaman að finna
þá orku sem verður til í fjöl-
breyttum hópi nemenda en þeir
halda vel hópinn eftir útskrift.
„Við vitum til dæmis um þrjú ný
sprotafyrirtæki sem hafa orðið til
í náminu þannig að það er greini-
legt að orkan er mikil.“
Fimm námsbrautir í haust
„Við vitum til dæmis um þrjú ný sprotafyrirtæki sem hafa orðið til í náminu þannig
að það er greinilegt að orkan er mikil,“ segir Kristín Jónsdóttir, endurmenntunar-
stjóri Háskóla Íslands. FRÉTTABLAÐIÐ/STEFÁN