Fréttablaðið - 20.04.2010, Blaðsíða 42
26 20. apríl 2010 ÞRIÐJUDAGUR
sport@frettabladid.is
KÖRFUBOLTI „Það eru allir búnir að
tala um að viðureign Snæfells og
KR hafi verið úrslitaserían. Við
sýndum fram á annað í dag. Við
erum komnir til að spila,“ sagði
Hörður Axel Vilhjálmsson, leik-
maður Keflavíkur, eftir að hans
lið lagði Snæfell örugglega 97-78
í fyrsta leik liðanna um Íslands-
meistaratitilinn.
Keflvíkingar eru gríðarlega
sterkir á heimavelli sínum og
voru með leikinn í gær algjörlega
í sínum höndum. Stemningin var á
þeirra bandi og Snæfellingar áttu
engin svör.
„Krafturinn og keyrslan hjá
okkur gerði gæfumuninn. Við hefð-
um þó getað frákastað miklu betur
í þessum leik og þá sérstaklega í
fyrri hálfleik. Þessi úrslit endur-
spegla ekki muninn á liðunum. Við
eigum von á hörkuleik á fimmtu-
dag,“ sagði Hörður.
Stemningin í Keflavíkurliðinu
var meiri í byrjun leiks á meðan
Snæfellingar fundu engan takt í
varnarleik sínum. Heimamenn
voru með níu stiga forystu að lokn-
um fyrsta leikhluta. Áfram héldu
þeir að stjórna leiknum í öðrum
fjórðung þar sem var þó lítið skor-
að. Hörður Axel Vilhjálmsson var
funheitur.
Snæfell hitti illa og var tólf stig-
um undir í hálfleik, staðan 53-41.
Hlynur Bæringsson var þó að skila
sínu og var með 15 stig og 8 frák-
öst að loknum fyrri hálfleik.
Í þriðja leikhlutanum gerðu
Keflvíkingar svo út um leikinn og
höfðu 23 stiga forystu fyrir lokal-
eikhlutann. Eftir það var þetta
bara spurning um hversu stór sig-
urinn yrði.
Heimamenn fögnuðu svo vel
í leikslok en þó meðvitaðir um
að einvígið er bara rétt að byrja.
Draelon Burns, Urule Igbavboa og
Hörður skoruðu allir tuttugu stig
fyrir heimamenn.
„Maður er aldrei sáttur við að
tapa en við hittum Keflvíking-
ana í miklum ham og því miður
var heildin okkar ekki til staðar,“
sagði Ingi Þór Steinþórsson, þjálf-
ari Snæfells. Fyrir leik var spurn-
ingin hvort Sean Burton myndi
geta spilað vegna meiðsla. Hann
var með en hefði alveg eins getað
verið heima.
„Hann var ekki nema skugginn
af sjálfum sér en hann tapaði auð-
vitað ekki leiknum, það var liðs-
heildin sem gerði það. Hlynur og
Siggi (Sigurður Þorvaldsson) áttu
góðan leik en annars var liðið ekki
að gera það sem það átti að vera
að gera. Við þurfum bara að safna
kröftum og fara yfir það sem við
getum gert betur. Liðið þarf að
komast upp á tærnar,“ sagði Ingi
Þór. elvargeir@frettabladid.is
Umfelgun
Hjólbarð
ar
Jafnvægisstilling
Höldum saman uppá 10 ára afmæli Max1
Fáðu 20% afslát
t af
umfelgun og jafn
vægis-
stillingu, í dag!
Tvö verðdæmi:
Umfelgun og jafnvægisstilling á
fjórum fólksbíladekkjum á 12-16
tommu stálfelgum:
Fullt verð: 6.240 kr.
Afmælistilboð: 4.992 kr.
Umfelgun og jafnvægisstilling á
fjórum fólksbíladekkjum á 12-16
tommu álfelgum:
Fullt verð: 6.945 kr.
Afmælistilboð: 5.556 kr.
FÓTBOLTI FYRIR ALLA
Æfingarnar eru ætlaðar öllum börnum sem geta ekki
nýtt sér hefðbundið barna- og unglingastarf vegna
fötlunar eða þroskafrávika.
Starfsemin er undir merkjum Stjörnunnar en öllum er
velkomið að skrá sig til leiks. Æfingagjöld eru 3.000 kr.
fyrir æfingar í 8 vikur.
Velkomið er að systkini iðkenda, foreldrar eða aðrir
aðstandendur taki þátt í æfingunum og er markmiðið
að allir njóti boltans með sínu lagi.
Hefjast laugardaginn 24. apríl
kl. 11.00 í Ásgarði í Garðabæ
Áhugasamir eru beðnir að láta vita af sér á tölvupóstfangi
ábyrgðarmanns, Ýrar Sigurðardóttur barnalæknis, yr@lsh.is
Akureyringurinn Jónatan Þór Magnússon hefur gert þriggja ára
samning við norska C-deildarliðið Kristiansund HK í handbolta.
Hann heldur utan í sumar en þá mun núverandi þjálfari HK,
Gunnar Magnússon, taka við þjálfun liðsins.
„Ég er mjög spenntur fyrir því að takast á við þetta verkefni
og ég er mjög ánægður með samninginn,“ sagði Jónatan við
Fréttablaðið í gær.
Stefnt er að því að fara með félagið upp í efstu deild á aðeins
tveimur árum og er því ærið verkefni sem bíður þeirra Gunnars
og Jónatans, ekki síst þar sem félaginu mistókst að komast
upp í B-deildina nú í vetur.
„Við áttum ef til vill von á því að það myndi takast
en það er bara eitt lið sem kemst upp og má því
afar lítið út af bregða. En það breytir því ekki að það
var alltaf planið að fara upp í efstu deild á tveimur
árum og það stendur enn í dag.“
Ásamt því að spila með félaginu mun Jónatan einnig
sinna þjálfarastörfum samhliða því. „Það gæti verið að ég muni
þjálfara meistaraflokk kvenna hjá félaginu en það er allt í bígerð
og á eftir að koma betur í ljós. En það er þó ljóst að bæði ég og
Gunnar munum vinna í innra starfi félagsins og að því að gera það
stærra. Það er mjög gaman að fá að taka þátt í slíkri uppbygg-
ingu.“
Hann segist spenntur fyrir því að vinna með Gunnari sem
hann hefur ekki gert áður. „Mér líst gríðarlega vel á hann
enda greinilega gríðarlega fær þjálfari. Ég hef ekkert nema
gott heyrt um hann og treysti honum fullkomlega fyrir því
að taka þetta verkefni að sér.“
Sjálfur vildi Gunnar ekki útiloka að fleiri íslenskir
leikmenn yrðu fengnir til félagsins. „Við viljum bæta
einum til tveimur leikmönnum við leikmannahópinn
og erum að skoða leikmenn á Íslandi, í Danmörku og
Noregi. Það virðist vera mikið úrval enda margir leik-
menn nú að leita sér að nýju félagi,“ sagði Gunnar.
JÓNATAN ÞÓR MAGNÚSSON: GERÐI ÞRIGGJA ÁRA SAMNING VIÐ KRISTIANSUND HK Í NOREGI
Líst mjög vel á að vinna með Gunnari
> Framkonur hafa tapað sjö leikjum í röð
Framkonur bíða enn eftir fyrsta sigurleiknum sínum í
úrslitaeinvígi um Íslandsmeistaratitilinn en
þær geta bætt úr því þegar þær taka á móti
Valskonum í Safamýri klukkan 19.30 í
kvöld. Þetta er annar leikur liðanna
í lokaúrslitum N1 deildar kvenna.
Valur er 1-0 yfir eftir 20-19 sigur í fyrsta
leiknum á Hlíðarenda á sunnudaginn.
Þetta var sjöunda tap kvennaliðs Fram
í röð í úrslitum Íslandsmótsins en Fram
tapaði öllum þremur leikjum sínum í
lokaúrslitum 1995 og 2009.
FÓTBOLTI Undanúrslit Meistara-
deildar Evrópu hefjast í kvöld en
Inter tekur þá á móti Evrópumeist-
urum Barcelona. Hið stjörnum
prýdda lið Börsunga, með Lionel
Messi innanborðs, varð að sætta
sig við að ferðast með rútu til
Mílanó í fjórtán klukkustundir
þar sem flug liggur víða niðri í
Evrópu vegna íslensku öskunn-
ar úr Eyjafjallajökli sem
nú liggur yfir meginlandi
Evrópu.
„Þetta var ekki auðvelt
ferðalag en ég hefði alltaf
kosið að ferðast í fjórtán tíma
með rútu fremur en að sitja
heima og horfa á undanúrslit
Meistaradeildarinnar í sjón-
varpinu,“ sagði Pep Guardi-
ola, stjóri Barcelona.
„En við munum mæta frá-
bæru liði Inter enda þjálf-
ari liðsins líklega sá besti í
heimi,“ bætti hann við og átti þar
við hinn portúgalska José Mour-
inho.
Sjálfur sagði Mourinho að Bar-
celona mætti búast við öðru og
betra liði en þegar liðin mættust í
riðlakeppninni í haust. Þá skildu
liðin jöfn, 0-0, í Mílanó en
Barcelona vann öruggan
2-0 sigur á heimavelli.
„Barcelona átti skilið
að vinna þar sem okkur
skorti getuna til að koma
í veg fyrir þeirra yfirburði.
En það var í nóvember. Þeir
eru núna jafn góðir og þeir
voru þá en við erum orðnir
miklu betri,“ sagði Mour-
inho. - esá
Barcelona mætir Inter í Meistaradeildinni í kvöld:
Við erum betri núna
JOSE MOURINHO
Er líklega sá besti í heimi,
segir Pep Guardiola.
NORDIC PHOTOS/AFP
KEFLAVÍK–SNÆFELL 97-78
Stig Keflavíkur: Draelon Burns 20, Uru-
ele Igbavboa 20 (10 frák.), Hörður Axel
Vilhjálmsson 20, Sigurður Þorsteinsson 11,
Gunnar Stefánsson 9, Gunnar Einarsson
7, Jón Nordal Hafsteinsson 4, Þröstur Leó
Jóhannsson 2, Sverrir Þór Sverrisson 2,
Davíð Þór Jónsson 2.
Stig Snæfells: Hlynur Bæringsson 22
(13 frák.), Sigurður Þorvaldsson 20, Jón
Ólafur Jónsson 6, Sean Burton 6, Sveinn
Davíðsson 6, Pálmi Freyr Sigurgerisson 4,
Gunnlaugur Smárason 3, Martins Berkis 3,
Kristján Andrésson 3, Emil Þór Jóhannsson
3, Páll Fannar Helgason.
Öruggar Keflavíkurhendur
Fyrsti leikur Keflavíkur og Snæfells náði aldrei að verða spennandi. Heima-
menn voru með leikinn algjörlega í sínum höndum og í seinni hálfleik aðeins
spurning hver stór sigurinn yrði. Næst mætast liðin á fimmtudagskvöldið.
FÓTBOLTI Liverpool endurheimti í
gær sjötta sætið í ensku úrvals-
deildinni með 3-0 sigri á West
Ham. Yossi Benayoun og David
Ngog skoruðu mörk Liverpool í
fyrri hálfleik en þriðja markið
var sjálfsmark Roberts Green.
West Ham hefur nú ekki unnið
á Anfield í 47 ár og er þremur
stigum frá fallsæti þegar þrjár
umferðir eru eftir. - esá
Liverpool í sjötta sætið:
West Ham í
miklum vanda
GÓÐIR SAMAN David Ngog og Maxi
Rodriguez fagna marki þess fyrrnefnda í
gær. NORDIC PHOTOS/GETTY
ÖFLUGUR Uruele Igbavboa átti góðan leik í gær og skoraði 20 stig auk þess sem
hann tók tíu fráköst. FRÉTTABLAÐIÐ/DANÍEL