Fréttablaðið - 20.04.2010, Blaðsíða 46
30 20. apríl 2010 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
LÁRÉTT
2. eyja í asíu, 6. persónufornafn, 8.
lengdarmál, 9. veiðarfæri, 11. guð,
12. erfiði, 14. togleður, 16. tveir eins,
17. mas, 18. stykki, 20. á fæti, 21. há
bygging.
LÓÐRÉTT
1. umdæmis, 3. frá, 4. verðgildi,
5. maka, 7. tilgátu, 10. traust, 13.
bókstafur, 15. skál, 16. hylli, 19.
íþróttafélag.
LAUSN
LÁRÉTT: 2. java, 6. ég, 8. fet, 9. net,
11. ra, 12. streð, 14. gúmmí, 16. áá,
17. mal, 18. stk, 20. tá, 21. turn.
LÓÐRÉTT: 1. léns, 3. af, 4. verðmat, 5.
ata, 7. getgátu, 10. trú, 13. emm, 15.
ílát, 16. ást, 19. kr.
„Ég er að hlusta á Allt mitt líf
með Ellý Vilhjálms, yndislegur
diskur til að hlusta á meðan
maður er að teikna.“
Aron Bergmann, listamaður og leik-
myndahönnuður.
„Þetta er allt í vinnslu núna en
vonandi verða flíkurnar komnar í
verslanir eftir rúman mánuð. Þetta
var upprunalega hugmynd hönn-
uðarins Hörpu Einarsdóttur, sem
hefur verið að hanna fyrir okkur
upp á síðkastið. Hún heillaðist af
þessum jarðhræringum og varð
fyrir miklum áhrifum eftir að hafa
skoðað gosið,“ segir Ásta Kristjáns-
dóttir, annar eigenda E-label, en
verið er að hanna sérstak-
ar flíkur fyrir merkið sem
innblásnar eru af gosinu.
Goslínan nýja mun inni-
halda bæði kjóla og boli
og má búast við allt að
fimm mismunandi stíl-
um innan hennar.
Auk Hörpu Einarsdóttur hafa
hönnuðirnir Eygló Lárusdóttir,
Sara María Júlíudóttir og Erna
Bergmann gengið til liðs við E-
label. „Við fengum fleiri hönnuði
til liðs við okkur í haust því við
vildum fá aukinn ferskleika inn
í hönnunina. Hugmyndafræðin
að baki E-label verður þó enn sú
sama og vinna hönnuðirnir innan
þess ramma.“ Ásta segir gott að
geta nýtt gosið til að koma hönn-
un E-label á framfæri í erlend-
um fjölmiðlum og segir fólk eiga
að grípa tækifærin þegar þau
gefast. „Við gátum tengt hönn-
un okkar við gosið í Eyjafjalla-
jökli og með því vakið athygli á
því sem við erum að gera. BBC
fjallaði til dæmis um þessa línu
síðastliðinn laugardag. Það er
mjög erfitt og dýrmætt að fá
ókeypis umfjöllun erlendis og
því verður maður að grípa
tækifærið þegar það gefst,“
segir Ásta. -sm
Flíkur innblásnar af gosinu
GÓÐ MARKAÐSSETNING Ásta Kristj-
ánsdóttir, annar eigenda E-label, segir
nýju línuna væntanlega í verslanir eftir
mánuð. FRÉTTABLAÐIÐ/VALLI
NÝ GOSLÍNA Harpa
Einarsdóttir hannar nýja
goslínu sem væntanleg
er frá E-label. Hún sótti
innblástur til eldgosins í
Eyjafjallajökli.
MYND/HARPA EINARSDÓTTIR
„Við verðum að sitja á rassgatinu
og bíða eftir að eitthvað gerist.
Þeir fá peninga annað slagið og
greiða út og við erum að bíða eftir
að það komi að okkur,“ segir fyrir-
sætan og athafnakonan Ásdís Rán
Gunnarsdóttir.
Garðar Gunnlaugsson, eigin-
maður Ásdísar, hefur ekki feng-
ið greidd laun frá fótboltaliðinu
CSKA Sofia í Búlgaríu svo mánuð-
um skiptir. Garðar spilar núna með
LASK Linz í Austurríki og bíður
eftir að búlgarska liðið greiði þeim
hjónum um 100.000 evrur, eða um
17 milljónir íslenskar.
„Þetta var meira. Við gáfum
þeim helmingsafslátt. Þetta voru
200.000 evrur,“ segir Ásdís. Hún
segir launaleysið hafa skapað tals-
verð vandræði þar sem fjölskyld-
an lifir ekki á tekjum hennar til
lengri tíma. „Það hefur mikil áhrif
að fá ekki laun í marga mánuði,“
segir hún. „Ég er náttúrulega með
mín laun en ég næ ekki að halda
okkur uppi. Við erum með eignir
og lán í þremur löndum: á Íslandi,
í Svíþjóð og Búlgaríu. Við þurfum
að borga mikið og ef við fáum ekki
borgað fer allt í skít.“
CSKA Sofia er í miklum fjár-
hagserfiðleikum og hefur fengið
frest fram að mánaðamótum til
að greiða úr sínum málum, áður
en viðurlögum verður beitt. „Ef
þeir ná ekki að borga þá fer félagið
líklegast á hausinn,“ segir Ásdís.
„Þetta er stærsta liðið hérna og ef
það færi á hausinn myndi það hafa
alveg hræðilegar afleiðingar. Ég
trúi ekki að þeir finni ekki peninga
til að greiða upp skuldirnar.“
- afb
Garðar og Ásdís bíða eftir 17 milljónum
FÁ EKKI GREITT Fótboltafélagið CSKA
Sofia á í miklum vandræðum og hefur
ekki greitt Garðari milljónalaun sem
hann á inni.
Dorrit Moussaieff,
forsetafrú okkar
Íslendinga, var meðal
þeirra fyrirmenna sem
heiðruðu Margréti
Þórhildi með
nærveru sinni
á afmælisdegi
Danadrottningar.
Vegna eldgossins
í Eyjafjallajökli
urðu töluvert
margar konungsfjöl-
skyldur að afboða
sig en Dorrit komst
í tæka tíð. Dorrit er nú stödd í
Bretlandi en þangað komst hún
með því að nota bíl, lest
og ferju.
Íslenskar fyrirsætur
hafa verið að gera það
gott undanfarið og setið
fyrir hjá virtustu tísku-
blöðum heims. Nýverið
hóf síðan undirfatalínan
The Lake & Stars nýja
herferð sem þykir í
erótískari kantinum
en þar er Elísabet
Davíðsdóttir, ein
fyrsta íslenska ofur-
fyrirsætan, í aðalhlut-
verki.
Ómar Eyþórsson hefur verið
ráðinn dagskrárstjóri X-ins 977, en
útvarpsstöðin hefur verið dag-
skrárstjóralaus undanfarin misseri.
Ómar ku ekki vera með stórar
breytingar í farvatninu, en ætlar
þó að skerpa á áherslunum og
horfir til útvarpsstöðva í
Bretlandi og Bandaríkj-
unum í því samhengi.
Ómar hefur starfað á
X-inu í nokkurn tíma og
stjórnar morgun-
þættinum á virkum
dögum. Hann er
mikill tónlistar-
grúskari svo að
dagskrárstjórnin
er í góðum
höndum. - fgg, afb
FRÉTTIR AF FÓLKI
Stærstu fréttastöðvar heims hafa
verið að koma sér upp aðstöðu við
rætur Eyjafjallajökuls og mikið
aukaálag hefur verið á starfs-
mönnum íslensku fréttastofanna
við að þjónusta erlendu stöðvarnar.
Útsendingarbílar RÚV og Stöðv-
ar 2 hafa verið í sólarhringsnotk-
un frá því fyrir helgi. Magnið af
umfjöllun erlendra miðla um gosið
er farið að nálgast þann mikla fjöl-
miðlasirkus sem ríkti í kringum
efnahagshrunið og blaðamanna-
fundina frægu í Iðnó. Fjöldi beinna
útsendinga frá Íslandi er yfir tut-
tugu á dag.
Óðinn Jónsson, fréttastjóri RÚV,
segir RÚV þjónusta evrópsku sjón-
varpsstöðvarnar í samræmi við
samstarfssamning EBU, Sam-
tök evrópskra sjónvarpsstöðva.
„Útsendingarbíllinn okkar hefur
verið í nánast stanslausri notkun
og við erum bara að redda þeim
með hina og þessa hluti,“ segir
Óðinn og bætir því við að tveir
menn frá RÚV séu í fullri vinnu
við að aðstoða erlendar sjónvarps-
stöðvar. Óskar Hrafn Þorvalds-
son, fréttastjóri Stöðvar 2, tekur
í sama streng. „Útsendingarbíll-
inn hjá okkur hefur verið upp-
pantaður allan sólarhringinn frá
því fyrir helgi. Við erum einnig að
senda út talsvert af myndefni og
aðstoða þetta fólk við að koma sér
upp aðstöðu þarna fyrir austan,“
útskýrir Óskar.
NBC, ITN, ABC, Sky News, BBC,
Al Jaazera og ZDF eru í þessum
ört stækkandi hópi erlendra fjöl-
miðla enda hefur eldgosið í Eyja-
fjallajökli lamað flugsamgöngur
um allan heim. Búi Baldvinsson
hjá framleiðslufyrirtækinu Kukli
segist ekki muna eftir öðru eins
en Kukl hefur séð um að aðstoða
erlendu fréttastofurnar við beinar
útsendingar. Askan úr Eyjafjalla-
jökli sé farin að skyggja á banka-
hrunið. „Hér er búið að koma upp
húsbíl, klippisvítu og það er mikil
samkeppni um þjónustu,“ segir Búi
og telur að nánast allur framleiðslu-
bransinn hafi vinnu við að þjónusta
erlendu fréttastöðvarnar.
Þótt flugsamgöngur séu lamað-
ar beita fréttastöðvarnar öllum
brögðum til að geta flutt fréttir af
hamförunum. „Já, það voru ein-
hverjir erlendir fréttamenn sem
voru bara hérna í fríi en þar sem
þeir eru hvort eð er innlyksa þá
voru þeir bara fengnir til að sinna
fréttaflutningnum. Svo veit ég að
norrænu stöðvarnar hafa grafið
upp einhverja fréttaritara í Amer-
íku og sent þá hingað til að geta
sinnt þessu,“ segir Búi.
freyrgigja@frettabladid.is
BÚI BALDVINSSON: ELDGOSIÐ FARIÐ AÐ SKYGGJA Á BANKAHRUNIÐ
Tuttugu beinar útsendingar
á dag frá eldgosinu á Íslandi
GRÍÐARLEGUR FJÖLDI Fréttastöðvar frá öllum heimshornum hafa verið með beinar
útsendingar frá Íslandi undanfarna daga. Búi Baldvinsson hjá Kukli segir um tuttugu
beinar útsendingar vera frá Eyjafjallajökli á dag. FRÉTTABLAÐIÐ/GVA
Auglýsingasími
Allt sem þú þarft…