Fréttablaðið - 21.04.2010, Blaðsíða 2

2 21. apríl 2010 MIÐVIKUDAGUR
Nýr Nicorette plástur
fæst nú 25 mg
og hálfgagnsær
Nýt
t!
Nicorette® nikótínlyf eru fáanleg án lyfseðils og eru notuð til að auðvelda reykingafólki að venja sig af tóbaki með því
að draga úr nikótínþörf og fráhvarfseinkennum. Skammtar eru einstaklingsbundnir eftir því hve mikið er reykt. Nota má
forðaplásturinn einan og sér eða samtímis 2mg Nicorette lyfjatyggigúmmíi eða Nicorette innsogslyfi. Hámarksdagskammtur
er 1 stk forðaplástur og annað hvort 24 stk lyfjatyggigúmm eða 12 hylki af innsogslyfi.Til að ná sem bestum árangri skal fylgja
leiðbeiningum í fylgiseðli. Leitið til læknis eða lyfjafræðings ef þörf er á frekari upplýsingum um lyfin. Þeir sem fengið hafa ofnæmi fyrir
nikótíni eða öðrum innihaldsefnum lyfsins, nýlegt hjartaáfall, óstöðuga versnandi hjartaöng, alvarlegar hjartsláttartruflanir, ómeðhöndlaðan
háþrýsting eða nýlegt heilablóðfall eiga ekki að nota Nicorette. Börn yngri en 15 ára mega ekki nota Nicorette. Þungaðar konur og konur með
barn á brjósti skulu eingöngu nota Nicorette í samráði við heilbrigðisstarfsfólk. Lesið allan fylgiseðilinn vandlega áður en byrjað er að nota lyfið.
Markaðsleyfishafi: McNeil Denmark ApS. Umboð á Íslandi: Vistor hf., Hörgatún 2, 210 Garðabæ.
Nicorette Invisi 25 mg
Er að hærri styrkleika en fyrri
forðaplástrar frá Nicorette
Hrafn, ætlar þú ekki að leggja
lóð þína á vogarskálarnar til
að sátt náist í málinu?
„Ég er alltaf til í lóðarí.“
Kvikmyndagerðarmaðurinn Hrafn
Gunnlaugsson stendur í miklu stappi
við borgaryfirvöld þessi dægrin vegna
framkvæmda hans utan lóðarmarka á
Laugarnestanganum.
DÓMSMÁL Hálfsextugur karlmaður
sem situr í gæsluvarðhaldi vegna
meintra stórfelldra fjársvika var
náðaður af heilsufarsástæðum
fyrir um tíu árum og þurfti því
ekki að afplána tuttugu mánaða
fangelsi, sem Hæstiréttur hafði
þá dæmt hann í, samkvæmt upp-
lýsingum Fréttablaðsins. Dóms-
málaráðuneytið vildi ekki staðfesta
þetta við blaðið.
Maðurinn var dæmdur fyrir
misneytingu gagnvart áttræðri,
heilabilaðri konu, með því að hafa
fengið hana margoft til að taka
fjárhæðir út af bankareikningi
sínum og afhenda honum, ráðstafa
veðskuldabréfi í hans þágu og und-
irrita erfðaskrá þess efnis að allar
skuldir hans við hana skyldu falla
niður við andlát hennar.
Konan hafði verið gift athafna-
manni, sem lét eftir sig mikla fjár-
muni. Hún sat í óskiptu búi. Mann-
inum sem nú situr inni vegna
meintra fjársvika kynntust hjónin
þegar hann tók að sér málningar-
vinnu fyrir þau. Eftir fráfall eig-
inmannsins var svikarinn í miklu
sambandi við ekkjuna, ávann sér
traust hennar og annaðist ýmsa
hluti fyrir hana. Maðurinn ók
henni í bankann og beið fyrir utan
meðan hún sótti peningana, sem
hún lét hann hafa. Í sumum tilvik-
um lét hún hann hafa ávísanir. Með
þessum hætti tæmdi hún banka-
reikning sinn. Ekki var ljóst hvað
varð um stóran hluta fjárins.
Auk tuttugu mánaða fangelsis
var maðurinn dæmdur til að greiða
gömlu konunni ríflega 30 milljónir
króna vegna þessa. Hámarksrefs-
ing fyrir brot af þessu tagi er 24
mánaða fangelsi.
Þessi sami maður hefur nú verið
úrskurðaður í gæsluvarðhald til 10.
maí, grunaður um að hafa svikið að
minnsta kosti 300 milljónir króna
út úr nær hundrað manns. Mest
voru umsvif mannsins í Lands-
bankanum og hjá Byr sparisjóði, en
allir reikningar hans eru til rann-
sóknar hjá lögreglu.
Samkvæmt upplýsingum Frétta-
blaðsins er maðurinn grunaður um
að hafa boðið fólki væna ávöxtun
fjár síns ef það hjálpaði honum til
að losa gjaldeyri sem hann kvaðst
eiga í bönkum erlendis. Fengju
viðkomandi þá erlendan gjaldmið-
il á miklu lægra verði en skrán-
ing segði til um. Þetta er á sömu
nótum og margumræddir Níger-
íusvindlarar hafa borið sig að. Þá
virðist sem maðurinn hafi í ein-
hverjum tilvikum notað fjármuni
frá einum til að greiða með skuld
sína við annan.
Maðurinn mun hafa haft frum-
kvæði að því að komast í samband
við fólk, þar á meðal einhverja sem
hann þekkti frá fyrri tíð.
jss@frettabladid.is
GJALDEYRIR Maðurinn er talinn hafa
egnt fyrir fólk meðal annars með því
að lofa því góðri ávöxtun á fjármunum
sínum ef það aðstoðaði hann við að
losa gjaldeyri með fjárframlögum.
Svikahrappurinn var
náðaður fyrir áratug
Karlmaður sem situr í gæsluvarðhaldi, grunaður um að hafa haft hundruð
milljóna af nær hundrað manns, var náðaður fyrir tíu árum þegar hann hafði
verið dæmdur í 20 mánaða fangelsi fyrir fjársvik. Hann komst hjá afplánun.
KÝPUR, AP Dervis Eroglu vann
sigur í forsetakosningum tyrk-
neska hluta eyjunnar Kýpur.
Hann fékk 50,3 prósent atkvæða,
en núverandi forseti, Mehmet Ali
Talat, sem hefur tekið þátt í sam-
einingarvið-
ræðum, hlaut
42,85 prósent.
Úrslit kosn-
inganna munu
væntanlega
draga mjög úr
hraða samein-
ingarviðræðna
við ráðamenn
gríska hluta
eyjunnar, sem
þó hefur þótt miða nógu hægt
fyrir.
Einnig gætu úrslitin gert end-
anlega út um vonir Tyrkja um
aðild að Evrópusambandinu, því
ráðamenn þess gera kröfur til
þess að sátt náist fyrst í Kýpur-
deilunni. - gb
Aðskilnaðarsinni vann sigur:
Vonir um sam-
einingu dvína
DERVIS EROGLU
LÖGREGLUMÁL Feðgar, 51 og 23 ára, eru meðal þeirra
átta sem sitja í gæsluvarðhaldi grunaðir um að
tengjast smygli á rúmum þremur kílóum af mjög
sterku kókaíni til Íslands fyrr í mánuðinum.
Faðirinn, Guðmundur R. Guðlaugsson, var hand-
tekinn laugardaginn 10. apríl, þegar fyrri hluti
kókaínsins kom til landsins. Sonurinn,
Guðlaugur Agnar Guðmundsson, var
handtekinn á fimmtudaginn í síð-
ustu viku þegar hann kom til
landsins að utan. Faðir-
inn hefur ekki hlotið
refsidóma en sonur-
inn hefur áður verið
dæmdur fyrir þjófn-
aði, gripdeild, frels-
issviptingu, og líkams-
árás. Fimm aðrir sitja
í haldi vegna málsins,
þeirra á meðal Davíð Garð-
arsson, margdæmdur brota-
maður og fyrrverandi flóttamaður.
Höfuðpaurarnir í málinu ganga þó enn lausir og
hefur þeirra verið leitað á Spáni frá því að málið
kom upp. Annar þeirra er Sverrir Þór Gunnarsson,
einn höfuðpauranna úr stóra fíkniefnamálinu svo-
kallaða sem upp kom um aldamót.
Hann er grunaður um að standa að baki mörgum
stórum fíkniefnamálum sem upp hafa komið hér-
lendis og erlendis síðustu ár. Hinn
er ríflega þrítugur Íslendingur sem
hlotið hefur dóma fyrir fíkniefna-
smygl.
Lögregla telur ljóst að ungt
par sem handtekið var á Spáni í
desember síðastliðnum með mikið
magn af kókaíni og situr nú þar í
fangelsi hafi verið að ganga erinda
þessara sömu manna. - sh, jss
Lögregla leitar tveggja höfuðpaura á Spáni vegna stórfellds kókaínsmygls:
Feðgar í haldi vegna kókaínsmygls
SKIPULAGSMÁL Umsókn um leyfi
til að breyta Heilsuverndarstöð-
inni á Barónsstíg í Icelandair
hótel er enn óafgreidd hjá borg-
aryfirvöldum. Málinu var frestað
á síðasta fundi skipulagsráðs að
ósk Sóleyjar Tómasdóttur, full-
trúa Vinstri grænna.
Sóley kvaðst í gær lítið geta
tjáð sig um málið því það væri
viðkvæmt. Ekki náðist í Júlíus
Vífil Ingvarsson, formann skipu-
lagsráðs, en samkvæmt síðustu
fundargerð ráðsins virðist ljóst
að meirihluti ráðsins var reiðu-
búinn að samþykkja áætlanir um
hótelrekstur í byggingunni. - gar
Hótel á Barónsstíg óafgreitt:
Viðkvæmt segir
fulltrúi VG
HEILSUVERNDARSTÖÐIN Eigandinn
óskar eftir að breyta húsinu í hótel fyrir
vorið.
IÐNAÐUR Alcan á Íslandi hefur
samið við Íslenska aðalverk-
taka um ákveðnar verklegar
framkvæmdir við fyrri áfanga
straumhækkunar í Straumsvík.
Samningurinn nemur 4,1 millj-
ón Bandaríkjadala, eða 526 millj-
ónum íslenskra króna. Um sjötíu
starfsmenn munu hafa vinnu af
þessu, og hefst hún í mánuðinum.
Svo segir í tilkynningu frá
Alcan, sem barst í gær. Þar segir
enn fremur að straumhækkun
álversins kosti hundrað milljónir
Bandaríkjadala í heild sinni og að
þriðjungur þess komi til með að
falla til á Íslandi. - kóþ
Álver Alcan í Straumsvík:
Stækkað fyrir
526 milljónir
EFNAHAGSMÁL Stjórnvöld í Dan-
mörku, Finnlandi, Noregi og
Svíþjóð hafa samþykkt að veita
íslenskum stjórnvöldum aðgang
að lánafyrirgreiðslu upp á 440
milljónir evra, jafnvirði 75 millj-
arða króna. Samþykkt fyrir því
kom í kjölfar annarrar endur-
skoðunar efnahagsáætlunar AGS
og stjórnvalda hér.
Greining Íslandsbanka bend-
ir á að tveir áfangar séu eftir
af endurskoðun áætlunarinnar.
Lánin frá Norðurlöndunum munu
nema 1,8 milljörðum evra. - jab
Íslandslán frá Norðurlöndum:
Helmingi áætl-
unarinnar lokið
KÓKAÍN Aðeins einu sinni hefur stærra
kókaínmál komið
upp á Íslandi.
VIÐSKIPTI „Þetta lán tryggir okkur
aðgengi að krónum til rekstrar
hér. Við erum stöðugt að vinna
í þessum málum,“ segir Hörð-
ur Arnarson, forstjóri Lands-
virkjunar, en hann skrifaði í gær
undir samning um veltilán frá
Íslandsbanka upp á þrjá millj-
arða króna til þriggja ára í nafni
Landsvirkjunar.
Lánið er sambærilegt við yfir-
dráttarheimild og má ganga á það
með litlum fyrirvara. Landsvirkj-
un hefur sambærilegan aðgang
að 280 milljónum Bandaríkjadala
vegna erlends kostnaðar. Lands-
virkjun á fyrir laust fé upp á 110
milljónir Bandaríkjadala, jafn-
virði fjórtán milljarða króna, og
ræður yfir nægu fjármagni til að
standa við allar skuldbindingar
til ársloka 2012. - jab
Landsvirkjun fær krónulán:
Fer í innlendan
rekstrarkostnað
1. Sá sem æskir náðunar sendir
beiðni til dómsmálaráðuneytis.
2. Ráðuneyti aflar gagna frá fang-
elsisyfirvöldum og sendir málið
til náðunarnefndar.
3. Náðunarnefnd skoðar málið og
sendir tillögu til ráðuneytisins.
4. Ráðuneytið tekur ákvörðun, en
undantekningalaus áratuga-
hefð er fyrir því að það fari eftir
tillögu nefndarinnar.
5. Sakamanni er tilkynnt um
synjun, eða forseta Íslands send
tillaga um að sakamaður verði
náðaður.
6. Forsetinn staðfestir náðun.
* Heimild: Dómsmála-
og mannréttindaráðuneytið
Svona er náðað
Náðun samkvæmt stjórnarskrá
29. grein: Forsetinn getur ákveðið, að saksókn fyrir afbrot skuli niður falla,
ef ríkar ástæður eru til. Hann náðar menn og veitir almenna uppgjöf saka.
Ráðherra getur hann þó eigi leyst undan saksókn né refsingu, sem lands-
dómur hefur dæmt, nema með samþykki Alþingis.
STJÓRNSÝSLA Jafnréttisstofa mun
senda fjármálaráðherra erindi og
óska eftir rökstuðningi hans fyrir
því að ekki sé gætt að kynjahlutföll-
um við skipan í starfshóp sem fjalla
á um breytingar á skattkerfinu. Í
starfshópinn voru skipaðir fimm
karlmenn og ein kona.
„Það er algerlega skýrt í lögum
að hlutur hvors kyns skal vera að
lágmarki 40 prósent, nema alveg
sérstök rök séu fyrir því,“ segir
Kristín Ástgeirsdóttir, fram-
kvæmdastýra Jafnréttisstofu.
Slík rök gætu til dæmis verið
þau að ekki finnist sérfræðingar
af báðum kynjum í ákveðn-
um málaflokkum. Það geti
þó varla átt við í þessu máli.
Í sex manna starfshópi
ættu að sitja þrjár konur og
þrír karlar svo farið sé að
lögum.
„Að sjálfsögðu á ríkið að
ganga á undan með góðu for-
dæmi,“ segir Kristín. Hún
ætlar að skrifa fjármála-
ráðherra bréf þar sem farið
verður fram á skýringar eða að
skipað verði á ný í starfshópinn.
Fjármálaráðherra skipaði tvo af
sex fulltrúum í starfshópnum, karl
og konu. Forsætisráðherra,
félagsmálaráðherra, efna-
hagsráðherra og samgöngu-
ráðherra skipuðu einn full-
trúa hver, allt karlmenn.
Steingrímur J. Sigfússon
fjármálaráðherra segir að
ekki sé búið að ganga end-
anlega frá skipan starfs-
hópsins, þrátt fyrir að til-
kynning þar um hafi verið
send fjölmiðlum. Þegar í
ljós hafi komið hvernig kynjahlut-
föllin væru hafi verið gengið í að fá
nýjar tilnefningar frá einhverjum
af ráðuneytunum. - bj, kóp
Jafnréttisstofa vill skýringar á skökku kynjahlutfalli í starfshópi fjármálaráðherra:
Ein kona í sex manna hópi
STEINGRÍMUR J.
SIGFÚSSON
SPURNING DAGSINS