Fréttablaðið - 21.04.2010, Blaðsíða 35

MIÐVIKUDAGUR 21. apríl 2010 27
Leiklist ★★★
Stræti eftir Jim Cartwright
Þýðing: Árni Ibsen Leikmyndahönn-
un: Vytautas Narbutas. Búningar:
Filippía Elísdóttir. Lýsing: Páll Ragn-
arsson og Björn Bergsteinn Guð-
mundsson. Tónlist: Vala Gestsdóttir og
Arndís Hreiðarsdóttir. Leikstjóri: Stefán
Baldursson.
Stræti eftir Jim Cartwright hent-
ar að sumu leyti vel sem lokaverk-
efni fyrir sjömenningana sem eru
að klára í leiklistardeild Listahá-
skólans. Víst ná þau bestum tökum
á yngri persónum í verkinu þótt þau
takist á við fullorðið fólk og eldri
borgara af sömu einbeitingu og þá
yngri. Sýningin dreifir verkefnum
á allan hópinn og þau sýna vel hvað
í þeim býr. Hér vegur bæði hvernig
hlutverkin falla í framgangi leiksins
og eins hvernig leikstjórinn, Stef-
án Baldursson, dreifir þeim. Verk-
ið nýtur sín prýðilega í víðu rými
á jarðhæð Landsmiðjunnar gömlu
sem er skreytt graffi, leikmunir
eru fáir og hinn verklegi framgang-
ur sýningarinnar var prýðilega vel
heppnaður þótt hún væri víða full
gisin í tempói og dytti á köflum
niður sem skýrist að hluta af því að
leikstjórinn vill láta unga leikendur
takast á við mishraða í leiknum sem
tekst ágætlega þótt það dragi nokk-
uð úr agressjóninni í verkinu.
Nemendasýningar eru merkilegt
einstigi í leikstjórn. Stefán hefur í
seinni tíð lent dálitið mikið í að svið-
setja verk um lágan lýð vestrænna
samfélaga, ég veit ekki beint hvort
það hentar honum best en það er
alltaf gaman að sjá verkin hans.Svo
má aftur spyrja: verk sem sprett-
ur upp úr eymd norðursvæðanna
á Englandi eftir hinn dimma vetur
óánægjunnar og verður sumpart
inngangur fyrir hópinn sem kennd-
ur er við „inyourface“, hvernig
dugar það hér og nú svo rækilega
sem Strætið reyndist bundið í tíma.
Heldur þótti mér það hafa rýrnað.
En krakkarnir eru flestallir
afbragð í þessum árgangi: kynnir-
inn Scullery sem Hilmar Jensson
leikur af krafti tapaði nokkuð gildi
sínu í sýningunni, varð eintóna og
dreif engan veginn atburðarásina
þótt Hilmar héldi vel um þau fáu
spil sem hann hafði á hendi. Nafni
hans Guðjónsson lék nokkur hlut-
verk, óborganlegur sem eldri maður
á kvennafari og dauður dáti. Leik-
ur hans í því magnaða hlutverki
skinnarans var óravegu frá minn-
isstæðri túlkun Baltasars fyrir
fimmtán árum, stundum eins og
kópía af Birni Thors. En þeir eru
báðir kraftmiklir og öruggir strák-
ar. Ævar þór Benediktsson sýndi
raunar lang fjölbreytilegastan leik:
ungur strákur í svelti, gamall maður
í ljóma liðinna danshúsa og svo sem
ungur uppi í kvennaleit.
Stelpurnar fjórar máttu svo vera
snöggar í tíðum skiptingum og hoppi
milli persóna: Lára Jóhanna Jóns-
dóttir með opinn og bjartan svip
sem stúlka á strákafari og glyðru-
leg og smámælt í annars konar
djammara. Þórunn Arna Kristjáns-
dóttir óhugnanleg í hlutverki bar-
innar konu, frökk og fín sem stelpa
á djamminu sem greinir möguleik-
ann á að komast burtu, kannski síst
sem smástelpugæra. Anna Gunndís
Guðmundsdóttir nöturleg bæði sem
gömul kona og stúlkubarn, Svandís
Dóra Einarsdóttir í hlutverkum mið-
aldra kvenna af ýmsu standi. Hóp-
urinn er sterkur í skjóli öryggis
fjögurra ára samvinnu en svo tekur
samkeppnin harða við.
Nýnæmið af nýjum andlitum
kemur alltaf skemmtilega á óvart
þó það sé fyrst í ólgusjó stærri
sýninga og smærri þar sem þess-
ir krakkar verða að takast á við
þroskaðri listamenn sem við getum
greint hvaða töggur eru í þeim.
En allt bendir til að í árganginum
fáum við krafta sem ættu að duga
okkur vel á sviðum næstu áratugina
þótt tölfræðin bendi til að einung-
is helmingur þeirra verði starfandi
í leikhúsi næstu áratugi. Sýning-
ar verða fáar næstu vikur og sal-
urinn tekur fáa í sæti svo best er
áhugasömum að drífa sig. Sýn-
ingaplan er á midi.is og er upp-
selt á fjórar sýningar í næstu viku.
Páll Baldvin Baldvinsson
Niðurstaða: Nokkuð rysjótt sýning
en með athyglisverðri persónusköpun
þótt tíminn hafi rýrt verkið nokkuð.
Hinn harði heimur strætisins
Söngvabókin Í grænni lautu eftir Ragnheiði Gestsdóttur hefur
nú verið endurútgefin hjá Máli og
menningu. Þessi bráðskemmtilega
bók geymir
skemmtilega
söngva-
leiki sem
Ragnheiður
hefur safnað
saman, leiki
sem börn á
öllum aldri
hafa um árabil skemmt sér við jafnt
úti sem inni. Sumir leikirnir hafa geng-
ið kynslóð fram af kynslóð en aðrir
eru nýrri. Bókin er ómissandi hverjum
barnahópi, í skólum, leikskólum og
heimahúsum. Ragnheiður Gestsdóttir
hefur skrifað og myndskreytt fjölda
barna-, unglinga- og kennslubóka.
Bók hennar Ef væri ég söngvari var
mest selda barnabók síðasta árs og
hlaut Dimmalimm-verðlaunin í fyrra.
Ragnheiður hlaut einnig Norrænu
barnabókaverðlaunin og Barnabóka-
verðlaun fræðsluráðs fyrir bók sína
Sverðberann árið 2004 og Íslensku
barnabókaverðlaunin fyrir skáldsög-
una Leikur á borði árið 2000.
Óðahalaringla er skrýtin og skemmtileg furðuskepna sem
lítur dagsins ljós þegar saman koma
þrjár kostulegar kvæðabækur Þórarins
Eldjárns með
frábærum mynd-
skreytingum
Sigrúnar systur
hans: Óðfluga,
Heimskringla
og Halastjarna. Í
Óðhalaringlu eru
svo sannarlega
höfð endaskipti á
tilverunni og eitt
og annað verður
óðhalaringlað svo um munar; bílar
verða sófasett á hjólum, brunahani
er á strigaskóm og beljur svífa á svelli
í skautadansi svo eitthvað sé nefnt.
Safnið kom út fyrir fáeinum árum og
er nú endurprentað fyrir nýjar kyn-
slóðir. Vaka Helgafell gefur út á ný.
Sumardagurinn fyrsti hefur löngum þótt kjörinn gjafadagur
til barna og er hægt að hugsa sér
betri sumargjöf en bókina En hvað
það var skrýtið eftir Pál J. Árdal með
myndlýsingum Halldórs Péturssonar.
Bókverkið kom út á sjötta áratugn-
um og er nú gefið út á ný. Sagan af
ömmustelpunni í sparikjólnum sem
fór út að leika sér í sólinni hefur
glatt kynslóðir Íslendinga áratugum
saman. Kvæði Páls J. Árdals, En hvað
það var skrýtið, með myndum Hall-
dórs Péturssonar kom fyrst út árið
1955 og er fyrir löngu orðið sígilt.
Mál og menning gefur út.
Ný saga um Maximús Músikús er komin út hjá Máli og menningu.
Enn segir þar af músinni og ferðum
hennar um
tónlistar-
heimana.
Höfundar
eru sem í
fyrri bók-
inni þau
Hallfríður
Ólafsdóttir
og Þórarinn
Már Bald-
ursson, en
bókinni
fylgir geisladiskur þar sem Valur
Freyr Einarsson les söguna og ungir
einleikarar flytja tónverkin sem við
sögu koma undir stjórn Daníels
Bjarnasonar. Mál og menning gefur
út og hefur líka gefið fyrstu bókina,
Maxímús Músikús heimsækir hljóm-
sveitina, út á ný.
NÝJAR BÆKUR
Eir hjúkrunarheimili
hefur tekið í notkun öryggisíbúðir fyrir aldraða
EIRBORGIR, við Fróðengi 1-11 í Reykjavík
Til sýnis sumardaginn fyrsta 22. apríl frá kl. 13 - 17
Íbúðirnar eru til sýnis fimmtudaginn 22. apríl
frá 13-17 og munu starfsmenn Eirar veita
upplýsingar á staðnum um verð þeirra,
greiðslukjör og þjónustu í húsinu.
Íbúðirnar, sem eru af nokkrum stærðum, eru
sérhannaðar þannig að aðgengi er mjög gott
og auðvelt að veita aðstoð og hjúkrun þeim
sem þurfa. Hægt er að ferðast á hjólastól
eða rafskutlu um allt húsið.
Fullkomið öryggiskerfi er í öllum íbúðunum
tengt vaktstöð og vakthafandi starfsfólki.
Innangengt verður úr öllum íbúðunum við
fyrirhugaða þjónustu- og menningarmiðstöð
Reykjavíkurborgar.
Hjúkrunarheimilið Eir | www.eir.is | Sími 522 5700 | Fax 522 5751
LEIKLIST Trúarlegar
uppstillingar koma
víða fyrir í sviðsetn-
ingu Stefáns Bald-
urssonar í Stræti:
Hilmar Jensson og
Lára Jóhanna í hlut-
verkum sínum.
FR
ÉTTA
B
LA
Ð
IÐ
/VA
LLI