Fréttablaðið - 26.04.2010, Blaðsíða 6
6 26. apríl 2010 MÁNUDAGUR
Ingigerður Guðmundsdóttir
löggiltur sjúkraþjálfari
Eva-Marie Björnsson
löggiltur sjúkraþjálfari
Steinunn Sæmundsdóttir
löggiltur sjúkraþjálfari
Við höfum tekið til starfa!
Tímapantanir í síma 5677455
„Þau eru ekkert að gefast upp,“ segir
Pálmi Jóhannsson, tengdasonur hjónanna
á Seljavöllum undir Eyjafjöllum, sem er
ein þeirra jarða sem hvað mest hefur orðið
fyrir barðinu á öskufalli frá Eyjafjalla-
jökli.
Fjöldi jeppamanna úr Ferðaklúbbnum
4x4 var mættur að Seljavöllum um miðjan
morgun í gær til að aðstoða heimilisfólkið
við að hreinsa ösku úr garðinum við húsið
og þar um kring. Við Seljavallalaug var
mannskapur frá Rauða krossinum í sömu
erindagjörðum. Af nógu var að taka og er
enn. Sjálfboðaliðar úr ýmsum áttum létu
til sín taka á þeim bæjum sem verst urðu
úti. Auk félaga úr Rauða krossinum og
jeppaklúbbnum 4x4 sem áður eru nefndir
voru liðsmenn björgunarsveita og slökkvi-
liðsmenn við störf.
Pálmi segir hreinsunarstarfinu verða
haldið áfram í einni eða annarri mynd.
Von sé á tækjabíl frá sveitarfélaginu til
að sópa betur upp í kringum bæinn. Stóra
spurningin snúist nú um það hvaða áhrif
askan hefur á ræktarlandið.
„Það verður gaman að sjá hvað gerist ef
það rignir svolítið hressilega, hvort askan
fer ofan í jarðveginn eða verði að steypu.
Það er erfitt að segja hvað verður en lík-
legast verður að plægja það. En það verður
þá varla mikil grasræktun í sumar,“ segir
Pálmi sem þó bendir á að tún Seljavalla
neðan þjóðvegar hafi sloppið miklu betur
frá öskufallinu sem hafi verið margfalt
meira upp í dal þar sem bærinn stendur.
„Það fóru jarðfræðingar hérna upp á heiði
og sögðu að gras væri strax farið að koma
upp úr öskunni þar.“
Á Seljavöllum búa hjónin Grétar Óskars-
son og Vigdís Jónsdóttir. Þau stunda fyrst
og fremst kúabúskap. Við komum bara
hérna að kíkja á þau og létta þeim lund-
ina,“ útskýrir Pálmi sem aðspurður kveð-
ur kýrnar á Seljavöllum allar á fjósi. „Þær
eru bara slakar en það verður að koma
í ljós hvernig haginn tekur við sér. Það
gæti þurft að hafa skepnurnar inni fram á
sumar.“ gar@frettabladid.is
Rísa úr öskunni undir Eyjafjöllum
Yfir eitt hundrað sjálfboðaliðar tóku þátt í að hreinsa ösku frá bæjum undir Eyjafjöllum í gær. Jeppamenn, björgunarsveitarfélagar og
liðsmenn Rauða krossins voru þar á meðal. Það verður ekki gefist upp, segir Pálmi Jóhannsson, tengdasonur hjónanna á Seljavöllum.
BURT MEÐ ÖSKUNA Slökkviliðsmenn spúluðu þetta hús sem
stendur við afleggjarann að Seljavöllum.
Á ÞORVALDSEYRI Búskap hefur verið slegið á frest á Þor-
valds eyri en hreinsunarstarfið hélt þar áfram í gær.
VIÐ SELJALAUG Fólk frá Rauða krossinum þreif af krafti í kringum sundlaugina.
GRÉTAR ÓSKARSSON OG JÓHANNA VIGDÍS PÁLMADÓTTIR Bóndinn á Seljavöllum leiðir dótturdóttur sína gegnum öskusvart bæj-
arhlaðið. FRÉTTABLAÐIÐ/PJETUR
GOS Í EYJAFJALLAJÖKLI
Ekkert sást til
gosmökksins úr
Eyjafjallajökli í
gærdag, hvorki
ofan né neðan frá,
að sögn sérfræð-
inga Veðurstof-
unnar og Jarð-
vísindastofnunar
Háskóla Íslands.
Mökkurinn var
hulinn skýjum
en samkvæmt
mælum Veðurstof-
unnar er gosóró-
inn svipaður og
verið hefur undan-
farna daga og engin merki um að gosi sé að ljúka þótt umfang gos-
mökksins hafi undanfarna daga farið dvínandi.
Hraun rennur í vesturátt og bræðir jökulinn en ekki er talin
hætta á flóðum þar sem vatnið nær ekki að safnast saman heldur
streymir sífellt áfram eftir árfarvegum. Líklegt er talið að hraun-
streymi hafi hafist á hádegi á miðvikudag og því til viðmiðunar er
tekið vatnsrennsli niður Gígjökul sem varð þá samfleytt og gufu-
myndun sást eftir hádegi þann dag við norðurjaðar sigketils. - jma
Hraunið rennur í vesturátt en ekki hætta á flóðum:
Gosóróinn svipaður
og undanfarna daga
GOSMÖKKUR HULINN SKÝJUM Ekkert sást til gosmökks-
ins úr Eyjafjallajökli í gærdag. MYND/MAGNÚS TUMI
Mánudagur 26. apríl: Suðaust-
anstrekkingur og dálítil rigning á
Suður- og Vesturlandi. Gosaska
berst til vesturs og norðvesturs frá
eldstöðinni en úrkoman dregur úr
öskumistri.
Þriðjudagur 27. apríl: Austlæg
átt. Líklega öskumistur yfir Suður-
og Suðvesturlandi.
Miðvikudagur 28. og
fimmtudagur 29. apríl: Norð-
austanátt og öskumistur berst
einkum í suðvestur af eldstöðinni.
Öskuspá
FRÉTTABLAÐIÐ/PJETUR