Fréttablaðið - 26.04.2010, Blaðsíða 18
26. APRÍL 2010 MÁNUDAGUR2 ● fréttablaðið ● híbýli og viðhald
Auglýsingasími
Allt sem þú þarft…
Það hvín í borvélum og hvers
kyns árafærum þegar stigið er
inn í nýbygginguna við Suður-
landsbraut 66. Hér er hjúkr-
unarheimili risið á vegum ríkis
og borgar og iðnaðarmenn í
hinum ýmsu greinum keppast
við að koma því í fullkomið
horf fyrir haustið.
„Það er mikið að gerast í þessu
húsi enda verðum við að halda vel
áfram,“ segir Gunnar Sigurðsson
verkefnisstjóri og sýnir Frétta-
blaðsfólki fúslega hið nýja stórhýsi
í Safamýrinni. Hæðirnar eru fjór-
ar, auk kjallara sem mun meðal
annars hýsa skrifstofur, eldhús,
sjúkra- og iðjuþjálfun ásamt hár-
greiðslustofu. Hæð eitt, tvö og þrjú
eru nánast allar eins nema hvað
útsýnið úr gluggunum víkkar að
sjálfsögðu og verður tilkomumeira
eftir því sem ofar dregur. Þrjátíu
hjúkrunarrými með snyrtingum
verða á hverri þeirra en tuttugu á
þeirri fjórðu. Á hverri hæð verða
svo borðstofur og nokkrar setustof-
ur þar sem hægt verður að koma
saman, taka í spil eða handavinnu
og horfa á sjónvarpið.
Íbúar hússins munu líka geta
notið útivistar á góðviðrisdögum
því stórar svalir eru bæði til suð-
austurs og norðvesturs á hverri
hæð og pallur með gróðri og gang-
brautum snúa einnig mót norð-
vestri á fyrstu hæðinni.
Allar hurðir og innréttingar eru
smíðaðar hjá TH ehf. á Akranesi
og Ísafirði og starfsmenn þess eru
í óða önn að setja tréverkið upp.
Það er arkitektastofan Yrki sem
teiknaði húsið og Landslag ehf. sér
um hönnun umhverfisins í kring
en fyrirtækið Já verktakar er að-
alverktaki framkvæmdanna. - gun
Mikið að gerast í þessu húsi
Landslag ehf. hefur með lóðina að gera. Við suðausturhlið hússins er kominn þessi myndarlegi grjótveggur.
Gunnar Sigurðsson hefur umsjón með verkinu fyrir hönd framkvæmdasýslu ríkisins.
Bak við hann á að verða inngangur í húsið.
Hjúkrunarheimlið setur sterkan svip á Safamýrina.
Listrænn arkitektúr
við stigann.
Atli Þór Agnarsson
með hálfan hurðar-
karm á öxlinni. Hann
vinnur hjá fyrirtækinu
TH sem sér um tréverk-
ið í húsinu.
FR
ÉT
TA
BL
A
Ð
IÐ
/P
JE
TU
R
Sveinbjörn Logi og Jón,
starfsmenn Já verktaka,
mæla fyrir handriðsfest-
ingum við stigann.