Fréttablaðið - 28.04.2010, Blaðsíða 2

2 28. apríl 2010 MIÐVIKUDAGUR
STJÓRNMÁL „Auðvitað getur tal-
samband skipt máli en ég held að
það flytji engin fjöll. Á endanum
þurfa stjórnmálamenn að vera í
talsambandi við sína þjóð og verja
hennar hagsmuni,“ segir Árni Páll
Árnason félagsmálaráðherra. Þeir
Nick Clegg, leiðtogi Frjálslynda
flokksins í Bretlandi, eru gaml-
ir skólabræður og félagar. Árni
Páll segir að þeir haldi talsverðu
sambandi sín á milli og hafi síðast
skipst á tölvupósti í síðustu viku.
Fundum Nicks Clegg og Árna
Páls bar saman í Brugge í Belgíu
þar sem þeir voru við framhalds-
nám í Evrópuskólanum á árunum
1991 og 1992. „Ég var í lögfræði,
hann í stjórnunarnámi. Þetta er
pínulítill skóli og við kynntumst,“
segir Árni Páll. „Hann er góður
drengur og mjög hæfileikarík-
ur stjórnmálamaður,“ segir Árni
Páll um Nick Clegg. Þeir eru ekki
flokksbræður, því það er Verka-
mannaflokkur Gordons Brown
sem er systurflokkur Samfylking-
arinnar í Bretlandi. „En Frjáls-
lyndi flokkurinn er sérstakur og
fyrir félagslega framsækið fólk
í Bretlandi er hann orðinn raun-
verulegur valkostur,“ segir Árni
Páll. „Maður fann að andstað-
an við Íraksstríðið breytti mjög
viðhorfum til hans, þá varð hann
raunverulegur valkostur fyrir
fjölda fólks.“
Árni Páll segist oft hafa rætt við
Nick Clegg um Icesave og íslensk
málefni frá hruni efnahagslífsins
hér á landi. Hann telur þó ekki
að kunningsskapur þeirra skipti
miklu máli fyrir samskipti Breta
og Íslendinga fari svo, sem margt
þykir nú benda til, að Frjálslyndi
flokkurinn eigi aðild að næstu
ríkisstjórn Bretlands.
Tengsl einstaklinga
eru ekki lykilatriði
Árni Páll Árnason félagsmálaráðherra og Nick Clegg, leiðtogi Frjálslynda flokks-
ins í Bretlandi, eru gamlir skólabræður og félagar. Þeir hafa haldið sambandi.
ÁRNI PÁLL Hefur rætt samskipti Íslands
og Bretlands við sinn gamla skólabróður
af og til frá hruni, en sá á nú í kosninga-
baráttu heimafyrir. FRÉTTABLAÐIÐ/ANTON
NICK CLEGG Formaður Frjálslynda
flokksins hefur vakið mikla athygli í
baráttunni vegna þingkosninganna í
Bretlandi hinn 6. maí. FRÉTTABLAÐIÐ/AP
„Ég held að við eigum alltaf að
forðast þá hugmynd að tengsl ein-
staklinga séu lykilatriði í stjórn-
málum,“ segir Árni Páll og bætir
við að það hafi komið íslenskum
stjórnvöldum í koll fyrir nokkrum
árum að telja sig geta byggt sam-
skipti við Bandaríkin á meintri
vináttu einstakra ráðamanna á
Íslandi við bandaríska valdamenn.
„Allir stjórnmálamenn þurfa á
endanum að rækta talsamband við
sína kjósendur og gæta hagsmuna
sinnar þjóðar.“ peturg@frettabladid.is
SAMKEPPNISMÁL Síminn hefur stefnt
Samkeppniseftirlitinu (SE) vegna
húsleitar í höfuðstöðvum fyrirtæk-
isins í síðustu viku. Starfsmenn
upplýsingaþjónustufyrirtækisins
Þekkingar, sem er í samkeppni við
Símann, aðstoðuðu við húsleitina og
fullyrða forsvarsmenn Símans að
þeir hafi þar komist yfir viðkvæm
gögn sem innihalda samkeppnisupp-
lýsingar. Síminn krefst þess að öllum
gögnum sem starfsmenn Þekkingar
öfluðu verði eytt, en segist þó fús til
að afhenda SE öll gögnin.
Þekking hefur kært Símann til SE
og er það mál nú í meðferð hjá SE.
Húsleitin í síðustu viku tengdist þó
ekki því máli.
„Það er alveg ótrúlegt að þeir
skuli nota keppinaut okkar, sem
ætti nú að duga eitt og sér, en
þegar það bætist við að það er úti-
standandi kæra á hendur okkur frá
Þekkingu þá gátum við ekki kom-
ist að neinni annarri niðurstöðu
en að við þyrftum að tryggja það
að þessi gögn væru ekki í höndum
þessa keppinautar. Við lítum þetta
mjög alvarlegum augum og teljum
þetta mjög óheppilegt,“ segir Sævar
Freyr Þráinsson, forstjóri Símans.
Páll Gunnar Pálsson, forstjóri SE,
vísar þessu á bug og segir eftirlit-
ið hafna kröfunni. „Það er ekkert
óheppilegt við þetta,“ segir hann.
SE hafi takmörkuð mannaforráð
og þurfi því gjarnan að bregðast
við með því að ráða utanaðkomandi
sérfræðinga í tiltekin verkefni. Þeir
starfi þá á ábyrgð og undir fyrir-
mælum SE.
„Þarna var um að ræða afmark-
að verkefni sem fólst í tæknilegri
aðstoð við afritun gagna og þessir
aðilar koma síðan auðvitað hvergi
nærri rannsókninni sjálfri og búa
ekki yfir þessum gögnum eða upp-
lýsingum úr húsleitinni.“ Útilokað
sé að starfsmennirnir hafi með þátt-
töku í húsleitinni orðið sér úti um
viðkvæmar samkeppnisupplýsingar.
- sh
Starfsmenn keppinautar Símans tóku þátt í húsleit hjá fyrirtækinu í síðustu viku sem undirverktakar:
Síminn stefnir Samkeppniseftirlitinu
PÁLL GUNNAR
PÁLSSON
SÆVAR FREYR
ÞRÁINSSON
STJÓRNMÁL Stjórnmálaflokkar og
prófkjörsframbjóðendur verða
skyldugir til að greina frá nöfn-
um allra þeirra sem styrkja þá
um meira en 200 þúsund krónur
verði nýtt frumvarp um fjármál
stjórnmálasamtaka og fram-
bjóðenda að lögum. Lágmarkið
var áður 300 þúsund krónur.
Það eru formenn allra flokka
nema Hreyfingarinnar sem
standa að frumvarpinu, sem var
lagt fram á Alþingi í gærkvöldi.
Meðal annarra nýjunga í
frumvarpinu er að frambjóðend-
um til forseta verður eftirleið-
is meinað að verja meiru en 35
milljónum króna í framboðið, og
að lög um upplýsingaskyldu taki
einnig til þeirra. - sh
Frumvarp um fjármál flokka:
Nafnleyndar-
markið lækkað
EFNAHAGSMÁL Ríkisstjórnin sam-
þykkti í gær að leggja allt að
350 milljónir í kynningarátak til
að vega upp á
móti neikvæð-
um áhrifum
eldgossins
í Eyjafjala-
jökli á bókanir
hjá íslenskum
ferðaþjónustu-
fyrirtækjum.
Átakið er
nauðsynlegt
til að verja
þann árangur sem náðst hefur
hjá íslensku ferðaþjónustunni,
segir Katrín Júlíusdóttir
iðnaðarráðherra.
Ríkið mun greiða helming á
móti hagsmunaaðilum, en ekki
hærri upphæð en 350 milljónir.
Katrín segir í raun um fjár-
festingu að ræða, ríkið muni fá
þessa upphæð til baka takist að
fá fleiri ferðamenn til landsins.
- bj
Ríkið leggur fé í markaðsátak:
Þurfti að bregð-
ast við gosinu
KATRÍN
JÚLÍUSDÓTTIR
STJÓRNMÁL Guðrún Valdimars-
dóttir, sem hafnaði í öðru sæti í
prófkjöri Framsóknarflokksins
fyrir borgar-
stjórnarkosn-
ingarnar í vor,
hefur ákveðið
að víkja sæti á
lista flokksins,
að því er fram
kemur í yfirlýs-
ingu.
Eiginmaður
Guðrúnar á hlut
í fyrirtækinu
Miðbæjareignum, sem tóku þátt
í endurhverfum viðskiptum við
Icebank fyrir hrun. Fjallað er um
fyrirtækið í rannsóknarskýrslu
Alþingis, en forsvarsmenn þess
sæta ekki opinberri rannsókn.
Guðrún sakar „ákveðinn hóp“
samflokksmanna sinna um að
vega að mannorði sínu og hafa
reynt að gera persónu sína tor-
tryggilega. - bj
Víkur sæta á lista Framsóknar:
Segir vegið að
mannorði sínu
GUÐRÚN
VALDIMARSDÓTTIR
SPURNING DAGSINS
Sígild ævintýri
ásamt geisladiski
í hverjum mánuði.
Fyrsta bókin
á aðeins
kr!
A
R
G
H
! 0
41
0
Skráðu þig á: klubbhusid.is
eða í síma 528-2000
Magnús, verður þetta bara
svona country and western?
Nei, alls ekki country, bara western!
Magnús Hávarðarson á Ísafirði auglýsir
þessa dagana eftir lögum í fyrstu söng-
lagakeppni Vestfjarða. Lögin þurfa að
tengjast Vestfjörðum á einhvern hátt til
að koma til greina.
LÖGREGLUMÁL Grunur leikur á að
Ragnar Z. Guðjónsson, fyrrver-
andi sparisjóðsstjóri Byrs, og
tveir framkvæmdastjórar, Atli
Örn Jónsson og Sighvatur Sigfús-
son, hafi nýtt sér innherjaupp-
lýsingar í viðskiptum með stofn-
fjárhluti í sjóðnum.
Fráfarandi stjórn Byrs hefur
vísað málinu til sérstaks sak-
sóknara, að því er fram kom í
fréttum Stöðvar 2 í gær.
Mennirnir þrír keyptu stofn-
fjárhluti í Byr í maí 2007 og
höfðu hagnast um tugi millj-
óna á viðskiptunum í júlí sama
ár. Á þeim tíma voru samninga-
viðræður í gangi milli Byrs og
Sparisjóðs Kópavogs í gangi sem
aðeins innherjum var kunnugt
um. - ghh
Saksóknari rannsakar viðskipti:
Viðskipti inn-
herja í skoðun
SAMGÖNGUR Þrjár þotur Icelandair lentu með far-
þega á Akureyrarflugvelli í gær eftir flug frá Glas-
gow í Skotlandi. Keflavíkurflugvöllur var lokaður
frá því í gærmorgun vegna ösku frá eldstöðinni
í Eyjafjallajökli, og féllu flug Iceland Express til
London og Kaupmannahafnar niður í gær.
Vonir standa til þess að hægt verði að fljúga
um Keflavíkurflugvöll í dag, en miðað við spá um
útbreiðslu ösku frá Eyjafjallajökli þykir ljóst að það
takist ekki fyrr en líða tekur á daginn.
Morgunflug Iceland Express, sem fara áttu frá
Keflavíkurflugvelli í morgun, voru felld niður í
gærkvöldi. Félagið tilkynnti þó að það stefndi á að
fljúga frá London og Kaupmannahöfn til Íslands um
miðjan dag í dag.
Icelandair stefnir á að fljúga um Keflavíkurflug-
völl seinnipart dags í dag, og er stefnt á flug til sjö
borga í Evrópu, auk þess sem flug frá Bandaríkjun-
um til Evrópu mun millilenda á Keflavíkurflugvelli.
Félagið áætlar að talsverðar seinkanir verði
á flugi í dag en flogið verði samkvæmt áætlun á
morgun. Icelandair hefur flogið um Glasgow-flug-
völl í Skotlandi á meðan óvíst hefur verið með
opnun Keflavíkurflugvallar, en ráðgerir nú að flytja
þá starfsemi sem var í Glasgow til Keflavíkur á
nýjan leik. - bj
Flogið um Akureyrarflugvöll en Keflavíkurflugvöllur lokaðist vegna eldgossins:
Vona að Keflavík opnist í dag
LOKAÐ Ekki var flogið um Keflavíkurflugvöll eftir klukkan 6 í
gærmorgun, en búist er við að flugvöllurinn opnist um miðjan
dag í dag. FRÉTTABLAÐIÐ/PJETUR