Fréttablaðið - 28.04.2010, Blaðsíða 22

28. APRÍL 2010 MIÐVIKUDAGUR
Verkmenntaskólinn á Akureyri
er næststærsti framhaldsskóli
landsins.
„Einkenni þessa skóla er mikil
breidd og fjölbreytni í námsfram-
boði,“ segir Hjalti Jón Sveins-
son, skólameistari Verkmennta-
skólans á Akureyri. Skólinn er
sá næststærsti á landinu með
um 1.200 til 1.300 nemendur sem
stunda nám við fjölbreyttar braut-
ir. „Við erum meðal annars með
öflugar bóknámsbrautir, stóra list-
námsbraut og hefðbundnar iðn-
greinar,“ upplýsir Hjalti Jón.
Hann segir aðsóknina í skólann
mjög góða og hafa farið vaxandi.
Þá hafi áhugi á verknáminu auk-
ist en í dag eru um sextíu prósent
nemenda í bóknámi en fjörutíu
prósent í verknámi af einhverju
tagi.
Í VMA hefur alla tíð verið lögð
mikil áhersla á sem mesta breidd í
námsframboði. Hjalti tekur dæmi
af hárgreiðslu sem nú er kennd
annað árið í röð og fullt nám í
bifvélavirkjun.
„Við leggjum einnig áherslu á að
auðvelt sé fyrir duglega nemend-
ur að ljúka stúdentsprófi á þrem-
ur árum,“ segir Hjalti Jón og tekur
fram að þeir geti þannig einnig
tekið nokkra áfanga í fjarnámi.
„Síðan eru endalausir möguleik-
ar til að raða saman náminu sínu
á fjölbreytilegan hátt.“
VMA hefur undanfarið aukið
samstarf við erlenda skóla. „Nem-
endur okkar hafa tekið þátt í
alþjóðlegum verkefnum og hingað
hafa komið skiptinemar sem setja
skemmtilegan svip á skólann,“
segir Hjalti Jón ánægður og bætir
við að mislitur nemendahópurinn
blandist mjög vel. „Þessi breiða og
fjölbreytta nemendaflóra er nú eitt
það skemmtilegasta við skólann.“
Félagslífið í skólanum er einnig
öflugt að sögn Hjalta Jóns, mikið
um söng og tónlist auk öflugrar
leiklistardeildar. Þá rekur skól-
inn heimavist ásamt Menntaskól-
anum á Akureyri. „Þar eru um
150 nemendur frá okkur,“ segir
Hjalti Jón og telur heimvistina til
fyrirmyndar. Þar líði nemendum
skólans vel, en þeir koma víða að.
Flestir frá Akureyri og sveitunum
í kring, en einnig af Norðvestur-
landi, Austurlandi, Vestfjörðum og
jafnvel Reykjavík.
Auðvelt að ljúka stúd-
entsprófi á þremur árum
„Fjölbreytt nemendaflóra setur skemmtilegan svip á skólabraginn,“ segir Hjalti Jón Sveinsson skólameistari. FRÉTTABLAÐIÐ/HEIÐA.IS
Auður Reynisdóttir útskrifaðist úr
listnámi frá Verkmenntaskólanum
á Akureyri um síðustu jól. Ég var
á myndlistakjörsviði en myndlist
var mitt áhuga-
svið þegar ég
byrjaði í nám-
inu,“ segir Auður
sem fékk mikinn
áhuga á sauma-
skap fyrir tveim-
ur árum. „Fyrir
ári gerði ég mér
grein fyrir að ég vildi læra meira
um saum. Þar sem ég var meira en
hálfnuð með listnámsbrautina ákvað
ég að klára og fara síðan suður í
klæðskeranám í Tækniskólanum,“
segir Auður en námið í Reykjavík
hefst ekki fyrr en í haust. Auður
ákvað að sitja ekki auðum höndum
heldur fékk að stunda nám á text-
ílbraut VMA. „Ég tek 20 einingar í
verklegum fögum og raðaði saman
því sem mig langaði að gera,“ segir
Auður sem er mjög ánægð með VMA
og sérstaklega listnámsbrautina þar
sem hún segir góðan anda ríkja.
Útskrifuð en
heldur áfram
Hermann Ingi Gunnarsson hóf
fyrst nám í VMA fyrir fimm árum
og sótti þá grunndeild málmiðnað-
ar og vélstjórn. Hann kláraði það
nám en lauk þó
ekki stúdents-
prófi. Eftir frí
frá skóla sneri
hann aftur til
að klára.
„ É g v i ld i
koma aftur hing-
að því mér líkar
vel við kennarana sem eru opnir og
vilja aðstoða mann, auk þess sem
umhverfið allt er þægilegt,“ segir
Hermann sem er ánægður með að
taka svo langan tíma í stúdents-
prófið. „Maður hefur meiri áhuga
núna enda er maður að þessu fyrir
sjálfan sig en ekki foreldrana.“
Hermann mun útskrifast með
yfir 200 einingar og hefur því
víðan grunn. „Mér finnst fjöl-
breytileikinn bestur við skólann,“
segir hann og stefnir á nám í Land-
búnaðarháskólann á Hvanneyri í
framhaldinu að læra búvísindi.
Útskrifast með
yfir 200 einingar
Sigríður Etna Marinósdóttir frá
Þistilfirði er 19 ára og útskrif-
ast af félagsfræðibraut frá VMA í
vor. Hún var ári á undan í grunn-
skóla og gat ekki
hugsað sér að
fara að heiman
svo snemma til
að fara í heima-
vist á Akureyri.
Hún byrjaði því
í VMA í fjar-
námi fyrsta árið
og hafði reyndar tekið nokkur fög
með tíunda bekk líka.
Fjarnámið á greinilega vel við
hana því hún hefur verið í fjarnámi
öll sumur en setið á skólabekk á
Akureyri á veturna. „Reyndar tók
ég líka eina önn í Hússtjórnar-
skólanum í Reykjavík vorið 2009,“
segir Sigríður Etna sem á greini-
lega auðvelt með að læra.
Hún er mjög ánægð með skól-
ann sinn. „Starfsfólkið er frábært
og manni finnst eins og hver og
einn nemandi skipti máli,“ segir
Sigríður.
Hver og einn
skiptir máli
Útgefandi: 365 miðlar ehf., Skaftahlíð 24, s. 512 5000 l Umsjónarmenn auglýsinga: Bjarni Þór Sigurðsson bjarnithor@365.is s. 512 5471
og Sigríður Dagný Sigurbjörnsdóttir sigridurdagny@365.is s. 512 5462.
Verkmenntaskólinn
á Akureyri
Þriggja ára nám til stúdentsprófs
fyrir duglega nemendur
Fjölskrúðugt skólasamfélag þar sem kapp-
kostað er að mæta þörfum allra nemenda
Nánari upplýsingar á heimasíðunni: www.vma.is
Stúdentspróf að
loknu starfsnámi
Margvíslegir kostir
og sveigjanleiki við
samsetningu náms
Iðnnám og starfs-
brautir við allra hæfi
Öflugt félagslíf og
frábær heimavist