Fréttablaðið - 28.04.2010, Blaðsíða 42
26 28. apríl 2010 MIÐVIKUDAGUR
sport@frettabladid.is
Júlíus Jónasson mun taka við þjálfun karlaliðs Vals eftir þetta tímabil
en þetta var tilkynnt í gær. Júlíus er uppalinn Valsari, lék með félaginu
upp alla yngri flokka og hefur unnið alla titla með félaginu. „Ég tengist
félaginu böndum eftir öll þessi ár,“ segir Júlíus en vill samt ekki segja
að það hafi verið draumastarfið að þjálfa Valsliðið.
„Þegar maður er að þjálfa þá hefur það alveg komið upp
í kollinn að það væri gaman að þjálfa Val einhvern tímann.
Það hefur samt ekki verið stefnan að fara þangað enda
meistaraflokkurinn búinn að vera í fínum málum og með
frábæran þjálfara öll þessi ár en ég held að Óskar sé búinn
að vera þarna í sjö ár,“ segir Júlíus.
Júlíus lék síðast með Val árið 2002 en fór síðan til ÍR þar
sem hann þjálfaði liðið í fimm ár. Hann hefur síðan verið
með kvennalandsliðið. „Það er öðruvísi að vera í daglegri
þjálfun en að vera með landslið. Bæði verkefnin eru
mjög skemmtileg,“ segir Júlíus. Júlíus er þjálfari
kvennalandsliðsins sem á góða möguleika á að
komast á sitt fyrsta stórmót og það kom aldrei til greina hjá Júlíusi að
hætta með stelpurnar.
„Það var ljóst frá byrjun að ég gat ekki hugsað um þetta eingöngu
út frá karlaliðinu. Þetta var allt gert í samráði við sambandið,“ sagði
Júlíus sem heldur áfram með kvennalandsliðið.
Hann segir að tímasetningin muni ekki hafa truflandi áhrif á
Valsliðið sem leikur fyrsta úrslitaleikinn á móti Haukum á
föstudaginn.
„Óskar kom að þessu hvenær ætti að setja þetta í loftið
með það í huga hvenær það væri hentugast fyrir leik-
mennina,“ segir Júlíus sem verður áfram bara áhorfandi út
tímabilið.
„Ég fylgist með eins og áður en kannski horfi á þetta
með öðrum augum,“ segir Júlíus en stelpurnar
verða í aðalhlutverki hjá honum fram á vor.
„Númer eitt, tvö og þrjú hjá mér í dag er að
tryggja stelpurnar í úrslitin á EM,“ segir Júlíus.
JÚLÍUS JÓNASSON: TEKUR VIÐ ÞJÁLFUN VALS EN ÞJÁLFAR KVENNALANDSLIÐIÐ ÁFRAM
Gat ekki hugsað um þetta eingöngu út frá karlaliðinu
SANYL
ÞAKRENNUR
• RYÐGA EKKI
• PASSA Í GÖMLU RENNUJÁRNIN
• STANDAST ÍSLENSKT VEÐURFAR
• AUÐVELDAR Í UPPSETNINGU
• ÓDÝR OG GÓÐUR KOSTUR
FÓTBOLTI Evrópumeistarar Barce-
lona taka á móti ítalska liðinu
Inter í seinni leik liðanna í undan-
úrslitum Meistaradeildar Evrópu
í kvöld. Inter vann fyrri leik lið-
anna, 3-1, á Ítalíu og Evrópumeist-
ararnir eiga því verk fyrir höndum
gegn lærisveinum José Mourinho
í kvöld.
José Mourinho, þjálfari Inter,
segir að það sé draumur hjá hans
félagi að komast í úrslit Meist-
aradeildarinnar en þráhyggja hjá
Barcelona.
„Þar liggur munurinn hjá félög-
unum. Draumur er tærari en þrá-
hyggja. Það fylgir því stolt að
dreyma, sama hvar þú ert í heim-
inum. Barcelona dreymdi að kom-
ast í úrslitaleikinn í Róm í fyrra en
það er þráhyggja hjá félaginu að
komast á Santiago Bernabeau í ár,“
sagði Mourinho af einstakri list á
blaðamannafundi í gær.
Stuðningsmönnum Inter bárust
góð tíðindi í gær þegar ljóst var
að Hollendingurinn Wesley Sneij-
der getur spilað með liðinu í kvöld
en hann meiddist í leik Inter um
síðustu helgi.
„Hann er ágætur og mun spila.
Við sjáum svo til þegar líður á
leikinn hvort hann geti spilað í 90
mínútur,“ sagði þjálfarinn.
Mourinho er á kunnuglegum
slóðum í Barcelona en hann vann
sem túlkur fyrir félagið á sínum
tíma. Hann óttast ekki hvernig
Barcelona stillir sínu liði upp í
kvöld heldur segist hann einbeita
sér að sínu liði.
„Barcelona er topplið með frá-
bærum leikmönnum og þjálf-
ara. Þeir hafa leikið fótbolta með
sömu hugmyndafræðinni í mörg
ár en að sama skapi hefur þetta
lið aðlagað sig breyttum aðstæð-
um hverju sinni. Við höfum séð
Zlatan og Messi spila ýmsar stöð-
ur og þetta lið getur spilað lifandi
og fjölbreyttan fótbolta. Við höfum
aftur á móti okkar leikstíl og erum
að hugsa um sjálfa okkur. Við
veltum ekki fyrir okkur hvernig
þeir spila,“ sagði Portúgalinn.
- hbg
Evrópumeistarar Barcelona eru með bakið upp við vegg fyrir seinni leikinn gegn Internazionale í kvöld:
Inter dreymir um að spila úrslitaleikinn
FAGNA ÞEIR Í KVÖLD? Leikmenn Inter fagna hér marki í fyrri leik liðanna. Þeir vonast
til þess að fagna í Barcelona í kvöld. NORDIC PHOTOS/GETTY IMAGES
KÖRFUBOLTI Benedikt Guðmunds-
son hefur hætt störfum hjá upp-
eldisfélagi sínu, KR, þar sem
hann hefur unnið frábært starf
síðustu árin.
Benedikt gerði karlalið félags-
ins að meisturum fyrir ári og
lék svo sama leik með kvennalið
félagsins í ár.
„Ég starfa ekki fyrir KR á
næsta ári hið minnsta. Við skild-
um í góðu og það eru engin leið-
indi í kringum mína brottför,“
segir Benedikt.
„Ég vildi vera með kvennaliðið
áfram en það er niðurskurður hjá
félaginu og ég hefði þurft að taka
á mig mikla launalækkun til þess
að halda því starfi áfram. Ég þarf
að sjá fyrir fjölskyldu og gat því
ekki tekið því sem var í boði. Ég
skil samt KR vel og því eru engin
illindi í þessu,“ segir Benedikt
en hann gerir einnig ráð fyrir að
láta af störfum sem íþróttafull-
trúi KR.
Benedikt segist þó ekki vera á
þeim buxunum að hætta að þjálfa
körfubolta.
„Ég ætla að þjálfa næstu 20
árin. Að þjálfa körfubolta er hluti
af mínum lífsstíl og ég vonast til
þess að finna annan góðan stað til
þess að vinna næsta vetur,“ segir
Benedikt. - hbg
Benedikt hættur hjá KR:
Ætla að þjálfa
næstu 20 árin
Á LAUSU Einn færasti körfuboltaþjálfari
landsins leitar nú að nýrri vinnu.
FRÉTTABLAÐIÐ/VILHELM
> Breytingar hjá Akureyri
Handknattleikslið Akureyrar mun taka einhverjum breyt-
ingum fyrir næsta vetur. Jónatan Magnússon er á leið til
Noregs og heyrst hefur að Árni Þór Sigtryggsson hafi einn-
ig hug á að reyna að komast að hjá erlendu félagi. Hermt
er að þjálfarinn, Rúnar Sigtryggsson, muni hætta með liðið
og hefur þegar heyrst að Akureyringar hafi
áhuga á Óskari Bjarna Óskars-
syni sem hættir með Val í sumar.
Hvort Óskar hafi áhuga á að fara
norður er svo annað mál. Þeir
Heimir Örn Árnason og Guðlaugur
Arnarsson verða áfram hjá liðinu að
óbreyttu.
FÓTBOLTI Íslenski landsliðsmaður-
inn Hermann Hreiðarsson hefur
gefið það út að hann vonist eftir
því að fá nýjan samning hjá Port-
smouth en núverandi samningur
Hermanns við félagið rennur út
í sumar.
Hermann er meiddur sem
stendur og spilar ekki aftur fót-
bolta fyrr en í október. Þrátt fyrir
það vonast hann til þess að vera
áfram hjá félaginu en hann er
afar vinsæll hjá stuðningsmönn-
um félagsins.
„Hermann mun snúa aftur og
hann er ekki að hætta í fótbolta.
Hann vonast til þess að snúa
aftur í október eða nóvember.
Ég tel að það væri sanngjarnt
af Portsmouth að bjóða honum
nýjan samning þar sem hann
hefur gefið félaginu allt sem
hann á,“ sagði Ólafur Garðarsson,
umboðsmaður Hermanns, við
Sky Sports.
„Við höfum ekki fengið neitt
tilboð enn sem komið er en Her-
mann vill vera hér áfram enda
líkar honum vel í Portsmouth og
hann elskar stuðningsmennina.
Ég tel að hann geti spilað meðal
þeirra bestu í 2-3 ár í viðbót.“
- hbg
Hermann Hreiðarsson:
Vill vera áfram
hjá Portsmouth
LÍTIÐ UM TILBOÐ Hermann er meiddur
og því ekki að furða að tilboðunum rigni
ekki inn. NORDIC PHOTOS/GETTY IMAGES
FÓTBOLTI FC Bayern er komið í
úrslit Meistaradeildar Evrópu í
fyrsta skipti síðan árið 2001. Þá
lagði liðið Valencia af velli eftir
vítaspyrnukeppni. Bayern skellti
Lyon í Frakklandi í gær, 0-3, með
mörkum frá Króatanum Ivica Olic.
Bayern vann því rimmu félaganna
4-0 samanlagt.
Gestirnir frá Þýskalandi voru
sterkari og á 26. mínútu kom Ivica
Olic þeim yfir í leiknum. Hann
fékk þá sendingu í miðjan teiginn,
snéri af sér varnarmann og kláraði
færið sitt með stæl. Enn eitt afar
mikilvæga markið hjá Króatanum
sem hefur reynst þýska félaginu
heldur betur dýrmætur í þessari
keppni í ár.
Frakkarnir reyndu af veikum
mætti að koma sér inn í leikinn en
uppskáru aðeins eitt færi í fyrri
hálfleiknum sem þeir misnotuðu.
Leikmenn þýska liðsins stýrðu
hraðanum í leiknum og virtust lík-
legir til þess að skora í fjöldamörg
skipti er þeir náðu boltanum. 0-1
stóð í leikhléi.
Þeir sem áttu von á því að Lyon
myndi hrista upp í hlutunum og
reyna djarfa hluti í síðari hálf-
leiknum urðu fyrir vonbrigðum.
Liðið átti engin svör við leik Bay-
ern í fyrri hálfleik og sama ráð-
leysið var í leik liðsins í síðari
hálfleik.
Mótlætið fór í taugarnar á heima-
mönnum og Cris fékk að fjúka af
velli á 56. mínútu fyrir skrautlega
tæklingu sem og að rífa kjaft. Sjö
mínútum síðar kláraði Olic dæmið
fyrir Bayern. Fékk smekklega
stungusendingu frá Altintop sem
hann skilaði í markið.
Olic var ekki á því að ljúka
keppni þrátt fyrir vænlega stöðu,
heldur vildi fullkomna þrennuna.
Hann náði þeim áfanga tólf mín-
útum fyrir leikslok er hann skor-
aði skallamark af stuttu færi. 0-3
og Bayern komið í úrslitaleikinn
með stæl.
Claude Puel, þjálfari Lyon, við-
urkenndi að sitt lið hefði einfald-
lega tapað fyrir betra liði.
„Ég verð að viðurkenna að þeir
voru sterkari. Það er reyndar synd
að við skyldum ekki jafna leikinn
því við fengum tækifæri til þess.
Þegar við missum síðan Cris af
velli var þetta erfitt. Bayern stýrði
leiknum og lét okkur hlaupa. Ég
get ekki gagnrýnt mína leikmenn
mikið því þeir lögðu sig fram,“
sagði Puel.
Arjen Robben, leikmaður Bay-
ern, hrósaði Olic eftir leikinn.
„Hann er ótrúlegur leikmaður.
Gefur meira en 100 prósent í hvern
leik og hleypur endalaust. Það er
lygileg orka í þessum manni. Hann
er liðinu okkar afar mikilvægur,“
sagði Robben eftir leikinn en hann
vill mæta Inter í úrslitum.
henry@frettabladid.is
Olic skaut Bayern í úrslit
Króatinn Ivica Olic sá til þess í gær að FC Bayern leikur til úrslita í Meistara-
deild Evrópu að þessu sinni. Olic skoraði þrennu fyrir Bayern gegn Lyon í
Frakklandi í gær. Bayern mætir Inter eða Barcelona í sjálfum úrslitaleiknum.
MAGNAÐUR Króatinn Ivica Olic hélt áfram að fara á kostum með FC Bayern í Meist-
aradeildinni í gær og skoraði þrennu að þessu sinni. NORDIC PHOTOS/AFP