Fréttablaðið - 28.04.2010, Blaðsíða 46
30 28. apríl 2010 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. innsigli, 6. í röð, 8. púka, 9. berg-
mála, 11. gangflötur, 12. gljáun, 14.
sítt, 16. í röð, 17. eyrir, 18. rjúka, 20.
svörð, 21. stagl.
LÓÐRÉTT
1. laut, 3. í röð, 4. umhverfis, 5. óvild,
7. tonn, 10. siða, 13. líða vel, 15.
traðkaði, 16. dolla, 19. samtök.
LAUSN
LÁRÉTT: 2. lakk, 6. rs, 8. ára, 9. óma,
11. il, 12. fágun, 14. langt, 16. de, 17.
aur, 18. ósa, 20. mó, 21. stag.
LÓÐRÉTT: 1. gróf, 3. aá, 4. kringum,
5. kal, 7. smálest, 10. aga, 13. una,
15. tróð, 16. dós, 19. aa.
„Ég veit ekki hvaða sess Rod
hefur í hugum fólks, en hann er
allavega einn besti söngvari allra
tíma í mínum eyrum og augum,“
segir söngvarinn Daníel Ágúst
Haraldsson.
Daníel Ágúst er einn af þrem-
ur stofnfélögum fyrsta Rod Stew-
art-klúbbsins á Íslandi. Hinir
tveir hafa einnig getið sér gott
orð á söngsviðinu, Krummi Björg-
vinsson úr Mínus og Birgir Ísleif-
ur Gunnarsson úr Motion Boys,
en stofnfundur klúbbsins var um
helgina.
„Þetta var innsiglað með góðum
drykkjum og góðri músík. Það var
náttúrulega bara hlustað á einn
mann allt kvöldið,“ segir Daníel
og bætir við í léttum dúr að það
sé algjör hneisa að maðurinn sé
ekki spilaður í útvarpi allan dag-
inn. „Það ætti að vera sérstök stöð
tileinkuð Rod Stewart.“
Rod Stewart-klúbburinn er fyrsti
aðdáendaklúbburinn sem Daní-
el Ágúst gengur í. Hann játar að
það sé við hæfi að sá klúbbur sé til-
einkaður Rod Stewart og hann sé í
þokkabót stofnmeðlimur. En hvert
eiga menn að snúa sér ef þeir vilja
ganga til liðs við klúbbinn?
„Það er ekkert mjög flókið. Bara
setja sig í samband við stofnmeð-
limi klúbbsins og mæta á næsta
fund með góða skapið og kannski
einhverja punkta um Rod eða lög
sem maður hefur ekki heyrt áður,“
segir Daníel áður en hann stiklar á
stóru um inntökuskilyrðin. „Það er
algjört skilyrði að menn hafi ein-
skæran áhuga á öllu sem maðurinn
hefur gert, sérstaklega í músík. Þó
að karakterinn sé mjög litríkur og
skemmtilegur og oft á tíðum kjána-
legur og þess vegna alveg stór-
kostlegur þá er það náttúrulega
músíkin sem stendur upp úr.“
Markmið klúbbsins eru háleit
og Daníel Ágúst horfir til útlanda
í þeim efnum. Alþjóðlegt samstarf
er á teikniborðinu, enda fjölmarg-
ir aðdáendaklúbbar tileinkaðir
Gamla rámi, eins og Rod Stewart
er jafnan kallaður. „Við þurfum að
gerast félagar í einhverjum stærri
söfnuðum og félögum; alþjóðasam-
tökum sem hafa það markmið að
dýrka Rod,“ segir Daníel að lokum.
atlifannar@frettabladid.is
DANÍEL ÁGÚST HARALDSSON: ROD ER EINN BESTI SÖNGVARI ALLRA TÍMA
Stofna fyrsta íslenska Rod
Stewart-aðdáendaklúbbinn
STOFNFÉLAGAR FUNDA Daníel Ágúst og Birgir Ísleifur hafa stofnað fyrsta íslenska Rod Stewart-aðdáendaklúbbinn. Á myndina
vantar Krumma Björgvinsson, sem var heima með pest. FRÉTTABLAÐIÐ/VALLI
VEISTU SVARIÐ
Svör við spurningum á bls. 8
1 Smygl á evrópskum fálkum
til Mið-Austurlanda.
2 Íslenskar pylsur líkar þýskum
bratwurst-pylsum, úr svínakjöti
og kryddi.
3 Embætti forseta Íslands.
„Þetta er verkefni sem fyrst var haldið í Póllandi árið
2006. Þá var galleríum víða um heim boðið að koma
og taka þátt í hátíðinni sem fram fór í yfirgefninni
villu í borginni Varsjá. Í ár var ákveðið að verkefnið
færi fram hér á landi og munu alls tólf gallerí taka
þátt auk Kling og Bang og i8 gallerí sem eru starfandi
hér í Reykjavík,“ segir Kristín Dagmar Jóhannesdótt-
ir verkefnastjóri. Villa Reykjavík fer fram í Reykja-
vík dagana 9. júlí til 31. júlí. Þar munu listagallerí
víðs vegar að taka þátt og mynda hálfgert listaþorp í
borginni miðri.
Að sögn Kristínar Dagmarar eru þau gallerí sem
boðað hafa komu sína hingað til lands í sumar mjög
skapandi og spennandi og munu þau standa fyrir
ýmsum skemmtilegum listviðburðum ásamt sínum
listamönnum. „Hver og einn byrjar á því að skipu-
leggja sitt verkefni í sínu heimalandi, svo koma þau
hingað í sumar og setja upp listsýningar auk annarra
viðburða líkt og tónleika, gjörninga og kvikmynda-
sýningar. Íslenska umgjörðin verður svo alfarið
í höndum Gallerí Kling og Bang og munu þeir sjá
um að setja upp sýningar íslensku listamannanna.
Hugmyndin er að hafa afmarkað svæði hér í borg-
inni þar sem hvert gallerí fær svolítið rými fyrir
sig. Við erum að skoða auð húsnæði víða um bæinn
en nákvæm staðsetning og heildardagsskrá verður
tilkynnt síðar.“ Kristín Dagmar segir verkefnið geta
haft góð áhrif á íslenskt listalíf auk þess sem það
eflir tengsl á milli íslenskra og erlendra listamanna.
„Það er frábært að fá þessi gallerí hingað, bæði fyrir
borgarbúa og svo auðvitað íslenskt listalíf. Þetta er
kjörið tækifæri fyrir listafólk til að sýna sig og sjá
aðra,“ segir Kristín Dagmar að lokum. Frekari upp-
lýsingar um hátíðina má finna á heimasíðu hátíðar-
innar www.villareykjavik.com. - sm
Listamessa í miðborginni
SKEMMTILEGT VERKEFNI Kristín Dagmar Jóhannesdóttir,
verkefnastjóri Villa Reykjavík, segir verkefnið hafa góð áhrif á
íslenskt listalíf. FRÉTTABLAÐIÐ/STEFÁN
„Mér líst vel á starfið og ætla að taka mér
tíma fram yfir helgi til að átta mig aðeins
hlutunum,“ segir Erna Kettler, nýráðinn dag-
skrárstjóri Ríkissjónvarpsins. Erna verður
yfir sameinaðri deild innlenda og erlenda
sjónvarpsefnisins hjá RÚV en hún var áður
á erlendu deildinni. Þá var hún einnig dag-
skrárstjóri erlendu deildarinnar á Stöð 2
en Erna sleit barnsskónum í dagskrárdeild
Stöðvar 2 og hefur því víðtæka reynslu í bæði
erlendum og innlendum dagskrárdeildum.
Töluverður styr hefur staðið um Ríkissjón-
varpið, ekki síst meðal íslenskra kvikmynda-
gerðarmanna eftir ummæli útvarpsstjórans
Páls Magnússonar um að RÚV hygðist ekki
fjárfesta í innlendu efni. Erna segist ekki
vera í aðstöðu til þess að tjá sig um það mál,
hún sé ekki einu sinni komin með lyklavöld-
in. „Við erum að sjálfsögðu öll af vilja gerð,“
segir Erna, sem var heldur ekki tilbúin til að
tjá sig um framtíð Spaugstofunnar sem hefur
legið í lausu lofti.
Þegar Erna er spurð hvort áhorfendur
eigi von á byltingu á dagskrá RÚV segist
hún vissulega hafa myndað sér skoðun á
því hvernig hlutirnir eigi að vera. Það séu
hins vegar nýir tímar og fólk verði að velta
hverri einustu krónu fyrir sér nokkrum sinn-
um. „Auðvitað viljum við vera með meira
af íslensku efni, við höfum verið með mikið
af heimildarmyndum en ekki eins mikið af
leiknu efni og við höfum viljað,“ segir Erna.
„En þetta snýst auðvitað allt um það hverju
við höfum efni á.“ - fgg
Tjáir sig ekki um framtíð Spaugstofunnar
NÝR DAGSKRÁRSTJÓRI Erna Kettler er nýr dagskrárstjóri
Ríkissjónvarpsins. Hún segir allt velta á því hversu
miklir fjármunir séu fyrir hendi.
„Sushi-staðurinn í Kringlunni er
mjög vinsæll. Ég fer oft þangað
þegar ég er í Reykjavík.“
Ísfirski tónlistarmaðurinn Biggibix, eða
Birgir Örn Sigurjónsson.
Eins og Fréttablaðið
greindi frá í gær þá eru
félagarnir Auðunn Blön-
dal, Egill Einarsson og
Sveppi staddir í Món-
akó þessa dagana
þar sem lokamót
Evrópumótarað-
arinnar í póker fer nú fram. Auðunn
og Egill tóku þátt og sá fyrrnefndi
datt út 40 mínútum áður en fyrsta
degi lauk. Sá síðarnefndi komst í
gegnum fyrsta dag, en datt út 40
mínútum eftir að mótið hófst á ný
á degi tvö. Félagarnir duttu báðir út
með tíupar á hendi …
Félagarnir eru einnig að taka
upp sjónvarpsþátt í Mónakó og
í nafni þess tók Sveppi þátt í
fjölmiðlapókermóti sem haldið var í
tengslum við Evrópumóta-
röðina. Auðunn og Egill
stýrðu honum í gegnum
það sem varð til þess að
spilafélagar Sveppa
sáu á honum bera
bumbuna oftar en
þeir kærðu sig um.
Kleópatra Kristbjörg, majónes-
forstjórinn þjóðþekkti, stal nánast
senunni á frumsýningu Íslands-
klukkunnar. Kleópatra mætti þar
ásamt fríðu föruneyti og nýjum
kærasta sem skar sig úr prúðbúnum
gestaskaranum, klæddur í skærgula
flíspeysu og gallabuxur. Þótt svokall-
aðir aðstoðarmenn forstjórans vildu
að ljósmyndarar næðu að fanga
skötuhjúin saman þá vildi Kristbjörg
ekki heyra minnst á slíkt.
Uppselt er á tónleika Hjaltalín og
Sinfóníuhljómsveitar Íslands sem
verða haldnir í Háskólabíói 16. júní.
Vegna þessara góðu viðbragða
verða haldnir aukatónleikar fyrir þá
sem ekki náðu sér í miða og verður
tilkynnt um dagsetningu þeirra
innan skamms. Sigríður Thorlacius
og félagar í Hjaltalín geta því vel við
unað og ljóst að
margir bíða spennt-
ir eftir þessum
fyrstu sameiginlegu
tónleikum þessara
tveggja mögnuðu
sveita. - afb, fgg, fb
FRÉTTIR AF FÓLKI
MATSEÐILL
RÉTTUR DAGSINS, súpa, fi skur og kaffi . . . . . . . 1290
Súpa dagsins fylgir öllum réttum
Fiskur og franskar . . . . . . . . . . . . . . . . . . . . . . . . . . . . 1190
Fiskibollur með lauksmjöri, remó og kartöfl um . . . 1090
Plokkfi skur með bernaissósu og rúgbrauði . . . . . . . 1190
Fiskisúpa, troðfull af fi ski, hvítlauksbrauð fylgir . . . 1390
Súpa dagsins . . . . . . . . . . . . . . . . . . . . . . . . . . . . . . . . 490
Gos, Kristall, Pilsner og kaffi . . . . . . . . . . . . . . . . . . . . 250