Fréttablaðið - 29.04.2010, Page 16

16 29. apríl 2010 FIMMTUDAGUR
Alþingi hefur til meðferðar
frumvarp um siðareglur
fyrir ráðherra og starfs-
fólk ráðuneyta. Í reglunum
er meðal annars fjallað um
góðar siðvenjur, hegðun,
hagsmunatengsl og upplýs-
ingagjöf.
Ráðherrum eru markaðir starfs-
hættir í tugum liða í siðareglum
sem stjórnvöld hafa ákveðið og
bíða lögfestingar. Jóhanna Sigurð-
ardóttir forsætisráðherra hefur
mælt fyrir frumvarpi þar um og
er það til meðferðar í allsherjar-
nefnd. Jóhanna hefur nokkrum
sinnum á þingferli sínum talað um
mikilvægi siðareglna fyrir stjórn-
málamenn og komst málið á dag-
skrá ríkisstjórnar Sjálfstæðis-
flokks og Samfylkingarinnar 2007
án þess þó að vera fylgt eftir.
Skuldir tilgreindar
Mörg ákvæði siðareglnanna eru
almenns eðlis og byggja á heil-
brigðri skynsemi. Í sumum felast
þó nýmæli. Til dæmis er kveðið á
um að ráðherrar upplýsi um skuld-
ir sínar. Í hagsmunatengslaskrán-
ingu Alþingis er þingmönnum gert
að upplýsa um eignir en ekki er
minnst á skuldir. Ráðherrar þurfa
því að ganga lengra en þingmenn í
upplýsingagjöf um fjárhagsmál.
Þá er athyglisvert ákvæðið sem
segir að forsendur ákvarðana ráð-
herra skuli vera opinberar nema
almannahagsmunir krefjist ann-
ars. Ráðherrar þurfa því að gera
grein fyrir ástæðum ákvarðana
sinna. Sömuleiðis er tiltekin frum-
kvæðisskylda um birtingu upplýs-
inga lögð á ráðherra.
Forsetinn næstur
Jóhanna Sigurðardóttir forsætis-
ráðherra hefur upplýst að hafin sé
vinna við að setja forsetaembætt-
inu siðareglur. Í skýrslu rannsókn-
arnefndar Alþingis er lagt til að
siðareglur gildi um embættið.
Ekki fást upplýsingar um hvort
líkur séu á að reglur um forsetann
verði í samræmi eða anda þeirra
er gilda eiga um ráðherra.
FRÉTTASKÝRING: Siðareglur fyrir ráðherra og starfsfólk ráðuneyta
Ráðherrar opinberi for-
sendur ákvarðana sinna
Nokkrar greinar úr siðareglunum
RÝNT Í SKÝRSLUNA Jóhanna Sigurðardóttir hefur, í kjölfar skýrslu rannsóknarnefndar Alþingis, sett af stað undirbúning setning-
ar siðareglna forsetaembættisins. Hún hefur þegar mælt fyrir frumvarpi um lögfestingu siðareglna ráðherra. FRÉTTABLAÐIÐ/GVA
Góðar siðvenjur í stjórnsýslu – nær til starfsfólks ráðuneyta
og ráðherra
■ Leitast við að skapa traust á og virðingu fyrir eigin stöðu og embætti með
trúverðugri og heilsteyptri framkomu.
■ Afgreiða mál með skýrum hætti jafnskjótt og því verður við komið.
■ Axla ábyrgð á eigin ákvörðunum og krefjast hins sama af öðrum.
■ Virða mörk stjórnmála og stjórnsýslu.
Siðareglur ráðherra
Hagsmunatengsl og hagsmunaárekstrar
■ Ráðherra veitir almenningi sem gleggstar upplýsingar um fjárhag sinn,
tekjur, eignir og skuldir. Hann upplýsir einnig um tengsl sín við stofnanir,
félög eða félagasamtök sem geta valdið hagsmunaárekstrum í starfi.
■ Ráðherra notfærir sér ekki stöðu sína, eða upplýsingar sem hún veitir
honum sérstakan aðgang að, til persónulegs ávinnings.
■ Ráðherra ber að hafa í huga í öllum samskiptum sínum við hagsmuna-
hópa að skyldur hans eru við almenning.
Ákvarðanir og meðferð verðmæta
■ Ráðherra axlar með viðeigandi hætti ábyrgð á ákvörðunum sínum og
gjörðum, sem skulu vera almenningi til heilla og í samræmi við stjórnar-
skrá og landslög. Ráðherra axlar með sama hætti ábyrgð á ákvörðunum
og gjörðum undirmanna sinna.
■ Forsendur ákvarðana skulu vera opinberar nema almannahagsmunir
krefjist annars. Æskilegt er að skriflegum gögnum um slíkar forsendur sé
haldið til haga.
Hegðun og framganga
■ Ráðherra ber að draga skýr mörk á milli einkalífs síns og opinberra
skyldustarfa og hefur ekki einkanot af gæðum starfsins umfram það sem
reglur hvers ráðuneytis leyfa.
■ Hafi ráðherra einkanot af hlunnindum sem tilheyra viðkomandi embætti
skal telja þau fram til skatts eftir því sem við á. Gjafir sem ráðherra þiggur
í krafti embættis síns renna til viðkomandi ráðuneytis.
■ Ráðherra gerist ekki sérstakur fulltrúi eða talsmaður einstakra fyrirtækja
innanlands eða á erlendum vettvangi.
■ Ráðherra gætir þess að rýra ekki virðingu embættis síns með ámælis-
verðri framkomu, skeytingarleysi um lög eða virðingarleysi við manngildi
og mannréttindi, svo sem með kaupum á kynlífsþjónustu.
Vinnubrögð
■ Ráðherrar byggir ákvarðanir sínar á bestu fáanlegum upplýsingum og
leitar faglegs mats embættismanna og annarra sérfróðra aðila áður en
ákvarðanir eru teknar um einstök mál eftir því sem við á.
■ Ráðherra leitast við að vera í sem bestum tengslum við almenning.
■ Ráðherra gerir skýran greinarmun á flokkspólitísku starfi, svo sem í tengsl-
um við kosningar, og verkefnum ráðuneytis síns hverju sinni.
Upplýsingagjöf
■ Ráðherra leynir ekki upplýsingum sem hann býr yfir um málefni sem
varða almannahag nema lög bjóði eða almannahagsmunir krefjist þess
að öðru leyti. Ráðherra ber að hafa frumkvæði að birtingu slíkra upplýs-
inga sé hún í almannaþágu.
■ Ráðherra leggur sig fram um að upplýsa almenning og fjölmiðla með
reglulegum og skipulegum hætti af hreinskilni um störf ráðuneytis síns.
Samskipti við samstarfsfólk og almenning
■ Ráðherra gerir skýran greinarmun á pólitísku hlutverki sínu og hlutverki
sínu sem æðsta yfirmanns ráðuneytis. Hann krefst þess af starfsfólki
ráðuneytis síns að það láti pólitísk sjónarmið ekki hafa áhrif á störf sín og
virðir um leið pólitískt hlutleysi þess.
FRÉTTASKÝRING
BJÖRN ÞÓR SIGBJÖRNSSON
bjorn@frettabladid.is
TÖLVUNARFRÆÐI
ÞAR SEM FRAMTÍÐIN VERÐUR TIL
Tölvunarfræðideild HR og samstarfsaðilar bjóða til fjölda
áhugaverðra viðburða í maí í HR við Nauthólsvík.
Kynntu þér dagskrána á www.hr.is/td
ICE-TCS (Þekkingarsetur HR í fræðilegri tölvunarfræði):
30. apríl, kl. 13:00 –18:00
Afmælisráðstefna í tilefni 5 ára afmælis ICE-TCS
Meðal fyrirlesara: Luca Aceto, Magnús M. Halldórsson, David de Frutos
Escrig og Carlos Gregorio Rodriguez.
CADIA (Gervigreindarsetur HR) og IIIM (Vitvélastofnun Íslands):
1. maí, kl. 13:00 – 16:00
Bílskúrsgervigreind | Byrjendanámskeið
15. maí, kl. 13:00 – 16:00
Bílskúrsgervigreind | Framhaldsnámskeið
Kennarar: Hannes H. Vilhjálmsson, Kristinn R. Þórisson
og Yngvi Björnsson.
ICE-ROSE (Þekkingarsetur HR í hugbúnaðarverkfræði) og Agile hópurinn:
5. maí, 7. maí og 12. maí, kl. 12:00 – 13:00
Hádegisfyrirlestrar
Fyrirlesarar: Marta K. Lárusdóttir, Margrét Dóra Ragnarsdóttir,
Pétur Ágústsson, Magnús Oddsson og Marjan Sirjani.
CADIA (Gervigreindarsetur HR):
14. maí, kl. 14:00 –18:00
Afmælisráðstefna í tilefni 5 ára afmælis CADIA
Meðal fyrirlesara: Hannes H. Vilhjálmsson, Kristinn R. Þórisson
og Yngvi Björnsson.
Tölvunarfræðideild HR:
18. – 19. maí, kl. 9:00 – 16:00
Kynningar á lokaverkefnum í tölvunarfræði
IGI (Icelandic Gaming Industry) og tölvunarfræðideild HR:
20. maí, kl. 14:00 – 18:00
Leikjadagur IGI og HR
Meðal fyrirlesara: Fulltrúar leikjafyrirtækja og vísindamenn HR.
Stærðfræðisetur HR:
26. – 28. maí, kl. 9:00 – 18:00
Alþjóðlega fléttufræðiráðstefnan NORCOM 2010
Meðal fyrirlesara: Magnús M. Halldórsson, Juhani Karhumäki,
Christian Krattenthaler, Nik Ruskuc, og Luca Q. Zamboni.
IIIM (Vitvélastofnun Íslands) og tölvunarfræðideild HR:
28. maí, kl. 13:00 – 17:00
Stofnsetning Vitvélastofnunar Íslands
Allt sem þú þarft…
Auglýsingasími